كووين ... والبطالة ..~

^^^

للجادين فقط .. هذي سيرتي الذاتية وهي مقدمة وجزء لا يتجزأ من الموضوع ..~

صباح الظهرية ..~

الله يسع ـد ظهريتكم بالخير والسرور ..~

بالله شباب بنات ماتعرفون احد عندو فيتامين واو وخاطره يوظفني

قصم قصمات العطالة والفظاوة خطر على المجتمع >>يعنني جبت ششئ جديد ..~

أصحى الصباح ألاقي امي صاحبة الضحكة الخجولة والكلمات الرنانة .. أقولها صباح الخير مامي تقولي لا تنسين الغدا دامك صحيتي سويه وانا بروح انام
وأنا اقولها ما ابغى طفشت كل يوم ادخل المطبخ الا اشووف نظراتها الحنونة وابتسامتها الجميلة >> اي هين الا اغير اقوالي واقولها ابشرري طال عمرك ياجعلني فدا لهالعيون وذلك لرؤويتي لعينيها الحمراوييتيين ويدها اللي ارتفعت من اجل ان تمسح بها شعري الجميل

يبدأ يومي العزيز بدخولي المطبخ اللي صرت أدخله أكثر من غرفة نومي .. واروح اغسل النحاس اللي صرت اغسلهم أكثر من يدي .. تصدقوون ترى وربي الصحون والكاسات احسهم صارو زي عيالي اذا طاح واحد ولا تكسر احس شئ جواتي تكسرر

الموهيم وبعد ما أقضي ظهريتي الجميلة بالمطبخ الاسترالي .. اي صح نسيت اقولكم
اني يوم ادخل المطبخ اتخيل اني مسافرة لدولة اوربية طبعا كل يوم أشكل مره سافرت فرنسا ومره ايطاليا ويعنني المطبخ هوا المطار وشوويا يوم أوصل المغسلة علشان أغسل اتخيل نفسي جالسة قدام شلال يصب المويا صب >> الله يستر على اللغة العربية >> بالله عمركم شفتو خيال خصب زي خيالي

ولما اجي ارفع النحاس اتخيل نفسي بمحل واختار ملابسي ..

واذا خرجت من المطبخ يعنني راجعة الفندق واروح انسدح على سريري واتخيل انو قدامي شباك كبير مفتوح على المحيط الهادي ..~

وطبعا مايخرجني من قمة أفكاري الخونفشارية الا صوت الغسالة اللي نسيت الموية حقتها مفتوحة

وبعدها افتح اللاب واقرأ البارتات بما انو امي نايمة استغل الفرصة .. والله يسامحهم الكاتبات الا يدقوني بالكلام .. كاسرة وعملها الراقي بشركة كبرى يانفووسة حرام عليكي ما استمتع بالبارت من كثر ما اتخيل نفسي مكانها بالشركة ..ولا عفرا اللي تخلت عن حبيبها من أجل الوظييفه >>يحياا العدل والله من جد عفوور حبيبتك مرره حسيتك جزء لا يتجزأ من كياني >>مشكلة اللي يفسر الرواية على كيفه

... ولا ضمني الحبيبة يوم تتكلم عن ملوك وعملها بالمستشفى تجعلني أسبح بأفكاري واغطس فيها وأعصب وأقفل اللاب عندما أنظر حولي وأرى أني مازلت كووين العاطلة


ويوم من الأيام وأنا في قمة أفكاري الخونفشارية الا جوالي يدق وانا اقول يــارب ايش ذا الصوت نسيت انو نغمة جوالي من كثر ما الجهات الحكومية والشركات الكبرى يدقون عليا

وأرد على المكالمة الا تطلع وحدة من صاحباتي تسألني سوعال قانوني وأقعد متنحة .. واقولها ذحين امي تناديني ادق عليكي بعد شوويا >> احلى تصريفة ماتدري المسكينة انو اول شئ خطر في بالي يوم خلصت سؤالها هوا عدد البطاطس اللي حطيتها اليوم في الغدا

واسبح في خيالاتي وافتكر لو حصلت مشاداة كلامية بين البطاطس والجزرة في القدر وتضاربو ووحدة منهم كسرت راس الثانية وتوفت هل يعتبر القتل عمدا ً ؟؟~

شوويا وافتكر الدكتور حقنا يوم يقول ننظر للأداة المستخدمة .. اذا كانت اداة حادة تستخدم للقتل هذا قتل عمدا .. طيب البطاطس قطعتها بالسكينة وهيا أداة حادة .. ووووي لااااااااا يعني أنا قااتلة عمدا

وااامعتصماااه ... وانهاية شبابكي العظيم والممتلئ بالانتصارات والبطولات العظيمة ... نهاية عمرك ياكويين يحكم عليكي بالقصاص .. وتضيع أحلامك ويتيتمون عيالك (الصحون والكاسات )
وأهليك يصابون بالجووع والتشرد ... ماعندهم احد يطبخ لهم ولا عندهم احد يتصبحون ويتمسون بوجهه كل يوم

واللاب توب حشاشة جوفي يبعونه بالحراج اللي صفحات البحث عن وظيفة تفوق صفحات مذكرات حياتي .. تصدقون مره من المرات دخلت قوقل كتبت وظيفة رد عليا وقالي عساكي اللي موب قايل الحين انتي ما تملين كل يوم تزوريني تسألين عن وظيفة لخشتكي .. صابني انهيار عاطفي لإني كنت متخيلة انو قوقل يحبني ويكون فيه مشروع زواج مستقبلا


الا على طاري اللاب توب .. والله إني أحب الخميس والجمعة أكثر من نفسي على الأقل اشووف بني آدمين متصليين مو أيام الأسبوع غصب يذكروني اني فااضيه كوولهم اوف لاين اللي نايم عندو مدرسة واللي مشغول يذاكر واللي دوبه راجع من الجامعة هلكان يبغى يأخذ قيلولة .. لدرجة اني فكرت أغير برمجة الماسنجر وأخترع ماسنجر يطالب بحقوق الأعضاء >> ممسوح مخها من كثر مواد الحقوق اللي درستها

>> ايوا صح اللي بطالية زيي تديني ايميلها >> شااب دوبه تعلم يعاكس

اي صح على طاري الحقوق >> تصدقوون درست جميع أنواع الحقوق مدنية وتجارية ..الخ .. الا حقوق العاطلين ما درستها امممم يمكن لانو مؤلفين الكتب ما اتوقعو انو في احد ممكن يكون عاطل مثلي :) صدق مين قال العلم نور والجهل ظلام والبطالة ضيااع ..

واحيان انضرب على راسي و أمسك الريموت واقلب القنوات الا اشوف نانسي واليسا يتراقصوون ...
وهنا اتذكر المأسااااه الحييين اللي وظفكم ليه ما يوظفني عادي لو رقاصة ماعندي مانع بالرغم من عدم امتلاكي تلك المواهب المنفخة هههه >> امزح ترى لا يجي احد يقوولي مالقيتي الا رقاصه ..~

وفي عز افكاري ما أسمع الاصوت صفارات الإنذار تعلن وقت تحضير العشاء ..
كوووووين >> ياذا الصوت الشجي عرفتو صوت مين هذا صووت الوالدة العذب تدعوني لإعداد وجبة العشاء
يالليل دووبهم متغدين ليش يتعشون ما يسمعون بالرشاقه ..~

هذه قصة حياتني اليومية كل يوم زي اللي قبلو ...~
اعذروني سنتوقف هنا فالوقت داهمنا اقصد صوت الوالدة الشجي يقولي قوومي ركبي الغدا ماشبعتي من ذا الجهاز