تدرين شبيهة القمر انج جيتي على الجرح وكل صورة لو بروحها لها حوار ونقاش له اول ماله تالي على العموم تسلمين على الموضوع الحلو وفكرتج رائعة أنج حطيتي صور كاريكتير لان عن جد شر البلية ما يضحك


--- الصورة الاولى --- واقع محزن للشباب اليوم يعني أول نروح السوق أوكي نشوفهم لابسين بنطلون بس اللحين اللهم يا كافي الشعر واقف على طول متر فوق رأسة وطبعا غير اللبس الغريب العجيب والالوان اللي ممكن
الواحد ينعمي منها اللهم أصلح شباب المسلمين يارب ---


--- الصورة الثانية --- أيام أول أبوي يقول كنا من نشوف الاستاذ انحشنا على الصف ولا إذا شفناه برى المدرسة من كثر ما حنا نحترمه ونهابه
ما نخليه يشوفنا أما اللحين الطلاب زين ما يكفخون المدرس إذا قالهم قوموا جاوبوا بس واللسان اللهم يا كافي شطوله على المدرس كنا أصغر عيالهم ---


--- الصورة الثالثة---طبعا مو الكل حياتهم تختلف عن أيام الخطوبة لان في أوزاج ربي هاديهم ---


---الصورة الرابعة --- المضحك المبكي طبعا هذا من اهمال بعض الامهات يعني طفل ممكن يكون بالمهاد وهو مقطوط عند الخدامه ليش والله ما يخليني انام زين ولا زوجي ما يحب ازعاجه ,, ويجيك الطفل الكلام مكسر ومع هزة الرأس تربية خدامة بعد ما يلام ولا يسوي أشياء غريبة مثل حركة المسيح في صلاتهم طبعا كله من الخدامات وأنه يحس أنها هي القدوة له واي شيء تسويه صح ولازم يسوي مثله ,,,



سوري هذرت واجد