بسم الله الرحمن الرحيم
عدت والعود أحمد ... متخمه بالكثير هاهنا يانساء العبق ورواده
|
اقتباس :-
|
هلا والله كريستوا
منوره الصالون الادبي
|
هلا بتفاحتي .. مشتاقه لك وأكثر يالغاليه ..
|
اقتباس :-
|
كلمات وعبري عنها بكلمه واحده
|
أوووكي .. ولايهمك .. أعجبني هالشي لأن أحيان كلمه وحده ممكن تحوي داخلنا
كميه مشاعر ماراح نتقن عزفها بكلماات
أفتقده
الجنه
النبض
|
اقتباس :-
|
تفاحة فواحة>انا
|
أفلاس
مستقبل
وقت
خدعه
مدينه
|
اقتباس :-
|
كريستو تكلمي لنا عن طفولتك ؟
|
أممم .. طفولتي الشئ ألي أحس فيه لازال يحتوي نكهة وطعم أحلام للحين تعيش فيني
مانتهت .. تصدقين تفاحه لما أتذكر هالطفوله أحس أن الزمن كله تغير .. وأقول بنفسي ليتني
ماكبرت .. ليت كان لنا الحق نعيش الأبديه في هالطفوله .. في طفولتي ماكان بينا شي نتواصل
فيه عشان هالشي أطلع من بيت أبوي أنا وخواتي لاصارت عندنا عزيمه وندور في ديرتنا
نطق على جيرانا الباب ... وأذا أنفتح الباب سواء بزر ولا رجال كبير أو حتى حرمه نردد الكلام
ألي أمي تاخذ ساعات وهي تردده علينا ( حياكم الله على العشا في بيتنا العود ) ... ونهج
من قباله نضحك ونشوف من ألي بيسبق الثاني للبيت الثاني ويعزمه ...
في هالطفوله .. لاحان وقت العشا أخذت أمي من عشاها وحطته بقدر وخلت أخوي يرسله
لجارتنا ...
في هالطفوله حتى أيام الشتاء غييير .. من نسمع أن هبوب هالشتا لفت علينا تبدى الأمطار
والغيوم لين ينتهي الشتاء والأجواء خيال ... ربي مبارك في هالأرض ألي عايشين فيها ونفوس
أهلها الطيبه .. مانشوف عين الشمس ألا فالأسبوع يوم أو يومين .. بيتنا كان أبوي محاوطه
كله بلمبات دائريه من الصدح لحد سور البيت .. عمره مافكر يشغلها هههههه ... والفاجعه
لنا أيام يوم حنا صغار أنه أمطرت بقوة في يوم وقامت تتكسر من قو البرد والمطر .. فتحنا الباب
من الخرعه ومعي أخوي ألا الحوش كله زجاج .. أنكسرت هاللمبات ألي ياكثر ماتمنينا نشوفها
بليله مشتغله تنير بيتنا ... !!
طبعا من كثر السيل يصير يمشي من برا بيتنا ويدخل على حوشنا ماشي ولا نقدر نمشي فيه ..
عاد من كثر البرائه ألي فينا أنا وأخوي العود ومن كثر ماحنا متأثرين بأفلام توم وجيري والقط الوردي
غايب عن بالي أسمه .. أرسله يدور لنا عصا ثنتين بعدين لاجابها أسحب من فرشه بيتنا
خيط ألا غصب أطلعه ..وأربطها بعصاه وعصاي وبدون ماحد يدري أطلع أنا وياه للحوش
ونقعد قبال هالسيل على أنه بحر ونصيد سمك ... ههههههههههههههههههههههههه ..
رابطين بأخر الخيط ألي بالعصا قطعه خشب صغيره ... ولاركبت على قطعه هالخشب حشره
ولا جراده قمنا نصارخ على أننا صدنا سمكه ...
أيام ياتفاحه ليتها تعود .. بكتفي هينا أحس الحنين لهالطفوله ذبحني ...
|
اقتباس :-
|
افلام الكرتون المفضلة لديك؟
|
توم وجيري .. ليدي ألي هالحين مستححيييل أتفرج عليه من كثر ماقطع قلبي وأنا صغيره ...
نواره .. كل عصر نتهاوش على الوقت ألي يجي فيه ومن يقعد قبال التلفزيون بالأول
وداعا ماركووو .. هههههههههه شي ثاني
|
اقتباس :-
|
الاكلات المفضلة لديك وانت صغيره؟
|
كل شي من أيدين أمي حياتي أحبه وأموت فيه
|
اقتباس :-
|
احلامك وانت صغيرة؟
|
أصير ولد وأكسر راس أخوووي
كان الطب .. بس وقفت لنا مديرة المدرسه الله يسهل لها طريقها ويسامحها ..
دمرت فيني وفي صديقاتي أكبر حلم كنا نجاهد عشانه ..
ولاشي حاليا
|
اقتباس :-
|
موقف محرج ومضحك في نفس الوقت حصل لك؟
|
والله مايحضرني شي
|
اقتباس :-
|
من هي تفاحة بنسبة لك؟
|
تفاحه أكيد تعرف من هي بالنسبه للكريستال .. يكفي أنها راسخه في ذاتي
وأكتفي بالأبتسامه لامر أسمها علي ..
|
اقتباس :-
|
شكرا كريستوا واعتذر على الاطالة
|
تفاحتي أسعدتيني يالغاليه وربي ... جعلني ماعدمك
30-03-13, 01:43 AM
رد: صالون عبق الروائع الادبي.. يستضيف الكاتبة المبدعه .. #الكريستال#
جديد مواضيع قسم روائع من عبق الرومانسية
العرض العادي
