كاتب الموضوع :
هبـه الفــايد
المنتدى :
روائع من عبق الرومانسية
اقتباس :-
المشاركة الأصلية كتبت بواسطة ام سلمي  |
السلام عليكم ورحمة الله
مرحبا انا عدت بعد الفاصل
نبدأ الاسئلة
**شخص اثر في حياتك ولا تنساه ابدا؟
**شخص في ليلاس تتمنى ان تجري معه حوار ؟ولماذا؟
**مواصفات شريكة الحلام تبعك؟هل تريدها ان تكون مثلك تحب القراءة والكتابة؟هل سوف تصارحها انك تكتب قصص وخواطر؟ولو كانت رافضة لذلك هل ستستجيب لها وتترك الكتابة؟
**هل تؤمن بوجود الحب في حياتنا عموما؟ولماذا؟
اكثر شيء تكرهه عندما تعامل شخص ما ويظهر في سلوكه؟واكثر شيء تحبه؟
**صفات تكرهها عموما وصفات تحبها؟
يكفي هذا الان
فاصل ونواصل
سلام وفي امان الله
|
مرحبا بك بعد الفاصل ام سلمى
نورتيني تاااااالت و رابع و عاشر
على بركة الله ..... احلى اجابات ليكي ياستي :
1) الشخص الذي اثر في حياتي و لن انساه ابدا هو بالطبع والدي ...... هو اكتر انسان علمني مثل و قيم بتمثلي منهج حياة بمشي عليه و ان كنت بحيد عنه في بعض الاحيان ...... لكن دا في استثناءات معينة ...... علشان كده بتمناله الخير في الدنيا و الاخرة و اسأل الله له طول العمر في طاعة الله كما تعودنا منه .
2) مايا مختار ....... مش عارف نفسي اعرفها اكتر ..... حاسس انها شحيحة في التحدث عن نفسها ...... علشان كده نفسي اعمل معاها لقاء حصري , كمان نبع الحب و الاستاذ مصطفى ...... نفسي اتكلم معهما بحرية ...... ان شاء الله تتسنى لي الفرصة .
3) مواصفات فتاة احلامي ..... اممممممممممممم ...... طيب بالنسبة للمواصفات الشكلية تكون مريحة المنظر بس مش شرط يعني تبقى ملكة جمال , ماهو العبد لله كمان مش ملك جمال يعني , و كمان مش شرط ارجع الاقي طلعت الغفير مستنيني بابتسامته اللزجة .......... بالنسبة للمواصفات الشخصية ..... طبعا تكون متدينة , نفسي احفظ انا و هي القرآن او تحفظني هي القرآن , نفسي تصحيني الفجر بابتسامة و تقولي قوم صلي , نقعد مابين المغرب و العشا نتكلم عن صحابي معين و نعرف عنه اكتر , زيارتها لاهلي تكون محببة لقلبها و انا كذلك , نفسي لما تغضب متتعداش حدود الزوجة الصالحة , يعني تكون مسلمة صحيحة حتى في غضبها , نفسي متنظرش لزينات الدنيا عمال على بطال و انا مش هبقى بخيل معاها , لكن عاوزها تبقى زوجها تقدر اللي بيعمله زوجها علشانها حتى و لو كان زهيد , عاوزها توحشني لما تسافر و اوحشها لما اسافر , ابتسامتها تكون دايمة على وجهها علشان لما تختفي ابتسامتها للحظة اسألهل بقلق مالك و يكون فيه بينا المودة و الرحمة اللي كلمنا عنها ربنا , بحلم بجنة و حورية في بيتي , بحلم بطاعة مشتركة لربنا يتخللها مداعبة و حب في الله واحترام متبادل و ثقة و خلق ....... اللهم امين .
بالنسبة للكتابة ..... مش شرط تكون بتكتب بس على الاقل متكونش بتكره اللي بيكتب ........ و طبعا هصارحها اني بكتب .... ليه اخبي عليها .....
لو طلبت مني اسيب الكتابة و كانت زوجة ستمنحني رضا الله و جنته هسيب الدنيا كلها علشانها مش الكتابة بس ...... ايه الفايدة اني استمتع بهواية تزعج زوجتي في حين انها تحاول جاهدة ان توفر لي كل سبل الراحة ( عامل الناس كما تحب ان يعاملوك ) فما بالكم بشريكة الحياة ...
4) طبعا الحب موجود في حياتنا و لكن بنسب شخصية ....... لكن احنا ساعات بننساه , يعني المفروض الحب ده يبقى اساس نمشي امورنا عليه ,,,,,, ما احلى الحب في الله يعني حب بلا مصالح , لكن للاسف كتير منا بيخللى الحب مصلحة حتى السبيل للزواج ...... لكن الحب الحمد لله موجود و بنسب كبيرة عند الكثيرين .
5) اكثر شئ اكرهه الخبث , و اكثر شئ احبه التلقائية في التعامل .
6) طيب .... الصفات التي اكرهها عموما هي الصفات الوحشة عند كل الناس : ( الغدر - الخبث - الكذب - الخيانة - ...... الخ ) ,,,,,, و اكتر صفات بحبها : " التلقائية - الصدق - الهدوء - الابتسامة - التفاؤل - الحب في الله ) .
اشكرك ام سلمى على الاسئلة الرووووووعة دي
و منتظر الدفعة القادمة باذن الله
تحياتي لسلومة بنت اختي ^_^
|
23-11-11, 08:10 PM
جديد مواضيع قسم روائع من عبق الرومانسية
العرض العادي
