كاتب الموضوع :
هبـه الفــايد
المنتدى :
روائع من عبق الرومانسية
اقتباس :-
المشاركة الأصلية كتبت بواسطة easeel  |
مساء الخير
كيفك يا عبد الله اليوم
روحت البيت ولا لسة القاهره منورة بوجودك
بص يا عوبد
هاقتبس من اجابتك على بيبو
5) الرواية الرومانسية التي كنت اكتبها صادفها اخر صدمة تعايشت معها فيما يسمى بعالم الحب ...... فقتلت ذلك الحب و محوته من قلبي و كرهت الرواية اللي شعرت فيها اني بكدب على نفسي و على اللي هيقراها .... لكن هذا لايعني اني لن اكتب الرومانسي بل سأكتبه و لكن كاحساس بالحلم و ليس تعبيرا عن الواقع .
هل معنى ذلك انك اصبحت غير مؤمن بالحب ؟
هل تعرضت الي صادمة عاطفية ولذلك اعتزلت الروايات الرومانسية ؟
ومعنى ذلك ايضا اننا مش حنقرا من ابداعك رواية رومانسية ؟
اي سؤال معترض عليه متجاوبهوش (فيسي الديموقراطي )
وده طبعا بسبب الاجواء الخالية من الديموقراطية
منور الصالون يا عبد الله
ليا عودة باذن الله
ده اذا ميضيقكش يعني
|
اهلا اهلا بأسييييل منورة ست الكل
انا في اسكندرية مؤقتا وراجع القاهرة ان شاء الله
وبعدين بقى ..... بقى انتوا هتخلوا من اجاباتي اسئلة ( احذر من النساء ) ....... ربنا يستر
اتفضلي يا اسييييييل
1) نعم بكل صدق و صراحة ...... لا يوجد ما يسمى حبا يسبق الزواج ..... انما هو حالة من الاعجاب المتزامن ...... قد يزول , قد يبقى , قد تختلف درجته ....... فالرسول صلى الله عليه وسلم يقول : " تنكح المرأة لاربع ....... " اى ان النبي العدنان اوضح لنا ان هناك مواطن اعجاب في المرأة قد تجذب الرجل لنكاحها اي زواجها ..... اي اننا نتحدث عن مرحلة اعجاب تسبق الزواج مباشرة ...... ثم ننظر لقول الله تعالى : " وجعل بينكم مودة و رحمة ...... " اي ان المودة و الرحمة بما تعني لنا سكينة الحب وطمأنينته تأتي في مرحلة تالية بعد الزواج ....... و لكننا نقع دوما في الخطأ ..... فالمعادلة عندنا ( اعجاب يتطور لحب و ينتهي بزواج ) اما المعادلة الصحيحة في ديننا الحنيف ( اعجاب يتطور لزواج ينتهي بحب و سكينة ) ...... و بالرغم من هذا نسميه حبا ....... مفهوم خاطئ مائة بالمائة اسيل .
2) حسنا لن اسميها صدمة فهي كلمة تهز الكيان ....... ربما تسميه اخفاقا او عدم نصيب ..... طبعا حاولت مثل رفقائي في الجامعة ان اتعرف على من ابادلها ( الحب ) و الحلم بالزواج و الاتصال بها لاطمئن عليها واتصالها بي لتستأذن كي تخرج مع صحباتها و رفضي بخشونة الرجل اللي بيغير على الحتة بتعته ( زي ماكانوا بيسموها ) و بعدين خروجها عشان كبريائها و اثباتها لصحباتها انها عندها كلمتها ( و تصفيق حاد للحتة اللي منفذتش كلام الحت ) ..... بصراحة كان كلام فارغ ..... يمكن علشان الحب في نظري بيعنيلي الكلمة يعني لما اقول لبنت ( بحبك ) دي بتساوي عندي وعد ليها ببذل الجهد لاكون زوجها ..... عشان كده اقسم بالله في كل محاولاتي لم اقل لبنت ( انا بحبك ) ولكن كانت كلمتي في كل اعجاب او حب لبنت ما ( انا معجب بشخصك و يشرفني الارتباط بيكي ) ...... طبعا مكنتش بقولها كده خبط لزق زي الاتوبيس السياحي .... لا فيه مراحل يعني بس ماشاء الله كلهم اتفقوا على كلمة واحدة كانت بتخرم ودني كل مرة ( عبد الله انت اخ و ....... ) اقولها ( بسسسسسس والنبي وصل اللي عاوزه تقوليه ..... تشربي كانز ؟! ) ........ و دمتم هههههههههههههههههههههههههههه .
3) مين قال كده ...... لا طبعا ان شاء الله هتقري ليا حاجات رومانسية ..... الكاتب لما بيكتب مبيعبرش عن مبادئ مؤمن بيها , لا , بيعبر عن مبادئ بيطبقها اللي بيكتب عنهم ,,,,, يعني مثلا انا لو كتبت قصة عن شخص طيب و ابن حلال بيحب بنت سلوكها وحش يبقى انا لو طيب و ابن حلال احب بنت سلوكها وحش ؟ ! ...... انا هكتب كحلم بالرومانسية اللي بحبها و واقع الرومانسية اللي بنعيشها بس ........ تابعي انتي بس و هتشوفي بلاوي رومانسية لاخوكي عبد الله .
بجد يا اسيل انا بعزك جداااااا و عندي اخت غالية اوي و زيارتك دوما بتسعدني ...... ايه ده ؟ اتضايق من زيارتك ؟ بتهزري ؟ ........ لالالالالا زعلان كده ..... طب ايه رأيك فاضلك 12 زيارة قبل انتهاء استضافتي .... خليهم 11 بس علشان الواحد ميملش خخخخخخخخخخخخخخخخ ....... نورتيني و تنوري اي وقت بس تسلميلى على الكتكوتة العسولة اسيل الصغنونة .
تحياتي اسيل ^_^
|
23-11-11, 03:10 PM
جديد مواضيع قسم روائع من عبق الرومانسية
العرض العادي
