السلام عليكم ورحمة الله
انا عدت
**نور بعد اعلانك عن انك تكتبي رواية هل زوجك يعرف انك تكتبين؟وما هو رايه لو يعلم؟
**كلمات ومعانيها عند نور
(الام..الاب..الاخ..الاخت..الزوج..الابناء..الحب..الاقارب والاهل..الوطن..الغربة..الكتاب في حياتك..)
**ما هي هوايات نور؟
**هل عندما تكبر بناتك هل سوف تتركيهم يقراوا روايات ام سوف يكون موقفك مثل ابيك ام ماذا؟
**نور هل تؤمن بوجود الحب في حياتنا؟
**ما هي طقوس رمضان عندكم في سوريا؟
*لا حظت في حوارك مع بيبو(امورة نجد) تتكلموا عن الليرة ممكن اعرف هي تساوي كام بالمصري ههههههههههه فيس فضولي
**نور هل تحبي المطبخ والعمل فيه؟
**نور اكلتك المفضلة ومكوناتها بد اذنك؟
**اشهر الاطباق في رمضان في سوريا؟
يكفي هذا الان ولي عودة مرة اخرى ان شا الله

زيزو حبيبة قلبي بالنسبة لليرة أنا راح أحول لك إياه للريال وهو الريال يتراوح بين 12.5 و13 ليرة تقريبا أيام زمان كنا نصرفه ب 14 وشوي لكن الآن انخفض ولا أعلم لو تغير بعد هالأحداث اللي صايرة بسوريا وعلى فكرة ومعلومة أخرى أحيانا الليرة السورية بيسموها (ورقة) بس القليل من أهل سوريا بيستخدموها وأنا لانه خوالي من دير الزور فهناك بيستخدموها كثيييييير ماأدري نور بتستخدموها أحيانا وإلأ لأ

**نور بعد اعلانك عن انك تكتبي رواية هل زوجك يعرف انك تكتبين؟وما هو رايه لو يعلم؟
نعم بيعرف والحمد لله انا صريحة ما بخبي شي ابدا هيك اريحلي

**كلمات ومعانيها عند نور أنا حخبرك حبيبتي رغم انو المعنى الاسري شوي غايب عنا
الام : الله يكسبني رضاها
الاب : آه جيتي على الوجع بابا توفى من سنتين ونصف ولهلأ مو قادرة اتحمل غيابه كان هو الطرف الحنون
والمتفهم اكثر من ماما وكان اله تأثير كبير بحياتي اكثر شي بخفف من الم فراقه انه اخر كلمة قالها لي
الله يرضى عنك وتصوري لما كنت بضعف او بمرض هو يلي كان يعتني بي
الاخ : غائب بحياتي كل واحد بديرة
الاخت : ما بقدر احكي الا انها بعيدة كثيير بحاكيها بس للأسف الظروف بعدتها
الزوج : هو الاخ والصديق والسند
الابناء : نور حياتي
الحب : ياه للحب وجوه كثيرة
الاقارب : بعبدين كل مين ملتهي بحياته
الوطن : الأمن
الغربة : مرة
الكتاب في حياتك : صديقي الغالي ما افارقه ابدا

**ما هي هوايات نور؟
القراءة الكمبيوتر بحب الرسم وماهرة فيه بحب المشي كنت بحب العب لعبة sims بس هلأ ما في وقت

**هل عندما تكبر بناتك هل سوف تتركيهم يقراوا روايات ام سوف يكون موقفك مثل ابيك ام ماذا؟
اكيد اصلا انا من هلأ بجبلها لرنيم الغاز وما بتوقع اني امنعها بس ممكن اثناء الدراسة اخليها تخفف
حتى نسرين لما بتشوفني بقرأ بتاخذ رواية ثانية وبتقعد تقرا هههه بتعرفي امي كانت تقرا مثلي وامها لما
اتزوجت عبتهلها كل القصص والروايات وروتهم من الشباك منهيك استغربت انها ما قدرت شعوري انا ما بدي اخنق بناتي بعطيهم حريتهم بس تحت اشرافي وعيني


**نور هل تؤمن بوجود الحب في حياتنا؟
ما بتصور وجوده بحياتنا الشرقية الا نادرا ولأن الحياة همومها كبرت وتربية الاولاد صارت اصعب من الاول ممكن تكون موجودة بين اثنين مخطبوين بس لما يتزوجوا شوي شوي الدنيا بتغيرلهم حياتهم
على فكرة عنا ثلاث زيجات بالعايلة كانت عن حب بس للأسف كلها فشلت

**ما هي طقوس رمضان عندكم في سوريا؟
عندكم بمصر احلى من عندنا يعني الفطور منصلي المغرب منرتاح شوي ورأسا صلاة العشاء والتراويح بعدين الفواكه والحلو بعدين اما بتصير سهرات او الناس بتروح للمطاعم بتسهر ولا تنسي الاركيلة
مم والسحور في مطاعم بتعمل اجواء رمضانية طرب اصيل وحكواتي الشام او بتجي فرقة للمولد والابتهالات الدينية كل يوم اله برنامج مختلف

*لا حظت في حوارك مع بيبو(امورة نجد) تتكلموا عن الليرة ممكن اعرف هي تساوي كام بالمصري ههههههههههه فيس فضولي
ههه بتصورة الجنيه بساوي 9 او 10 ليرة سوري

**نور هل تحبي المطبخ والعمل فيه؟
بحب الطبخ وبقولوا انو طبخي طيب وبحب اشتغل فيه لحالي بحب الركونة وبحب اجرب اكل جديد
كل فترة

**نور اكلتك المفضلة ومكوناتها بد اذنك؟
انا بحب الملوخية ولأسباب صحية بخفف منها مممم نحنا ما منفرم الملوخية مثل مصر بس منغسلها بالنبة للفرز منقليها بالسمنة حتى تذبل ومنحطها بالفريزة او منجففها
طبخها على الاصول بينسلق لحمة شقف بعدين منقليها بشوية سمنة بعدين منضفلها اللحمة وشوي من مرقها ومنضيف الملح بس خفيف لأن المرق فيها كل النكهات اثناء السلق انا بعتني بالمرق لأنه بجيب نكهة مميزة للطبخ لما بتستوي منحطلها قبل خمس دقائق ثوم وكزبرة ومنكون قلينا ثوم مدقوق وحمرناه منحطه على وجه الملوخية اثناء التقديم وبالصحة والهنا

**اشهر الاطباق في رمضان في سوريا؟
الشاكرية , فتة المكدوس , المحاشي , الشيش برك , الكبب بأنواعها , الكبسة , اليبرق ( محشي العنب )
الأوزي ( رز وبازلاء باللحم ملفوف بلفايف العجين , الشرحات , السجقات , الأبوات , قتة المقادم ممممم في كثير كمان

يكفي هذا الان ولي عودة مرة اخرى ان شا الله

بانتظارك حبيبتي حأخذ فترة راح التقط انفاسي هههههه

انا حابة اعرف يعني من حشريتي بس منين بتحصلي على الروايات الجديدة
يعني انا انزلها مباشرة من الفورشيرد انتي بتحصلي عليها منين
وبتعرفي ان في رواية جديدة نزلت منين
جاوبيني يا شارلك هومز لان انتي اول وحدة بتشتم خبر النزول
سلالالالالالالامي
سوسو