المنتدى :
الشعر والشعراء
ودي آ فضفض بس وين التعابير
ايام رآحت بي ورآحـت علـى خيـر
مرت على عمـري مـرور"الثوانـي ْ~
ايام كانت غير .. فـي ذمتـي غيـر
احيت يباس عروق ذيـك المحآنـي ْ~
قبل الوداع ., قبـل طـوي المشاويـر
ماكنت احـس بقيمتـه لـو جفانـي ْ~
ويوم افترقنا ..والحزن جانـي امغيـر
عرفت وش معنـى ضيـاع الآمانـي ْ~
ماعاد لك ياحـزن.. حشمـه وتقديـر
من يوم جيت وجبت لي "جرح ثانـي ْ~
وماعاد بيـدي شـي.. دام المقاديـر
وفـت وعدها..وسلبتنـي زمـانـي ْ~
سيلـت بفراقـه دمـوع المعـاذيـر
حتى خشـع مـوج "الغـلآ" للموانـي ْ~
ومديـت للقيـا كفـوف التباشـيـر
ومدت لي الفرقـا كفـوف التهانـي ْ~
ودي آ فضفض بس وين التعابيـر؟!
ودي اعبـر بـس وين المعانـي؟! ْ~
حاولت ابـرر صمتـي بـأي تبريـر
وعجزت آبرر صمتي اللـي غشانـي ْ~
ياصمتي اللـي مالقـا لـه تفآسيـر
ليـت الـذي وداه.. يمـه خـذانـي ْ~
ياحيله الله وش بقا؟! وش يبي يصير؟!
دام المكـان اليـوم مآهـو مكانـي ْ~
الغيت من بعـده جميـع المحآذيـر
وارخصت عمري دام هالعمـر فانـي ْ~
بعده.. تراها تهون كـل المخاسيـر
يعني وش اكبر من خساره كيانـي؟! ْ~
لو قلـت مآل لبعـده الـيـوم ...تأثـيـر
تفضحني عيوني.. ويكـذب لسانـي ْ~
لكن تركت له هالقصيده علـى خيـر
يمكـن يحـس بضيقتـي .. لاقرانـي ْ~
|
06-10-10, 01:19 AM
جديد مواضيع قسم الشعر والشعراء
العرض العادي
