@بعد مرور ست سنوات@
في احدى بيوت الكويت
غرفة ليان : لك يا عيني من كثر قلبي مو قادر على حمله
احتاج لحبك عشر قلوب ويمكن لا
انا احبك لا اودك ولا مغرم ولا اي احساس
احتاج لكلمة حب جديدة مامرت على كل الناس
في قربك في بعدك شفت حبك شموي فيا (كلمات اغنية عشر قلوب لتركي )
ليان قاعده تسمع على الاغنية وترسم وهي تحب ترسم المناظر الطبيعية وهي ناوية إذا تخرجت من الثانوية تدخل فنون جميلة عشان تنمي موهبتها وهي الحين عمرها 16 سنه
وليان بنوتة حلوه دبدوبة حبتين وطويلة ووجهها طفولي عيونها وساع ورموشها طويلة وكثيفة ولون عيونها عسلي فاتح وكانها مكحلة وخشمها صغير ونحيف وخدودها حمره وهي بيضاء على حمار وشفتها وردية
بس بارزه شوي علشان التقويم اللي حطتها على اسنانها وهي مخبية عيونها بنظارات الطبية عشان عندها قصر نظر وهي رافضة فكرة انها تلبس عدسات لانها خايفة تلبسها وهي مرحة وحبوبة ورمانسية وحساسة مره
ولكن فيها عيب واحد ان احد غلط عليها او جرحها لا يمكن تسامحه مهما يصير
بعدين تركت الرسم وسرحت في فارس احلامها تتخيل في يوم من الايام انه ممكن يلتفت لها ويكلمها او انه يحس بها ويحبها زي ما تحبه وفارس احلامها هو خالد سعود وهي تشوفه يجي مع وحد عشان ياخذ اخت صديقه بعد
ما يطلعون من الكلية وصديقه هو عبدالرحمن لان كان ماعنده سيارة فكان خالد منتكفل به ياخذه ويجيبه من الكلية هو اخته وهو ساكن قريب منهم وخالد يدرس في كلية الطب وهو عمره اللحين 21 سنة وناوي بعد كم شهر يسافر
برى عشان يكمل دراسته في كندا تخصص جراحة قلب وخالد احتفظ بكل ملامحة بس طول عن طولة السابق وصار جسمه رياضي ومعضل وحط له سكسوكة خفيفة وطالع شكله حلو ورزه وبعدين فتحت ليان دفترها وقعدت ترسم
شكله لان شكله كان محفور في راسها عشان كلما اشتاقت تشوفة تفتح على الرسمة وتشوفه وتدخل في احلامها الوردية وتتخيل انه راح يجمعهم بيت واحد في المستقبل وهي ما تدري وش
يخبي لها المستقبل .
>>>>>>>>>>>>>>>>>>>>>>>>>>>>>>>>
في بيت سعود
العم (ابو نوال): يحاول يقنع سعود انه يتزوج مره ثانية لان العم حاط عينه على وحده ويبغى سعود يتزوجها وسعود معاند ولا يبغى يتزوج مره ثانية
سعود: الله يهديك يا عمي ما تمل من كثر ما تفتح الموضوع وانا دايم اقولك لا مستحيل اتزوج مره ثانية يا عمي ارجو افهمني الله يخليك
العم : انت الله يخليك اسمعني الى الاخر
سعود: طيب انا اسمعك يا عمي ما يهون علي اني اكسر كلمتك
العم : طيب اسمع انت ادرى ان ولدك راشد كبر وقام يسأل اسئلة كثيرة
سعود : وش الاسئلة اللى يسالها
العم : ليش انا ما عندي امي مثل اصدقاي
سعود : متى قالك هذا الحكي يا عمي
العم : امس قالي وما عرفت انام كسر خاطري مره وهويبكي ويقولي انه يبغى تكون عنده ام زي باقي الاولاد لازم يا سعود تفكر في الزواج عشان راشد ولدك وانت عارف انه اخوه خالد مسافر يدرس برى وهو متعلق باخوه مره
ومن يوم ما عرف وراشد منطوي على نفسه ودايم سرحان ومره طحت عليه وهو يبكي ويوم سالته وش فيه قال ان خالد ما يحبه وانه راح يترك مثل ما تركته امه ويقول انهم ما يحبونه وانا فهمته وقلتله وسكت وما ادري هو اقتنع بكلامي
ولا ما اقتنع بس هو حزين مره وقعدت افكر وما لقيت الا حل واحد وما في غيره الا وهو انك لازم تتزوج وهذا هو الحل الوحيد في نظري
سعود: طيب تزوجت وصارت اللي تزوجتها قاسية على ولدي وش اكون استفدت من زواجي وفي هذي الحالة راح يتعذب اكثر من هو متعذب اللحين
العم : من هذي الناحية تطمن انا عندي المره المناسبة لك بس ان وافق
سعود وهو يضحك : يعني يا عم طابخ الطبخة وحاط عينك على الحرمه ومختارها ومخلص طيب هي مين سعيده الحظ
العم : تعرف صديقي فهد
سعود : اي اعرفه بس الي اعرفه انه ما عنده اخت في سن الزواج
العم : لا هي ماهي اخته هي تكون بنت اخت زوجته وهي تراها ارملة وعندها بنت وحده بس وعمره بنتها 16 سنه بس هي ما عرف عمرها بس شكلها صفيرة
سعود : ماهي مشكلة كبيرة ولا صغيره تتوقع انها توافق
العم : نجرب ما راح نخصر شئ بس تراها كانت عايشه وهي وبنتها في البحرين وبعد وفاة زوجها انتقلت الى الكويت عند خالتها وتراها من اصل بريطاني ومعها الجنسية البحرينية خذتها
بعد ما تزوجت ابو بنتها واسلمت وغيرت اسمها على حسب ما سمعت من فهد زوج خالتها وهي عايشه معهم من 6 سنوات و ولدك راشد متعلق بها مره وفببنتها
سعود : وش عرفه راشد بها
العم : انا اخذه مع اذا رحت ازور فهد وهو تعلق بها لانها حنونه معه وتلعب معه هي وبنتها ويدلعونه دلع وهو عندهم ومره قالي انه يتمنى انه ام ليان تكون امه وليان تكون اخته
سعود: ما ادري وش اقولك يا عمي
العم : مابغى تقولي الا انك موافق بس
سعود: لكن يا عمي
العم : لا لكن ولا شئ فكر زين وقلب الموضوع في راسك وبتعرف انه معي حق وانه ولدك محتاج لام وما في احسن من ام ليان لان ولدك محتاج للعطف والحنان والحب وما راح يحصله
الا عند ام ليان
ودخل خالد وهم يتناقشون في الموضوع
خالد:السلام عليكم
العم وسعود: وعليكم السلام
خالد : اشوف عندكم اجتماع عسى خير ان شاء الله
العم : هوخير ان شاء الله
خالد : اجل ممكن اعرف السالفة اذا كان ما فيها لقافة
سعود : لا فيها لقافة ولا شئ وانت بتعرف الحين ولا بعدين
خالد :وش الموضوع خوفتوني
العم : لاتخاف ولا شئ يا ولدي بس انا عرضت على ابوك انه يتزوج وهو رافض
خالد : طيب ليش يا جدي تبي تزوج ابوي ما دام هو رافض
العم : قاله الكلام اللي دار بينه وبين اخوه والكلام اللي دار بينه وبين ابوه سعود
خالد:سكت شوي بعدين قال يبه جدي صادق انت لازم تتزوج
سعود: معقولة انت تقول هذا الكلام يا خالد
خالد:اي انا اقول لان على حسب كلام جدي انه رشود متعلق فيها وفي بنتها واي صح قد قالي رشود عنها وواضح من كلامه عنها انه يحبها مره
سعود : والله ما ادري وش اقول عطوني فرصة افكر
بس استمر ضغط العم وخالد على سعود لحد ما وافق ويوم درى راشد بغلى يطير من الفرحة
راشد :صدق يا بابا راح تتزوج من خاله احلام والله وناسه يعني راح تصير ماما احلام بدال خاله وقعد ينطط على الكنبة وهو مبسوط
سعود: اقعد رشود الله يهديك يمكن خاله احلام ما توافق
راشد قال بخوف : لابتوافق اذا قلت لها هي تحبني وما ترفض لي طلب
سعود يقول في نفسه : ان شاء الله توافق يارب لاني ما احب اشوف الحزن في عيون احد من عيالي وانا واقف اتفرج ما اقدر اسوي شئ.
>>>>>>>>>>>>>>>>>>>>>>>>>

في مجلس بيت فهد:
فهد: حيا الله من جانا تو ما تبارك المكان وش اخبارك وش مسوي واخبار عيال بنتك
ابونوال(عم سعود) : الحمدلله كلنا بخير وانتم وش اخباركم وش مسوين
فهد:الحمدلله
ابو نوال : شوف يا فهد من دون مقدمات انا جاي اليوم في طلب واتمنى ما تردني
فهد: اف يا ابو نوال تامر امر اذا كنت اقدر اساعدك ما بقصر معك انت صديق وعزيز على قلبي وبحسبت اخوي لي ما جابت امي انت تامرامر
ابو نوال : هذا العشم فيك يا فهد الموضوع ومافيه اني نويت اخطب لولد اخوي سعود
فهد : اخيرا وافق يتزوج والله ما بغى يسويها وطيب انا وش المطلوب مني
ابونوال : انا بغاك تتوسط لان العروس من طرفك
فهد باستغراب : وش تقصد ان العروس من طرفي ليش ان اعرف اهلها
ابونوال : لا انت تعرفها
فهد : انا اعرفها من هي
ابو نوال : ام ليان بنت اخت زوجتك
فهد بمفاجاه : ام ليان
ابو نوال :اي ام ليان ليش متفاجه عسى ما يكون عندك مانع
فهد :لا المسالة مو كذا ولكن فاجاتني بطلبك
ابو نوال: انا دري اني فاجاءتك بطلبي بس انت تعرف ام ليان انسب وحده لظروف ولد اخوي وعياله وظروهم نفس ظروف بعض وهو محتاج حرمه تسانده في حياه زي ما ام ليان محتاجة لرجال في حياتها يكون سندها هي وبنتها
وبعد هي وبنتها يحبون راشد ولد بنتي وهو يحبهم بدوره ياليت تساعدني عشان نتقنعها توافق تتزوج من سعود ها وش قلت يا فهد
فهد:والله ما ادري يا ابو نوال انت فإجاتني بطلبك واتمنى اني اقدر اساعدك واقنعها بزواج من سعود لان سعود نعم الرجال وما ينعاب ولا ينرد وانا اعرف اخلاقه زين واعرف انه بيحطها بعيونه هي وبنتها انا بكلمها واحاول اقنعها عساها توافق
وتقتنع انها تتزوج مره ثانية ان شاء الله
ابو نوال : الله يسمع منك وان شاء الله توافق يله انا استاذن اللحين
فهد: تو الناس يا ابو نوال اجلس شوي
ابو نوال : معليش يا فهد انا وراي مشاوير لازم اقضيها خلها مره ثانية ان شاء الله
فهد: ما دام عندك شغل انا اقدر اقول شئ
ابو نوال :فمان الله
فهد : فمان الكريم
ابو نوال : لا تنسى الموضوع اللي كلمته اسالها وعلمني
فهد : ان شاء الله بسوي اللي اقدر عليه وبكلمها واحاول اقنعها ان شاء الله
>>>>>>>>>>>>>>>>>>>>
في غرفة فهد وفاطمة :
فهد قاعد في غرفته يفكر كيف يفاتح احلام في زواجها من سعود
فاطمة : فهد وش فيك سرحان وقاعد تفكر من يوم طلع منك ابو نوال وهو وش قالك وخالك سرحان وتفكر كذا
فهد :لو اقولك وش كان يبي ما تصدقين
فاطمة : ليش وش كان يبي
فهد : يبغى يخطب احلام لسعود ولد اخوه ويبغني اخذ رايها
فاطمة :صدق والله هذي الساعة المباركة تتوقع انها توافق
فهد :راح نكلمها ونحاول نقنعها وان شاء الله لانه لا يمكن يعوض او ردته انتي تعرفينه انه نعم الرجال وما ينعاب والكل يشهد باخلاقه وفوق كل هذا ولده متعلق باحلام وليان ويحبهم مره
فاطمة: وانت صادق ان شاء الله توافق انها تتزوج سعود .
>>>>>>>>>>>>>>>>>>>>>>>
في مجلس سعود:
سعود : يا عم رحت وتكلمت مع فهد
ابو نوال : اي رحت وتكلمت معه وهو وعدني انه يكلم احلام ويقنعها انها توافق على الزواج لان من كللامه فهمت ان احلام مثلك اول كانت رفضة الزواج مره ثانية
سعود: انا حاس انها ما راح توافق من كلامك ولكن اتمنى اكون غلطان وانها توافق عشان راشد ما بغى تنكسر فرحة وياليتني ما ستعجلت وعلمته اخاف ما توافق
ابو نوال : تفاءل بالخير ولا تقعد تتفاول ان شاء الله توافق
وقعدو يتناقشون وهم ما يدرون ان في مستمع ثالث سمع كلامهم وودموعه مو قادر يمسكها إلا هو راشد وراح لغرفته يركض ودق على جوال احلام لانه هي معطيته الرقم
احلام : الو
راشد:خالة احلام
احلام :مين معي
راشد : انا راشد خاله احلام
احلام : هلا حبيبي راشد وش اخبارك وش مسوي وليش ما عاد تجينا لي زعلان علينا تعال ونراضيك
راشد : خاله احلام انا وقعد يبكي
احلام خافت : وشفيك حبيبي ليش تبكي
راشد : خاله احلام ارجوك لا ترفضين تتزوجين بابا الله يعافيك وافقي عشاني انا احبك واحب ليان واتمنى تكوني ماما وليان تكون اختي تكفين وافقي الله يخليك وافقي
احلام :انت وش قاعد تقول راشد انا ماني فاهمة شئ من كلامك وقام راسها يدور هو من فين جاب هذا الكلام وش سالفة زواجها من ابوه وش قاعد هذا يخربط
بعدين قالت شوف حبيبي بكلمك بعدين ونتفاهم اناوانت لاني من فاهمة عليك وانت قاعد تبكي يله سو اللي قلتلك عليه يله مع السلامة
راشد :طيب خاله احلام مع السلامة
>>>>>>>>>>>>>>>>>>>>>>>>>>>
في صاله بيت فهد : قعدت احلام تفكر في الكلام اللي قالها راشد وش قصده بالكلام اللي قاله
بعدين شفوها فهد وفاطمة في الصاله وحسو هذي هي الوقت المناسب عشان يفاتحونها بالموضوع ما دام هي لحالها في الصاله
فهد فاطمة :السلام عليكم
احلام : وعليكم السلام
فاطمة : وش فيك قاعده في الصالة لحالك وين ليان عنك
احلام : ليان في غرفتها تذاكر عندها امتحان
فاطمة :الله يوفقها ان شاء الله
فهد واحلام : امين الله يسمع منك
بعدين سرحت احلام في كلام راشد ولاحظت فاطمة ان احلام سرحانه
فاطمة : وش فيك يا احلام سرحانة وش اللي شاغل بالك
احلام : قبل ما تنزلون بشوي مكلمني راشد حفيد ابو نوال وقالي كلام ما اعرف من وين جايبه وكان يبكي والله كسر خاطر وضيق صدري بصياحه
فاطمة وفهد : سكتو وقعدو يناظرون بعض بعدين
فاطمة : هو وش قالك يا احلام
احلام : قعد يبكي ويقولي لا ترفضين ابوي ووافقي انك تتزوجينه وبعض كلامه ما فهمت لان كان يبكي وكلامه ماكان مترابط وما دري من وين جاب هذا الكلام
فاطمة : انا وعمك فهد نعرف ليش ومن مين جاب هذا الكلام
احلام : صحيح تعرفون من اللي قاله
فهد : تعالي المكتب معنا عنا نقولك وش السالفة حتى انا ابغاك في موضوع انا وخالتك فاطمة نكلمك فيه
احلام : خير يا عمي وش الموضوع
فهد : طيب نروح نتكلم في الموضوع في المكتب عشان محد يقاطعنا
احلام : تامر امر يله نروح المكتب
فهد وفاطمة : يله
دخلو المكتب وجلسو على الكراسي الموجوده في المكتب
احلام : يله يا عمي قولي وش الموضوع
فهد وفاطمة قعدو يطالعون بعض كل واحد يبغى من الثاني انه هو الي يتكلم وعرف فهد ان فاطمة لا يمكن تفتح هي الموضوع فتوكل على الله يله بقولها وامري لله والله يستر من ردت فعلها
فهد : السالفة وما فيها ان ابو نوال جاني اليوم عشان يخطبك لولد اخوه سعود ابو راشد
احلام بدهشة : نعم وش تقول عمي جاء خطبني انا
فهد : اي احلام انتي وشفيك مندهشة كذا
احلام : لان ما يدخل عقل وانت عارف يا عمي اني انا مستحيل اتزوج مره ثانية بعد وفاة ابوليان الله يرحمه لا يمكن
فاطمة : لا تستعجلي بردك يا احلام فكري زين عشان ما تندمي بعدين ما راح نبقالك انا وعمك طول العمر وهذي الدنيا حياة وممات
احلام : لا تقولي كذا يا خالتي الله يخليكم لنا بس زواج مره ثانية من سابع المستحيلات اني اوافق
فهد : ليش وانا عمك فكري زين زي ما قالتلك خالتك مو عشانك عشان بنتك وراشد
احلام : سرحت شوي وتذكر المكالمة والكلام اللي صار بينها وبين راشد
فهد : ها يا احلام وش قلتي
احلام : قلت لا يعني لا
فهد : طيب اسمعي بقولك شئ وبعدها انتي كيفك ترفضين او تقبلين و قالها الكلام اللي دار بينه وبين ابو نوال واللي قاله راشد لجده وفرحته يوم عرف ان ابوه ناوي يتزوجك وانك بتصير
له ام وبعد ما خلص حكي قال فكري زين يا احلام ترى سعاده طفل برئ بين يديك بس ذنبه انه تعلق فيك يتمنى تكوني امه استخيري وفكري في الموضوع على مهلك ما راح نستعجلك
وبعد شاوري ليان وشوفي وش بتقول وترى ابو خالد
احلام : مين ابو خالد
فهد: هو نفسه ابو راشد
احلام : هو له ولد ثاني
فهد : اي له ولد اكبر من راشد وعمره 21 سنه وهو بعد كم شهر راح يروح يدرس برى وترى ابو خالد دكتور جراح وله مستشفى وهو اخلاقه عالية ومثقف ويعرف ربه ارجو انك تفكري زين
وما ترفضينه يا احلام ترى الفرصة ما تجي في العمر الا مره وحده بس اغتنمي الفرصة ولا تضيعينها من ايدينك لان زي ماقالت خالتك ما راح ندوملك انتي وليان طول العمر
احلام : لا تقول كذا يا عمي الله يخليك ويخلي خالتي وخلاص راح افكر واستخير واستشير ليان ويكون خير إن شاء الله
خذت احلام تفكر وقعدت تقريبا اسبوعين وشاورة ليان وحكت لها اللي صار وقالت ليان لامها ان اي قرار راح تاخذه هي موافقة علي وبنهاية الاسبوعين احلام اعطت موافقتهاعلى الزواج من سعود لعمها فهد وقال لها انه ما راح تندم على قرارها ابداً
>>>>>>>>>>>>>>>>>>>>>>>

>>>>>>>>>>>>>>>>>>>>>>>
في بيت سعود : ابونوال : سكر سماعة التلفون البسمة شاقة وجهة شق
سعود : اشوف يا عمي ذي المكالمة خلتك مستانس اجعل دوم البسمة ما تفارق وجهك ابدا
ابو نوال : ما تبغاني افرح وانا سامع احلى خبر سمعته في حياتي
سعود : بشرنا يا عمي وش هذا الخبر
ابو نوال : هذا فهد رد علينا وقال ان ام ليان وافقت على الزواج
سعود : صدق والله الله يبشرك بالخير يا عمي والله اذا درى راشد راح يطير من الفرح
ابو نوال : متى نروح نخطبها لك رسمي
سعود : والله ما ادري يا عمي اللي تشوفه
ابو نوال : انت شوف متى تكون فاضي وانا اتفق ومعهم على الموعد
وتفقوا مع فهد ان يكون الموعد آخر الاسبوع وراحو لهم نهاية الاسبوع واتفقو ان الزواج يكون بعد شهر قبل سفر خالد بيومين عشان خالد يحضر الزواج واتفقو انه يكون عقد وياخذها معه بهد عشاء عائلي مختصر عليهم بس في بيت فهد
ولكن قبل الزواج بكم يوم تعبت خاله احلام وانجبرو انهم ياخرون الزواج لان خاله احلام مريضة بقلب وجتها جلطة في القلب ولكن الحمدلله خفيفة وعدت بس لازم تقعد اسبوعين في المستشفى
وسببها تأجل الزواج وبكذا ما قدر خالد يحضر زواج ابوه لانه اظطر انه يسافر عشان نراسته راح تبدا بعد ايام وما عاد يقدر يتاخر اكثر من كذا وسافر قبل الزواج و عشان كذا ما درت ليان ان فارس احلامها وحيبها اللي تفكر فيه ليل نهار ما هو الا ولد زوج امها
وانه صار قريب منها بالحيل
بعد اسبوعين : طلعت خاله احلام من المستشفى وتقرر انه يكون الزواج بعد اربع ايام تحت اصرار فاطمة انه ماله داعي يتأجل اكثر من كذا وتزوجو بعد اربع ايام وبكذا انتقلت احلام وليان الى بيت سعود وبعدها صار راشد ينادي احلام بدال خاله احلام (ماما احلام)
وليان بعد مده من زورج امها بسعود عرفت انه خالد حب حياتها وفارس احلامها هو ولده الكبير وصار راشد يحكي لها عن خالد ويوريها صوره معه وكل ما كان يحكي لها زاد حبها وتعلقها بخالد
وقعدت تبني عليه كل احلامها وامالها بس كانت صديقتها اروى في المدرسة وهي صديقتها من يوم ماجت الى الكويت وصارت صداقتهم قويه وما يفترقون عن بعض واسرارهم مع بعض
كانت تحذرها من الانجراف وراء احلامها ويمكن تكون هذي اوهام وانه ما يدري عنها ولا يعرف بمشاعرها له ابدا ولكن ليا ن بطبعها عنيده ما تسمع الى اللي براسها وما عليها من احد
بعد زواج سعود واحلام بسته شهور :
كانوا يتغدون
سعود: بغيت اقولكم ان ولدي خالد بيجي للكويت زيارة لان عنده شهرين اجازه وبيقضيها في الكويت
احلام : واالله الله يجيبه بالسلامة ان شاء الله
سعود : امين الله يسمع منك ان شاء الله
راشد : قعد ينطط في مكانه مستانس ان اخوه خالد بيجي وهو اشتاق له مره
ليان من يوم قال سعود ان خالد بيجي حست ان قلبها بيطلع من مكانه من كثرمايدق وخافت ليكون سمعو دقات قلبها وتقول في نفسها واخيرا بشوفك ياخالد وجها لوجه واكحل عيني بشوفتك
بعد عده ايام
في مطار الكويت :
وصل الارض الوطن وهو مستانس مره عشان يشوف ابوه واخوه وجده وهو اشتاقلهم مره وكان في استقباله ابوه واخوه راشد عشان يودونه للبيت ولاحظ على ابوه التفير وعلى اخوه بعد وشكل ابوي مرتاح ومبسوط في زواجه من ام ليان
ولاحظ ان نظرت الحزن اللي في عيون ابوه واخوه اختفت وهو اللحين يشوف بدالها نظرت فرح وطمانينه وراحت بال
سعود : حمدلله على سلامتك يا ولدي انت كيفك وش اخبارك عساك مرتاح
خالد : الحمدلله
راشد : خالد والله انك واحشني مره
خالد : وانا بعد اكثر منك يا رشودي
وقعدو في المشوار من المطار الى البيت يتكلم مع ابوه في دراسته في كندا بعدين وصلو الى البيت ودخلو الى البيت وراشد قعد يسحب يد خالد اللى الصاله عشان يعرفه على احلام وليان
في الصالة : كانت احلام مع ليان يستنون جيتهم من المطار وكانت ليان متوتره مره وفرحة انها اخيرا بتشوف حبيبها خالد وجها لوجه بعدين سمعوا اصوات ووقفو بعد ما قربت الاصوات ودخلو للصاله
الجميع : السلام عليكم
ليان واحلام : وعليكم السلام
سعود: هذي ام ليا ن احلام زوجتي وهذي اللي وقفه عندها ليان بنتها
خالد : كيفك خالتي عساك طيبه ومبروك على الزواج مع انها متاخره شوى
احلام : الله يبارك فيك لا هي متاخره ولا شئ حمدلله على سلامتك
خالد : الله يسلمك .كيفك ليان عساك طيبة
ليان بصوت واطي : الله يسلمك والحمدلله على سلامتك
خالد : الله يسلمك . وين جدي ابغى اسلم عليه
احلام : جدك في غرفته يريح شوي بعد الغذاء صح على فكره انت جوعان تبغلى احط لك غداء
خالد : لا يا خالتي انا شبعان كلت في الطيارة تسلمي ما ابغى شئ بس عن اذنكم بروح اسلم على جدي
الجميع : اذنك معك
احلام : ماشاء علي ولدك يا سعود الله يخليه لك ويخليك له ان شاء الله
سعود : تسلمي يا احلام على هذي الدعوة الحلوه
هو صحيح اللي بين احلام وسعود مو حب بس موده وعاطفة وتفاهم وهم راضين بهذا الشئ ومتفاهمين على هذا من البداية وبكذا كل واحد منهم مرتاح ومبسوط في حياته ويقولون الله لا يغير علينا
ويوم عن يوم زاد تعلق ليان بخالد واهتمامها بكل صغيره وكبيره بحياته وتقعد معه بالساعات وهو كان يقعد يناقشها في كل موضوع تفتحه معه وهو يحسب اهتمامها به اهتمام اخت لاخوها وما توقع شئ ثاني ابد
وما يدري انه تحبه وبعد ما قربت سفرت خالد قررت ليان انها لازم تعلم خالد اللي في قلبها وقعدت تفكر وشلون توصله حبها له ولقت الطريقة انها تكتب له شعر يبين له حبها له ولا قالت لصديقتها اروى عشان عارفة انها بتعارضها وليان خلاص ما عاد تقدر تحتفظ بحبها له
اكثر من كذا وهي ما راح تقدر اتشوفه الا بعد 4 سنوات لا لازم تقوله وهي عنيده لازم تسوي الي في بالها ولا تسمع الا لي في راسها
بعدين قعدت تفكر لا انا مقدر اخبي على اروى ما تعودت كذا لازم اقولها وخذت التلفون ودقت على اروى
ليان : هلا اروى كيفك يا توام روحي
اروى : اهلين انا بخير وانتي كيفك
وقالت ليان لروى وش ناويه تسوي
اروى: انتي انجنيتي وش تعترفين له وانتي ما تعرفين ان كان يحبك ولا تعرفين انتي ايش بالنسبة له يمكن بحركتك ذي تطيحي من عينه فكري زين ولا تتسرعين انا اخاف تندمين بعد كذا
ليان : انا بقوله انا ما عاد اقدر اصبر اكثر من كذا لازم يعرف اني احبه بس فكرت اكتبله شعر على بطاقة يبين حبي له بس من دون مااقولها مجرده ها وش رايك
اروى : انتي عنيده ما تسمعين الكلام سوي اللي تبينه ما عاد علي منك
وسكتت ليان وما اهتمت بكلام صديقتها وقعدت تفكر وين تحط له البطاقة
>>>>>>>>>>>>>>>>>>>>>>>>>>>>>>>>>>>
بعد مرور 4 سنوات
ليان بقالها كورس وتتخرج من الجامعة وراشد اللحين يدرس في متوسط وخالد بعد كم شهر راح يخلص ويرجع للديره بعد ما ياخذ شهاده في الطب وفي الاربع سنوات تغيرت ليان مره
صارت حلوه مره وكل من يشوفها ينبهر بجمالها اللي ما له مثيل وياكثر ما يخطبونها بس هي كانت ترفض بحجة الدراسة وكان كلما رفضت سعود كان يرتاح لان كان يبغاها لولده خالد
وليان صارت نحيفة وجسمها متناسق وشالت التقويم اللي في اسنانها وكمان شالت النظارات وصححت نظرها باليزك وصارت بمنتهى الجمال والنعومة والانوثة
>>>>>>>>>>>>
في يوم من الايا م وهم قاعدين يفطرون وبعد كذا يروح كل واحد لشغله
سعود : حبيت اقولكم ان ولدي خالد تخرج وانه بيرجع الى هنا
احلام : صدق مبروك يا ابوخالد على تخرج خالد وان شاء الله يرجع بالسلامة
سعود : الله يسمع منك وكمان هنته ليان وراشد على نجاح خالد ورجوعه للكويت
ليان: سكت بعد بعد ما باركت لعمها وما عاد علقت على ىشئ وصارت تسوي كذا كلما جابو سيره خالد تكون مستمعة فقط ولا تشاركهم في كلامهم وما علقت على جيت وكانت مو مهتمه ابد
>>>>>>>>>>>
بعد عده ايام
مطار الكويت:
خالد رجع للكويت وما علم اهله عن وقت وصوله عشان يسوي لهم مفاجاه بس علم صديقه عبدالرحمن عشان يستقبله في المطار وهو اللحين صار دكتور في جراحة القلب وراح يشتغل في مستشفى ابوه
بعد ما خلصو الاجرات
في سياره : عبدالرحمن : الحمدلله على السلامة يا خالد
خالد: الله يسلمك
عبدالرحمن : يااخي كل هذي غيبة والله وحشتني ومشتاقلك بقوه
خالد : وانا نفس شعورك والله يا عبدالرحمن
عبدالرحمن هذا صديق خالد المقرب وهوشاب طويل ونحيف وملامحه عادية وهو طيب وحبوب وراعي ضحك وسواليف وهومتخرج من الكلية الهندسة
وصلو لبيت خالد وقال خالد وهوينزل من السيارة يله عبدالرحمن انزل معي قعد شوي بعدين رح
عبدالرحمن : لا وش انزل انت توك واصل بعدين اجيك اوانت تجيني وثانيا انا عندي مشوارثاني بروح اقضيه
خالد : اجل انا ما اقدراقولك شئ الله معك يله مع السلامة
عبدالرحمن : مع السلامة بينا اتصال
خالد : وهويدخل البيت اوكي ودخل وراح الصاله لانه هو عارف انه زي هذا الوقت يكونون في الصاله يتقهون ودخل الصاله وما لقى الا ابوه وخالته احلام
خالد : السلام عليكم ورحمة الله وبركاته
سعود واحلام وهم متفاجاين : خالد
خالد : اي خالد وش فيكم متفاجاين وما رديتو السلام
سعود و احلام :وعليكم السلام
وجاء خالد وحضن ابوه بعد ما قام وحب راسه وحب راس خالته احلام
وقعدو يتحمدوله بالسلامة ويباركوله على تخرجه
خالد : اجل وين راشد وليان
احلام : كل واحد في غرفته فوق
خالد : اجل برح اسلم على جدي بعدين اروح لمهم ورح سلم على جده بعدين راح لفوق لغرفته راشد
في غرفته راشد : راشد قاعد يلعب بلاي شتيشن مع ليان وجت تلعب معه بعد اصراره عليها وكسر خاطرها وجت تلعب في غرفته
طق باب غرفته لراشد : قال راشد ادخل من غير ما يلتفت لان يحسبها سونيا جايبه له العصير لي طلبومنها
خالد : السلام عيكم يا اهل الدار
ولتفت كل من راشد وليان وقالو بصوت واحد : خالد
وقام راشد ركض لخالد فرحان برجعته وقام حضنه وتحمدله بالسلامة
بعدين التفت على ليان وقعد يناظرها وهويقول في نفسه مين هذه الحورية وهومنبهر بجمالها وقعد يهلل داخل نفسه
راشد : وش فيك خالد ما عرفت مين هذي موصح تغيرت مره
خالد بصدمه : هذي ليان
راشد : اي هذي ليان
وليان قطعت كلامهم وهي تقول بكل برود : الحمدلله على سلامتك خالد ومبروك على التخرج
خالد : الله يسلمك والله يبارك فيك وانتي وش مسويه في الجامعة
ليان : الحمدلله ماشية وهذا اخر كورس لي وتخرج
خالد :الله يوفقك وينجحك ان شاء الله
ليان : ان شاء الله عن اذنك خالد بروح لغرفتي
خالد : اذنك معك
<<<<<<<<<<<<<
وبعد ما استقر خالد فى الكويت ومر على وجوده فيها كم يوم لاحظ ان معاملة ليان له جافة ومتغيرة علية 180 درجة وتكلمه من وراى خشمها ولا تقعد معه لحالهم ابدا ولاحظ كم مره وهو يشوفها تناظره بعيون كلها حقد كره وهو مستغرب هو وش سوى لها
عشان هذا الكره كله وقال لازم اعرف وش فيها علي ولقى فرصة يكلمها وكانت بالصاله حالها ودخل وسلم عليها بعدين قال
خالد : ليان ممكن اتكلم معك شوي
ليان رفعت حاجبها باستغراب :تبغى تكلمني بايش
خالد : طيب ممكن اكلمك انا جايك بالكلام
ليان : تفضل قول وش عندك
خالد : انا بعد ما جيت من السفر حسيت انك متغيره علي انا وش سويت لك وكم مره لاحظت فى عيونك كره وحقد انا وش سويت لك
ليان : انا ما احس اني متغيره لا شئ يتهيالك هذا شئ
خالد : لا انتي متغيره من ناحيتي بشكل كبير انا ما اتوهم ذا الشئ
ليان:طيب اذا انا زي ما تقول متغيره ترى الناس تتغير يبن يوم وليلة وانا من الناس وان كنت تقول انا متغيرة يمكن لان مرت اربع سنوات واحنا كبرنا فلازم نتغير
خالد : لا موشرط ان الانسان لازم يتغير
ليان : والله يا خالد كل واحد وله وجهته نظره خلصت كلامك انا عندي امتحان ولازم اروح اذكر
خالد :اي خلصت ما بغى اعطلك ورحت ليان لغرفتها وقعد خالد لحاله في الصاله ليان وش فيها علي انا ما قلتها شئ اوسويت لها شئ استغفر الله العظيم خليني اروح بس استنى عبدالرحمن برى
ومصيري بعرف وش فيها ان كان اليوم بفلوس بكره ببلاش
<<<<<<<<<<<<<<<<<<<<<<<<<<<<<<
في غرفته ليان : بعد ما راحت لغرفتها ودخلت وصكرت الباب وراحت وجلست علي السرير بعد تسالني وش سويت صدق عينك قوية ورجعت بذاكرتها قبل اربع سنوات يوم قررت انها لازم يعرف خالد بحبها وفي لحظة تهور وطيش منها
في يوم سفره كتبت له شعر في بطاقة بعدين راحت لغرفته وفتحتها بشويش وما كانت تدري انه في غرفته وهوفي الحمام حطت البطاقة على تسريحته وطلعت بسرعة وراحت تركض لغرفتها
يوم طلع من الحمام وشاف البطاقة ويوم جاء يمشط شعره خذها وفتحها وقرى اللي مكتوب فيها
بعد ما طلعت ليان من غرفتها نزلت تحت بادوات الرسم عشان ترسم بالحديقة ومرت من المجلس وسمعت فيه احد يضحك مع خالد وهو يضحك معه بغت تكمل طريقها بس سمعت اسمها
بعدين قعدت تسمع وش يقولون عنها وسمعت خالد وهو يسخرمنها ومن مشاعرها واللي كتبته له في البطاقة واخذ صديقه البطاقة وقعد يقراها وبعدين ضحك عليها رجع البطاقة لخالد وبعدين قطع البطاقة ورماها
وهويقول والله مسكينه مصدقه نفسها اني ممكن التفت لها هي ما شافت نفسها في المراية وان كنت اعطيها وجه عشان كنت ارحمهابس هي فسرتها على انها حب والله مسكينه
بعدين ما عاد قدرت تسمع اكثر من كذا وراحت لغرفتها وهي تركض وياله تمسك دموعها وعبراتها وحست انها بتموت وبعد ما دخلت لغرفتها قعدت تبكي بشكل يعور القلب
وبعد هذا الموقف كرهته لان استهز بمشاعرها قدام صديقه ووعدته انه تخليه يندم على قد شعر راسه وبكذا قررت انها لازم تتغير وسوت رجيم عشان تنحف وسوت تصحيح لنظرها
ورجعت بذاكرتها لليوم وبعدك تسال ليش تغيرت عليك وقمت ما اطيقك لك كلمه لانك جرحتني بالصميم وخليت قلبي الصغير الي يحبك اكثر من اي شئ في العالم ينزف دم وبعدك ما شفت شئ ياخالد استنى علي وش وش بسوي فيك


انتهى الجزء

اهلين يا حلوين انا نزلت الحين جزين غير الجزء اللي نزلته قبل واتمنى ما تحرموني من تعليقاتكم وطباعكم عن روايتي
وهذي اول رواية لي واتمنى أنال منكم على تشجيع مو أحباط بليييييييييييييزززززز أوكي
هههههههههههههه أدري فلسفتي واجده هههههههههههههه

اناناستي واللة ما اقدرت اصبر حتي اعطيك جزء من راي لكن لينا لقاء علي الخاص
اولا القصة باين احداثها راح تكون جميلة ومشوقة
وانت اخترت قسم من اجل الاقسام لعرضها فية هههههههههه يا بكاشة
ثالثا اللهجة الخليجية ليها رنين خاص ونغم جميل حين تصورها او نطقها مع انني اعتز باللغة العربية السليمة ودي مذاهب لكنني اري اننا نتوحد بلغتنا لا بلهجاتنا علي اي حال انت فسرت لية اختيارك للعامية
شخصية ليان جميلة وانا منتظرة ظهور خالد هههههههههه
بس هية محتاجة شوية ترتيب بسيط يعني لية معملتيش مثلا مقدمة بالاشخاص مين الابطال نبذة عن المسار الخاص بالرواية عشان التشويق يعني
لكن واللة باين انها هتكون جميلة لكن انا عايزة اقرا الملخص اللي هيكون عامل جذب شديد للقارئات وربنا يوفقك وانا متابعاكي
لسة هابتدي اقرا الجزء الثالث اوكي يا قمر