........................................
الجـــزء التـــاسع
...............................................
كنت خايفه يوم وقف السياره بنص الخط وسند راسه على السكان ووصوت الهرن قام يضرب بقوه
انتفض جسمي شووو بلالالاه نزلن دموعي لا ارادي
امايه الي يالسه بالسيت الخلفي: شووو بلالالاه اخوووج !!!!!!!!! رااااشد امايه رد عليي
يلست احرك فيه بقوه: رااااشد
نطق بثجل وهو يسند راسه لوراا: اففففف بلا هالحشره راااسي يويعني ويايتني دوره دقو على سهيل ماروم اكمل الطريج
امايه وهي تمسح على كتفه: ولدي شو بلالاك فديتك خلهم ياخذوك الدختر
راشد: امااااااااايه انا قلت لكم دقو على سهيل خلاص عاده
شمه: اوكي خلاص انت ريح ....بس عطني موبايلك
<< اخذت موبايله وضربت رقم سهيل .... دقيت كذا مره ولا يرد>>
شمه: اففف مايرد
امايه: دقي فديتج على سيف
شمه: امااايه سيف بدبي.... شو الحل
راشد يلتفت صوبنا وعيونه كلها دموع غمضني وايد اكيييد الالم الي ياينه قوي ولا شله عيونه مليانه دموع: خلاص ان مادق سهيل بكمل الطريج
امايه: لالا فديييتك انت تعبان
<<شهقت لما رن موبايل راشد بأسم سهيل رفعته بسرعه >>
سهيل: مرحبببااا الساع
شمه: مراحب ... سهيل
سهيل: خبري داق على موبايل راشد
شمه: افففف اسميك متفيج راشد تعباان ومايروم يكمل الخط ويباك تيي تاخذنا
سهيل: انتو للحين ماوصلتو العين؟؟
شمه: لا نحن داخل العين بس بعاد عنكم
سهيل: اوكي دقايق وبيكم
<< يلست اوصف له مكانا .... وشوي يانا اهو ورفيجه على طول.... ركبنا سياره سهيل انا ومايه وراشد ... اما سياره راشد ركبها رفيج سهيل ولحقنا بها >>
سهيل ملتفت لراشد: ماتشوف شر بو سنيده
راشد مغمض عينه : الشر ماييك
<<امممم سهيل اكييد يعرف شو بلاه راشد ولا جان سأله شو بلاك بس اهو اكتفى بماتشوف شر ......شو بلاه راشد شو مخبي وراه..... وصلنا بيت خالوه ...... نم صوب راشد وسهيل يتشكرو رفيجهم... وانا وامايه من صوب ثاني نزلنا بيت خالوه وقامت الحشره على دخلت امايه خخخخخ اونه من زمان ماطبت بيت خالوه>>
خالتيه تلوي على امايه وتبوس فيها شرات العيايز: فدييييييييتج والله اني متولهه عليج حرام عليج ماتزورني ماولهتي على اختج
امايه تحب راسها: فديتج والله الظروف وهالدنيا الحين يايتنج ومخليه بو سلطان ووسلطان لحالهم بالبيت ويدي عقلبي
قلت لها بنص عين: امااايه ماهم يهال عسب ايدج عقلبج
خالوه: شو بلاه راشد اسمع سهيل يقول لي مايروم يكمل الطريج؟
امايه وهي تيلس على الكرسي: والله زيغ افادي هالولد مادري يقول يايته دوره براسه ومايروم يكمل
<< دخلو علينا ناصر وسهيل >>
ناصر وهو يحب راس امايه: هلالا هلالا تو مانور الببييت يالغاليه
امايه : منووور بوووجودك الغاااالي شحالكم عساكم بخير
ناصر: الحمدلله
امايه تلتفت لسهيل: وينه راشد ؟
سهيل: بالميلس متسدح بنام
امايه: لالا خذه لدختر اول
سهيل: هههه خالتيه خليه عراحته راشد خلاص غدا ريال اهو ادرى بمصلحته
امايه: تراك انت الي تساعده على الفسق
سهيل ميود بطنه من الضحك: هههههههههههههه وااابويه فسق مره وحده!!!
<<قطع رمستنا عفوورتي ويا الريم ووثالثه روويض !!!!!!!!!! بسم الله ياويلي شقا طالع ويها جيه مبقع>>
عفرا تلوي علي: وااااااااي بسسستخف يامرحبا يامرحبا نورج فرقع الكهربا
<<سلمت على ريوم وروضه وماحبيت اسئلها شو فيها قدام الجمهور عسب لا احرجها ولا شي ... التفت علينا ناصر وهو يوجه كلامه لعفر>>
ناصر: يهزو عمركم اليوم العصر بياخذكم جاسم تسوقو عسب روضه تشتري لها فستان لليله زين؟
(وكمل كلامه وهو يتلفت على امايه): باركي لنا ياخلوه بنعرس روضه على جاسم والليله ملجتهم
امايه تشتهق: وااابويه واحليلهم توهم يهال !!!!
ناصر: ههههههه بعد حابين نفرح فيهم على مبكر
امايه : تعااالي روضه فديتج تعالي
<<سارت روضه صوبها وهي منكسه راسها من الحيا يلستها امايه بحضنها ويلست تخربط عليها اونها تنصحها......ومن جهتي انا وعفرا وريوم سرنا لجناح عفير>>
فريت الغشوه ويلست على شبريه عفور: واحليله رشووودي مادري شو بلاه
عفرا وهي تيلس جنبي: الا صحيح شو ياينه ؟؟ بلاه
شمه: يقول دوره براسه ومارام يكمل الطريج
عفرا: واحليلك يارشود
قلت وانا اطالع فيها هي وريوم: الا تعالوو شوو سالفه روووض؟
عفرا: امممممم بالاصل سالفتها ويا ابوها يبا ييوزها شيبه اونه يبا يستر عليها بس ناصر عارض وبيوزها جاسم ولده
قلت لها وانا شابكه ايديني قريب من ويهي : واااااااااي فديت اخووج ناااااصر من يووومه طيووووب وقلبه رقيق اخ لو مب متزوج
ضربتني عفرا على راسي: هيييييييييييي ياحمااااره
<<جلست ريومه على الكرسي وهي تضحك علينا ..................ومره وحده اعتفس ويها لما وصلها صوت المسج
التفت لعفرا ابا اعرف شو السالفه سوت لي بحركه بكتوفها انها ماتدري ,,,,,,,,,,شو بلاها تكلم منو؟!!! اسميني فضوليه........................>>
............................................................
.........................................................
مسك ايدي وحط فيها بيزات
قال لي وهو يحب راسي: لاتستحي بنتيه انتي شرات بنتي عبير ومعزتج من معزتها واشتري الي تشتهي ولاتنقصي على عمرج بشي ودقي على ربعج ولي يعز عليج عزميه الليله على ملكتج
قلت له وانا منكسه راسي:مشكور ياعمي ناصر.. بس هذا وايــ..
قاطعني: مب وايد اباج تكوني قمررر اليوم زين؟ ترى عمتج وصت وحده تيج الليله المغرب تصبغ لج ويهج شرات المخرعين ههههه
روضه: والله اني مابطلع من يزاكم ... بس عمي انت متأكد ان جاسم مب مغصوب
طالع فيني بنظرات لوم: تحيدني اغصب حد على شي؟؟
نكست راسي متفشله: لا حشى ... والله مب قصدي
ناصر: لاتحاتي فديتج اهم شي انتي مب مغصوبه
عبير وهي تقطع رمستنا: شووو ابويه يالله اعتقها لوجه الله ترى جسوووم محتشر علينا
ناصر: هههههههه اها خلاص ها معتوقه سيرو يالله
<<سرت ويا عبير وانا وااايد متفشله بركب الحينه ويا زوج المستقبل الي بنملج على بعض بعد جم ساعات..... خفف لي جو التوتر وجود عموه عفاري ووشمه وعبور الي قالبين الجو وناسه وضحك.... سلمت عليهم وكانو الخسفين متعمدين يخلوني ايلس وراه كان خاطري اصفعهم بس اوني متفشله .....ياويلي الحين الاخ بشوف وجهي الي يلوع الجبد من البقع الله يسامحك يابويه >>
جاسم بصوت اقرب لرقه: احم يالله صكو الباب
عبير تشهق: بسسم الله وابووويه عليك من وييين نزلت عليك هالرقه توك من ساعه تزااعج والحين (تقلد صوته) يالله صكو الباب
جاسم وهو يطالعني من الجامه: عبير انطبي
<<لاحظت من نظراته انه مستغرب ... ياويلي اكيد الحين يقول بقلبه شوو وهقني ويا هالمبقعه افففففففف الله يسامحك يابوي الف مره >>
عبير تظربه على كتفه: حوووو مطولين بالوقفه؟؟
جاسم يتلفت صوبه: هااا لالا يالله يالله هاا
شمه تمص مصاصتها: عفووور شعنه مايت ريوومه ويانا
عفرا وهي الثانيه تمص مصاصتها: شو بلاج ماتدري انها مقاطعه السياير ... بس افا عليج تراها واثقه من ذوقي عطاني ابوي بيزاتها وبشتري لها انا وهي شرات بعض بس شاارطه يكون الفستان وردي
شمه: يحمااره انا اغاار جيييه تطقمي وياها
عفرا: وليش ماتلبسي انت بعد شراتنا
شمه حايسه بوزها: مابا ابا اصير مميزه عنكم
عفرا: سباااله شفتي يعني منج مب مني
شمه: امممم افكر
قلت لعموه عفرا وانا اساسرها: وين عمي سيف .....؟؟؟؟؟ابا يكون موجود
قالت بصوتها فضحتني: الا جااااسم صحيح ماقلتو لعمك سيف.؟؟؟؟ ترى نااس يقولو مابيملجو الا بوجوده
جاسم : افااااااا قولي لهم لايحاتو تراه ياي بالطريج
<<تمنيت الارض تنشق وتبلعني عمووه وااايد عليها حركات..........>>>
....................................
........................................
<<شهقنا كلنا على الموديل الي اختارته بنت اخويه رووضه............... وااايد هالبنت ذووويقه واحليها>>
عبير: بيييطلع عليييج صفعه بتصيري صاااروخ
ضربتها على كتفها: شو هالمصطلاحات الشبابيه
عبير : اففف عموه عن الحشره ... وبعدين شو تنتظرو انتي وشموه يالله خلصي بسرعه ورانا احم احم( وغمزت لي)
<<كان جسوم فديته متفق ويايه انا وعبير بعد مانخلص نخلي شموه وروضه بالكوفي ونسير نحن صوب الذهب نشتري الدبله وطاقم ذهب
يلست انا وشميم نتحوط اخر شي طاحت عينا على فستاان عذااااااب وردي خفيف واااااايد وكان بدون سيور ولا كتوف يعني عاري نوعا ما وطويل ويجي مفصل على الجسم واخر شي بنهايته نفخه خفيفه عاطيه الموديل روعه ......اخترناه بدون تردد انا وشمامي .....واخذنا قطعه لريومه ,,, خلصت من صوب ومسكني جاسم من صوب ثاني بعد ماسرنا صوب الكوفي نتلاقا وياه سرنا صوب الذهب لعوزنا جسوم شويات على ما اختار الي يسمع اهو الي بيلبسه بس انا وعبور ماقصرنا اخترنا له موديلات ثجيله شويه والحمدلله اقتنع بهم جسووم اخر شي واخذناهم ,,,, ردينا البيت بعد تعب وريولنا منفخه من الحواطه >>
شمه وهي تهمز ريلها:افففف تنفخت ريلي شوفو
عفرا: ههههه ,,,,, ريووومه يالله قومي شوفي مقاس الفستان
<<ابتسمت ريومه بدون تررد وقامت تاخذ القياس وصعقنا يوم شفناه عليها..... طالع عليها احلى عنا بوااايد لانها طوويله واايد والفستان جنه مفصل عليها>>
عفرا: طالع هاااي ماسارت ويانا وطلع المقاس احسن عنا
<<اذن المغرب وصلينا ويلسنا شويات نرمس..... وبعدها يات الكوافيره لروويض وطلعنا عنهم .....اما انا وريوم يلست شمامي تفنن بلمستها على ويهنا بصراحه شمووم فناااانه بهاي الشقلات .... بالنهايه طلعنا نحن الثلاث مثل بعض نعومات وايد والمكياج مب ثقيل وردي خفيف..... وغارت عبوور يوم شافتنا هههههه وتحسرت يوم ماطقمت ويانا >>
( رووووووويض الله يعين جسوم الليله يوم يشوفج)
<<هذا كان تعليق شميم الطفسه يوم شافت روضه...... الحمدلله قدرت الكوافيره تغطي بقع الضرب الي على ويها >>
روضه: عموه البقع طالعه؟؟؟
عفور : لالا فديتج طاااااالعه شراااات الملالالالاك
دخلت علينا امايه تناديني: عفووور ربيعاتج ينتظرونج تحت
عفور: طيب امايه شويات بس
<<سحبت شميم وريوم بأيدي عسب ننزل مره وحده..... يلست اعرفهم على ربيعاتي وووايد تفاجأو يوم شافونا مطقمات >>
فطيم ربيعتي: واااااو طالعات رهييييباااات
شموم وهي ترفع فستانها بدلع: احووم احوووم هاي من ذوووقج فديتج.... اترخص فديتكن بسير اشوف اخويه راشد شو يبا
<<سارت عنا شمامي وشويه دخل اخويه سهيل يخلي رووضه توقع ......وبعد ماطمنها سهيل ولوى عليها مسك ايدها ووقعت وهي ترتجف وحالتها لله .... ياحليلج يارووض ربي يوفقج ان شاء الله>>
...........................................
............................................
كنت ارتجف وحالتي لله ....الحين بدخلوني على الحريم عسب البس روضه دبلتها والذهب الي شريته
شو هاي الله يعيني على مناظر الحريم
عمي سهيل وهو يرتب كندورتي: لاتزيغ عاد جيه حتى رويض اهدا عنك
جاسم: لاتلومني والله خايف وايد
سهيل: تبا ادخل وياك؟
جاسم: يااااااااااليت والله
ابتسم لي عمي وقال بجديه: هالله هالله بروويض تراها رويحتي هاااي ترى مابتحصل احسن عنها المفروض تحب ايدك وجه وغفا
قلت وانا ابوس ايدي وجه وغفا عقولته: ههههههه هااا حبينها ههههههه
<<طلعت لنا يدوه ودخلتنا على صوت الزغاليط والبخور حوالينا حشروني به افففف..... كنت منكس راسي.... والتوتر متأكد ان واضح عليي وايد ,,,, قربني عمي سهيل لروضه الي الى الان ماشفت غير فستانها السماوي ,,,, رفعت راسي بتردد طالعتها بهدوء وانا مشدوه.... ياللله شووو طالعه ملالالاك كانت اهي الثانيه منكسه راسها وشعرها طايح على ويها ومرفوع من ورى ياويل حالي انا >>
سهيل يضربني بالخفيف على كتفي: حووووه هااا بتظل واقف جيه
<<قربت لي امايه المجسم المحطوط داخله الذهب يلست البسها ,,, اول مالبستها الخاتم لا ارادي نزلت راسي وبست ايدها ,,, وبحركتي هاي قام صريخ البنات المستانسات على الحركه وقامت التعليقات من كل جهه الي تقول واحليلهن صغااار ولي تقول لايقين وايد على بعض ولي تقول ابا اعرف شلون بتكون عيشتهم..... شو حضرتها نحن من الفضاء نازلين تبا تعرف كيف بتكون عيشتنا اسميهم بنات بقر>>
غمزني عمي سهيل وهو يقلد صوتي: انا مافكر الا بدراستي( وفر ويهه لامايه ) دخيلج ام جاسم لاتخليه يكمل نخاف يسوي شي
عموه عفرا الي واقفه جنب روضه: ههههههههههههههههه سهييلووه والله انك طفس
<< خلصت تلبس وخذوني انا وروضه للميلس الداخلي ,,,, وتركونا بروحنا بعد تقليسات وبعد ماوصاني عمي سهيل عليها للمره الالف ,,, كانت هي الثانيه متوتره ومنكسه راسها ... ومن جهتي ماعرفت شو اقول شو المفروض اسوي ,,,, بعد تردد عنيف قربت ويلست جنبها شويات ,,,, مديت ايدي ومسكت ايدها حصلت ايدها خشنه نوعا ما ,,,, اكيد من الكرف في بيتهم ,,, والله يارووض لارجع نعومه ايدج بنعومه الحرير.... لاخليج تعيشي عيشه ماكنت تحلمي فيها....... كان شعور غريب من بينا مب مفهموم جنه حلم..... شعور خووف من المجهول والترقب وهم شعور فرحه اني متزوج وهاي حلم يحلم به كل شاب عاقل شراتي فديتني ههه .....و شعور التملك يوم تحس انك تملك انسانه الكل يوصي عليها وكأنك تملك جوهره والكل يباني احافظ عليها يعني بأختصار مشااعر متضاربه في بعضها ....لا أرادي طلعت مني جمله انصدمت من نفسي يوم قلتها>>
جاسم: والله يارووضه لأعوضج حنان الاب والاخ وكل شي تحلمي به
<<نكست راسها اكثر ياويل حالي ......شو شكلها بتركع الحينه من الخجل .... صحيح ان اوقات تكون ما انت منتبهه ابدا لشخصيه معينه مجوده قبال عينك دوم بس القدر يحطك معاه بموقف يخليك تنتبه لكل شي جميل فيه وتقول كيف ماكنت منتبه من قبل وهذا الي صاير وياي ولأول مره انتبه لجمال روضه اثاريها جميله وانا مب منتبهه>>
يلست اطالع بصبوعها واحرك بالخاتم البستها وياه: اممم رووضه انا الكل يوصيني عليج بس محد وصاج عليي صح
ابتسمت بخجل وبالغصب طلعت عندها هالجمله: لاني ما احتاي توصيه عليك
حبيت اتقيلس عليها شويه وقربت منها اكثر: اممممم يعني بتشليني بعينج؟
<<اكتفت بهز راسها بهيه >>
بست ايدها: فديييييت عينج والله
<<حووو شو اشوفكم اندمجتو ويانا شوو ميلسكم للحين يالله طلعو عيب هههههه..............>>
.................................................
..................................................
<<يالله شكثر رقدت انا......... طالعت بساعتي كانت على الساعه 1 فلليل
تقلبت على الجهه الثانيه من الشبريه وانا اتذكر احداث الليله هيه صح كانت ملجه جسوم واحليله هالنتفه عرس قبلي وقبل العانس اخويه سلطان ....بالنسبه لي ماكملت مراسيم الملجله بس شفت الريايل تجمعو بالميلس ترخصت منهم عسب اسير ارقد وكلهم رخصوني يوم شافوني شبه سكران حوووه سكران نوم مب شي ثاني من اخذ هالدواا يخدر جسمي كله >>
<<سرت للحمام اخذت دوش سريع وتلبست شورت اسود قصيير وفانيله صفرا حكرت شعري على السريع وخليته طايح بشكل عشوائي ...وتعطرت لي من عطور سهيلوه... شكلهم مسوين سهره صباحي خلني الحق على اخر مراسيم الملجله خخخخ
طلعت من جناح سهيل وحصلت شموه واقفه وعاطتني ظهرها ومنكسه عمرها شكلها تعدل بنعالها>>
سرت صوبها وسحبتها من شعرها على ورى : شميييم متى شعرج طول هالقد وشعنه فــاتحه شــعـ ـ ـ
شهقت يوم طالعت بوييها هاي .........
02-10-10, 07:54 PM
جديد مواضيع قسم القصص المكتمله
العرض العادي
