بيرو ماالذي فعلتيه بنا وبها

بيروووو ايه اللى عملتيه فينا ؟؟؟؟

بداتى بالاحلام الوردية و شوية شوية سحبتينا منها بالخناقات بينهم لغاية الللى عملتيه فى ثيوس ....عارفة لو جرى له حاجة مش هسامحك....هيه بقى

بس الاحداث المرة دى جاااامدة

من البداية ...احلى شهر عسل مع احلى عرسان ...يا جمال الحب و العشق اللى بينهم ...عايشين فى دنيا لوحدهم مش بيسمعوا غير صوت قلبهم ...يا سلام على الحب و نعيمه ...

احلى ايام قضوها على شاطىء الاحلام و لما جالها شوية زكام كان عايز يعملها كونسولتو....الله عليك يا ثيوس لما تحب

لفيت معاهم كل الاماكن اللى راحوها و شفتها بعيونى حتة حتة ....ابدعتى فى وصف الاماكن السياحية ...برافوووو عليكى

طاطاطاطاطاااااااا...وبدأت المشاكل لما اتصرفتى يا حلوة بمنتى البراءة و التلقائية و حجزتى تذاكر السفر ....طبعا الراجل المتملك اللى جواه مش هيقبل تاخدى قرار من غير ما ترجعى له و خصوصا انك بتقطعى شهر العسل عشان تحضرى معرض مارى ...انتى نسيتى انه حاطط مارى فوق راسه شوية؟؟؟!!!!

براد...ظهرت فى غير وقتك و ايه الكلام اللى قلته ....مين دة اللى لين العريكة و زى الخاتم فى صباعها؟؟؟؟
تستاهل اللكمة اللى اخدتها ...ابقى خلى بالك انت بتتكلم على مين ....بس هى هنا ملهاش ذنب ...دة ماضى و انتهى..

ساشا اصرارك على الشغل من حقك ...بس لازم تاخدى موافقة الامبراطور ...ازاى تخططى للشغل انتى و روين من غير تاخدى الموافقة ؟؟؟؟ اهى دى نقطة ضدك...

شدة حبه خليته يقولك على السر الرهيب...بس اه يا خوفى يا بدران ان العقربة سالى تكون عرفته من اليكس فى لحظة غرام ...ساعتها اللى هيحصل مش هيكون تمام...و اه يا خوفى تجيبها فيكى و تتحملى كل العواقب...

ااااخ منك يا بيروووو...بقى ثيوس حالته خطيرة ...مش حرام عليكى تعملى فيه كدة و هو لسة عريس ؟؟؟!!!!

يا ترى ساشا هتقدر تستحمل اللى حصل ازااااى؟؟؟؟

بيرووووو..لعبتى باعصابنا قوى فى البارت المتوهج بفيض من المشاعر المتغيرة من الحب للغيرة للالم للبكاء للشوق من بعد الحبيب ......و خصوصا اخفائك للسر علينا يا قمر...

بانتظارك يا اميرة الرومانسية الحلوة

دومتى بكل الحب