المنتدى :
الارشيف
أوراق مكشوفة ..
من هنا تبدا قصتي من هنا سأبحر بعالم يحوي العديد من الاحداث
لاتدعوني وحدي لنبحر سويآ ونستكشف كل صغيره وكبيره من كل حدث
ها انا امارس هوايتي في القراءه ولاكن الأن سأكون انا الكاتب وانتم القراء
العديد والعديد من الاحداث المشوقه والمحزنه والقريبه من الخيال
تفرقه بين اخ....واخ
طمع واتباع لملذات الدنيا
قــــــــهر اب
وسوسة زوجه
كبريـــــاء
ضعـــف وقلة حيله
جبـــروة وقسوه
بحر من الامواج الهادئه
تعرفوا على بعض من الشخصيات لايوجد بطل وبطله كلهم ابطال لاتحددوا شخصياتهم من الان
فهناك الكثير من الاحداث اللتى ستغير مسار الروايه.....
لا تيأس إذا تعثرت أقدامك
وسقطت في حفرة واسعه .. فسوف تخرج منها
و أنت أكثر تماسكا وقوة
والله مع الصابرين
ولا تحزن إذا جاءك سهم قاتل من أقرب الناس إلى قلبك
فسوف تجد من ينزع السهم ويعيد لك الحياة و الابتسامه
أترككم الآن مع روايتي الاولى ........أوراق مكشـــــــوفه..........
للكاتبه......لشموخي حكايه
قبل 22 سنه ..........
حسبي الله ونعم الوكيل عليك من ولد انا وش اذيتك فيه عشان ترميني بهالمكان لابارك الله فيك من ولد
عمر بكل قسوه\يبا لاتقعد تدعي علي هالمكان افضل لك وللكل هنا هتلقى الرعايته اللي هتموت ولاهتلقاها ببيتي
الاب حابس دمعته\لابارك الله فيك من ولد روح وحسابك عند ربك ومالك من الحلال شي كل شي لولدي اللي حرمتني من شوفته
عمر ضغط على كفه واحمر وجهه سحب النظاره الشمسيه من عينه وقرب وجهه من ابوه اللي بالكرسي المتحرك \الحلال كله لي ولافي اي شي يثبت ان لأخوي ربع من هالحلال وانا من بكره بنقل للسعوديه وكبر هالحلال اضعاف وضعاف ولا انت ولاولدك علي هيكون لكم شي عندي
بعد سنين من هالحدث........تحديدآ اليوم بسوريا.....
أندق باب بيتهم بخفه لفة حجابها الابيض وخرجت للحوش الصغير اللي يعني لهم الكثير أنار وجهها بنور الشمس الدافئه فتحت الباب وعينها ترمش من الخجل \هلا اخوي بأيش اقدر اخدمك
هذا منزل علي نايف آل جبران
هزت راسها بخفه \اي اخوي هذا هو
ممكن اقابل الاستاذ علي
بلعت غصتها بصعوبه ولمعت عينها\بس هو متوفي من سنتين
تلعثم الرجال\آسف اختي الله يرحمه
لا عادي ويرحم الجميع بغيت شي
ضم الرجل الملف اللي كان بين يدينه\هااا لا بس بغيته هو شخصيا والحين أستأذن
مشى بسرعه وهي سكرت الباب مستغربه دخلت للبيت سحبت حجابها وقعدت على الكنبه .......
عايده\مين يايما
سرور\مدري واحد يسأل عن ابوي
عايده بألم\آآآآآآآآآه الله يرحمه ماقال وش يبي
سرور\لايقول كان يبيه شخصيآ
عايده تكمل شغل صوفها\الله يستر لايكون واحد تدين منه
سرور\لايما ماضنتي لو المسأله فيها دين كان قال ومسأله الديون الحمدالله انتهينا منها بس اكيد في شي
.......بأرض السعــــــوديه......الساعه 7 المغرب......
بغرفه من غرف فيلل الشيوخ الضخمه بالحي الراقي.......
كح كح كح رفع الكاسه بعد ماحط الحبه بفمه وابتلعها والتفت على زوجته اللي قاعده على التسريحه تمشط شعرها الكستنائي الناعم الواصل لنص ظهرها ابتسم بداخله رغم كبر سنها الا ان علامات الشيخوخه ماظهرت فيها للآن من عمليات التجميل اللي ماخلتها بحالها
انتبهت لنظراته من المرآه والتفت وهي تحط رجل على رجل\وين رحت يابوشهاب
تنهد عمر بصوت \لسوريا
عقدت حاجبها بغضب واتجهت لطرف السرير\لاتعيد السالفه اللي قلتها لي من كم شهر
عمر ابعد نظره عنها\المرض اتعبني يافتون ابي اشوفه وطلب منه السماح قبل ما االله ياخذ روحي وهو غضبان علي
فتون بشده\مر على هالسالفه اكثر من 22 سنه تتوقع انه ينتظرك ليومك يمكن مات
رفع جسمه بسرعه كلمة مات كأن سكين انغرز بقلبه\فال الله ولا فالك الله لايقول شلون هقدر اعش وهو غضبان علي
فتون بقسوه\مثل ماعشت كل السنين اللي راحت اسمعني زين ياعمر اللي بنيته طول السنين اللي راحت والحين ولدك قاعد يكمله مانبي نهده بيوم وليله انت داري بلحظة تهور منك هتمحي كل العز اللي احنا فيه
عمر \لا مهينمحي كل شي خلي اصحاب الحلال ياخذون حلالهم واحنا نكمل بنصيبنا
وقفت فتون وارتفع صوتها\عمر اياني وياك اسمع منك هالكلام ثاني روحه لسوريا انسى وشيلها من راسك
بالخارج......
وقف بنص الممر وقت سمع نبرة ارتفاع صوت امه قرب من الباب بتردد وحط اذنه وسمع بعض الكلام ودقات قلبه تتزايد وهو مو فاهم شي وقت هديت الغرفه من اصواتهم ابتعد وعاد لجناحه الهادي الممزوج بين اللونين الاسود والفضي اول دليل على غموضه وهدوئه قعد بنص السرير وكلام امه ينعاد
مثل ماعشت كل السنين اللي راحت اسمعني زين ياعمر اللي بنيته طول السنين اللي راحت والحين ولدك قاعد يكمله مانبي نهده بيوم وليله انت داري بلحظة تهور منك هتمحي كل العز اللي احنا فيه
عمر \لا مهينمحي كل شي خلي اصحاب الحلال ياخذون حلالهم واحنا نكمل بنصيبنا
فتون\عمر اياني وياك اسمع منك هالكلام ثاني روحه لسوريا انسى وشيلها من راسك
بدت الافكار تضرب براسه يحاول يتوصل لمعنى لكلامهم بس مالقى واللي اشغله اكثر وش معنى كلمة ابوه خلي اصحاب الحلال ياخذون حلالهم تنهد وقطع تفكيره صوت جهازه سحبه من جيبه ورد وهو يتنهد بملل
يابنت الحلال وخري عن دربي الله يستر عليك انا مو مال هالحركات كلش لاتشوفيني هادي وساكت لك والله اذا بدى الدم يفور بداخلي هتندمين على اللحظه اللي فكرتي تدقين فيها
رنين بدلع\امممم ماشي ياهادي بس كل شي ولاتعصب وش اسوي بروحي والله احبك
هادي\تحبيني وبعدين
رنين\ابيك تبادلني نفس الشعور
هادي\تدرين انتي وحده ماعندها دم ولاتستحي ولاتخاف ربها واهلها اللي واثقين فيها رقمك مابي اشوفه ثاني تفهمين
قفل الخط وهو يفكر يغير رقمه بس شي قاله اغيره عشان وحده ماتسوى لو ماسمعت هالمره هتندم
قام وطلع من غرفته لغرفه ثانيه خاصه فيه وحده وللحين محد يدري وش بداخلها.......
لا تنظر الى الأوراق التي تغير لونها
وبهتت حروفها .. وتاهت سطورها بين الألم و الوحشه
سوف تكتشف أن هذه السطور ليست أجمل ما كتبت
وأن هذه الأوراق ليست اخر ما سطرت
مررت يدينها على الصوره اللي بوسط اوراق دفترها الخاص وتنهدت بألم ونزلت دمعه خائنه سقطت على وجه صاحب الصوره مسحتها اناملها النحيله برجفه وقبلتها \آآآآآآآه يايبا ليه رحت وتركتنا وانت تدري مالنا غيرك اشتقت لك اشتقت لحنانك كثير يبا
انفتح الباب بكل قوه ليخرجها من عالمها\انتي هنا امشي بروح ويا سلمى للسوق تجين
مسحت دموعها بسرعه وسكرت دفترها والتفتت\لامالي خلق
عقدت سمر حاجبها وقربت ولفت يدينها حول كتوف اختها وامها بالنسبه لها باستها بنص راسها\سرور عيوني وش فيك
سرور بربكه\ولاشي بس تذكرت ابوي
سمر\آآه اللله يرحمه كلنا متذكرينه على طول بس مابنسوي نفس اللي تسويه بعمرك قومي معاي غيري جو
سرور\ لاحبيبتي روحي وسعي صدرك مالي خلق ابد بنام بكره وراي دوام
سمرببتسامه\ ماشي دكتوره سرور بااااي
ابتسمت سرور وعلقت عينها عليها لين طلعت من غرفتها وسكرت الباب قطع عليها سرحانها صوت جهازها ردت ببتسامه\هلا وغلا
ووووووووووحشتيني يادبه
سرور\لااااا بدون دموع بليززز
مها\وش اسوي والله اشتقنا لكم سنتين والله مو هينه
سرور\وانتم اكثر عيوني بس خليها على الله من بعد وفاة ابوي ياالله ندبر حق مصاريف البيت من وين لنا حق التذاكر بس الحين جنبت لي كم الفلس انشاالله بالاجازه نكون عندكم
مها بفرحه\احلفي
سرور\نقول انشالله وبعدين انتم اخر مره جيتم بعزى ابوي ليه ماتجون
مها\تدرين عامر مايقصر لو نقوله ياالله يقول تم بس ابوي اه من ابوي
سرور ببتسامه لانها تعرف زوج خالها زين\ماشي عيوني مو مشكله مصيرنا نتقابل اخبار خالتي ومنى
مها\كلهم بخير ومشتاقين لكم حيييل حتى بالي بالك
سرور\مها ترى بقفل
مها\خلاص خلاص سورري دكتوره سرور ولاتزعلين وبعدين تعالي وش عرفك مين ببالي انا اقصد ملاك بنت جيرانا ولافي احد ببالك ها
اخفت سرور خجلها وقدرت تضيع الموضوع تموا يسولفوا لربع ساعه بعدها قفلت وانسدحت على سريرها واول صوره شافتها وقت غمضت عينها صورته ببتسامته اللي ماتفارقه دوم آآآآه اشتقت لك حبيبي وخذاها سلطان النوم وسط زحمه افكارها واحلامها بمن استحل قلبها
|
29-09-10, 12:49 AM
جديد مواضيع قسم الارشيف
العرض العادي
