المنتدى :
القصص القصيرة من وحي قلم الأعضاء , قصص من وحي قلم الأعضاء
انثى الواقع
قاعده ولافه بوجهها عنه وماده بوزها شبرين
ناصر : اموره حياتي خلاص عاد مايسوى علي محاربتني يومين وربي ماكنت اقصد وانا اسف وهه وهذا راسك بسناه بغمزه تبين ابوس يدك او أي شي ثاني بعد ترا ماعندي مانع
اميره : ايه هذا اللي انت فالح فيه بس وسكتت شوي بعدين كملت يعني لازم تفشلني وتصارخ علي في المحل كل هذا عشان فستان ب30 الف بس ياخي قلي مافيه بس لاتحرجني قدام العالم نا...
ناصر : قلنا اسف والفستان وجبناه تعالي تعالي بس عندي لك سالفه
اميره: فهمت عليه وبنظره قالت مالي خلق سوالف ابي انام
ناصر : ضحك وقال تعالي تعالي صدقيني سالفتي بتعجبك
.
.
.
سكرت الاب بقوه وزفرت من خاطرها اه يانويصر والله انك ماتستحي مالت عليك وعلى اميره فوقك ياخي راعوا اني عانس خلف الله علي وعلى حظي قطع عليها صوت امها وهي تناديها من تحت : مها مهااااااااااا مهيه وصمخ
تاففت بقوه من حالها تكرف في ذا البيت كانها شغاله لا والله شغاله ازين على الاقل تاخذ راتب لمت شعرها وعطت نفسها نظره حزينه في المرايه مها بنت ملامحهاعاديه جدا صحيح ميب شينه بس مافيهااي جاذبيه غير النظارات اللي تغطي معظم تقاسيم وجهها والتقويم اللي من سنين مافارق اسنانها
نزلت لقت امها تنطرها تحت عند باب المجلس مها : سمي يمه
ام مها : هاتس المكنسه وروحي خمي المجلس والحقيني عل المطبخ لاتبطين اخويا اخوتس بيجون بعد اشوي اسرعي
دخلت وابتدات شغلها وهي ترتب الوسايد سمعت صوت نحنحه ارتبكت وماعرفت شتسوي ظلت واقفه بمكانها وهي ماعطه الباب ظهرها دخل عليها خالد ولد خالتها خالد يوم شافها صرخ عليها بغضب : مها وش تسوين هنا ....ادخلي داخل لابارك الله فيتس
من سمعت صراخه حطت رجلها وهجت . طول الليل كانت تفكر بالموقف ماله حق يصارخ علي هو اللي جايني ولا انا اللي جايته ؟ الحين يدخل علينا بيتنا ويطردني صدق ماعنده ذوق و نامت وافكارها تلازمها
قامت على صوت امها تصحيها ام مها : مها قومي مها بستس نوم مهووووووي
فتحت عيونها واستعدلت في قعدتها : ها يمه
شافت امها تناظرها بنظرات غريبه استغربت وسالتها : وش فيه يمه
ام مها : ماني مصدقه
مها خافت يمه وش فيه في شي بوجهي ليكون طلع لي حبوب زياده قامت تبي تتاكد الا وامها تقعدها مره ثانيه : اقعدي يالخبله وجهتس مابه الا العافيه انا ماني مصدقه انتس كبرتي وبتغدين عروس
مها ماهي مستوعبه : ها
ام مها :ههههههه ولهاه اقولتس ولد خالتس خالد خطبتس ها وش رايتس
مها بغت تموت من الصدمه خالد الي دايم يعايرها يالشينه خالد اللي لاطلعت له بوجهه في بيتهم او حتى بيتها قام يصارخ عليها كانها متعمده خالد ليكون يحبها ويغار عليها عشان كذا اااه ياخالد معقوله معجب فيني .
.
.
.
قالت لامها بتفكر ومرت الايام وردت مها بالموافقه وفي يوم العرس
كانت مها قمه في التوتر ترجف وخايفه انها تطلع للحريم والكل يناظرها او انها تطيح قدام العالم
جتها امها يالله مها زفتك بدات سمي بالله وامشي زي ماتعلمنا
دخلت القاعه وماخطت اول خطوه الاو اللي خايفه منه صار تكرفست بطرف الفستان وطاحت على وجها ضرب راسها بالارض
فزت من مكانها وهي تصارخ يافشيلتي يافشيلتي دخلت عليها امها : بسم الله عليتس مهوي وش فيتس
مها : كله منتس شفتي قلتلك مابي اخاف ماعرف امشي بالفستان واطيح قلتي الا شوفي هالحين العالم تناظري
ام مها : أي عالم واي فستان انت شكلتس حلمانه حبيبتي ذا حلم
مها قامت تتلفت حوليها شافت انها بغرفتها وقاعده على الارض والبطانيه متكوره جنبها
مها : يعني مانيب عروس سكتت شوي وبتساؤل والعرس وخالد ؟
ام مها : أي خالد
مها : خالد ولد خالتي
ام مها : خالد يايمه ملكته اليوم ولا نسيتي
قعدت شوي تستوعب بعدها صرخت من قلب حسبي الله عليك ياناصر انت وسوالفك
هههههههههههه
النهايه
|
28-09-10, 06:29 AM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
