اناا جيييت فديتني ^_^


ترنوووومه
انتي عصبيه؟؟!!>>فيس مصدوم
اجل مااالوم الادهم وعصبيته شكلها ناابعه منك
>>>فيس خلط الامور ببعض خخخخ

عوااافي ياااقمر
*
*
زوزو
>>فيس يناظرك بطرف عينه
وش تتوعدين هااا؟؟
لا يكون بس حاابه تقولين للبنات عن كتااب
حيااتك ترى قوولي عاادي بورطك مو مشكله
>>فيسي اللي فوق
*
*
شجوونه
ياااالبى قلبك يااقمر ^_^
>>>فيس يبوووسك
*
*
قمريتي
>>>فيس مبتسم ابتساامه عريضه جدا جدا
*
*
طيوووفه
اخيرررااااا جيتي >>فيس سرق الكلمه من شجن
بانتظاارك يااعسل



بالتوفيق الدائم

لـ..كـتآب حـيـآتـكـ..





?من أنت?




اسمك.؟
باس
كم عمرك؟..

تبيني اتسذب؟؟؟
لقبك أو كنيتك؟.

ام الوليد وغالبآام رنو
تاريخ ميلادك؟
11نوفمبر
جنسيتك؟.

سعوديه
ما هو تحصيلك العلمي؟؟

باس
لأي مدينة تنتمي؟

نواحي نجد العذيه
هوآياتك؟

القراءة

ما هي فصيلة دمك.؟
a+











?شخصيتك في سطور?





ما سلبياتك؟

زعول عصبيه
غيوره ؟؟؟؟؟؟!!!!!



وما ايجابياتك؟.

متعاونه كثير ومسامحه بعض الاحيان



ما الشيء المميز في شخصيتك؟

ما أنسى وهذا شي متعبني المشكله ما انسى لا الشين ولا الزين



صفات الرجل التي تعجبك

يعجبني الرجل الي في امانه في كل شي

وصفات المرأة التي تعجبك؟
الحريصه على بيتها وحياتها
ما اول شيء يلفت نظرك بالمرأة
واجد ذكائها سرعة بديهتها لبسها

\الرجل؟
قل للمؤمنات يغضضن من ابصارهن
هل انت شخص مسامح او لا تسامح بسهولة وتنتقم؟
مسامحه لكن ما انسى بمجرد ما ازعل اجيب الاول والتالي
ما هي اهدافك بالحياة ؟؟
اشوف اولادي افضل الناس بكل شي
ما الشيء الذي لا تستغني عنه بحياتك؟
قرآني
حكمة او مثل او مقولة تؤمن بها؟.

الله يخلي من بكاني ولا ضحك علي الناس
متى نراك غاضب؟..و
ها اليومين كثير لو تشوفوني غاضبه وخصوص من الحمله الي ضد امنا الطاهره عائشة رضي الله عنهالدرجة البكاء والبكاء الشديد وانا مافي يدي شي اسويه
.ومتى نراك فرحان..؟؟
الله كريم الله يجيب الفرح الي ما يعقبه حزن

اوصف نفسك بثلاث كلمات؟؟

متشائمه
عصبيه
حنونه
اذا تضايقت اين تذهب؟
على حسب والله احيان غرفتي واحيان ادور خواتي احيان ضمضم الله لايحرمني منهم
ولمن تشكي؟
ما عندي غيره ربي
احكي لنا نبذة صغيرة عن شخصيتك خارج النت؟

زوجه وأم مالي اختلاط كثير با الناس
كيف تقضي يومك العادي؟
عادي في بيتي واكيد الكلمات المعتاده تغدو نامو ذاكرو بسرعه جيب كتبك وش تبون عشا
لا اشوفكم تسهرون
هذا وجهي اذا ما قلت لأبوكم
احيان تجيني شطاره اقلب بيتي فوق تحت اغير نظام غرف اولادي يعني البنات مكان العيال والعكس حتى ولدي الكبير الله يحفظه يقولي ما بقى الا المطبخ والحوش ما نمنا فيها
ماهي نقطة ضعفك؟
زوجي واولادي
ماهي نقطة قوتك؟

ما املك غيرهم اولادي
ما الحلم الذي تطمح اليه منذ صغرك؟

احلام ماهو حلم كل فتره زمنيه من حياتك يطري لك حلم يلغي الي قبله

اخر ما توصلت له احلامي متى بس اصير جده وعندي احفادوعيالي متوفقين بحياتهم

ضع لنا صورة تؤثر في نفسك؟






?انت و عائلتك?

هل تنعم بوجود االاب والام في حياتك؟؟


من نعم ربي علي وفضله باب من ابواب الجنه مفتوح لي

ما ارتاح اذا ما مريت اشوفهم كل يوم او يومين واسمع انتقادات امي وابوي يشجعها علي ويغمز لي من وراها علشان ما ازعل فديت ذيك العيون
انتم كم فرد بالبيت؟
باس
كيف يتصرف اهلك معك؟؟..
احترام وتقدير اكيد


من اقرب شخص لك بعائلتك؟
غير امي وابوي
اقرب شخص كل الي طلعو من بطن امي وشالو اسم ابوي
كم مرة مضروب من اهلك؟؟..

ياليت كل من يضربك مثل ضرب اهلك لك
ناسيه بس اذكر ان ابوي بعمره ما مد يده علينا لكن يحرجنا با النقاش واحنا صغار

اذكر ضربه من عمي الله يطول بعمره مره وحده شافني وانا راكبه فوق السياره وانقز >>مدري وش احس به

لكن الله يعافيه بغى يقطع اذني والي قهرني ساعتها امي وابوي يوم درو ا قعدو يضحكون

مـا عـمل والدك ووالدتك؟


ابوي متقاعد

وامي ربة بيت





?انت و المجتمع?





ما الذي يفقده العالم اليوم؟


كل شي
من يغيــر من ؟ الدنيـــا تغير النــاس ولا النــاس تغير الدنيـــا .؟

اكيد الناس
ان الله لايغيروا ما بفوم حتى يغيروا من انفسهم
هل راضي عن المجتمع الذي تعيش فيه؟..
مجبوره ارضى لكن تجي لحظات رضى كامل ولحظات لا والله عكس

صفات منتشرة و متواجدة فيالمجتمع تكرهها؟ ..



الحسد والنفاق الاجتماعي
ما رأيك بالبنت الجريئة وكثيرة الكلام ..

تعجبني لكن ماهو الجراءه الي لحد الوقاحه احب البنت الي على قولتنا حيه ماهي ميته نارها
وفي بنات كلامهم مهم تكلموا ما تمل من كلامهم

والبنت الهادئة والخجولة؟وايهما تفضل؟؟
واحيان البنت الهاديه رحمه من ربي انها ماتفتح فمها السكوت من اكبر نعم ربي عليها
والمقصود ماهو شي محدداحيان كذا واحيان كذا


كيف تكسب محبة الاخرين؟
والله رضاء الناس غايه لاتدرك لكن انا اراعي الله دايم في الي قدامي
ما انتقادك لفتيات اليوم؟
الغالبيه مافي مسؤليه ويحملون اهلهم فوق طاقتهم

..ما انتقادك لشباب اليوم؟
نفس البنات قليل الي يتحمل المسؤليه
واهمال بكل شي
الله يصلح ابناء وبنات المسلمين
ما انتقادك للوالدين بشكل عام؟
مافي احد يبيك احسن منه الا والديك يعني وش انتقدهم فيه
..ما انتقادك للأطفال؟

كثير اشياء كثرة الحركه اولادنا صارو مثل ابطال الكرتون حركه بلا فايده ازعاج الله يصلحهم
تفضل البنت المحجبة أو الغير محجبة
وش تقولين انتي
اكيد المحجبه الي ما يبان منها ولا شي اذا مشيت في الشارع >>اكبر نعمه من ربي ساتر شين وزين >>ابد ماهي غيوره
ما رأيك في مقولة(الطيب ماله مكان بهالدنيا)..؟
الا له مكان واوسع مكان بعد ما تسمعين با الي على نياتكم ترزقون ولا يكون الطيب الا من النيه الطيبه
والنيه مطيه

لكن احيان فيه طيب يستفزك طيبه الي حد السذاجه والغباء وتشوف اشخاص قدامك يستغلون طيبته ويستغفلونه ومن وراه مخلينه نكته

عاد هذا القهر
ما رأيك بالام التي تتخلى عن اطفالها في الصغر ثم تعود لهم بعدما كبروا وهي

نادمة لان الضروف اجبرتها على ان تتركهم وهم صغار؟

تظل ام ولا تركتهم من كيفها مجبورين عيالها فيها يكفي انها سبب وجودهم بالحياه يمكن ربي حفظهم بدعواتها لهم وهي بعيد
ما رأيك بالأب الذي يحرص على اولاده لحدالاختناق؟
المشكله ان الحرص على ابناءنا صار يوصف با الخنق
وهو صحيح الحين اذا ضميت طفلك لحضنك احيان بدون شعور ودك ماله مكان الابين ضلوعك
حب الابناء يخالطه كثير من الانانيه ورأيي الله يعين ها الاب الي محد فهمه
ما رأيك باالمخترقين بخصوصيات الاخرين؟

من تدخل فيما لايعنيه لقي مالا يرضيه




?انت والناس?


من هو الشخص الذي يكون مستودع أسرارك؟؟
انا ما اعتقد عندي ذيك الاسرار ولو فيه با البير الي ماله قرار وانساها


في من تثق..ومآمدى ثقتك بذلكـ الشخص؟

اكيد ثقتي بربي مالها حدود
ومن الناس والله انا عندي مشكله ما اطول واعرف الشخص الي قدامي وحتى لو وثقت فيه اذا شفت ما يريبني منه اسحب ثقتي بسرعه
شخص لا ترفض له طلبآ .. من هو ولماذا.؟؟
والله كل الي محيطين فيني ما احب اقول لا لأحد


لكن تظل رنوبنتي في الصداره
وابوها بصدارة الصداره
من اول شخص اعطاك هدية وماذا كانت؟
كثير جاتني هدايا واحتفظ با اغلبها
تعليقه ذهب من امي هدية نجاح وانا بخامس ابتدائي
ساعه من صديقة امي وانا بثاني ابتدائي علمتني كيف اعرف الوقت ولما تعلمت شرت لي ساعه كانت موجوده ذيك الساعه الي فتره قريبه
ساعه من زوجي ثمينه بداية زواجي موجوده عندي

هل سبق وان خانك احد ما؟
باسسسسسسسسسسسسات

..وهل سبق ان خنت احد؟..
ما اذكر خنت احد
وانا فيني صفة الوفاء لأبعد الحدود
شخص غير حياتك للأفضل؟
ما ادري والله وش مفهوم الافضل انا طلعت لدنيا مدلله على قد امكانيات اهلي ويمكن هذا اثر علي مع اولادي افرطت في تدلعيهم ابي يعيشون مثلي ويتذكرون مني مثل الي اتذكره من امي وابوي الله يطول في عمرهم
اتوقع زوجي غير اشياء كثير بحياتي

..شخص غيرحياتك للأسوأ؟..

شخص لاهي اشخاص الله يعطيهم اضعاف مايبون لي
رجل تعتبره قدوة لك؟.
اكيد الرسول صلى الله علية وسلم
ومن بعده ابوي الله يحفظه صفه فيه اتمنى اني ورثتها منه صبوووووووووووور لأبعد الحدود
.امرأة تعتبرها قدوة؟..
امي الله يطول بعمرها ويعافيها ولها حكم وامثال مدري كيف تخترعها تقولها وانا صغيره ماعرفتها الا يوم كبرت
شخص لا تستطيع الاستغناء عنه ابدا بحياتك؟..
ههههههههه الشغاله
من هو الشخص الذي تحترمه؟؟.
اكيد الي يحترمني يفرض اني احترمه واخليه فوق راسي بعد
.شخص لاتحترمه؟
بديهي الي ما يحترمني يتحمل ما يجيه مني لأن عندي لسان لا حول ولاقوة الابالله ما ادري من وين يجيب السهام الي يطلقها حتى لما اراجع نفسي والله اني اندم مع اني معي حق ولا تعديت حدودي
.شخص فراقه صعب؟.
شخصيات واجد منهم ابو الغوالي زوجي الله لايجيب الفراق
شخص فراقه عيد؟.

المهايطي الحسود الي هو عدو بجلد صديق والفيلسوف الي يقول شي ويسوي عكسه
شخص تحسبله الف حساب؟..
والله بعد واجد لكن اعتقد زوجي اخواني وشيخهم كلهم الوالد
اخر وردة بالوجود لمن تهديها..؟؟
والله انا بعد ماهو بذاك الزود على الورد ولا عمري اهديت احد ورد هدايي دايم احبها تنفع الي بهديه
لكن اذا انتو ملزمين اكيد
مافي غيرها مجنونة الورد اختي ملوكه
لديك 3 وردات لمن تهديها
::وردة حمراء..ضمني بين الاهداب تدري بغلاها عندي الله يعافيها ويحفظ لها غواليها
ووردة صفراء.لأشد مشجع نصراوي سمعت فيه وشافته عيوني اخوي الكبير الله يعافيه ويطول بعمره
.ووردةبيضاء..؟؟ اكيد لكل بنات ليلاس

?شكلك و أناقتك وممتلكاتك?






ماذااهم برأيك الجمال الخارجي او الجمال الداخلي؟؟.
الاثنين مكملين لبعض اكيد اول ما يشدني المظهر لكن انا احب الجمال الداخلي اكثر
تسمعين با الي يقول الي ما يعرفك ما يثمنك


هل تمتع بالجمال الخارجي براأيك؟؟
اسألو ضمضم ورنا خالة رنو
انا عن نفسي مقتنعه بنفسي من فضل ربي علي
ما الشيء المميز في صفاتك؟
باس

هل انت انيق او لا تهتم بهذاالشيء؟
على حسب المزاج احيان واحيان

ستايلك سبورت او رسمي او موديرن(موضة الشباب الحالية)؟

الي يعجبني اخذه وكل مناسبه لها لبس اكيد الزيارات غير والمناسبات غير وفي بيتي واذا جاني ضيوف
الالوان التي تحبها؟؟الالوان التي لاتحبها؟؟

المشكله اني احب الشكل الي يتخذه اللون مالي لون محدد كل مره لون لكن الغالب السكري
افضل ماركة تجارية؟
بعد على حسب مافي شي محدد وانا الماركات اخذها بأضيق الحدود الله يسلم لنا تقليد درجه اولى

عطرك المفضل؟
ما احب اتقيد بنوع معين لكن احب اي عطر يغلب عليه رائحة الياسمين

ماهو نوع موبايلك..؟؟..في ماذا تستخدم تلفونك اكثرشيء؟؟..
ههههههه والله عندي موبيلات مالها عدد كل ما نزل نوع اذا ما شريته جاني هديه

ولقيت طريقه استفيد من الموبيلات اخليها هديه لعيالي للي يتقدم مستواه عن اخوانه

لكن الي احبه جوال الدمعه والجوال هذا خلى كثير من اخواني واخواتي دايم يتذكروني بهديه جوال جديد يبون اغيره وانا اقتنع يوم بعدين ارجع له



واكثر ما استخدمه اسمع فيه صوت امي

او ارسل قائمة طلبات البيت لزوجي اصور عيالي با استمرار



ما نوع سيارتك؟؟>>ان وجد

ماهي سيارتي سيارة ابو الغوالي جيب /فورد /وسيارة البيت

ماهي ماركة السيارات اللي تحبها؟
احب الجاكوار
وكنت اتمنى تكون عندنا


لكن تجري الرياح بما لاتشتهي طيف






?انت و عالم الحب?






ماهو الحب بنظرك؟؟

والله انا ها المره با اتفلسف بمان الكثير كان الجواب
><بـــــــاس><



هو انجذاب واندفاع بعنف لشخص اكتمل فيه كل ما تريد من وجهت نظرك

تعجز عن تفسير هذا الاندفاع

ويسيطر على مخيلتك وحلامك وآمالك

يسلب منك حق التفكير بالواقع الذي انت فيه ويأخذك إلى عالمه


ويمارس معك جميع طقوس الانانيه والتعذيب وانت تتقبلها بكل رحابة صدر وربما تطلب المزيد>>ههههههه حاله صعبه

و ما تعريفك للحب؟؟

الحبــ أن تعطـــي فلا تنتظـــر الجزااء .. وتعفــووو فلا تنتظــر الشكــر

اذاأحببت ما مقدار عطاءك لمن تحب..؟..

بلا حدود لدرجة الهبل


كم حبيت بحياتك؟اذا نعم..كم مرة..مستمرة اوفشلت؟..

والله ما يمديني احب او انحب تزوجت صغيره يعني ما يمدي افتح عيوني واشوف شي

وماصفات حبيبك التي تعجبك
هههههههه

باس

وما صفاته التي لاتعجبك؟..؟..

اذا حبيته اعماني عن كل شي ما عاد اشوف شي ما يعجبني


ما سمعتي و عين المحب عن كل عيب كليلة

والملتاع ماخلى شي يوم قال

عيون الحب لا يمكن تناظر
عيوب الخل لوهو عيب كله


هل انت رومانسي؟؟..ما مفهوم الرومانسية برأيك؟؟..

اتوقع
وما هي الهدية التي تحب ان تهديها لحبيبك اوصديقك..؟؟
هو يحددها بنفسه اهم شي انه يستفيد منها

ما رأيك بالحب عن طريق النت
بيت العنكبوت الحب عن طريق النت

البنات في الغالب يبون ها الحب اخرته بيت وزواج ما درو اانه لو ينبني بيكون اوهن بعد من بيت العنكبوت

واذا ما انبنى بتصيدك الشبكه ولا يمكن تطلع منها سالم الا بأصابات وبالغه بعد

لو صارحك احد بحبه لك وانت لا تحمل له نفس المشاعر كيف تتصرف؟..

والله ما ادري يمكن اذا سمعت منه يتغير شعوري واصير استلطفه كل شي جاااااايز

المواصفات الشكلية\الشخصية لفارس\فارسةاحلامك؟
جا فارس احلامي
وصار شايب واقعي الله يخليه لنا

لو اعطاك الحبيب يده ماذا ستكتب عليها له؟

ما اتوقع الحبيب يعطيني يده
بس لو عطانياها بكتب فيها خفف من ها العصبيه علشان ها الصداع الي ماهو فاكك

هل تفكر حاليا بالزواج؟..واذا كنت متزوج ما رأيك بالزواج؟؟

ههههههههه


عساني ما افكر غير ما فكرت لكن الزواج استقرار والفه بين الزوجين وتغيير جذري لحياتك مرحله انتقاليه بكل المقاييس


?انت و الأكل?




هل تعرف الطبخ اولا.؟؟..


هههههههه عليكم اسئله
اكيد اعرف اطبخ كل ها الكبر ولا اعرف اطبخ مصيبه

افضل اكله لديك..؟؟..ما الاكلةالتي لا تحب ان تأكلها.؟؟..

مافي شي محدد احب اشياء كثيره
واكره الكباب والبروست والمخلل والتونه اتعب اذ اكلتها
والسمك اكله عادي

هذا الي جا في بالي
وما حب روق العنب على اني اضبطه بس ما اكله الا وانا مضطره

شرابك المفضل؟..

بعد كثير المويه عصير البينا كلادا واكره عصير التوت الطازج
من هو الشخص الذي تحب طبخه؟..


الشخص الي له الفضل الاول بتعليمي الطبخ

يعجبني طبخه


?انت و عالم الشعروالخواطر?



هل تحب القراءة؟

كنت مجنونة قراءه الي قبل كم شهر لكن الحين خمول ماهو طبيعي
..ما كتابك المفضل؟..

اكيد القرآن


هل تجيد كتابة الشعروالخواطر؟؟
باس
من هو شاعرك المفضل.؟؟

واجد الامير بدر بن عبد المحسن
الملتاع الله يرحمه قيس بن الملوح الله يتجاوز عنه

ابيات شعريةتعجبك..؟؟

كثير والله لو ابي اكتبها با خذ صفحات

احب قصيدة البدر

ناديت خانتني السنين
اللي مضت راحت

ناديت ما كن السنين
اللي مضت راحت

كنا افترقنا البارحه
والبارحه صارت عمر
ليلة ابد عيت تمر
وها القصيده اتوقع بعد كم سنه كثير من البنات بيمرون عليها ويوقفون

احب قصيدة طلال

عـلـمـتني وشــلـون .. .. احـــب
عـلـمـنـي كــيـف .. .. انــسـى


قصيده مدري مين قايله لكن اعجبتني

ياشينها لاطاح " دمع الأكابر " ..!!
ياهي كبيره في " عيون العصافير" ..
هذا [ الزمن ] بعيون الأيتام غابر ..
وفي عين من عاش [ الترف ] هالزمن غير

ياللي [ طعونك ] تقتلك لاتكابر..
لاتعتذر ../ مليت كذب المعاذير
[ شفني ] وتعرف كيف لاقيل صابر
[ شفني ] وتعرف ويش تعني مقادير

اضحك وفيني للمواجع .. / مقابر
ابكي وضحكي "ذنب" والدمع تكفير
اكتب و [ دمعي ] صار حبر المحابر
ويخون في صدري للأوجاع [ تعبير ]

( أنا / أنا ) على مثل منت خابر
بس / .. الزمن له باكثر الخلق تأثير
"عابر شمالي " ../ شح بي وقت عابر
واشح بدموعي عن الناس " يامير" ..

اهمس وصوتي تشتهيه [ المنابر ]
ويضج صدري " طعنتين ومسامير"
الحب لابو.. الحب ../ مقطوع دابر
ماهي قضية (خنجرين ومخاسير)..!!

شيء [ انكسر] ماله مع الوقت جابر
وخل الجروح اللي [ بصدري ] مسايير
ماقلتلك [ هالحزن ] فيني مثابر..؟
وصدري ../ ( قفص حزني ) و (قلبي به الطير)..!؟

بالله قل لي ../ كيف ودك اكابر..؟
كيف اعتذر / .. واحكي عن الدمع تبرير ..؟
ماقلتلك ...؟ لو طاح دمع الأكابر ..
.. / ( ياهي كبيره في عيون العصافير )





?انت و السفر والطلعات?




مكان تحب دوما أن تذهب له؟
اكيد مكه والمدينه

ما الدولة التي تتمنى زيارتها؟ومع من تختار ان يسافرمعك؟..
وانا صغيره كنت اتمنى ازور اليونان وحلم با النسبه لي كان
والحين لو بختار ماراح اختار الا مكه والمدينه
صرت اكره السفر واحسه عذاب
واكيد لو بختار من يرافقني بيكون زوجي
ما الدول التي سافرت إليها..؟..

باس
ما الدولة التي لا تفكر ابدا بالسفراليها..؟؟


كثير والله منها لبنان >>لا تفهموني غلط





?ماذا تعني لك هذه الاشياء?


البحر..يخوف


التراب..طفشنا الغبار

الارض..باس

السماء.. الانشراح
الوطن.. كل ما املك له
الشمس..حبيبتي في الشتاء
القمر.. يا زينه بنص الشهر
المطر.. ناسيه شكله
الليل.. الهدوء
الطفل.. البراءه
الكتاب..صديقي الصدوق
النت.. له جوانب كثير
البيت..مملكتي الصغيره
العمل..باس
المدرسة.. ايام وراحت
ايميلك.. منسي
اصدقائك.. الله يوفقهم
حبيبك.. باس
الوالدان.. راس مالي
المرأة.. كل التناقضات فيها
الغروب.. لحظه فيها حزن بغير رمضان
الوداع.. الموت البطيئ
الورد.. قلت لكم مافيه بيني وبينه ذيك المحبه لكن دليل الرقه
المستقبل..عند ربي
الظلم.. قهر
الطفولة.. ايام لايمكن ترجع
القلم..صديقي الي ما يفارقني



ماذا تعني لك"



دمعة الطفل.. دلع
دمعةالرجل.. انهيار
دمعةالمرأة.. على كيفها
دمعة كبيرالسن؟..

والله مرات تكون جواره من بعض العجايز

ومرات قمة الألم الروحي











ما رأيك بهذه الصفات؟":



الخيانة..جريمه لا تغتفر
الحرية.. بحدود
الصداقة.. باس
النميمية..داء بلانا الله به سبحانه وتعالي
النفاق..داء العصر
المجاملة..مرات تكون مضطر
الكذب.. حدث ولا حرج
الضحك بسبب تافه.. عادي يمكن عندك تافه وهو ردة فعله غير
الرومانسية..مفقوده
الحزن الدائم.. الحمدلله الضلوع ساتره القلوب
المجازفة..على حسب
الحنان..من والديني لي ومني لعيالي
الاحساس.. مرات يمرض
الاستفزاز.. اسلوب رخيص من اعداءك
التسرع.. من الصفات الي م احبها فيني

الابيض والاسود.. تضاد
الاخوةوالصداقة..مكملات لبعض
الخيال والحلم..والله هم اتوقع يشبوهن بعض لكن الحلم يجيك غصب عنك والخيال انت تجيه
الحقيقة والسراب..تناقض
الحب والصداقة؟..؟؟ هههههههه نادره جدآ لازم في مصالح

ماذا تقول في:


ارق كلمة.. باس
اغلى كلمة.. يمه قايلتها او مقيوله لي
اصعب كلمة.. غصب عنك تسويها ماهو برضاك
اقسى كلمة.. تجتهد في شي وتبي كلمة شكرآتتفاجأ بكلمة الحمد لله بس هذا الي قدرت عليه

اجمل كلمة.. الله يجزاك خير
اقبح كلمة..؟؟ مالك فضل


اجمل مافي:



الرجل..رجولته با المواقف
المرأة.. ضعفها
الطفل..ريحته وخصوص المواليد
البحر..غموضه
الحب,,انه حب
الليل؟؟ هدوءه


?انت و الرياضة?




الرياضة المفضلة لديك؟

رياضة نط الحبل لكن الحين ما اقدر الي قبل فتره وانا امارسها
وما الرياضة التي تمارسهاشخصيا؟؟

المشي
من هو افضل لاعب لديك؟؟

ناسيه

افضل نآدي تشجعه؟؟
اكره التشجيع بسبب المظاهر الي تصير بعد الفوز يدي على قلبي الي الصباح

?انت والمدرسة?


ما هو أكثر شيء تحبه بالمدرسة؟؟..
اشياء كثيره


ما هو أكثر شيء تكرهه بالمدرسة؟؟..
فترة الامتحانات

افضل واسوأ مادة دراسية عندك؟؟..
افضل ماده كانت التاريخ

واسوء ماده الانجليزي والمضحك ان كل عايلتي صار تخصصهم انجليزي

من هو المدرس الذي جعلك تحب مادته؟..

عمومآمدرسات التاريخ احبهم كذا من الله واجتهد عندهم وهم بعد يميزوني
كم مرة رسبت بالمدرسة..؟؟

ولا مره كنت شاطره الا الانجليزي انجح بعد جهد جهيد واهلي ما يقصرون مدرسة الانجليزي الخاصه قبل الامتحانات بشهر احضر عندها
اذكر لنا اي موقف من أيام المدرسة؟؟

ما يحضرني و الا كثير المواقف اكيد








?انت والعمل والعلم?




هل تعمل حاليا ؟ اذا نعم ما عملك؟
لا

ما التخصص الذي تحلم بدراسته؟

اكيد التاريخ
ما اللغة التي تتمنى ان تتعلمها؟
هههههههه يكفي الي مصدعين راسي بكتب الانجلش

هل أمنت مستقبلك ؟

تاركته على الله الي تكفل برزقي وانا في بطن امي ماهو ان شاء الله تاركني
ماذاتفعل و الى اين تذهب بهذه الحالات؟:
متضايق.. غرفتي تحت اثقل بطانيه
فرحان.. على طول يبان علي
مصدع.. فيفادول
عصبي..دايم ها العصبيه صارت روتين
هادئ.. قليل
مشتاق.. باس
حزين.. تحت اثقل بطانيه
تعبان.. المستوصف
تبكي..كثير
تصرخ..؟؟ بدون شعور

وقت الملل ماذا تفعل؟؟

المطبخ اطبخ الي يجي براسي

النت ابحث في اشياء قديمه مسلسلات كرتونيه

او انام
ما المشروع الذي تتمنى ان تنجزه في عالم الاعمال.؟

مشروعي الابدي والمصيري اني اطلع للمجتمع شباب صالحين





?افضل × افضل?




ما انواع الورود التي تفضلها؟
اليا سمين اعشقه


ما الاسماء التي تعجبك للولد اسامي كثير محمد طلال عبد الله فيصل الوليد يزيد عبودي الغالي

\للبنت..؟ بعد واجد رانيا ريناد سيدرا


شخصية تاريخية تعجبك ؟
والله بعد كثير
عماد الدين زنكي
الملك فيصل

الملكه زنوبيا ملكة تدمر

الرقم اللذي تتفائل به ماهو؟..الحرف الذي تحبه ماهو؟

عادي الا رقام ما اتشائم منها ولا اتفائل
الحرف الي احبه انا عندي مشكله مع حرف الدال قديمه دايم افخم الحرف وناس كثير كانت تتوقعه مصطنع لكن ابشركم انحلت وقدرت عليه
احب حرف الراء
ما الحيوان الذي تحبه وتحب تربيته عندك.؟..

لا اله الا الله اربي ايش اكرها حتى بحلم الليل الحيوانات
وما الحيوان الذي تخاف منه ؟؟

النمر الاسود يرعبني شكله
وما الحيوان الذي شكله يقرفك؟؟..


كل الحشرات والزواحف

وما الحيوان الذي تشعر ان اكثر جمالا منغيره.؟؟

صغار الغزلان والخيل
احسن من غيرها


?كلمة اخيرة?



ما رأيك الصريح بموضوع ((كتاب حياتك))؟

موضوع رائع ومتعب جدآ

مشكوره نودي

اجل اسمس ام رنو 0000 الله يحفظ لك غواليك وممتع كتاب حياتك طيوفه

طيف الاخت والصديقهـ..,,
تمتلكين حس فكاهي ساخر الى حد الوجع..,,,
تمزجين عدة كلمات بحس ساخر تستوقفني كثيراً..,,
جداً..جداً..آستمتعت وانا اقراء كتاب حياتك..
مع ان الاكثريه عندي خلفيه عنها..لكنها جميله جداً بنسبه لي اعرفها من جديد...
الله لآيحرمنا من حضورك المحبب الى القلب عند الجميع..
.
.
نودي..الموضوع جداً مميز...وفقتي فيه..
.
.
.
تحيتي للجميع..

عيون الحب لا يمكن تناظر
عيوب الخل لوهو عيب كله



ياوجه الله وش جاك علي انتي وضمضومه هيضتوا مشاعري مالقيتي الا الملتاع وه بس--الله يرحمه يارب

طيوف كتابك روعه روعه والحلو اكتشفت اشياء غايبه عني
الله يخليلك رنو وابو رنو واخوان رنو وجدان رنو وخوال رنو



وما الحيوان الذي تخاف منه ؟؟

النمر الاسود يرعبني شكله



ياحافظ ياعقايل الله ذا يخوف؟!^-^