كاتب الموضوع :
توري
المنتدى :
قهوة ليلاس
يادي الفضايح
اقتباس :-
المشاركة الأصلية كتبت بواسطة بوح قلم  |
فيس شجوونه لاحياا الموواضيع..
محممد..
metvirus
حياااك..
|
الله حيو .. ازيك يا استاذه
والله زمان ع المواضيع الجامده
فكرتني بأول أيامي في المنتدى ..
ميرسي بوح قلم ع الدعوة الجامده دي
الموضوع أكتر من تحفة والله .. فكرني بأحلى أيام
ربي يسعد أيامكم كلها
|
اقتباس :-
المشاركة الأصلية كتبت بواسطة توري |
صباحكم / مسائكم مذاكرة
مساء الرضا
أخبـــاركم ؟؟!!
كلو تمام .. ازيك توري .. الله ينور ع المواضيع الأستاذه دي .. هووووو دا
شفت فكرة اعجبتني و حبيت انقلها لكم
أحسنتِ والله
نبدأ بسم الله ::
يلا فضايح بفضايح بقى :)
- إيش كآن فصلك في أول إبتدآئي .. ؟ يعني ( أ , ب , ج ) ..
مش فاكر .. بس بيتهيئالي / B
- أول مدرس/ه جآكم بالفصل ( بأول إبتدائي ) .؟على الأقل الإسم الأول ..
ده فاكره بالذات بقى مستر / عباس كان وعععععع << ومخيف وطويل أساسا
- أول مشكله أو مشآده حصلت بينك و بين أحد التلآميذ .. ؟
ع الي مين يقعد ورا خالص آخر بنش
- من كآن يلبسك ( ثوبك / مريولك ) بالإبتدائي .. ؟
طب ليه الكسوف ده بقى .. ماما طبعا
- كم قلم ضيعت بأول إبتدآئي و هل كآن ( أبوك / أمك ) تهآوشك عليه..؟
اوهوهوهوووووو كل يوم تقريبا
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
ههههههههههههههههه لا .. كنت متشرد وماكنتش عايز أروح أصلا
- هل كنت تغآر من أحد التلآميذ .. مع ذكر السبب ؟
ايون .. ريان .. كان رسام أشطر مني 
- بالمتوسط .. هل حسيت إنك كبرت .. ؟
كتير .. لأني كنت باروح المدرسه لوحدي عشان كانت قريبه م البيت .. واصحابي كانوا أكبر مني في الفصل .. ولعبة أصدقاء السوء بدت بدري معايا ف أولى اعدادي .. بلاش أقولوكو :)
- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
أنضف م الجديدة .. كنت باسيبها في المدرسة من أول السنة لآخرها .. بس كنت بارسم ع التخت<< البنشات .. وع الحيطة طبعا .. ونعمل كاركاتيرات ودعايات انتخابية للمدرسين الغلسين << الله يمسيه بالخير استاذ هاني بربش .. رمز النظارة .. لغاية النهاردة ماهوش ياعيني عارف مين طلع اشاعة انه داخل مجلس الشعب وبيعملو دعايته دي
- هل خآلفت الأنظمه .. كم مره .. إذكر لنآ إحدى المخآلفات .. !
كتير .. عمري مارحت الطابور .. ولاعديت عمري الحصة التالته وانا جوا الفصل .. ولا تخلص الفسحة إلا وانا في البلياردو بتاع فريندس .. يا إما على قهوة منه فيه .. وفيلم شمس الزناتي بتاع عادل امام الي حفظت حتى موسيقى التصويرية بتاعته .. المقرر يوميا هو وكام فيلم تاني كده فيفي عبده على جاكي شان وحاجات كده
- إذكر لنا بعض الألقاب التي أطلقت على المدرسين .. مع ذكر السبب .؟
طبعا .. كلهم أساسا
المحلاوي و المعداوي وعادل صبري
ده المدير فالوكيل فالسكرتير
كان إسم شهرتهم خميس جمعة السبتاوي
مستر سامي بتاع الإنجليش << بربش
ابله انشراح بتاعت علم النفس << الساحرة الشريرة
استاذ هيكل بتاع الفيزيا <<جودزيلا
أستاذ هاني بتاع العربي والمسرح <<أحاسيس
أستاذه غاده بتاعت الألعاب بتاعت البنات <<الكارثة .. وكانت كارثة الله يمسيها بالخير 
- هل أخذت رئاسة فصل أو مسرحية أو إذاعة أو مآ شآبه
كان شغلتي وأكل عيشي كل ماسبق
المقرر الفني كل سنه
في برنامج الاذاعة يوميا
في فريق الكورال والمسرح من أولى ثانوي
أمين سر فأمين مساعد اتحاد الطلبة سنة تانية
في الفريق الطبي والرياضي والكشافه والنادي الأدبي .. كل ده عشان ماحضرش الحصص
- هل يوجد ألقاب أطلقت عليك .. ( إعترف ) .. ؟
كتيييييييير
يوكوهاما <<مش عارف مع اني مش شبه اليابانيين
الديزاينر<<عشان الي بيصمم النصايب من ورا الستار
بيجن<< كنت قايم بدوره في مسرحية عن 6 اكتوبر والحرب وكده
- أين كآن مقعدك في الصف الأول ثآنوي .. ؟
طول عمرو في الآخر
- في أي سنه إلتقيت بأعز أصدقائك .. ؟
سنه أولى في كل المراحل
- مدرس تقول له ( شكرا من القلب و يعطيك العافية ) .. ؟
كل مدرسيني والله ماعدا أحمد عامر بتاع الفرنساوي وسامي بربش بتاع الانجليش .. عشان كان نطقهم عبارة عن لغتين جديدتين تحمل مابين الفيومي وصفط اللبن والهيروغليفي ومابين الكوتديفواري
- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
ماتعديش .. ف ثانوي عشان الغياب من أول شهر كده .. كنت بكون مش على قوة المدرسة .. ولازم أدخل بولي أمر .. وبابا طبعا كان عارف .. بس كنت باذاكر فكان بيكبر ويظبطني آخر السنة
وطبعا الهواية الأساسية .. في النط من ع السور وشرب السجاير في الحمام والجوابات الي بتتظبط في مبنى البنات والأشياء دي ماتعديش
- مدرس تمشكلت معه .. مع ذكر السبب .. ؟
لا .. ماكنتش أجريسيف .. الي هوا كنت بريح ع الآآآآآآخر وباعمل الي انا عايزه في الآخر
مفيش يمكن غير مرة .. مع هاني أحاسيس بتاع المسرح .. عشان دور كده كان نفروض اني هاستشهد وتيجي أم الشهيد تقول شعر كده وانا ميت ع المسرح .. وهفضل نايم بتاع سبع دقايق مثلا .. ده غير الي مفروض كانت أمي دي كانت أصغر مني أساسا .. ومش شاطرة .. أفشت اني مش هعمل الدور ده .. أخدت دور عسكري اسرائيلي في الآخر تاني ومت برضو .. بس عملته كويس والله
- أطرف موقف حدث لك في حيآتك المدرسية ؟
والله كل الأيام كانت أحلى من بعض بس أفتكر في مرة ف أولى ثانوي كنت في فصل متفوقين وكنا مزوغين كالعاده واقفين ورا مبنى المدرسة بتاع 15 واحد مثلا .. وكلو مديها سجاير وهوب .. خميس وجمعه والسبتاوي ومعاهم الأمن من هنا ومن هنا .. كماشه .. كلو من ع السور طبعا باحتراف .. ماعدا عمرو .. كان تخين ياعيني طلع لغاية ماركب السور ومش عارف لا ينط جوا ولا برا .. ومدرسين يشدوا من جوا واحنا من برا لغاية ما بنطلونه اتقطع ياعيني بس هرب برضو في الآخر .. وكيل نيابه المعلم ده دلوئتي .. باذله بالموقف ده لغاية النهاردة خخخخخ .. ورحنا ع القلعة عشان نلعب كوره ساعتها .. ولقينالك طقم الإدارة راكب موتسيكلات ورا بتوع الأمن وشكلهم يموت م الضحك ومامسكوش حد في الآخر .. بس فضحونا في الإذاعة تاني يوم
-صور اي شي من ممتلكات الخاصه بالمدرسه ونزلها ؟(كتاب - مريول
- شنطه -الخ)
صعب أوي ده
لأنه مافضلش أي حاجات أساسا
|
أتمنى اني ماكنتش ضيف تقيل
وأحسنتوا والله العظيم
تشكرات للصبح
تحياتي
|
03-06-12, 07:42 PM
جديد مواضيع قسم قهوة ليلاس
العرض العادي
