كاتب الموضوع :
توري
المنتدى :
قهوة ليلاس
اقتباس :-
المشاركة الأصلية كتبت بواسطة توري  |
نبدأ بسم الله ::
بسم الله
- إيش كآن فصلك في أول إبتدآئي .. ؟ يعني ( أ , ب , ج ) ..
كان اول /أ
- أول مدرس/ه جآكم بالفصل ( بأول إبتدائي ) .؟على الأقل الإسم الأول ..
ابلا صفية تقريبا لانها هي اللي كانت رائدة فصلنا
- أول مشكله أو مشآده حصلت بينك و بين أحد التلآميذ .. ؟
اول مشادة ما اذكرها بس كان فيه وحدة من البنات دايم تكرهني
تدرون ليه لسبب سخيف علشاني بنت المديرة و اذا قلت لامي تقول اسفهيها
علاج فعال لها خخخخ
- من كآن يلبسك ( ثوبك / مريولك ) بالإبتدائي .. ؟
امي و الشغالة
- كم قلم ضيعت بأول إبتدآئي و هل كآن ( أبوك / أمك ) تهآوشك عليه..؟
اووووووه دايم اضيع و احيانا اتكيرم على البنات لدرجة اني مرة في ثاني ابتدائي اخذت كرتون المراسم ( الاقلام الرصاص ) و وزعت على بنات الفصل خخخخخ .. بس و لا مرة حد قال لي شيء
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
لا ما بكيت و كنت مستغربة من اللي يبكون ليه يبكون
بس للامانه كنت مسنترة في الادارة عند امي و كل ما قالت انزلي قلت لا تعالي معي خخخ
- هل كنت تغآر من أحد التلآميذ .. مع ذكر السبب ؟
كنت اغار اذا مدحوا حد و خلوني
- بالمتوسط .. هل حسيت إنك كبرت .. ؟
في اول متوسط كانوا يقولون لنا بنات ثاني ثالث ادخلوا يا غران ( = بزران )
بس في ثاني لا حن اللي كبرنا و صرنا نقول لبنات اول ادخلوا يا غران هع
- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
شكلها مجلدة و نظيفة و اي كلمة اكتبها في الكتاب تكون بالرصاص و ما اخطط بالقلم الا في الامتحان النهائي
و يا ويل اللي يكتب في كتبي
حتى ان كان فيه وحدة من زميلاتي دايم تهجم على طاولتي تبغى تكتب على كتبي بس امسكها خخخ
و في التحضيرية جلست جنبي في محاضرة و انا فاتحه كتابي و منتبهه للاستاذة و كنا جالسين على شكل قروبات و انا كنت لافة بجسمي علشان اشوف الاستاذة و يوم شفت كتابي الين فيه ممتازة و اشكرك و ثلاث نجمات و عند كل فقرة صح و البنت ميته من الضحك
لحظتها عصبت بس بعدين احتفظت بها في صندوق الذكريات
- هل خآلفت الأنظمه .. كم مره .. إذكر لنآ إحدى المخآلفات .. !
اممم يعني كم مرة بس و اغلبيتها على الموديل في المريول
و حركة ان حن نلبس بلوزة بياقة و نطعها من برا الثوب << حركة في المتوسط
- إذكر لنا بعض الألقاب التي أطلقت على المدرسين .. مع ذكر السبب .؟
الجوازات << هذي كانت ادارية في المتوسط يوم مناوبتها تطلع بسجل التعهدات و اي وحدة تشوفها في السيب تكتبها تعهد
و ابلا هُنا هُنا << هذي مدرسة كل كلمة و الثانية تقول هُنا
و انسة منشن .. هذي ادارية في التحضيرية تشبها في كل شيء
- هل أخذت رئاسة فصل أو مسرحية أو إذاعة أو مآ شآبه
الرئاسة في الابتدائي و مرة في المتوسط
و بعد نفس الشيء في الاذاعة
- هل يوجد ألقاب أطلقت عليك .. ( إعترف ) .. ؟
هي ما هي بالقاب القاب بس كل وحدة من صديقاتي تسميني اسم
مشتق من اسمي مدري كيف يطلعونها ؟؟
و كان فيه وحدة تقول لي ام الفزعات
- أين كآن مقعدك في الصف الأول ثآنوي .. ؟
اول ثانوي كنت قدام المقعدين اللي في الوسط انا و بنت عمتي
- في أي سنه إلتقيت بأعز أصدقائك .. ؟
في رابع ابتدائي و من التحضيرية
- مدرس تقول له ( شكرا من القلب و يعطيك العافية ) .. ؟
للكل بس اكثر شيء لابلة الانجليزي في ثاني و ثالث متوسط
صراحة هي اكثر وحدة استمتعنا بالدراسة معها
- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
انذااااااار ... يا كبرها عند الله
بسم الله علي ما قد خذت و لا انذار
تعهد .. مرة وحدة و في اول ثانوي .. و السبب سخيـــــــــف و ما كنت غلطانه
هذا سلمكم الله في الثانوي المدرسة عندنا مقسومه نصين نص ابتدائي و نص ثانوي
الثانوي ما خذين الدور الارضي مع نص الدور الثاني و الابتدائي و النص الثاني و الثالث كامل
و فيه للثانوي ملحق صغير فيه ست فصول و غرفة معلمات و كان المشوار شوي طويل بين الاثنين
و مرة كان يوم اثنين في ثاني اسبوع دوام و عاد وحدة من صديقاتي مداومة ذاك اليوم و حن مسوين فيها فاهمين كل شيء
المهم ان حن افطرنا و يوم دق الجرس قمنا رايحين المبنى الملحق لانه كان و لازال لاول ثانوي بس
و كان قدامنا بنت ثقيلة دم و دلوووووووعة و حن وراها و نتهزا بمشيتها و روانا ابلة الفيزياء يا الله يا اول بسرعة و معصبة
و حن نمشي اللي قدامنا بطيئة و حن نمشي و نسولف المهم يوم وصلنا باب المبني و كان عاد فيه بنات ما بعد دخلوا فصولهم مسوين قروبات و يسولفون
المهم و لا اشوف العصا اللي مع الابلا اللي يوم سوت حاجز فوقفت انا و صديقاتي و وقفنا قالت لا تدخلون قلنا طيب و قامت تدعي البنات اللي عادهم برا وقفوا لا تدخلون المهم كان شمس و نبغى ندخل فقلنا يمكن فيه تفتيش لانهم دايم يسوون الحركة
و شوي و تخرج ابلة الاحياء و تقول روحوا الادارة قلنا ليه قالت بس روحوا
و لين ذي ابلة الفيزيا يوم خرجت مرة ثانية قالت ما تفهمون روحوا فطلينا في بعض باستغراب و قلنا ياللا ( يمكن كنا حوالي نص طالبات اول ثانوي )
و ندخل المبنى اللي فيه الادارة و لقيونا الاداريات و قالوا خير قلنا قالت ابلا فلانة ان حن نجيكم قالت ليه قلنا مدري
قالوا اكيد انتوا غلطانات يا ام فلان ( الخاله) جيبي العصا و لينها جايبة حديدة
قالت وحدة من الاداريات يا تنخبطون ( = تنضربون ) يا تنقصون من السلوك
انا عني قلت لصديقاتي اتحداها تنقص من السلوك و ماني بمنخبطة لانه ممنوع و شكوى بسيطة توديها في داهية ^_^
و لين ذي ابلة الفيزياء منطلقة من جنبنا رايحة الادارة تبغى تشتكي ( شوفوا يبون يخبطونا ما بعد عرفوا وش السالفة )
و المديرة كان عندها مشرفة ذاك اليوم المهم و ابلة الفيزياء تمشي بسرعة و لينها يوم مالت على قدام و وقفت و حن بصوت واحد احســـــــن
وش اللي صار ؟؟
تنورتها في طرفها دانتيل و دخل الكعب في الدانتيل و قطعه خخخ و بغت تطيح
و شوي و مرت المرشدة الطلابية و علمناها بالسالفة و كلمت الادارايات و خلت العقوبة تعهد و نلم الساحة ( = ننظفها )
- مدرس تمشكلت معه .. مع ذكر السبب .. ؟
ههههههههه هذا الموقف كل ما تذكرته اتفشل و صراحة هي ما صارت مشكلة
في ثالث ثانوي كنت انا و صديقتي نسب في ابلة الكيمياء و المصيبة اني ما انتبهت ان حن نكتب في دفتري الكيمياء و لا الصفحة اللي كتبنا فيها كانت الصفحة المقابلة لاخر درس
كتبت مادام فيه تخطيط بنفهم و صديقتي كتبت صح لسانش
المهم انها جمعت الدفاتر من بكرة و انا طلعت دفتري من الشنطة و عطيته البنت اللي تجمع بدون ما افتحه
صححت الدفاتر و رجعت الدفاتر الا دفتري الين البنات يقولون توري ابلا فلانة تبغاش خرجت لها
قالت لي و هي مصدومة ذا دفترك قلت ايوه قالت متاكدة فشكيت في نفسي قلت ايوه هو ذا اسمي عليه
قالت من اللي اخذ دفترك قلت ماحد ففتحت على الصفحة قالت و من اللي كتب ذا هذا مو خطك ( لاني كنت كاتبه بسرعة ) في ذيك اللحظة حسيت انه اصبت علي مويه باردة بغيت اموووووووت
و اختكم في الله ما تعرف تكذب و تمشي في الكذبة واجد فقلت انا قالت لا مو خطك ( هذي الابلا انا عندها شيء خرافي ) قلت الا و الله انه انا قالت وذا ( صح لسانش ) فلانه ( صديقتي ) صح قلت ما هو بمهم تعرفين اللي ردت انا اللي بديت بالسالفة قالت لا فلانة و انا مصرة على رايي
فرن الجرس بداية الفسحة قالت نتفاهم بعدين و انا خلاص بغيت اموت و صديقتي تقول بروح اقول لها قلت لها لا لا تروحين و ما عرفت اش اسوي ذاك اليوم و صديقاتي يقولون كان صرفتي نفسش
المهم اني اعتذرت منها و انتهت السالفة و في حفل تخرجنا حن اهدينا معلماتنا دروع و باقات ورد و انا اللي رحت اعطيها الباقة
- أطرف موقف حدث لك في حيآتك المدرسية ؟ ..
في ثالث ثانوي كانت مدرسة العربي ( ابلا هناهنا ) كل شوي و هي تقول هُنا هُنا و اعلم اختي قالت اختي انهم قد حسبوا كم هي تقول هنا يومهم في ثالث متوسط و انها طلعت 105 مرات في الحصة قلت اما الحكى قالت و الله
المهم من بكرة علمت صديقاتي بالسالفة و جلسنا نضحك و قلنا يا الله نعد كم هي بتقول و كنا جالسين في الصف اللي جنب الباب ( كنا ثنتبن ثنتين )
اول مكان انا و وحدة من صديقاتي ( صديقتي ذي توب عند ذا المدرسة ) المهم كنا 8 في الصف اللي جنب الباب و الثنتين اللي ورا هم اللي تكفلوا بالعد
و في نص الحصة قالت وحدة منهم 98 بصوت مرتفع شوي و حن ابتسمنا و ماسكين الضحكة و قد حن محمرين من كثر ما حن ماسكينها لان حن كنا نعلق في الحصة على كل رقم
بس 98 طلع بصوت عالي فشبحت ( = ناظرت ) الابلا فينا حن اللي قاعدين قدام و شافت صديقتي ذي ماسكة ضحكتها و عصبت علينا و هزئت البنت اللي تكلمت و للاسف ما كملنا العد خخخخ
-صور اي شي من ممتلكات الخاصه بالمدرسه ونزلها ؟(كتاب - مريول
- شنطه -الخ)
|
الصور ثواني الين يخلص الرفع
|
07-10-10, 02:38 PM
جديد مواضيع قسم قهوة ليلاس
العرض العادي
