عنقليزيه
تسلمين عـ الصور والذكريات

يعطيش العافيه^^

وفي انتظار الفيكتوم التالي خخخخ

عنقوزة

يعطيج العافيه

والله موضوع وايد حلو تسلمون ^^
خلني اشوف و اذكر ...........


- إيش كآن فصلك في أول إبتدآئي .. ؟ يعني ( أ , ب , ج ) ..
كنت في اول /1

- أول مدرس/ه جآكم بالفصل ( بأول إبتدائي ) .؟على الأقل الإسم الأول ..
مس فاطمة الله يذكرها بالخير واايد تحملتني

- أول مشكله أو مشآده حصلت بينك و بين أحد التلآميذ .. ؟

سويت مشكلةفي اول يوم داومت فيه في بنت جلست في المكان اللي كنت ابى ايلس فيه فا صرخت عليها
- من كآن يلبسك ( ثوبك / مريولك ) بالإبتدائي .. ؟
انا الحمد الله من اول ابتدائي البس لوحدي و اسوي كل شي بنفسي

- كم قلم ضيعت بأول إبتدآئي و هل كآن ( أبوك / أمك ) تهآوشك عليه..؟
اممممممم وايد كل يوم اضيع واحد
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟

لا والله على العكس تهاوشت مع ابوي عشان وصلني ما كنت اباه يوصلني

- هل كنت تغآر من أحد التلآميذ .. مع ذكر السبب ؟

ايوة في بنت كان شعرها مرة طويل حتى بالمرة كان اسمها سحر و انا المسكينة شعري كان وااايد قصير فا كنت اشد شعرها دايما
- بالمتوسط .. هل حسيت إنك كبرت .. ؟
انا من الابتدائي احسب نفسي كبرت

- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
الله لا يوريكم خربشة مالها عنوان رسوم سب في المسات و مدري شو كنت ادور الكلام دوارة ايام الامتحانات ما كان يبان ابد
- هل خآلفت الأنظمه .. كم مره .. إذكر لنآ إحدى المخآلفات .. !
يووووه المخالفات كنت عندي روتين مرة عشان المريول مرة عشان البوت مرة عشان التاخير و مرات كثار عشان اليلسة في الدرج

- إذكر لنا بعض الألقاب التي أطلقت على المدرسين .. مع ذكر السبب .؟
*انسة منشن ..... باين السبب و الله كانت نسخة منها
*كعبولة ....كانت ماشاء الله عليها منفوخة
*جازورة...مدري ليش
مربع مستطيل ........... مالت الرياضيات
*عنترة العبسي ...........كانت شديدة وتضرب
وقي غيرها واايد بس ما بلحق اقولهم كلهم

- هل أخذت رئاسة فصل أو مسرحية أو إذاعة أو مآ شآبه
لا طبعا كنت اشوفها سخافات مالها معنى


- هل يوجد ألقاب أطلقت عليك .. ( إعترف ) .. ؟

اكيد^^ كان يسموني بيغ ماما لاني صح كانت مشاكلي واااايد بس قلبي طيب و كنت اهتم بالجميع و كانوا يحبوني

- أين كآن مقعدك في الصف الأول ثآنوي .. ؟

ااخر كرسي دايما

- في أي سنه إلتقيت بأعز أصدقائك .. ؟
كيجي 1
- مدرس تقول له ( شكرا من القلب و يعطيك العافية ) .. ؟
مس خلود العلوم اللي خلتني احب العلوم والالحياء من كل قلبي و هاني الحين اتخصص علوم نفسها (الله يرحمها و يغمد روحها الجنة)

- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
واااايد انا انطردت 3 مرات مع فصل 3 ايام كل مرة و ناودي ماما مرتين (كنت شيطانة مرة في الاعدادي و الابتدائي ضربت نص بنات المدرسة)
- مدرس تمشكلت معه .. مع ذكر السبب .. ؟
انا ما كنت اضارب ويا المدرسات بس معا البنات حتى اعز ربيعاتي ما رابعتهم الا بعد ما ضاربنا و صارت بينا مشاكل اول وحدة لما كنت كيجي 1 اضاربنا عللى لعبة و الثانية لما كنت اول اعدادي اضاربنا في حصة الرياضة و الثالثة في ثاني اعدادي سبتني و اضاربت معاها
- أطرف موقف حدث لك في حيآتك المدرسية ؟ ..
امممم اطرف شي صار لي كان في ثالث ثانوي صرت في ها السنة بالذات انام وايد في الحصص فا في حصة الكيمياء اخذتني نومة و مدري متى الا و ابتدي اشخر و البنات قالولي انو المس يت جنبي و تمت تطالعني وفجاءة صحتني المس الال و اقولها هديني يا يمة لسة الباص ما يه و البنات انفجعو من الضحك و انا طبعا ما اهتميت و كملت نووم
-صور اي شي من ممتلكات الخاصه بالمدرسه ونزلها ؟(كتاب - مريول
- شنطه -الخ)

والله للاسف ما عندي انا ما احتفظ الا بالصور الشخصية

هلا والله ايمووووو

وهلا بالشيطووونه......خلاص بنرابعك طلعتي نفس فصيلتنا هههههههههههه
بس حنا العكس هوشاتنا مع المعلمات ههههه

نورتي الحتته....

تصدقين جلست اتخيل شكل المس وانتي نايمه<<عشت معكم جوو هههههههه



عوافي يابطلة

عنقليزية

يعطيش الف عافية

و صووور و ذكريات حلوووة

ايمان

هههههههه و طلعتي شيطونه هع

يعطيش الف عافية


لي عودة مع الضيفة