- إيش كآن فصلك في أول إبتدآئي .. ؟ يعني ( أ , ب , ج ) ..
كنت بـ آول / أ ..
- أول مدرس/ه جآكم بالفصل ( بأول إبتدائي ) .؟على الأقل الإسم الأول ..
أبلة عآيشه الله يذكرها بالخير ..
- أول مشكله أو مشآده حصلت بينك و بين أحد التلآميذ .. ؟
في المدرسه كثيييييير ..
بس في اول ابتدائي كنت اعض اخوي اللي اصغر مني و امي كانت تشتكي لأبلة عايشة و كانت تناديني بالفسحة و تهاوشني و كنت أخآآآآآف ..
- من كآن يلبسك ( ثوبك / مريولك ) بالإبتدائي .. ؟
ما أذكر بس أكيد مآمآ ..
- كم قلم ضيعت بأول إبتدآئي و هل كآن ( أبوك / أمك ) تهآوشك عليه..؟
لا أنا حريصة على أغراضي و إلى ألحين ..
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
لا ما توقع ..
- هل كنت تغآر من أحد التلآميذ .. مع ذكر السبب ؟
لا ,, ما كنت أغآر ..
- بالمتوسط .. هل حسيت إنك كبرت .. ؟
ايه ,, بس كنت لو ايش ما أمر من ممر الثانوي أستحي أحس أنهم كلهم يطالعوني و كانت اجسامهم كبيرة تخوف ..
- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
نظيفة ,, ما أحب كتبي تصير معفسة و كنت أجلدهم أول ما أستلمهم ..
- هل خآلفت الأنظمه .. كم مره .. إذكر لنآ إحدى المخآلفات .. !
لا مو كثير
الى ثالث ثانوي كان أكره شي عندي إني أهرب من الحصص مع إني مو دافوره بس ما أحب ..
**أذكر بعد مرآ المديرة شافت علي اسواره أخذتها ولا رجعتها حزنت و حقدت عليها كثير كنت توني شاريتها من اكسسوريز ..
- إذكر لنا بعض الألقاب التي أطلقت على المدرسين .. مع ذكر السبب .؟
لااااا ما كنت أحب
بس مساعده الوكيلة عائلتها الحبيشي كنا نسميها " حبشية " على عائلتها ..
و مديرتنا اسمها عواطف نسميها "عواصف" لأنها مرآآآ عصبية..
و أبلة الدين في أول متوسط اسمها سعاد أنا سميتها " تعآس "
- هل أخذت رئاسة فصل أو مسرحية أو إذاعة أو مآ شآبه
رئاسة فصل في أول ابتدائي يوم واحد بس ..
الإذاعة بس في ابتدائي كنت أشارك بس مو مرآ و ثانوي و متوسط و لا مره أصلا كانوا يترجوني بس كنت أرفض ما أحب الإذاعات ..
- هل يوجد ألقاب أطلقت عليك .. ( إعترف ) .. ؟
وحده في ثالث ثانوي أطلقت علي " مبتسمه دائما"
و بنآآآآت كثير يسموني " مناديل " لأن المناديل دايم يصير في جيبي ما استغني عنه الى الحين ..
- أين كآن مقعدك في الصف الأول ثآنوي .. ؟
كنت في الفرقة الثالثة عند الشبآك آخر طآولة ..
- في أي سنه إلتقيت بأعز أصدقائك .. ؟
هم 3بنات
في خامس ابتدائي ..
وصداقتنا الحمد لله مستمـرة إلى الحيـن بس نقلوا من المدرسة..
- مدرس تقول له ( شكرا من القلب و يعطيك العافية ) .. ؟
كل المدرسآت صرآحه ما قصروا الله يعطيهم ألف عافيه ..
- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
لا ما قد أخذت تعهد .
بس قد سويت شي بحق أبلة ندمت عليه الى الحين لدرجه اني كنت بنفصل من المدرسة بس الحمد لله ما وصلت السالفه للإدراه ..
- مدرس تمشكلت معه .. مع ذكر السبب .. ؟
أبلة سعآد في ثاني متوسط ..
دفتني وحده بالكرسي و قلت آي بصوت عادي و قالت يا صخلة ليه تصرخين و سويت لها سالفه ليه تقولي صخله و فشلتها و كنت أتكلم معها قدام فصلين كانت جامعتنا مع بعض و البنآت ما زالوا يتذكرون السالفه الى الحين و يوم خلصنا نادتني تقول ما توقعتك تردين علي قدام البنات ..
و يا كثر ما سويت لها مواقف و تسببت عليها بسبب اللي قالته
لما صرت 2 ثانوي عقلت و صرت احبها و يوم ولدت امي علمتها و وريتها صورة أختي ..
- أطرف موقف حدث لك في حيآتك المدرسية ؟ ..هو مو موقف طريف بس غباء
كانت عندنا بنت مصريه كنت أسمع عنها دايم انها تجيب فسحتها ساندويش فيران "الله يكرمكم "
و كنت أصدقهم لما صرت في متوسط فهمت أنها كذبة و مستحيل تصير و كانوا الابلات يتسببون ما يحطونها الا جنبي في الفصل ..
-صور اي شي من ممتلكات الخاصه بالمدرسه ونزلها ؟(كتاب - مريول
- شنطه -الخ)
لي بآك مع الصور ان شاء الله ..
28-09-10, 06:52 PM
جديد مواضيع قسم قهوة ليلاس
العرض العادي
