كاتب الموضوع :
إماراتية بامتياز
المنتدى :
الارشيف
مجردْ بداية ..
ما التفت صوبك لو عينك تهل دم
( 1 )
أحد الشقق يملآ جدرانها اللون البنفسجي الملكي مع الأبيض الطاهر النقي .. وأثاث يملآ لونه الأسود مع البنفسجي بين الكرآسي والطاولات وبين الإكسسوارات والبراويز والصور ..
..
فرتْ عمرهآ على الكرسي إللي يسد 3 أشخاص بألم وتعب حطت يدها على شفايفها المرتجفة تحاول اتهدي الرجفة إللي فيهآ وتمنع دموعها من الانهيآر ضمت ريولها لنفسها وحطت ويهها البريء على ركبهآ .. وهي بعدها بعباتها
..
فر عمره على الكرسي إللي يسد 3 أشخاص بألم وتعب حط يده على شفايفه المرتجفة يحاول ايهدي الرجفة إللي فيه ويمنع دموعه من الانهيآر ضم ريوله لنفسه وحط ويهه البريء على ركبه .. وهو بعده بكندورته ..
..
هو بألم : أنتي اتعرفين إللي اتسوينه يأثر فيني خلاص مب قادر اتحمل أكثر مهما كان أنا ريال وأنتي بنت أنا ريااال ريااال ارحميني بسج عآد بتجتليني ناقص عمر ..
هي بألم أكثر : شو تبآني أسوي خبرني كل شي يربناه وسويناه ما أجوف أي نتيجة ..
هو بتعب وألم وإرهاق وهم الدنيا فوق راسه : اتصدقين هذآ عقآب من ربي عقاب .. ونستاهل
..
هي دموعها بدت اتهل وشهقاتها بدت تعلآ .. وارتجافها يزيد
هو دموعه بدت اتهل وشهقاته بدت تعلآ .. وارتجافه يزيد
..
هو اتقرب منها حط يديه الدافية على جتوفها وهو يقوللها بكل تعب : بسسسج خلاص أنا ريآآآل افهمي هب سهله دموعي ينزلن ولا شهقاتي تعلا ..
..
علا صوته وهو يوجه الاتهامات بغضب بصرآخ : أكرهج والله أكرهج أنتي اتعرفين شو فينآ ما يحتاي صيااح ما يحتاي ..
..
علا صوتها وهي توجه الاتهامات بغضب وبصراخ : وأنا أكررررهك أكثر أصلا أنته دمرتني وخربت حياتي وترآه إللي فيني فيك أنته تتحسب بس أنته إللي تتعذبْ .. حتى أنا أتعذب وأتعذب ..يعني شو تبانا انسوي .. مطوع وسرنا ومستشفى وسرنا قالو حسد وعين و سحر بس ما فاد شي ما فاد ..حتى أمراض نفسية سرنا .. شو تباني أسويلك لين دبسونآ بهالزواج
ضحكت باستهزاء : أونه زواجكم من بعض بيحل المشكلة
و غمضت عينها بألم : ما أجوف إلا أنه المشكلة زادت و ماشي حل حقها ..
هو طالعها بنظرة حنونه ويلسها عداله بعد نوبة الغضب : استغفري ربج وذكريه وإن شاء الله بنلاقي حل ..
هو ابتسم ابتسامة حلوة
و
هي ابتسمت ابتسامة حلوة
..
هي نشتْ وراحت للغرفة .. عقت الشيلة على السرير الخمري و علقت العباه في المعلاق .. حررت شعرها الأسود المدرج .. اتوجهت للحمام تغسل ويهها من الاحمرار .. فجت ماي المغسلة
فجأأأأأهــ
هي بصراخ : آآآآآآآآآآآآه .. جافت يدها وأصبوعها اتحولن للون الأحمر وجنه حد جاب عليهن ماي حار .. وبسرعة منها حطت يدها تحت الماي..
وارتاحت ..
..
هو بعد ما نشت عنه هي .. عق السفرة على الكرسي ومرر يده في شعره وخلاه مهمل .. قام واتوجه للمطبخ .. وكعادته ما يدخل المطبخ بهالوقت إلا للنسكافيه حرر الماي وهو يحط النسكافيه في كوبه الأسود الممزوج بالبنفسجي .. وحط شويه سكر .. شل الكوب وقرب من الماي الحار وبدآ يصب في الكوب ..
فجأأأأأهــ
هو بصراخ : آآآآآآآآآآآآه .. جاف يده وأصبوعه اتحولن للون الأحمر وبسرعة اتوجه للمغسلة والماي البارد كان الحل
وارتاح ..
..
طلعت هي من الغرفة وهي متأكدة 100% أنه في المطبخ كان عاطي ظهره لباب المطبخ ..
هي بألم : حراام عليك تبآ اتشوهني هاي المرة ال2 إللي تحرق فيها ايدك خلاص أنا بسويلك ليش تتعبل ..
هو بأسف : أنا آسف ما كنت أقصد أأذيج المهم جوفي مرهم الحروق في الثلاجة ..
..
دخلت المطبخ وهي لابسة كندورة ذهبية مخورة .. وشعرها الأسود المفتوح عطآها نوع من الجمال اللوني .. بطلت الثلاجة ونزلت تحت ادور عليه .. لقته وتوها بترفع راسها ..
هــي + هو بألم : آآآآآآآآآآآآآه
هي تفرك مكان الضربة لأن راسها ضرب في الثلاجة ..
هو يفرك مكان الضربة نفس المكان إللي انضربت فيه ..
هي بأسف : هالمرة أنا إللي أسفة ..
هو بضحكة : ههههههه رديتها يعني ..
تجاهلت كلامه اتقربت منه ..
هي : اتفضل ..
هو : ما تبين أحط لج ..؟
هي بتعب : هه لا مابا لأنه نحن واحد في 2 يعني إذا حطيت جني أنا إللي حاطه ..
ظهرت من المطبخ وهو
تايه + متعذب + مهموم +ما يعرف شو يسوي في حياته وياها
..
انتهينآ من البداية ..
والقادم أكثر
( إماراتية بامتياز )
|
24-09-10, 09:07 PM
جديد مواضيع قسم الارشيف
العرض العادي
