ما التفت صوبك لو عينك تهل دم
( 2 )

قــبل 15 سنة..
1995 م
مدينة العين
الساعة 4:30 فجراً

بيوت شعبية متراصة مع بعضها البعض اللون البني والرملي هو السائد بين هالبيوت ..

دخلت اليده عوشة وهي تسبح وتستغفر ..
اليدة عوشة : استغفر الله استغفر يالله بحسن الخاتمة .. سندت ظهرها على التكية الحمراء إللي وراها ..
اليدة عوشة بغضب : ورآآآآآل يووو ورآآل حسبي الله على إبليسج ، وين دلال القهوة والرطب .. ألحينه بيضون العيال من الصلاة انقفضي ..
دخلت ورال بتعب : ماما أنا كوووله شغل كووله شغل أنا ما فيه مكيناه مال أنتو ..
اليدة عوشة بغضب : ويالله فارقت ويهج يا ورال إللي يقول تخدمين الرقم يالله بسرعة ..
ورال وهي تضحك: إن شاء الله ماما أنتا ما في زعلان أنا سوي سوالف ..
اليدة عوشة بغضب أكبر : طااعوو منو يسولف أنقفضي و صكي هالحلج ..
دخلت أم راشد الصالة لابسة كندورة عنابية مخورة ووياها شيلة البيت لونها عنابي وأسود .. اتجدمت من عمتها ..وحبتها على راسها
أم راشد: صبحج الله بالخير عموووه ..
اليدة عوشة :هلا أماية صبحج الله بالنور .. شو اصبحتي ؟
أم راشد : الحمدلله عمووه ، وين الدلال عيل ، بسير صوب ورال بفازعها ..
اليدة عوشة بنبرة عصبية : قري محلج ع شو بتفازعينها دلتين و رطب .. عنبوووه لو ذبيحة جان خلصت ..
أم راشد بضحكة : هههههههههه فديتج عمووه لا اتعصبين وهاي يلسة .. علني افدآ خشمج ..

مريم [ أم راشد ] : 35 سنة ..

في هاللحظات .. دخل محمد ، سلطان ، عامر ، خليفة ، فارس ، عمر, رادين من المسيد ..
محمد [ بو راشد ] : 40 سنة ..
سلطان [ بو ميثة ]: 35 سنة ..
عامر [ بو سالم ] : 32 سنة ..
خليفة : 27 سنة ..
فارس : 23 سنة ..
عمر : 18 سنة ..

الكل : السلام عليكم ..
أم راشد + اليدة عوشة : وعليكم السلام
الكل قعد في اليلسة .. قامت أم راشد وراحت صوب المطبخ ..
عمر وهو يتثاوب ويتمدد : آآآآآخ يمبي متفدع .. حشآآ أبآ ارقد ..
فارس بضحكة : ههههههههه وأنته من متى ما تبآ ترقد معبر الرقآد ..
اليدة عوشة بخووف : باسم عليه لا تنضل ولديه .. حسبي الله على شرك يا فويرس ..
عامر بضحكة : هههههههه لا اتخافين هذآ قطو بسبع أرواح ..
عمر بتمثيل وفر عمره على أخوه خليفة : آآآه يا قلبي بمووت ..
خليفة بعصبية : شو هالمصاخة اصطلب .. هب ياهل تراك ..عقل اصخله
سلطان : هههههههه دواه مسود الويه
عمر سكت وفارس يأشر له من بعييد أحسسن هزبوك ..
دخلت ورال ويابت وياها الدلال والرطب ..
اليدة عوشة بنغزة : ها ورال خلصتيها الذبيحة ..
ورال بعصبية : ماما ما في قول هذآ كلام أنا سوي شغوول كتير .. كوله جنجال كوله جنجال ..
عمر :ههههههههههههههههههههههههههه ..
بو رآشد : عمووور ويعلك البركة اليهال رقوود .. أصطلب .. وأنتي بلاج مشتطة من الصبح ..
اليدة عوشة : قووموآ عني أن ما غسلت شراعها مسودة الويه ..
ورااال وهي تضحك: ماما سوي سوالف ويا أنتي .. وراحت ..
...
: لااااااااااااااااااااااااا آآآآآآآآآآآآآآآآآآه لحقوآآآ عليييييييه يدوووه يدوووووووووه أبووووووووويه ..
كانت ادور على حضن يحتويها بسرعة فرت عمرها على يدتها عوشة ..
الكل مستغرب .!!
: يدووووووووووه ماباااااااا يدوووووه خليهاااااااا اتودرني مابا مابا ...
اليدة عوشة بخوف : باسم الله عليج .. لا إله إلا الله ..
عمومتها وأبوها قربوآ منها وزاد صياحها : يدوووووووووه خلهم يروحون يدوووه بمووت يبوون يجتلووني ..
بو راشد بحنان : بس حبيبتي أنا بابا بس ماما شو فيج ؟..
: ماباااااا ماباااا آآآآآآآآآه يدووه مابا مابا .. وزادت شهقاتها إللي كانت تذبحهم .. البنت شو فيهآ ..
أم راشد يت تربع من المطبخ للصالة : باسم الله شو فيج أماية .. اتقربت منها وحضنتها بقووه ..
: أمااايه بيذبحووني أماااايه مابا هاذيج الحرمة تبآ تذبحني و هم [ وأشرت على أبوها وعمومتها ] يبوون يذبحووني ..
أم راشد بحنان وخوف : ماما شو فيج بسم الله عليج يا أمايه .. عمووه البنية فالخة شو أسويبها ؟
اليدة عوشة بخوف أكبر : شكلها حلمت بشيء هب زين ..
شهقاتها تعلا وتعلا وتعلآآ ..
...
دخلت البيت وهي تربع فصخت نعالها عند الباب وهي اتصآرخ : عمووووووه عوشة .. كانت اتصارخ من الحوي إلين الصالة ما اهتمت بعيال أم محمد كثر ما همتها أم محمد ..
أم حمد بخووف وهي متجاهلة الشهقات إللي تسمعها : تلاااحقيني ولديه نش من الرقآآد وهو فالخ يشاهق ويصييح ما أدري شو بلاه .. اتلاحقيني ..
اليدة عوشة اتطالع بنت ولدها واطالع أم حمد بصدمة والكل يطالعها بصدمة أكبر: شووووو ؟!!!
أم حمد بخوف أكبر : ما أدري قام يقول رمسة هب مفهومةيقول [ أمااايه بيذبحووني أماااايه مابا هاذيج الحرمة تبآ تذبحني و هم يبوون يذبحووني ..] ..
صدمة ورآ صدمة .. شهقات بنتهم وشهقات ولد أم حمد ..
اليدة عوشة بحزم و خوف : سرينآ جدآ بيتكم ..
/
كعادة بالبيوت الشعبية اللي ما يفصل بينهم إلاسكة ..
اليدة عوشة و أم حمد متجهات لبيت أم حمد ..
وصلن بسرعة لباب الصالة البني .. وجافت حالة بنت ولدها في ولد أم حمد ..
بو حمد كان قاعد يمسح على راس ولده
: آآآآآآآآآآآه لااااااااااااا يبون يذبحوني بيذبحوووووووووووووني .. وشهقات تعلآ ..
أبويه بيذبحوني .. الحرمة تبآ تذبحني ..
تمتم الولد بكلمات ونام .. وشهقاته ما زالت مستمرة ..
..
يلست عوشة .. بعد ما سلمت على بو حمد من بعيد ..
وأم حمد ارتاح قلبها يوم هدآ ولدهآ ..
اترخص بو حمد وراح لحجرته بعد ما شل ولده وياه ..
اليدة عوشة بحيرة : يام حمد الحلم إللي ولدج حلم فيه ترآه بنت محمد حلمت فيه بعد ..
أم حمد بحيرة أكبر : كييف يعني ؟.
اليدة عوشة بتفكير : بنوديهم عند المطوع يقرآ عليهم خوفج حسد ولا شي ..
أم حمد وهي بعدها هب فاهمه : شو يخص الحلم ألحينه ترآ إلا حلم يا عمووه ..
اليدة عوشة بخوف : بس شهقات ولدج الشّدي و النّيره بنت محمد ولديه ما اطمن أبد ..

أم حمد : 38 سنة
بو حمد : 46 سنة
..

الشّدي & النّيره .!!

وهالحلم إللي بيغير حياتهم إلى الأبد ..

كلمة أخيرة مني : فديتكم يا ربيه أبآ منكم التشجيع عشآن اكمل ..
ما اختارت هالمكان وخليتها حصرية إلا أني متأكدة أني بلاقي الدعم والتشجيع .. لا تخذلوني

السلام عليكم ورحمة الله وبركاته
*
*
احييك بصرااحه على البداايه الرائعه
واللي ان شاء الله تستمرين بروعتها كذا
*
*
حبيبتي انتي جيتي لـ ليلاس وواثقه تماما
انك رح تلقين اللي يسرك
بس المسأله محتااجه منك صبر اولا
ثم التزام بمواعيد التنزيل
وماا يصير مصير القصه آوااخر الصفحات
للحين ياقلبي احنا ماا شفنا احداث من الروايه
وبما انك بالبدايه اكيد مارح تلاقين
الكم الهاائل من الردود يعني القصه للحين
ما آخذت مكانها تماام
انتي حددي وقت للتنزيل وزيدي من
كميه البارتات وصدقيني رح تلقين اللي
يسرك ياقلبي
وتذكري داايم ان عندك خوااتك
بهالمنتدى رح يوقفون جنبك لو ماكان
بوضع بصمة ردود فـ رح يكون
بدعواات التوفيق والاستمرار
*
*
اعجبتني بدايه الروايه اللي تحمل
بين طيااتها بصمه عن وجود بدايه كاتبه
راائعه والبارت وضّح لنا عدد من الشخصيات
وان شاء الله تنعرف ع الباقي+نشوف احداث اكثر
*
*
تمنياتي لك غاليتي الاستمرار
*
بالتوفيق الدائم

حبكه القصه غريبه
سجليني متابعه للقصه
بانتظار البارت الجديد
اتوقع الي في الاثنين واحد من اثنين يا سحر ربط مادري وش اسمه او انه بنت ابو محمد وولد ابو احمد تؤم بدلتهم حرمه بتؤم اخوان واخذت بنت ولد ام محمد وولد ام احمد ولا استغرب انه الشغاله له دور

انا من مناصري القصص الغير متوقعه وغير التقليديه

ما التفت صوبك لو عينك تهل دم
[ 3 ]

بس بعد ال15 سنة
2010 ..
غرفة يملا جدرانها اللون الأزرق البحري وأثاث أبيض يدل على نقاء الإنسانة إللي عايشة فيهآ ..
النيره بصياح يقطع القلب : يدوووه أنتي نسيتي ولا شو نسيتي السر إللي امنتي عليه أنا والشدي والحينه اتقولين لي اتزوجيه!! .. يدووه أنا ما اتحمل أكثر من جذيه خليه بعييد عني ..
الشدة عوشة بعد ما بانت التجاعيد في ويهها والبرقع اللي تعتبره جزء منها بلمعته الذهبية اللي مستحيل اتودرته
اليدة عوشة بعتب : يعني يا النيره عايبتنج هالعيشة .. هذآ الحل إللي أغلب الناس والمطاوعة قالولي اياه.. وبعدين أنا قلبي ياكلني على الشدي .. هب سهلة أجوفه جذآ واسكت واطب السالفة ..
النيرة بعتب أكبر والدموع اتهل :وأنا ، قلبج ما ياكلج عليه يدووه أنا متعذبه والسبه هو والحين تبيني اجابله .. حراام عليج يدووه روفي بحالي ..
اليدة عوشة بتعب : ترآآه طول هالسنين وأنا ساكته قوليلي من عقب عيني شو بيستوي فيكم ..؟ نزلت دمعة عوشة واحترق قلب النيرة أكثر ..
النيرة بحنان وشهقات بدت اتقل : يدووه لا اتقولين جييه أفآآآ النيره اتزعلج وتنزل دمعتج والله يدووه ما يهون عليه دمعتج تنزل وحضنت يدتها ..
وهي تتذكر ذاك اليوم ..
الشدي : 20 سنة
النيره : 16سنة

عوشة يالسة في الصالة وماده ريولها بعد المشي اللي مشته ..
محمد ، سلطان ، عامر ، خليفة ، فارس ، عمر، الشدي ، حمد ، راشد
ميثة ، حصة ، موزة ، نيلا ، عنوود ، النيره ..
الكل يالس ويآ اليدة البنات في صوب والريايل في صوب .. البنات يعتبرون بيت بوحمد بيتهم رابين وياهم .. وأعمارهم ما تتجاوز 18 ..
عوشة تزاعق : وراااااال والله العظيم هالبشكارة مغربلتني .. وينج حسبي الله على شرج ؟!
ورال وهي تيب الفواله ومعصبة : ماااااااااااماااااا هراام عليج أنا كلووه شغل على أنا هذي بشكارة جديد ما يفهم شي يعني أنا لازم يعلم هيآ كل شي ..
الكل بضحكة : هههههههههههههههههههههههه ..
عمر وهو يضحك : هههههههههه ورال خفي خفي ع البشكارة اليديده ترآها أحلى عنج ..
ورال عصبت : مالت على أنتي ..!!
وروحت ..
الكل :هههههههههههههههههه..
عوشة بعصبية : مستقوية ما عليه إن ما سفرتج .؟!
فارس : هههههه عقب دقيقة بتغير رايها ..
بو راشد : إلا ها حبيبة القلب أختنا تراها ..
الكل بضحكة : ههههههههههههههههه
الشدي ساكت ويطالع الفوالة قام يخاف ويحاسب على كل حركاته .. بعد ما فهم أنه هالشي مب بيده
عوشة بحنان : الشدي .. الشدي ..
عمر يحط ايده على جتف الشدي : الشددددددددددي ..
الشدي نقز : هلا ..
عمر : هههههههههه الحكومة اترمسك ..
الشدي بحب وطيبة وهدوء : آمريني الغالية ..
عوشة بطيبة : أبويه قصلي من هالرمآن اليوم يايبتنه من الجبره بس شو رمآن يمدحوونه ..
الشدي بحب : من عيوني الثنتين
رآشد بغيرة : واشعنه الشدي..؟
عوشة بعصبية : ما يخصك هذآ الشدي كل شي من ايده غير ..
رآشد بنرفزة: أونه .!!
اتجدم الشدي من الصينية ورفع الطربشوه وحطها على جتفه خذ الرمانة وبدآ يقص فيها خاطره يرفع عيونه ويلقاها جدامه يبآ بس يحسسها بالكره إللي يسري فيه تجاها .. رفع عينه ..
الشدي قص يده بالغلط ..
الشدي بألم : آآآآآآآآآآآآه ،
الكل صد صوبه .. إلا وحدة خلت اليلسة وإللي فيها ..
خذ الكلينكس وحطه ع اليرح ..
عوشة بخووف : بلاك ابويه ..
الشدي بابتسامة : لا الغالية يرح بسيط ..
عوشة + الشدي لفوآ صوب مكانها ولقووه خالي وهذآ اللي ياكد 100 % أنها ميروحه بعد ....
عوشة بضحكة : ههههههههه شو عيبج أجووف نشي عني كبرتي ..
النيرة بعدها تتذكر هالحادثة وغيرها من الحوادث ..
عوشة باستغراب : النوووري أمييه وين وصلتي ..؟!
النيرة بانتباه :عندج يدووه ..
عوشة بتخطيط وذكاء : جوفي باجر اليمعة وعقب الصلاة الكل بيشتل صوب المزرعة أنا ما بسير وبخليج ويايه وبزقر الشدي عشآن افهمكم واعلمكم كل شي ..
النيرة بخووف واستغراب :يدووه شو تبيني ايلس ويآآه عقب هالسنين وبعدين شو اتفهمينآ ..؟؟
عوشة وهي تمسح على شعر النيرة : باجر بتعرفين ..
طلعت اليده وخلتها تااايهه ..
فرت عمرها على الشبرية إللي لون فراشها بحري .. غمضت عيونها .. آآآآه يا دنيا محد مرتاح فيج ..
..
يالس في الكوفي شوب مع ربعه أحمد و حريز .. كآن يضحكوون والسالفة اتضحك .. إلا أنه هو مويم ومبين عليه الضيج .. آآآه يا النيرة مستخسرة حتى الضحكة عليه يعرف ليش ما يضحك وياهم هاللحظة لأنه النيرة ألحين متضايجة و تصيح وأكيد فيها شي ..
حريز باستفهام : الشدي يا بويه بلاك كله مويم وشال هموم الدنيآ على راسك ..؟
الشدي بهدوءه المعتاد :دوومي جيه ..
أحمد بنبرة حب : الله كريم يا الشدي هونها واتهون ..
في هالأثنآء ..

ليلي الم
يومي الم
قلبي الم
ماله حدود
وين مااروح
تبقى الجروح
والذكريات
واحيا الم
ليلي الم
انت الربيع
وانت الفصول
وانت الحنان لو ماتعود
ليل الهواء تبقى الهواء
معنى الهواء سر الوجود

كان فون الشدي يرن .. أول ما شاف الاسم ابتسم لا إراديا وهو يحاول يغلب الضيجة إللي فيه
الشدي بحنان : حيآ الله برووح الشدي ..
عوشة بحب : حيآ الغالي ، شحالك أبويه .؟؟
الشدي وتنهد : الحمدلله يدووه أنتي شحالج ؟
عوشة : الحمدلله بخير يطول بعمرك فديتك ..
الشدي : آمري الشدي ,,
عوشة : ما يآمر عليك لا عدو ولا ظالم باجر أباك اتمرني البيت عقب ما يشتلون المزرعة أبآك أنته والنيرة بعد بتكون موجودة ..
الشدي بصدمة : كييف يعني ؟!
عوشة : أنته تعال وبس ..
..
تذكر ذاك اليوم ..
الشدي : 25 سنة
النيره : 21 سنة
يمشوون في الحارة سايرين صوب خيمة الشباب
عمر بضحكة :هههههههههههههههههههه والله أمايه نكته أونه مابا حد من عيالي يسممون عليه تتحرآ عمرها الأميرة ديانا ..
الشدي بعصبية ودزعمر دزه : أقووول كله ولا يدووه ..
عمر بضحكة أكبر :هههههههههههه أمي قبل ما اتكون يدتك ..
الشدي بانتباه وهو يأشر على مكان في الظلام : جوووف هذآ هي ولد اخوك ..
عمر وهو يضيق عيونه يبآ يجووف في هالظلام : هيه والله سلووم ..
المكان مظلم تقريبا ركض الشدي وعمر يفازعون سالم إللي متولفين عليه 5 شباب وقاعدين يضربونه ..
الشدي يايهم يركض و بصرآآخ : ايييييييييييييييييه أنته ويآآه خوزآ عنه ..
واشتدت الضرابة بعد ما عمر دش وياهم ..
واحد من الشباب ضرب الشدي ضربه قوية على ظهره ..
الشدي بألم كبييير : آآآآآآآآآآآآآآآآآآه ..
الشباب الصغار من سمعوآ صرخته اتشاردوآ محد بقآآ
عمر وهو يشل الشدي إللي اغمآ عليه وسالم إللي انيرح في راسه ..
..





فتح عيونه وهو في المستشفى ,,
اتذكر الحادثة والضربة.. اتهند بألم ظهره يعوره بطريقه فضيعة .. دخلت عليه يدته ..
عوشة بخووف : أبوويه شحالك ألحينه ..
ابتسم بألم : الحمدلله ..
عوشة بتردد : ترآ النيرة وديتها الدختر عشان ايلفوولها اليرح .. الحمدلله أنها ما اتحس بالألم والعوار .. بس ظهرها ينزف ..
الشدي بألم : يدووه أنا قاعد أأذيها حرااام والله حراام أهم شي ما تتألم....

عوشة بنرفزة : يعللك البركة يا الشدي أرمسك ..
الشدي : خلاص يدووه بمركم باجر ..
أحمد بخوف : بلاه ويهك معتفس ؟!
الشدي وببرود هز راسه : لااا عااادي .. ما فيه شي ..
قام من مكانه : بالإذن ..
...
الشدي .. ركب سيارته وهو خايف من باجر .. خايف .. مر الدكان إللي في حارتهم .. خذله سفن أب .. يبرد على قلبه ..
وصل البيت دخل ومحد جافه لأنه الكل مشغول في تجهيزات المزرعة .. فج باب حجرته وفر عمره على الشبريه غمض عيونه بقوووه .. باجر بجوفها بجووف إللي تشاركني آحاسيسي إللي سرقت مني الفرحة إللي شيبتني قبل لا اشيب .. إللي حرمتني من طفولتي ومراهقتي ، إللي سلبت عقلي ، إللي حتى شعوري رهن إشارتها .. آآآه يا قلبي آآه ..

النيره ..
وهي بعدها على شبريتها البحرية وشعرها الأسود متناثر حولها
باجر بجوفه بجوف إللي سرق فرحتي .. جتل أحلامي .. كبرت عمري والسبه هو .. آه يا قلبي آآه .


في هالأثنآء ..
ليلي الم
يومي الم
قلبي الم
ماله حدود
وين مااروح
تبقى الجروح
والذكريات
واحيا الم
ليلي الم
انت الربيع
وانت الفصول
وانت الحنان لو ماتعود
ليل الهواء تبقى الهواء
معنى الهواء سر الوجود


بس للأسف ما كان فون الشدي إللي يرن كان فونها ..
ردت بتعب وبصوتها الرقيق : آلووو ؟!
: النووووووووووووري لحقي عليييه ..!
فزت النيرة ويلست من صوتها كانت اتصيح بقوه ..
النيره بخووف : بلاااااااااج ميروووه ؟!
ميره بصياح قوي :النيرة باجر ملجتيه ؟!
النيرة بصدمة : شووووووووو ؟!
ميره بصياح أكبر :سوآآآهااااااااا الزفت حمدانوووه والله اراويه والله الحين بدقله وبغسل شراعه ؟!
النيرة بصدمة : وييت شو ملجتج أنتي توج 15 وحمدان 18 ؟!!! وين تبوون ؟!!
ميره بغصه وصوت صياحها وشهقاتها : حسبي الله علييه يعله المووت وافتك منه ..
النيرة بعصبية : ميرووه لا تيلسين تدعين على الريال ..
ميره بغصه أكبر : وعااادي يدعي علييه .. أونه شو يبآ يسافر يدرس برآآ ويبآني أسير وياه خدامه أبووه أنا اتخيلي ماشي عرس ماشي زهبه وأماااايه قالت حق أخوها تم البنت بنتك ، لو ابويه عايش ما اتجرت وسوت جييه أكرههها هي وأخوها وعيالهم بعد أوووف ..
النيرة بعصبية أكبر : أقوول يوم تتعلمين ترمسين دقي عليه مع السلامة ..
وصكته في وييها .. موول هالبنت ما بتتعلم تقبض لسانها ..
سندت راسي على السرير وأنا مابين مشكلتي ومشكلة ميرووه .. صح أني أكبر منها بس أحس في شي يربطنا في بعض ..
صوت مسج ..
[ النوووووري والله سووري ما كنت أقصد زلت لسان اتعرفين لساني ذراع ونص حياتي والله ما اعيدها ]
ضحكت عليها ...
حبيبتي وربيعتي و كل شي .. فديتج يا ميرروه ..
..
اليوووم الموعود ..
الشدي ..
نش من الرقاد ، اتسبح ، لبس كندورة وعدل غترته وعقاله وحط اشويت دهن عدو مع عطره الفرنسي ..
النيره ..
نشت من الرقاد ، اتسبحت ، لبست كندورتها ، اتجحلت لبست شيلة سودآآ فيها فصوص حطت دهن عوود مع عطرها الفرنسي ..
كانت مستعيلة تبآ اطلع فوونها من الدرج بسس ايدها ..
النييره بألم : آآآآآآآآآآآآآيييييي ..
أووف هب وقت إصابات ..طلعت من الحجرة ولقت يدتها في الصالة .. ايدها صارت حمرآآ من الضربه .. يلا ما عليه ...
النيره وهي تبووس راس يدتها : صباح الخير يدووه ..
عوشة بحب : صبااح الخير أمايه شو اصبحتي ؟!
النيرة وهي تتنهد : الحمدلله ..
عوشة بصرامة وبحزم : توني مرمسة الشدي وهو في الدرب ألحينه ..؟
بعد ما خلصت هالكلمة ..
الشدي وهو عند الباب : هوووووود هووود ..
عوشة وهي تطالع النيره بنظرة : اهدآآآ الغالي محد غريب ..
دخل الشدي بجسمه العريض وطوله المناسب لجسمه ..
طاحت عينه علىيها .. سبب آلامه وجروحه .. سبب ضياعه ..


توقعاتكم عن االلقاء ؟!
شو نتائج هاللقاء ؟!
وشو سالفة ميره وحمدان ؟!
وتعليقاتكم ..


[ =) ]