كاتب الموضوع :
New Moon
المنتدى :
القصص المكتمله من وحي قلم الاعضاء
الفصل السابع
أفترقنا
.................
افترقنا حبيبي افترقنا انا وانت
وكلن صار بسم شخصا ثاني
وان تذكرنا حبنا قلت عنه كنت
اسف يا قلبي ان خلص عليك حناني
عذبتك بحبه وامرتك وانت لحبه صنت
انا السبب انا اللي خليتك يا قلبي تعاني
............................................................ .....................
جود دخلت الغرفه اللي جنب حمام السباحه وقعدت تنشف شعرها
ولبست ثيابها وطلعت
لقت قدامها كامل
جود_ وش قاعد تسوي انجنيت اخوي يمكن يشوفك ويذبحني
كامل _ خليه يذبحني انا مو قادر للحظه اني اخليك بموت خلاص بموت
جود ضحكت _ عارفه انك بتموت علي ولا ليه احبك
كامل _ جود انا قررت خلاص بكلم اخوك اليوم عن موضوعنا ايش رايك
جود ناظرته بخوف بعد ين ابتسمت _ كلمه وانا معك راح اساعدك
كامل بعد _ راح اتركك الحين بس تذكري احبــــــــــــــك
............................................................ ..........
في _ هدي يا موزه ما كان يقصد انا عارفه سالم ما يداني هيوف بلا كلمه وقالها ما تعني شي
موزه _ بلا يعنيها انا عارفه ما شفتي خوفه عليها
في _ موزه تكفين بلا حركات غيره عميا لك مني انها ما يحبها ولا يفكر فيها كيف اصلا اكبر منه بسنه كامله انتي هبل
موزه بالم _ لا مو هبل انا عارفه ان فيه شي عارفه وبس حسيت بذا الشي بقوه اليوم
............................................................ .............
الساعه التاسعه ليلا
دبي
جود تبكي وترتجف وهي تسمع الحوار اللي يدور بين كامل واخيها كانت اصواتهم عاليه وطالعه لها وهي في الصاله كانت بتنجن
تمنت انها ما قالت لكامل يروح اليوم او شجعته تحس نفسها جبانه ولا تقدر تسوي شي وهي تسمع صوت اخيها العالي اكيد معصب لدرجه مخيفه خافت منه ومن مواجهته كيف حاله كامل اذا
طلع كامل والتفتلها انصدمت جود من نظراته كانه يودعها
جود ركضت له ووقفت عن بعد خطوات منه _ كامل اسفه اسفه والله اسفه انا احبك ومستحيل احب غيرك
كامل ناظر لاخيها اللي طلع من المكتب بكره
بعدت يوم شافت اخيها ونظراته وقعدت تناظر بينهم ما تقدر تعيش بدونهم في الحالتين
جاسر اقترب من اخته وجود تجمدت في مكانها
كان على بعد خطوات منها وما شافت الا يده تهوي قريبا من وجهها
عرفت ان فيه شي تحسست خدها اذا اللي شافته قبل شوي في عيون جاسر اخيها مو تخيل
جاسر عطاها كف
جاسر بغضب ما حاول اخفاءه كعادته _ عطيتك حريتك ولا فرضت عليك شي ووثقت فيك ثقه عمياء وانتي ما تستاهلين أي شي مني غير اني احطك في غرفتك واقفل عليك
كامل وقف في وجهه _ مو جود اللي ينقال عنها هالكلام هذا وانت اخوها اقسم بالله ما صار بيني ولا بينها شي وهذا انا طلبتك يدها لكن غرورك هو اللي معميك اسمحلي اقول انت الاعمى انت الوحيد الاعمى
جاسر والكلمات تخرج من بين سنونه _ انت اخرج منها انت مو من قدنا انت حشره لا تناظر فوق اكسر لك عينك
جود اللي طول ذا الوقت ماسكه خدها وتناظر اخوها منصدمه
كامل تراجع _ تعرف صدق انا مو من مستواكم لكن صدقني بجي اليوم اللي تضطر تتعرف على مستواي وتعرف انك انت ومستواك ولا شي
جود ناظرت كامل وهو يطلع من البيت
جاسر _ اطلعي لغرفتك ولا عاد اشوف وجهك
جود بدون معارضه طلعت وقفلت على نفسها الباب
............................................................ ........................
بعد مرور اربعة ايام
اليوم السبت
همايل تستعد للخروج مع السواق لتذهب الى المستشفى لاجراء الفحوصات بعد رفضها الخروج مع سعد في سيارته وها هو سعد ينتظر في سيارته للذهاب خلف السائق ......سعد كان سعيد للغايه ولا يريد أي شئ ينقص من هذه السعاده حتى لو كانت تصرفات همايل
جود ما زالت تمكث في غرفتها لا تاكل ولا تشرب ولا حتى تتكلم رفضت جميع محاولات الخدم معها للكلام وحتى صديقاتها ........
كامل لم يعد الى الرياض وفضل البقاء في دبي والمخطط الذي بدا بالخروج من مخيلته يجتاح ذرات تفكيره وعقله بل يجتاح كيانه المشتاق لجود
طارق لا يشعر بالرضا نهائيا اذ ان الامور سارت في صالحه بكل سهوله الاسهم والنسبه الاكبر اصبحت ملكه الان و حاتم ما زال يسعى في مشروعه الذي يعلم طارق علم اليقين بفشله اذ ان هو من يقوم بالاشراف على انجاح الفشل
عمار اصبح ينتظر ان يطل احد عليه من على سطح بيت الجيران لكنه لا يرى احد وفارس بدا يعد ايام انتهاء الاجازه
لكن التطور الذي حصل هو محاوله سالم ادخالهم في حياه الحاره الليليه ومع تجمعات الشباب وهاهما اصبحا افضل بقليل
موزه وفي ما زالوا مرابطين على السطح كل ليله لكن مع الحذر التام رغم ان موزه تبدو حزينه جدا لدرجه غير متوقعه من فتاه من عمرها حتى انها بدات بتغيير طريقه معاملتها مع هيوف
هيوف ما زالت تعمل على انهاء طلب الالتحاق بالبعثه طبعا بدون علم أي شخص قريب كان او بعيد ما عدى ديمه
دانه حالتها لهذا اليوم لا تلام عليها اذ انا هذا اليوم يصادف موعد زواج فايز
وهاهي تبكي بصمت وتنظر لهيوف لعلها تواسيها لكن هيوف اثرت تجاهلها
............................................................
الساعه الثالثه عصرا
الرياض
هيوف التفتت لدانه اللي تبكي _ دانه تقولين متى راح يعطونا الشهايد
دانه زاد بكاها
قامت هيوف وجلست جنبها
هيوف _ انتي الحين تبكين من جدك على شين الوجه فايز
دانه مالت على هيوف وحطت راسها على كتفها _ هيوف احس روحي تناخذ مني
هيوف _ ما به احد روحه تناخذ منه الا ويموت وهذا انتي قدامي زي الفل صدقيني.... انتي بتروحين للزواج صح
دانه _ لا اذا انتي مو رايحه انا ما راح اروح
هيوف _ لا روحي انا عشان سالفتي مع وعد ما راح اروح ولا كان رحت ولا همي بس انتي مفروض تروحين وتستانسين
دانه _ ما ابغى امثل اني بخير انا تعبانه جد
هيوف _ كيفك انتي ضعيفه دايمن وبتبقين طول عمرك ضعيفه اوووف انا بطلع تبغين شي
دانه بخنوع _ وش البس
هيوف ضحكت بلا مباله _ ما اعرف اذا ما اعجبتك ملابسك خذي من ملابسي انا ما اطلع كثير فاغلبها ما احد شافها
طلعت من الغرفه وهي بدون شعور ذي الايام ما سوت شي باحد ممكن عشان اشتغالها بالبعثه
دخلت الصاله وفتحت التفلزيون
وقعدت تناظره وهي اصلا ما تناظر الا افكارها
ليه ابغى اسافر
عشان ابعد انا عارفه اني اصلا مستحيل اطلع من هذا البيت عروسه مالي امل ابغى ابعد انا اول شي باقول باخذ البكالوريوس بعدين راح اجلس هناك لين اخلص الدكتوراه انا ما اقدر ارجع هنا الا اذا عرفت انه مو موجود وانه صار في عالم الاموات الكل بيروح من هذا البيت وانا اللي بابقى هدم حياتي وانا ما قدرت اجمع شتاتي احس بالضياع احس اني اكره نفسي على اللي قاعده اسويه مع دانه وفي وهم مالهم ذنب بس لان نفس الدم يمشي في عروقهم لكن الطامه ان الدم نفسه يمشي في عروقي انا بابعد وراح اتاكد اني ما راجع لهذا البيت الا لما ما يكون فيه
هيوف ما عرفت ان دموعها سالت على خدها
سالم اللي طول الوقت كان يناظرها ويناظر سرحانها ودموعها _ ليه تبكين
هيوف ناظرته منصدمه ومسحت خدها _ مالك علاقه يالبزر
سالم خذا الرموت من يدها _ لا عاد تقولين بزر لا اوريك من البزر صدق
هيوف بقناع الاستهزاء اللي لبسته لتخفي تشوشها _ عشتو لما تتخرج من الثانوي تعال اقنعني انك مو بزر
سالم _ مو محتاج اقنعك ولا افهمك خبري انك غبيه
هيوف ناظرته من فوق لتحت _ الغبي انت وامثالك
سالم بسخريه _ ماني براد عليك اعصابك تعبانه انتي ودموع الدلع اللي منزلتها
هيوف تذكرت سببها وضاق صدرها ولفت وجهها وقعدت تناظر معه المسلسل البدوي
وسالم انقهر ليه ما رادته ليه سكتت وش كانت تبكي عليه وقعد يناظرها من ورا ظهرها
دخلت موزه
هيوف ناظرت اختها المتغيره بس ما عليها هي ما تبغى اختها تتعلق فيها عشان لما تبعد
سالم يوم شاف موزه جلست _ موزه سويلي شاي وجيبي معه دبه مويه
موزه قامت بسرعه _ ابشر
هيوف _ موزه تكفين وانا بعد جيبيلي مويه عطشانه
موزه من غير ما تناظرها _ لا معك رجول قومي بها
هيوف فتحت فمها اول مره موزه ترادها او ترفض لها طلب سكتت ما ردت ممكن انها تمزح وبتجيب لها
رجعت تناظر المسلسل وهي كل شوي تناظر الباب صدرها يوجعها هي وش سوت اكثر الناس اللي تراعيهم هم اختها وامها وما ترضى عليهم الغلط معقوله غلطت ولا في قالت شي لموزه لا مستحيل في طيبه ما كان سوت شي مثل ذا
دخلت موزه بكوب شاي ودبه مويه
هيوف ناظرتها منصدمه ورجعت تناظر التلفزيون
موزه جلست
سالم خذا المويه ورماها لهيوف _ خذي
هيوف تناظر المويه اللي في حضنها _ ما عاد ابغى
ورمتها عليه
رد ورماها عليها
سالم – خذي واخلصي علي
موزه طول الوقت تناظرهم وهي ودها تبكي منقهره
قامت وطلعت بهدوء
هيوف خذت المويه وشربتها وقامت تلحق موزه
وخلت المويه سالم خذاها وشرب وراها
............................................................ ....
طارق مد الاوراق لمحمد _ محمد رتب امورك راح نرجع للسعوديه بكره راح نطول ممكن لمدة شهر
محمد وهو ياخذ الاوراق من يد طارق_ ان شاء الله
طارق _ ايش الرساله اللي ارسلها امس حاتم
محمد_ شي غير مهم لكن بما ان حن راح نرجع للسعوديه فلازم نحضر
طارق فصخ نظاراته وناظر محمد باهتمام _ وش نحضر
محمد_ زواج بنت ابو حاتم الشهال بعد حوالي ثلاثه اسابيع او ممكن نهايه الشهر عشان كذا ارسلنا حاتم عشان نرتب مواعيدنا
طارق قعد يناظر محمد بهدوء لكن صدره لم يكن بذاك الهدوء نهائيا
طارق بهدوء مريب _ زواجها من هذاك اللي اسمه سعد الغافل
محمد ابتسم _ غريبه حفظت اسمه يا استاذ طارق
طارق نزل نظراته وركز على نقطه غير محدده في الورقه اللي قدامه _ ابغى اعرف عن هذا السعد كل شي
محمد استغرب لكن ما سمح نفسه يبان هذا الاستغراب _ ان شاء الله اليوم التقرير يكون عندك
طارق ناظر محمد وهو يطلع من المكتب عقد يدينه واسند دقنه عليهم وغمض عينه
. ............................................................ ................
هيوف وصلت باب غرفة اختها وبغت تدخل لكنها سمعت بكى موزه وفي تواسيها
موزه _ يعطيها المويه عشان لا تزعل شفتي
في _ انتي مجنونه هاذي اختك وانتي عارفه اختك ما كان فكرت به خليه يفكر فيها لكن هي مستحيل
موزه _ ما ابغى اصدق ان هيوف ممكن تحبه
هيوف _ ليه شايفتني بزر مثلك عندي ذي الحركات
موزه وفي تجمدوا وهم يناظرونها
هيوف تكمل _ شوفي يا موزه علمن يوصلك ويتعداك اذا عاد سمعتك تتكلمين عن سوالف الحب والمراهقه المقرفه لاوريك وافضحك عند الكل اولهم سالم يا قليله الحيا قالولي تحبين سالم قلت ما عليه مراهقه والبنت بتستحي ولا هي مبينه لكن انتي زي المهبله فيه ما عاد تعيشين بدونه حتى اختك تتكلمين عنها عشانه صدق طحتي من عيني
في قامت -0 هدي يا هيوف انتي عارفه موزه رومانسيه زياده عن اللزوم
هيوف _ وانتي بعد اذ عاد شفتك تطلعين السطح تالي الليل لافضحكم تراني ساكته بمزاجي لكن انتوا شكلكم ما تبغون من يستر عليكم
في حمر وجهها من الحرج _ اسفه يا هيوف بس والله ما اعيدها خلاص
هيوف ناظرت موزه _ وانتي بعد منتي متاسفه
موزه بكت بقوه _ بس انتي يحبك سالم ولا قلنا شي
هيوف راحت لاختها ورفعت وجهها _ لا عاد اسمعك تتكلمين بذي الطريقه معي تفهمين من اليوم براقبك عدل وخليني اشوف شي غريب في تصرفاتك
وطلعت
............................................................ ...........
قعدت تناظر الممرضه الي تسحب منها الدم ودها تسئلها هل اللي تسويه صح
الممرضه قعدت تناظر البنت اللي قدامها وهي خايفه نظرات البنت غريبه اول فكره طرت للممرضه ان البنت تعبانه نفسيا
سبحان الله الزين ما يكمل حلاه
الممرضه تقدر تحلف بالاله اللي تقدسه ان هاذي البنت من اجمل من قامت بفحصهم فحوص ما قبل الزواج لكن البنت فعليا شكلها تعبان ومريضه نفسيا
همايل نزلت نظراتها ودها تصارخ وتطلبهم يخلونها تجلس عندهم في غرفه منعزله عشان تبعد عن العالم اللي ما قدرت تعرفه او تميزه
الوحده قتلتها وما عرفت تنهيها
الممرضه _ خلاص
همايل قامت ونزلت كم العبايه
وطلعت بهدوء
............................................................ ............................
دخلت غرفتها وهي معصبه
دانه _ هيوف ها زين ذا اللبس
هيوف ناظرت دانه _ لا باس البسي الازرق احسن انا بنام انتوا متى بتروحون
دانه _ بعد ساعه امي وخالتي وانا بس
هيوف _ عارفه
دانه _ هيوف تكفين لا تنامين استشوري شعري
هيوف حطت راسها على المخده _ لا ماني بفاضيه روحي للمراهقات خليهم يساعدونك
دانه _ في وموزه ليه وش سو شكلك معصبه منهم
هيوف _ دانه تكفين اسكتي ابغى انام تعبانه
..........................................................
دانه _ انتوا وش سويتوا قولوا بسرعه هيوف تعبانه
في قالتلها السالفه كلها
دانه ناظرت موزه _ تعرفون انكم مجانين وش بيفدكم الحب بلا قهر
في وموزه عارفين بسالفه فايز بس ما قالوا لدانه وقعدوا يناظرون بعض
في تبغى تغير الموضوع _ اللبس زين يله اجلسي نستشورك
............................................................ ............................
جود الجوع بيموتها والعطش وشوقها لكامل ولاخوها اللي صدمتها فيه كبيره هي وش سوت
ليه وش سويت يا جاسر عشاني حبيت واحد مو من مستوانا ما ظنيت في يوم يكون هذا تفكيرك
اندق بابها وانفتح
وتفاجات لما شافت جاسر يدخل لها اربعه ايام من بعد هذاك اليوم ما شافته فيهم
جاسر ناظرها ثواني بعدين جلس في نهايه السرير حقها وناظر قدامه بعيدا عن ملاقاه عيونها _ ممكن اعرف ليه ما تاكلين
جود بجفا _ ما ابغى
جاسر _ جود اذا تظنين انك بهالطريقه راح تخليني اسوي اللي تبغينه فانسي كامل امره انتهى وانقضى وما راح عاد افتحه لا عشانك ولا عشان غيرك
جود_ يعني انا ما اهمك
جاسر قام _ ابوي وصاني عليك وحملك عندي اكبر واقسى من حمل الشركه خليتك على راحتك في كل شي لكن عمري ما غفلت عنك صح انا مو عارف كيف جات سالفه كامل ذي لكن اللي عرفته انها من زمان انا ما راح الوم نفسي على بدايتها لكن بقنع نفسي اني انهيتها جود كامل ما راح يهنيك ولا راح يريحك انا عارف بكل شي عنه بكل شي عنه انا ما ابغى اصدمك لكن ابغى افهمك انه كامل امر وانتهى وما عاد ابغى اسمع عنه أي شي
جود قامت _ فهمني ليه؟؟؟؟؟؟ ابوي وصاك علي وانا ابغى كامل ما اعيش بدونه يا جاسر
جاسر ناظرها وهو شكله ماسك عصبيته _ جود انتهى النقاش في هذا الموضوع طيب و الاكل تاكلينه ولا عقابك عندي
جاسر طلع وجود جلست على الارض _ بس انا ما ابغى اكل ابغى كامل وابغاك يا جاسر ليه تسون فيني كذا ليه
............................................................ .............
في احدي المباني القريبه من بيت ابو كامل العابد اقيم زواج فايز على غاليه
كان الحوش الكبير حق البيت مزين صدق
وعد كانت عايلتها حالتها الماديه زينه يعني متوسطه بس قريبه للراحه الماديه
دخلت دانه البيت ولقت قدامها وعد الحضور كان شوي لان الوقت بدري
وعد بلبسها الفخم _ اهليييين بالغاليه حيا الله ام كامل وحيا الله ام هيوف تفضلوا
جلستهم وسحبت دانه
وعد بابتسامه _ ها وش رايك فيني لبسي حلو التسريحه المكياج
دانه _ ما شاء الله وين ديمه
وعد_ جات قبل شوي في المطبخ يله نروح لها
...........في المطبخ
ديمه اول ما شافت دانه لفت على نفسها _ سمو علي
دانه صدق سمت اللبس حلو مره على ديمه وباين عليه غالي لان ديمه كانت احسن وحده فيهم ماديا
وعد_ قلتلها افصخيه خليني البسه انا اللي مفروض اجذب مو انتي لكنها رفضت
ديمه _ ايوه برفض منا لبكره دانه بسم الله عليك لبسك حلو
دانه ناظرت لبسها الهادي الازرق كان شيفون كله وملموم من عند الخصر وبس بدون أي شي مميز لكن كان عليها حلو مره
وعد_ دانه أي شي تلبسها يطلع عليها حلو
دانه ابتسمت ودخلوا خوات وعد الاربع وسلموا عليهم كانوا لابسين ملابس فخمه وقريبه من لبس وعد
وعد_ بنات خلونا نطلع ونشغل المسجل ونرقص يله
بهجه اخت وعد_ وعد انتبهي لا احد يولع شريط الزفه بالغلط
دانه تحس صدرها ضاق من طاري الزفه ماهي عارفه وش ممكن تسوي
وعد ضحكت بتخامل_ ليه شايفيني خبل ولا عميا يله يا بنات بسرعه اليوم مو مثل كل يوم ممكن احد يشوفني ويقرر اني البنت المناسبه لولده
............................................................ ...........
الساعه الثامنه ليلا
الرياض
بيت ابو كامل العابد
هيوف داخل المطبخ تجهز العشا مسويه مكرونه حمرا
دخلت في وموزه
في _ هيوف
هيوف _ انتي واللي معك اطلعوا من المطبخ المطبخ ضيق وانا مو ناقصه
في _ جايين نعتذر
هيوف ناظرتهم _ ليه انتوا غلطتوا علي اول مره اعرف ...شوفوا انا لو فكرت لثانيه وحده انكم غلطتوا علي كان ما شفتوا وجوهكم صافيه كذا
موزه قربت منها _ انا اسفه والله اسفه ما عاد راح اعيدها
هيوف _ ما تقدرين تعيدينها اصلا
في _ اوووف خلاص لا عاد تسوين فينا كذا
هيوف _ اووووف منك انتي وهي اطلعوا يله خلاص
في _ راضيه
هيوف بامتعاض _ طيب طيب..... شوفوا انا بضغط المكرونه الحين وانتي وهي بعد شوي ادخلوا وقطعوا السلطات وجهزوا السفره
............................................................ .......
في احدى احياء دبي الراقيه
توقف طارق امام المنزل الذي يملكه وعائلته كان هناك منزلان يملكان نفس التصميم المعماري الفخم والمهيب لعائله طارق وعائله علي
لم يكن منزله يستحق هذا الاسم المجرد باستطاعتنا وصفه بقصور الروايات القديمه اذ توجد بوابه كبيره محاطه بعموادان ينتهيان بتمثال لاسد يرتكز على قوائمه الاماميه وعندما تنتفتح تلك البوابه تدخل على عالم يمثل عالم ساكنيه اذ توجد على حافه الطريق الموصل للبيت متاهات من الشجيرات الخضراء الصغيره ونوافير رائعه تنتشر على طول هذا الطريق تحيط بهذه النوافير الصغيره تاج من الورد الاحمر الجوري الرائع
من بعيد تستطيع رؤيه الاسطبل وبعض الجلسات الصغيره المنتشره
وامام المنزل يقبع دوار كبير رسم بداخله اسد بالعشب الاخضر توقفت سياره طارق الرينج روفو البرتقاليه امام المنزل
داخل المنزل
امل تناظر بسمه _ بسمه بسمه بسرعه طارق جا
بسمه ركضت ووقفت قريب من الباب عشان اول ما يدخل طارق تكون في وجهه
طارق دخل وشاف بسمه في وجهه شكلها طالعه من غرفه التلفزيون
طارق ابتسم _ السلام
بسمه بخجل رقيق_ وعليكم السلام ايش اخبارك طارق
طارق مشى وهي وراه _ الحمد لله انتي كيف
بسمه لحقته للصاله _ كويسه
امل قامت ودارت حول نفسها _ طارق حبيبي ها ايش رايك
طارق ناظرها لبرهه مو عارف وش الشي اللي مفروض يعطي رايه فيه _ في ايش
امل جلست جنبه وحضنت كتفه _ وش ذا القهر يعني ما فتحت الكريم ما ينفع على كذا
طارق سكت ما يحب يرد على ذي الامور التافهه
بسمه جلست قدامه وقعدت تناظره
طارق _ امل وين امي
امل _ امي بتنزل بعد شوي راحت تجيب البوم صور لي ولبسمه
طارق قام من مكانه ومشى للدرج
امل _ وين رايح
طارق ما رد عليها وطلع
بسمه ناظرت امل _ شفتي ما عطاني وجه وش ذي الحاله
امل _ وش اسويلك طارق وهذا طبعه هذا وانا اخته ما يعطيني وجه
بسمه _ يعني ايش لمتى وانا انتظر
امل _ يا خوفي تنتظرين لين تموتين طارق ما به امل منه صدقيني
بسمه _ فال الله ولا فالك ان شاء الله ان طارق يكون لي ولحالي
امل _ اوووه كان غيرك اشطر
في احدى غرف الطابق العلوي
طارق دق الباب باحترام
ام طارق فتحت الباب _ هلا بالغالي
طارق دخل _ يمه
ام طارق قاطعته _ لبيه
ابتسم _ لبيتي في مكه انا راح اسافر بكره يالغاليه بروح اقصد برجع للسعوديه راح اطول شوي وممكن ارسلكم تجوني
ام طارق ضاق وجهها _ وليه تطول
طارق قرب منها وحضنها _ يمه لا تخافين علي
ام طارق ناظرته وكانها تبغى تسبر اغواره _ انا حاسه انك تبي تسوي شي انا عارفتك يا طارق تكفى لا تكون ناوي تأذي احد
طارق _ يمه ارجوك هدي انا رايح لشغل
ام طارق _ طارق بقولك شي واسمعني زين السيئه ما يردها المؤمن بالسيئه وانا امك لا تحاول تسوي شي عشان شي ثاني
طارق قام امه دايمن تكشفه وتفهمه رغم غموضه _ يمه ابغى ارتاح ابغى ارتاح
وسلم عليها وطلع
............................................................ .....................
وعد _ طيب طيب
بهجه _ هاكم افرشوا ذا الساتان وانتبهوا البزران يمشون عليه
وعد_ خلاص قلتلك طيب
بهجه راحت بعيد
وعد التفتت لديمه ودانه -_ يله يا بنات ساعدوني العريس جاي بعروسته
دانه ترتجف بقوه
ديمه _ انا علي بامسك الخيزرانه وابعد البزران احب اسوي ذا الشي
وعد_ وانتي يا دانه تكفين اجلسي عند المسجل لما اشرلك شغلي الزفه طيب
دانه هزت راسها وقالت بصوت مهزوز _ ابشري
ديمه بعدت ووعد جلست تناظر وجه دانه
وعد قربتلها وحضنتها _ اسفه
دانه _ لا تسوين كذا ببكي وبتخرب العرسه يله روحي انا بلبس عبايتي وبجلس عند المسجل
وعد صاحت للحضور _ يا حريم تغطوا المعرس واخوانه بيدخلون الحين
الحريم بدوا يلبسون والعجايز ما لبسوا والبنات الشابات اعتنوا بلبسهم
دانه لبست العبايه والشيله والنقاب وراحت قرب المسجل الكل لابس اسود ما عدا خوات المعرس اللي كانوا لابسين شالات كبار على كتوفهم
وعد من بعيد اشرت لدانه المتجمده بدون أي تعابير على وجهها انها تولع المسجل
دانه ولعت المسجل باصابع ترتجف والانوار انطفت
موسيقى هاديه بعدين زغاريط طويله بعدين شعر بالقاء صوت رجالي يمدح فيه العريس والعروسه واهلهم
وفي هذا الوقت ولع نور باتجاه الباب ودخل منه فايز وماسك يد غاليه اللي كانت اقل كلمه تنوصف بها حوريه جميله
............................................................ ..............
ذكريات مسروقة2(وصية الحقد)###
|
11-10-10, 02:25 PM
ايوه صدق 
بس هملال بتفكر فيك كثير والي تبغى تسويه حنا معاك ولا يهمك ههههههه
جديد مواضيع قسم القصص المكتمله من وحي قلم الاعضاء
العرض العادي
