كاتب الموضوع :
New Moon
المنتدى :
القصص المكتمله من وحي قلم الاعضاء
السلام عشان لا تقولون ما قلت لكم اللي يجيب الاول له مني نص الفصل الجديد ارسله له على الخاص
الفصل الخمسون
دعوه زفاف
كنت انظر حولي اريد ان افهم
ما محلي من اعراب هذا الموقف ...السخيف
كنت اسمع ما حولي وما حولي غير مهتم
وافكاري تأخذني لمواجهه ماضيي المخيف
بعد قليل شخص لمعرفه سري سينظم
فهل يسكون افشاء سري بيده ام سيكون به عطيف
حقا يوم
مهم
هل استوعبتوه كاملا
فمن تمكن من قرآه ما بين السطور
عرف النهايه
مرت خمسه ايام كامله
طارق ما زال على وضعه يحاول ان يفتح بابا للتحدث مع همايل
لكن همايل ايضا تبحث عن ذلك الباب المفتوح لاقفاله
دانه
لم ترضى ان تجتمع مع كامل لوحدهما
لا تريده ان يفتح أي موضوع
يخص ذلك الشخص
الذي اصبحت تعتقد انه لم يكن الا خيال تخيلته
والخيال لن يصبح حقيقه
لان سر روعته في التخيل
هيوف
سافرت مع زوج المستقبل
لا تعرف مالذي يحصل لها مابالها وكأنها لا تعرف
وكأنها مغيبه ذهنيا
هل تريدون ان تحضروا ما حصل ذاك اليوم
تعالوا معي
لنفتح صفحه ذاك اليوم
............................................................ ..........
ناظرت لبسها وناظرت نفسها
وضحكت كانها مهبوله
لكن هو يبغى يتزوجني
خله يندم على كيفه
نزلت وجلست في الصاله تنتظر يجيبون لها الدفتر عشان توقع
كانت دانه موجوده وفي وموزه والعمه كانت جالسه مع ام عاصي المتواضعه وهذا شي غير متوقع
من الموجود معهم؟
اخت عاصي ايضا والتي كانت جميله جدا
جمال يجعل الفتاه تعتقد انها لا تستحق هذا اللقب
كانت متواضعه هي الاخرى
ناظرت هيوف وفي عينيها نظرات من يقول لا اعرف مالذي راه عاصي فيها لكنها لم تقوم بالاشاره لافكارها
دخل سالم
بعد ما طلعت اخت عاصي (لجين)
ودخل بعده عمها
سالم حط الكتاب بين يدها
ناظرته لقته طلع
ما قدر يجلس ثواني بغى يسوي نفسه قوي ...وما قدر
العم _ يا بنت علي انتي مخيره وما عليك الا من نفسك اذا انتي موافقه فوقعي واذا انتي رافضه فعندك من يحميك واحنا سندك
بغت تضحك ؟.... في الواقع ابتسمت بسخريه
تحميني من عاصي
ومن يحميني منك
موزه _ وقعي يا هيوف هذاك الزين ما ينرفض
دانه _ موزه بس هيوف سمي بلله وقرري واحنا معك
ناظرت دانه بحنيه رجعت دانه لطبعها ممكن عشان انها امنت ان لولدها اب مستعد يعترف فيه
هيوف بيد مرتجفه وقعت
وقفلت الكتاب بسرعه وعطته في تعطيه عمها
طلع
بعد دقايق طلعوا البنات لان عاصي دخل
دخل معه عمها وكانه محرم
لكن عاصي كان معصب
ناظر عمها _ ممكن تخلينا لوحدنا
العم ناظر هيوف ومالقى منها معارضه طلع
قام عاصي وعطاها كيستين _ الكيسه الاولى فيها جوال اسف ما اعرف ذوق الحريم اختي اللي شرته اصلا مو عارف ايش سالفه هدايا الزواج الغريبه والكيسه الثانيه فيها تذاكر لكل عايلتك بكره السفره لدبي عشان يمديكم تشترون اغراض لك ولهم فيه شي تبينه
هيوف ما تكلمت خذت الكيستين وقامت
عاصي ناظرها وناظر لبسها وشعرها _ مثل ما توقعت
ناظرته _ ايش تقصد
عاصي _ ما شي بس شعرك تخيلته كذا
تخيلني
يعني مضى وقت وهو يتخليني
لو تعرفون وش سوت فيني هاذي الكلمات
خلت نبضات قلبي تطق المليون
سوت نفسها متضايقه
طلع بهدوء بدون ولا كلمه زياده
.........................................................
نعود لنقطه
بعد خمسه ايام
يعني اليوم
بتوقيت قصتنا
............................دعوة زفـــــاف ......................
يسر
عائله آل عاصي وعائله ال عابد
ان تدعودكم لحضور
زفاف
أبننا الشاب
عاصــــــــــي فهد عــــــاصي آل عــاصـــي
على كريمه
علـــــــــــي كامل آل عـــــــــــابد
تجمع الرجال …………………… مرزعه عاصي الكبير
تجمع النساء ………………………صاله الشيخه مشاعل ال عاصي
ملاحظه::: ممنوع اصطحاب الاطفال
……………………………………………….
دخلت لجين
وناظرت هيوف اللي كانت جالسه على كرسي عريض تصورها المصوره
لجين _ يله الرجال داخلين
دانه ناظرت هيوف وسمت عليها لانها شافتها ترتجف
هيوف ما عرفت نفسها تغيرت في ذي الايام القليله
صارت انسانه ثانيه ما تحسب للمال قيمه
من يتخيل انها ممكن تلبس مثل هذا الثوب الغالي
من يتخيل ان هلها لابسين من خيرها هي
موزه دخلت
وفي وسلموا عليها وعطوها المسكه اللي كانت من ورد احمر وطويله وعلى شكل متاهات ممتده على كتفها بعد
وثوبها كان سكري بطرز ذهبي
ضيق بطرز معقد بس من بعيد الصوره الاجماليه ان الرسمه اللي على الثوب هي خيل رافع رجوله الاماميه
الثوب ضيق لحد الركبه بعد واسع بشكل متناسق خيالي
صبغت شعرها بني عودي فاتح
وكان مو كله مرفوع
ومكياجها كان ثقيل وفيه تموجات الذهبي والبني والوردي الفاتح
كانت زوجه كامله
وحفله زواجها
معتنى بها
قامت هيوف وقالولها ان العريس عند الباب عشان يطلعون الثنين
ما ناظرته
وما ناظرها
مسك يدها بخفه
ما قدرت الا ترتجف
وجسمها يهتز
عاصي بصوت واطي _ لا تخافين ما راح اتهور واخطفك من الزواج
ابتسمت
ناظرته وليته ما ناظرته
وش اللي وصلها لذي الورطه
كيف وصلت لحبك
يا عاصي
كيف دخلت فيني
بذي القوه
حست ان عيونها بدت تلمع
ودموعها على هاويه النزول
اغبى وقت ان قلبي يعترف لي انه يحبه
مو وقته خلاص الفاس طاحت في الراس اللحين
جلست على الكوشه ما ترك يدها
عماته يسلمون عليه
حتى بنات عمه
ايش قله الادب ذي
اهلا بالغيره في حياتي
حطوا عليها شال كبير من جنس الثوب
عشان رجال ال عاصي بيدخلون
شافته داخل بصعوبه
ما حلق دقنه
فديتك يا سلطان ليت حزنك لي ليته
اسفه يا قلب اختك
اسفه
شافت ابو عاصي اللي جا يسلم عليها حبته على راسه
وتأالم قلبها لما شافت العنود تسلم عليها
ناظرتها باعتذار
العنود بصوت واطي _ ما اعرف وش اللي صاير يا هيوف لكن انا عارفه ان عندك عذر وبتقولينه لي بعدين صح
هيوف مسكت يدها _ بتسامحيني
العنود_ ما دام عاصي يحبك مالي حيله
هيوف ناظرته وسكتت
العنود_ هيوف يحبك انا عارفه صدقيني يحبك من كثر حبي له اعرف انه يحبك لازم اروح طوت عليك
هيوف مسكت يدها ما بغتها تروح
العنود ناظرتها بالم
هيوف بصوت ضارع _ اهتمي بسلطان
العنود_ هيوف بالنسبه لسلطان تريه تعبان
هيوف نزلت راسها من الالم
وش اسوي
يعني
اموت
طيب انا ميته روح وجسد
راحت وشافت يد تنمد ليدها وتمسكها
ناظرت لمعذبها
للي راح تشوف نظرات الاحتقار في عينه قريب
للي راح يهزأها ويلومها على غلط غيرها
ناظرت لحبيبها اللي الزمن لعب لعبته معها
وخلاها تحب
عاصي ناظرها _ لا تناظريني كذا تبيني اهرب بك
هيوف _ تسوي نفسك ميت علي
عاصي سكت برهه _ لا مو ميت بس قلت ما ابغى طبعك الغريب يطلع اللحين
هيوف _ طبعي مو غريب
عاصي _ طبعك مو غريب خلاص اوكيه شفتي وش قد انا زوج مطيع
ناظرت للجميله اللي جايه تسلم عليهم
كانت لابسه لبس فخم لدرجه انه يصلح يكون ثوب زفاف لو كان لونه غير الازرق اللي وضع عنوان له
هيوف _ هاذي اختك
عاصي بصوت فيه سخريه مره _ لا هاذي طليقتي
هيوف ناظرته مفجوعه
وناظرت غاده اللي جات مبتسمه
مدت يدها لعاصي قدام هيوف
هيوف بغت تضربها وين حجابك وين عبايتك أيش اللي طلعك للكوشه اصلا
بغت تموت من القهر
غاده بهيبه _ مبروك عاصي
عاصي _ الله يبارك فيك عقبالك
غاده ابتسمت _ لا في هاذي اتمنى انك قلتها من ورا قلبك
عاصي ابتسم وناظر هيوف
غاده ناظرت معه ومدت يدها لهيوف _ مبروك عليك عاصي بس انا خايفه عليك منه اسمعي تريني بالخدمه اذا تبين نصايح
هيوف ناظرت يد غاده وسلمت عليها وردت تناظر العرب وما عطت غاده وجه رغم انها تمنت لو تنقض عليها
راحت غاده
عاصي _ ما اعجبتك المفاجاءه
هيوف _ ما يعجبني أي شي منك
ضحك بصوت واطي
عاصي _ هيوف تعرفين ان البنات حولك حاسدينك علي
هيوف _ من قرادة حظي
ضحك مره ثانيه
وكأنه يكلم نفسه _ هذا جزاي جبته لنفسي
انقهرت من كلامه هذا ما يحس
بس احسن
يمكن كرهه لي يخلي قلبي يتعلم انه يقدر يكره
يمكن !؟
ما تعرف كيف خلص الزواج كل اللي عرفته انها في السياره رايحين للفندق
............................................................ ....................
كامل _ دانه اطلعي لي
دانه _ كامل كيف اطلعلك بس مو وقته عيب وش بيقولون الناس عنا
كامل _ ما قلت لكم اطلعوا كلكم قلت اطلعي انتي بس
دانه _ طيب فهمني وش السالفه
كامل _ لا حول ولا قوه دانه اطلعي بسرعه
دانه لبست عبايتها وطلعت
قفلت الباب وكامل مشى بالسياره
دانه _ أيش فيه
كامل بحزن _ انا بكره مسافر ويا الاهل لمكه زي ما قلتلك
دانه _ عارفه ان احنا بكره مسافرين
كامل _ لا مو احنا انتي مو معنا
دانه بخوف _ ها ايش قاعد تقول
كامل وقف عند باب بيت _ هذا بيت جاسر دانه انزلي واسمعي كلامه
دانه _ انت انجنيت كيف تسمح لنفسك انك توديني هنا ما راح انزل
كامل _ دانه تكفين تفاهمي معه
دانه بصوت عالي _ لا
كامل _ دانه هو قالي اذا تبين الطلاق فهو موافق
دانه انصدمت هي صح ما تبغى تشوفه بس انه يكون عنده عادي يطلقها فهذا شي المها وبقوه
كامل بالم ظاهر _ بس قبل كل شي اسمعيني دانه انا السبب في موت جود دانه لولا غبائي وعدم حرصي كان جود ما زالت معي دانه انا اتعذب في اليوم مليون مره كل شي حولي يذكرني بها انا نفسي ذكرى لها يئست من الحياه بس انا عاجز وعجزي خلاني اتمسك بذي الحياه واهرب من جاسر عشاني كنت متاكد انه راح يلاحقني وينتقم مني ............وعرفت انه خطفك انصدمت تفاجات وتجرات اني اواجهه او بالاصح تجرات ان اسلم نفسي خله يسوي بي كل اللي يبي دانه جيته وسلمت نفسي وانا ما زلت مدمن رغم كل شي ما قدرت اترك السم الهاري دانه جاسر عالجني بدال ما ينتقم مني عالجني وانا ساعدته على نفسي دانه تكفين ارجعي له انتي عارفه انه ما سوى ذا الشي الا عشانك انتي
التفت لها لقاها تبكي
دانه _ ما اقدر جود بتبقى بينا دايما وانت بعد
كامل _ انا خلاص ما لي وجود بعد جود انا انتهيت ولك مني ما تشوفين وجهي
دانه _ مستحيل انت اخوي شفت كيف الامور ما تنحل كذا
كامل _ بس الرجل اللي يسوي كذا يستحق انك تتنازيلن له عن اشياء كثيره وخاصه اذا هي ما تستحق مثلي انا
دانه _ لا تقول كذا
كامل _ اللحين انتي انزلي وحاولي
دانه برجفه _ خايفه
كامل _ امانك معه صدقيني
نزلت والتفتت لبيته
كيف بس قربه يلخبطني
كيف بس حبه يحييني
كيف بس ؟
؟........................................................... ............................
|
28-02-11, 07:51 PM
جديد مواضيع قسم القصص المكتمله من وحي قلم الاعضاء
العرض العادي
