كاتب الموضوع :
New Moon
المنتدى :
القصص المكتمله من وحي قلم الاعضاء
الفصل السادس والثلاثون
دنيا .............(.تدور) ........وتتغير احوال ..وينكشف كل ..(.مستور)
يادنيا من زمان مالك امان
من اللي امنك.... مثلك مثل سنيني
تعبت واغطي على جروحي بصمتي والكتمان
يا جرح قول للدنيا ..طالبك تنسيني
............................................................ .....
....................................................
عمار_ هذا بيتهم
فارس ناظر معه _ وبعدين وش بنسوي
عمار _ ما اعرف
فارس ضحك بإستهزاء _ صدق انك غبي لا يكون بتنتظرها لين تطلع اقول امش السالفه ما راح تنحل الا بزواجك منها
عمار ناظره – فارس يا تكون عون يا تسكت (رجع يناظر البيت ) تقول انزل واسلم على عمتي وممكن تمر او شي زي كذا
فارس _ افضل حل انت انزل وانا باخذ تاكسي وارجع للبيت ماني بمنتظرك
عمار _ يااخي يا عليك نذاله ما هي بصاحيه
فارس ضحك _ انزل انزل الساعه تسعه يمكن الناس نايمين ترا
عمار _ ما اظن ...شكلهم قايمين
فارس _ انزل جرب حظك
عمار نزل بعد ما ضبط غترته وتعطر فكر يمكن البنت تشوفه وتلقاه وسيم وما عاد ترضى تتركه رجع لفارس
عمار _ اقول وش رايك بلا ذا التضبيط اللي انا فيه عشان لا تحبني البنت اشيل الشماغ
فارس _ نعنبو الثقه اللي انت فيها يا خي اقول روح بكل حالاتك والله قبيح
عمار تركه وراح يدق الباب
............................................
قبل هذه الحادثه بأربع ساعات
رن منبه الساعه ليعلن يوم جديد في المدرسه
قامت مروه عشان تسوي جدولها الروتيني وتصحي اخوانها تفطهرهم تلبسهم بعدين تلبس وتتوجه لمدرستها القريبه من البيت
في الصاله
مروه _ حمود حبيبي لا تشرب الحليب عشان الحساسيه
ام مروه دخلت الصاله _ مروه لا تسرحين اليوم
مروه بأسى _ ليه يمه فديتك
ام مروه _ بيجوني ضيوف وخبرك مرت خالك ما كان قامت تفيدني بشي اجلسي عندك شي مهم
مروه _ لا ما عندي خلاص بغيب بس يمه كثرت غياباتي
ياسمين الصغيره _ مروه انتي اصلا مو شاطره وش همك
مروه ضربتها على يدها _ عيب تقولين كذا لي من اللي يدرسك يا البزر
ياسمين _ بس انتي ما تعرفين تدرسين
مروه عبست _ بزر لسانها اطول منها
............................................................ .....
نعود للحادثه
الساعه عشره صباحا امام احدى المنازل وقف عمار منتظر احد يفتح له الباب
.........................
مروه سمعت صوت جرس الباب غريبه من اللي جاي بعد ما جاو كل الحريم اللي مفروض يجون خلاص صاروا في المجلس
ممكن وحده فاقده الذاكره نست ما تجي
راحت تفتح الباب
..........................
عمار سمع صوت يسئل من على الباب
عمار خلاص قده بيرد لكن الباب انفتح
مروه ناظرته
عمار ناظرها
جميله .......صفه اطلقها عمار عليها
غريب.......صفه اطلقتها مروه عليه
مروه بجراه _ نعم من انت وش تبغى
عمار فتح عينه غريبه ما قفلت في وجهه _ انا عمار ولد عمكم
مروه بإستغراب _ من عمي
عمار هو اللي استغرب من نفسه وش دراك اصلا ذا البنت هي بنت عمك المنشوده _ انا ولد صالح
مروه _ ااااه عمي صالح (واختجلت )
عمار اعجبها خجلها _ اقدر ادخل
مروه_ لا عندنا ضيوف وخالي مو موجود في شغله
عمار _ اذا اجيكم وقت ثاني
وجلس يناظرها
مروه اختجلت زياده وقفلت الباب
عمار حس بغباءه
بس ابتسم
............................................................ ........
اتزوج موزه
تزوج موزه واللحين
تبغى ايش تأمن على اختها
سالم جالس بصمت في غرفته كانه تمثال من الرخام البارد
لم يصدق شرطها
لقد احس بالالم
الن تكتفي منه
دائما تؤلمه
لا بل قلبه هو من يؤلمه
لقد احبها
ومازال يحبها
واعتقد اني سأحبها حتى تلك الايام التي لا استطيع التفريق بين من انا واين انا
سيطول حبها
ولكن حبها ليس موضوعي الان
بل زواجي من موزه هو الموضوع
ساتزوج اخت من احب
شئ مضحك
ساتزوج موزه
لاني اريد المال..الذي لا اعلم ان كانت هيوف ستقدمه لي اذا لم انفذ شرطها
ولاني علمت وهذه الاهم ان ليس هناك من هيوف في حياتي ..لن تكون هيوف في حياتي
قطع حبل تفكيره
رنه جواله
ناظر الجوال رقم غريب
سالم : الو نعم من معي
............................................................ ....
لنعود لحادثه حدثت قبل هذا الاتصال
بحوالي ال12 ساعه
أي نصف اليوم
دانه سمعت ضجه مزعجه تحيط بها
بدت تفتح عيونها اللي مليانه نوم
شافت جاسر يمشي بسرعه في انحاء الغرفه
قامت وجلست على السرير _ جاسر ايش فيه
جاسر ناظرها
ومن هنا عرفت ان فيه شي
وجهه متجهم ..معصب ... يحاول ان يكون قوي وذو عزيمه رغما عنه
دانه خافت وقالت بصوت متردد _ جاسر ايش فيك
جاسر رمى لها ملابسها اللي كانت لابستها في يوم خطفها
قعدت تناظر الملابس بدون ما ترف جفونها
جاسر بصوت قوي صلب بارد مسيطر آمر_ البسي ملابسك بسرعه عشان تلحقين المطار
ناظرته بسرعه _ مطار من اللي بيسافر
جاسر _ انتي
دانه قامت ومسكت يده قبل ما يطلع من الغرفه _ جاسر وش تقصد وش تقصد فهمني
ناظرها لكن ناظر كل شي الا عيونها _ خلاص ماني بمحتاجك اسف على كل شي
دانه دموعها ملت عيونها _ اسف اسف ..انت اسف على ايش جاسر انا ماني بفاهمه لا تخليني كذا ...(وبردت بثواني وكان فيه فكره خطرت في راسها 0) جاسر كامل لقيت كامل
جاسر _ ايوه
دانه _ جاسر بس انا زوجتك خلنا مع بعض وخله لا تسوي فيه شي جاسر موت جود يكفيه
سكت جاسر _ دانه لازم تروحين
دانه بصوت عالي _ جاسر اسمعني لا تخليني اروح لا تخليني
ناظر الغرفه بكل تفاصيلها _ هاجر بتجي بعد شوي تساعدك
وطلع بسرعه
دانه طاحت مكانها
بصوت باكي مقهور _ جـــــــــاسر لا تسوي كذا ليه تسوي كذا جاسر (انهت كلامها بصرخه تحمل اسمه )
.......................................................
هل ما زال الحقد يحاول ان يدخل قلب هذه البريئه؟
هل سينجح ؟
لكن ..ان حقا دخل هذا الحقد في قلب بريئه فانه سيحول قلبها الى ورقه سوداء لا ترى ما كتب بداخلها ولن تستطيع في يوم ان ترى ...سيبقى هذا السواد للابد الى ان تحترق الورقه فوق جثه المحقود عليه !!!
............................................................ ..............
سالم :الو من معي
\\\\: دانه في الطياره متوجهه لكم اليوم راح توصل خلكم في انتظارها
سالم بلا تعابير
وش قال
دانه
سالم : كامل لقيتوا كامل
لم يرد عليه غير صوت الهاتف المتقطع الذي يوضح انقطاع الخط |||
قام سالم وكأن النار تلاحقه
كيف يقول الخبر
اذا عرفوا ان دانه راجعه
اذا كامل حل بدالها
............................................................
فارس وهو معصب جدا نزل من السياره
عمار _ ايش فيك معصب ماني بفاهم
فارس ناظره بشرز _ انت ما تحس خلاص البنت هاذي صارت المنشوده وفي نسيتها
عمار _ وش فيها نسيتها عشان بنت عمي وش الغلط
فارس _ عمار اللحين تسئل عن الغلط وين اللي كان ما يبغى الا في الحبيبه وبروح اشوف بنت عمي واوضح لها السبب وبتتركني لكن اشوف السالفه تغيرت تعرف بديت اشك انك رحت بس عشان تشوفها
عمار _ انا ماني بفاهم وش حارقك في ماهي باول وحده قلت لها احبك وبعدين انا ما نسيتها بس ترا عادي القلب يحب ثنتين وبنت عمي تحتاجني
فارس _ بنت عمك تحتاجك اللحين ويوم الورق اللي فوق السطح ما كانت بنت عمك تحتاجك
عمار _ فارس بصراحه يمكن في مثلي يمكن ماني باول واحد ارسلت له الورق ليه اثق فيها
فارس والغضب معميه _ انت كذا دايم كذا الغلط راكب غيرك وانت بس واحد ما تغلط نهائيا
عمار _ لحيل فارس بس في بنساها حتى ما راح ارسلها خلاص لك مني هذاك الشارع ما راح امره
فارس _ لا يا عزيزي لا زم تعلمها انك بتتركها عشان بنت عمك طلعت جميله
عمار باستهتار _ لا فارس اذا انت مثالي روح قولها بنفسك انا قريب بخطب بنت عمي سالفه في مثل اللي قبلها اعذرني اذا قلبي دق ذي المره بيدق بعدها مليون
............................................................ ..............
في طياره تشق طريقها بين السحب
متوجهه لعاصمه الممكله
كانت هناك
كانت
دانه !!!!
كل اللي تشوفه غيوم انشئتها دموعها امام مدى نظرها
طعنها
بقوه في ظهرها
لا مو في ظهرها
الا في قلبها
رجعت
وانا خلاص
ولا شي
الحياه تغيرت
الحياه غدرت بي
لثاني مره
الحياه ... لا شكر لك فيما فعلتيه
لا شكر لك
............................................................ ....
حطت جوالها على الصامت
ليه ما قالت لطارق ؟
هو اصلا ما يثق وعلاقتهم ما زالت متارجحه خايفه تفقد حنانه
لكنها خايفه من نظراته اللي تناظرها وكانه يبغاها تقول كل شي
معقوله شاف الرقم لا اكيد
او ممكن ارتباكي
ممكن اتخيل
دخل طارق المصعد اللي ينزل الطابق التحتاني ودخلت وراه همايل
طارق بدون ما يناظرها _ لا وصلنا عبايتك لا تشيلينها من عليك
همايل هزت براسها
وصل المصعد
ام طارق كانت بانتظاره _ يمه طارق انت مسافر ليه توك راجع امس
طارق _ مسافر انا وهمايل نتمشى يمه
همايل لا شعوريا ناظرت امل اللي بدون بسمه وهذا شئ نادر
لقتها تناظرها من فوق لتحت
طارق _ يله لازم نطلع للمطار اللحين
ام طارق ناظرت همايل وناظرت طارق بعدها _ يعني مسافرين شهر عسل
طارق عرف ايش امه تقصد
كانها تقولي خلاص يا طارق نسيت
حقدك
وبديت تعيش زواج حقيقي
طارق ناظر امه _ كلها اسبوع وراجعين يمه مع السلامه
ناظر همايل عشان تلحقه
همايل _ مع السلامه يا عمه مع السلامه يا امل
ما ردوا عليها
سرعت بخطواتها عشان تلحق طارق
دخلت وراه للسياره لقته متضايق مره
مشى بالسياره بدون ما يتكلم معها
همايل بتحبب خجول _ طارق وين رايحين
كانت تبغى تقول طارق حبيبي
لكن رغم كل شي ما زالت خايفه تقولها
ممكن انه عارف مشاعرها لكن ان قالتله عن حبها ممكن يأذيها من خلاله
تحبه لكنها مازالت شاكه انه يحبها
مازالت منتظره انه يئذيها
طارق قعد يناظر يدها اللي على المسند اللي بينهم
وبدون مقدمات مسكها بيده وضغط عليها
وظل ساكت
همايل قلبها يدق بسرعه مخيفه
خافت انه يسمع دقات قلبها من خلال يدها او يتحسس نبضها يلقاه
متوحش
قعدت تفكر بصورتهم عن بعد زوجين ماسكين يد بعض
منتهى الرومانسيه
اللي تحلم بها
هل اليوم يوم سعدي
او بس انا احلم
اذا خلوني احاول اصحي نفسي
............................................................ ...........
وصيه الحقد (ذكريات مسروقه 2)###
|
05-01-11, 03:03 AM
)
) 
)
)
والكاس لك انتي (منقهرة اني مااقدر اسابق البنات بحكم التأخير اللي عايش فيني)
جديد مواضيع قسم القصص المكتمله من وحي قلم الاعضاء
العرض العادي
