مررررررررة يسلمو مووون على البارت

ماني عارفة ايش اقول من روعة البارت

هملال وطارق : ههههه عجبني مهمتو متحمسة على البارت اعرف ردو فعل امل وبسمة ههه ولو غدير تعرف كمان هي وسعد يموتو في مكانهم هههههه


هيوف : قصة معقدة مستعجلة مرررة اعرف مين حتتزوج وكيف حيعرفو وهل حينفضح ابو كامل نشوف


دانة : قلبها دق لجاسر حماااس عقبال ماقلب جاسر يدق ليها انا مثل حُسن اتفق انهم ينالو نصيبهم من العذااب


بانتظار البارت القادم مونتي


الف مبروك لحور الجنة على الكاس *_^

الله يعطيكي العافيه ياقلبي على الروايه الرائعه .... حبيت كل شخصيه بالروايه ماعدااا كامل ما بلعته من اول الروايه
سلمت يداكي ياقلبي
^^

غالياتي
اليوم بينزل بارت جديد
الساعه الثامنه
وبعدها راح اردعلى تعليقاتكم كلها
مع حفظ فوز حور الجنه ههههه
الله يحفكم لي
احبكم
مون

الفصل الثامن والعشرون
~~~( زواج .... قريب من الحقيقه..)~~~

كل شئ قد يكون
قريب من الحقيقه
حتى وجودي هنا وما اراه وما اسمعه
لايمت لحقيقه بصله .... ربما





............................................................ ..........







إنتهى ذلك اليوم الذي بدأ وكأنه لن ينتهي لكن القصه كانت لها فصول كثيره لم تنسج بعد







............................................................ ....










لازم اروحله لاني اذا ما رحتله بيسون فيني شي انا عارفتهم وفاهمه تفكيرهم هم يبون يسون شي يهددوني فيه لازم اروحله يساعدني

ادخل المكتبه ولا لا
طيب انتظره برا ماهي بمشكله
لا بدخله ما عندي وقت



بدخل



وقفت قبل الممر اللي يجلس فيه وخذت نفس ودخلت للمكان اللي دايم يجلس فيه

لقته موجود كالعاده

قربت منه ما ناظرها اسمعه مشيتي ولا اقرب منه واقوله
قربت منه


قال وهو ما زال يناظر الكتاب _ لا تسببين ازعاج اجلسي واسكتي

قالت بصوت واطي _ ابغى اقولك شي

رفعلها نظره وجلس يناظرها حست ان فيه شي متغير

باستغراب خالي من الشفقه _ انت تعبان

قفل الكتاب _ ايش تبين


هيوف استغربت حسته ما يبغى يناظرها فيها شي _ عندي مشكله

بصوت غريب قال _ كنت اظن ان المشكلات يحلها الاخ زيد

هيوف _ وش دخل زيد اللحين

سلطان سكت مده _ هيوف قولي الحقيقه انتي وش بينك وبين زيد

هيوف فتحت عينها على الاخير _ انت مجنون ما بيني وبينه شي

سلطان ناظره وكانه غضبان _ أوعديني اللحين انك تحاولين ما تكلمينه

هيوف _ لا ما راح اوعدك ليه اوعدك وش علاقتك

سلطان _ انتي تحبينه ؟

هيوف _ ومن انت عشان تسئلني

سلطان _ يعني تحبينه

هيوف بعدم اهتمام _ وش يهمك فيه هذا الشي

سلطان _ ما يهمني في شي وش مشكلتك

هيوف قررت انها بعد تقفل سالفه زيد_ البنات يبوني اطلع

سلطان _ ابركها ساعه اطلعي اليوم

هيوف _ وين اروح

سلطان _ انا بحللك المشكله راح تعيشين في مكان قريب للجامعه مع بنتين اعرفهم

هيوف بسرعه _ وش عرفك بهم

لمعت عيونه بسرعه وكأنها لمعه انتصار وفرحه _ ليه تسئلين

هيوف بصراحه _ عشان اشوف اذا سبب معرفتك بهم محترم او لا لان اذا انت تعرفهم بشكل غلط ما اقدر اجلس مع بنات من هذا النوع

وانطفت اللمعه وقال _ انتي ما تحسين ما تهتمين بللي حولك او هي بس مسأله غباء

هيوف استغربت وش هو يتكلم عنه _ وش تقصد

سلطان _ بس مو لازم اكمل البنات اعرفهم من اخوهم هم مصريات
جدا محترمات ومؤدبات وذكيات وبيساعدونك في المواد الصعبه بدال ما تطلبينها


هيوف _ متى اروح لهم وكم راح ادفع

سلطان _ اليوم لفي اغراضك والايجار ما اظن له داعي الشقه ملك لهم

هيوف _ ما ابغى كلمه اظن اكيد ولا انا حالتي الماديه مو لذاك الزود

سلطان جلس يناظرها _ طيب ليه ما تتكلمين اذا ناقصك شي

هيوف _ وليه اتكلم

سلطان _ الكلام معك ماله فايده اذا بغيتي شي تعالي لي طوالي لا تروحين لاحد ثاني

قامت _ متى راح تاخذني لهم

قالها _ راح اعطيك عنوانهم روحي لهم بنفسك راح اكون مكلمهم قبل

خذت العنوان _ مشكور

سلطان _ ليه ما رحتي لزيد عشان يحللك المشكله

هيوف ناظرته _ ما اعرف ممكن عشاني اعرف عايلتك انت ممكن عشان كذا


وراحت وتركت سلطان يناظر زولها














............................................................ .......













ما نامت عايله العابد من امس

الام دخلت المستشفى وجلست معها في وتركوا موزه في البيت عشان تعتني به

سالم مرابط جنب التلفون اللي يشوفه يقول مجنون

الاب يناظر مكان واحد من امس بلا حركه ولا أي تفاعل في وجهه


اندق جوال سالم ناظره استغرب


وش يبغى هذا وقته ...

سالم _ الو

ابو نادر _ الو سالم انت فاضي ابغاك بموضوع مهم

سالم _ نعم


ابو نادر _ اسمع شفت الجماعه اللي تسلفت انت منهم غلطت انا مع واحد منهم وشكلهم معصبين فحاول انك ما تخرج اليوم من بيتك

سالم_ وليه وش بيصير لا خرجت انت اللي غلطان ما هو بانا

ابو نادر _ ايوه بس هم معصبين لدرجه يبون ياذون أي احد اعرفه وممكن بعد يطلبون منك الفلوس قبل وقتها فانتبه لا تخرج


سالم تذكر الفلوس وغمض عينه ولا انه مو حمل شي زي كذا

سالم _ حاضر

ابو نادر _ يلله اشوفك على خير

قفل سالم الجوال ولقى ابوه يناظره عرف انه يظن ان اللي يكلمه كامل

سالم ؟_ ما هو بكامل هذا واحد اعرفه










............................................................ ...









التوت يدها اليمنى وانكسرت اصبعين من اليسرى وجاها التواء في قدمها اليسرى


غير الالم الفظيع اللي في راسها
ما شافت كارلا اليوم وينها ابغى مويه عطشانه مره

انفتح الباب ودخل جاسر ............. دانه تعلقت نظراتها فيه كيف واحد وجهه مثل الملاك يسوي كذا وعشان فلوس وهو مو ناقص ولا محتاج ولا السالفه هي كذا اللي عنده مال يصير عبدا له


قرب منها _ حاسه بالم

دانه _ ايه بقوه ليه ما عطاني مسكنات الم

جاسر بلا مبالاه استغربتها دانه لانه امس كان مهتم ولو كان قليلا _ عطاك مسكانت بس انا حاب اعاقبك عشان تنتبهين مره ثانيه


دانه بالم ناظرته مو ناقص الم يدينها ورجلها وراسها يجي الم رابع غريب ينبض بقوه بين ضلوعها


جاسر خذا نفس عميق وعض شفاته وناظرها _ اوعديني انك ما تكررين اللي سويتيه لانه غباء كنتي راح تموتين هذا الشي الوحيد اللي كنتي راح تستفيدينه

دانه _ لا تسوي نفسك مهتم


ناظرها وكأن في راسه فكره طرتله ولا هي بمعجبته _ انا مو مهتم


دانه _ عارفه هذا الشي.... انا جوعانه

جاسر _ قررتي تفكين اضرابك عن الطعام كويس الاكل جاي في الطريق

دانه تسائلت كيف بتاكل _ وين كارلا

جاسر _ طردتها جلس في كرسي جنب السرير

طيب من اللي بيساعدني فكرت دانه

جاسر قعد يناظر الملاك اللي قدامه رغم كرهه للنساء الا انه عرف ان هاذي طاهره تصرفاتها شكلها غريبه كيف تكون هي اخت كامل
بعد ثواني الملاك اللي قدامه مو عارفه وش بيصير لها لان الخطوه الثانيه من انتقامه بدت تتنفذ


دخل رجل لابس طاقيه بيضاء وثوب ابيض ناصع ذو لحيه صغيره وجهه مريح جدا

دانه ناظرته وناظرت جاسر متسائله من هذا

جاسر قام وسلم على الشيخ اللي قال _ اين العروس


جاسر ناظر دانه _ هاذي هي








.........................................................









دخلت ام طارق علي همايل اللي ما نامت من امس


وقفت قدامها _ انا قلتلك ترجيه عشان تخرجين من هذا البيت عشان تخرجين من حياه هاذي العايله بس انتي باي حق وافقتي انك تاخذينه انتي مجنونه


همايل ناظرتها وهي مفجوعه وين الانسانه اللي كانت معها وتساعدها


ام طارق _ خربتي فرحتي بولدي ولدي الكبير يتزوج وحده مثلك


همايل قامت وهي خلاص _ وش فيها وحده مثلي

ام طارق _ اتركي طارق احسن لك ولا بيصير لك شي تتمنين انك متي قبل لا تحضرينه

همايل _ ما اظن فيه شي باقي ما شفته


امل وبسمه دخلوا

امل _ همايل بنت الحمايل نجحت في لعبتها صدق انك وحده فاجره

همايل بصوت عالي _ احترمي نفسك


ام طارق _ كنت راح اساعدك ارسلت لك اخو السواق قلت تتزوجينه وممكن طارق يرضى لان زواجك من عايله مثلهم يرضيه ويبرد خاطره لكن اكتشفت اني حطيت الغاز على النار


بسمه _ كيف طاوعك قلبك تاخذين واحد مو لك

همايل _ طارق لي وما يهمني كلامكم تقبلوا واقع اني زوجته وانه يبغاني (كم تمنت ان كلامها يكون صح في يوم من الايام )

امل _ طارق ما يبغاك بس تلقينه يفكر بشي جديد عشان يهين اهلك بس

وطلعت ووراها بسمه

ام طارق_ انا مو مباركه زواجك وراح احاول اني انهيه مو انتي الزوجه اللي ابيها لولدي


وطلعت وتركت همايل اللي رجعت تجلس على سريرها تمسك العبره والدموع تمنعها انها تخرج





............................................................ ..


















دانه مفجوعه بقوه _ نعم من العروس ؟

جاسر ناظر الشيخ وخذاه لباب في الغرفه يفتح على صاله جانيبه صغيره
وقفل عليه الباب ورجع لدانه

جاسر _ توافقين ولا تسوين شوشره فهمتي


دانه وتحس نفسها عاجزه _ انت مهبول كيف اوافق كيف باي حق اخذك وليه

جاسر _ راح توافقين لان اخوك ما جا للحين

دانه _ زواجي منك بيخليه يرتاح ولا عاد راح يجي (عرفت انها غلطت ما كان مفروض تقول مثل هذا الكلام وكأنها ما تهتم الا بنفسها )

جاسر _ صدقيني زواجي منك هو عارف وش معناه وافقي


دانه _ وش بتسوي لو ما وافقت

جاسر _ راح تتزوجين غصب عنك الا إذا بغيتي تجيك اختك الثانيه وهي اللي تنفذ اوامري

دانه وهي تبكي بقوه _ انت انسان مريض نفسي مجنون

جاسر _ ممكن وافقي ولا والله اللي خلقني لانفذ كلامي

دانه خافت على في وعليها سكتت


جاسر فتح باب الصاله الجانبيه_ تفضل يا شيخ












.....................................................












خرج الشيخ من الغرفه الجانبيه التي افرغتها ادراه السجون لطارق وعبدالله وابنه حاتم


ناظره عبدالله الشهال وفي عينه انتصار

طارق فاهم كل اللي يدور في راسه

عبدالله _ متى راح تنتهي معامله خروجنا

طارق _ بكره راح تناخذون لفيلا في العليا

عبدالله _ همايل اخر مره جاتني ما طرت لي موضوع خطبه ولا زواج كل اللي طرته انه تشتغل عندك عشان نخرج من هنا

طارق بابتسامه كريهه _ وكيف كان شعورك ؟

عبدالله _ كنت عارف انها راح تجيب راسك

طارق ضحك _ انت عارف ومتاكد ان زواجي منها في مصلحتي قبل ما يكون في مصلحتك

عبدالله _ عارف ان زواجك منها يخدم اعمالك

طارق _ إذا لا تاخذك الفرحه لبعيد لاني بعدني ما انتهيت منك يا عبدالله

عبدالله _ صرت اللحين عمك

طارق _ تقدر تحلم


قام وناظر حاتم وابوه _ انتوا عارفين ليه خرجتوا

عبدالله و ولده عرفوا ان طارق بيفجر القنبله _ اكيد انكم ما تصورتوا اني ممكن اتخلى عن دين بهذا الحجم كل اللي سويته اني آجلت تسديده اجلته لسنه بعدها انشوف وش بيصير










............................................................ ...










قفلت شنطتها وطلعت للصاله

لقت جنى وفاطمه ومناير يناظرونها وهم منصدمين


هيوف وقفت قدامهم


هيوف بتردد _ انا انا ما كنت راح اقول أي شي وانا هددتكم لاني ما لقيت حل ثاني فاطمه تقدرين تتركين خطيبك هذا الحل الوحيد بس لا تاخذين صاحبه لانه خبى عنك اكبر حقيقه خبى عنك ان خطيبك متزوج تقدرين تشوفينها هي تشتغل في المقهى اللي تروحين معه له وانتي يا جنى اتمنى ما اقدر اقول من كل قلبي لان قلبي ماله وجود انك تتشافين من ادمانك انتي قويه مناير مناير زواجك من ولد عمك مو غلط الغلط انك تسمحين له انه يتزوج سحر ناظرت حولها انتوا اكيد مستغربين كيف اعرف كل هاذي الاشياء انا متعوده اني اكون فاتحه عيني على اللي حولي عشان اكون متاكده اني ما فيه حولي خطر اتمنى انكم تسامحوني راح اكون كذابه اذا قلت ان مسامحتكم لي امر يهمني لكن ما ابغى (وسكتت )


جنى قربت منها وحضنتها _ انا حبيتك وحسيت انك راح تكونين لي اخت وتدافعين عني انصدمت منك بس اللحين تاكدت انك وحده يعتمد عليها

هيوف فكت نفسها _ اذا صافي يا لبن ما ابغى اذا شفتكم في الجامعه تصدون عني نظركم كونوا طبيعين معي

مناير حضنتها بعد_ لا احنا راح نكون حولك واي شي تبينه راح نكون قربك

هيوف ضحكت _ الكل من يوم جيت يبغى يساعدني الحمدلله


فاطمه وهي تبكي _ اسفه يا هيوف انا اسفه وشكرا على كل شي


مناير _ هيوف تبغين تجلسين معنا سحر هي اللي اقنعتنا انك لازم تتطلعين لكن احنا عارفين انها غايره منك عشان زيد

هيوف _ لا شكرا سلطان رتب لي اني اروح واسكن مع بنات ثانييات

جنى _ هيوف انتي كيف تعرفين ال عاصي وش علاقتك بسلطان وزيد

هيوف بصراحه _ ما اعرف سلطان امه تعرفني واكذب عليك ان قلتلك كيف وزيد انتوا قلتوا انه يساعد الكل


خذت شنطتها _ يله مع السلامه اشوفكم على خير


طلعت من الشقه وهي مبتسمه
اللحين ارتاحت وتاكدت انهم ما راح يحاولون ينتقمون منها هذا اهم شي ولا هم في حريقه













............................................................ .

انا الاولى

>>

عادي سوزي تحصل كتير : لول :

>>

مون باارت روعة كالعادة

>>

نجي للتعليق :

.. هيوف ..
كلامها مع البنات بين مدى طيبتها
عجبني طلب المساعدة من سلطان وردة فعل سلطان والحوار هو شكلو حتتزوج سلطان ابغى سلطان يتحرق من الغيرة
حزني وهي تقول للبنات محا اقول من قلبي لانو انا ماعندي قلب اهئئ

.. دانه ..
خلصت البارت وانا مبتسمة ومرة متحمسة واضحك زي المجانين بسبب الفرحة انو دانة حتتزوج جاسر كنت خايفة انك ما تزوجيهم بس الله يتمم زواجهم
وسالم الله يعينه ورط نفسه

.. همايل ..
والله ياقلبي عليها الكل حاقد عليها الله يستر لايكمل عليها طارق
اتمنى طارق يوصي اهله عليها وانهم ما يضايقوها
ههه متحمسة اكتر شي للبارت الجااااي


وهنا يا مون وقفت تعليقي وما اقدر اقولل اي قصة او شخصة احلى لانو بجد كل شخصية احلى من التانية


وللمررة الثانية يسلموو على البارت