كاتب الموضوع :
New Moon
المنتدى :
القصص المكتمله من وحي قلم الاعضاء
الغاليه
الروح العذبه
كلامك عذب
شكرا غاليتي
لي الفخر ان احرفك سطرت في صفحاتي
اهلا بك اخت دائمه
الفصل السابع والعشرون
...~~~ ما لا يعقل ..لابد ان يكون ...~~~~
ما لا يعقل لابد.... ان يكون
فكل شئ لعكسه~ اساس
كما الضجيج هو اصل... السكون
وكما التراب كان اصل ~الناس
............................................................ ............
قام من النوم وهو يحس جسمه يرتجف امس ارسل الفلوس للحساب اللي قاله عليه كامل
بس الاهم هو منين جاب الفلوس
هو عارف انه ورط نفسه بس اخوه محتاج
بس انا تورطت ورطه كبيره كان يعني لازم اسمع كلام حميد يا الله ان الامور تخف وكل شي يهدا
تجار سلاح هم اللي خذيت من هم المبلغ ومفروض ارده بعد ثلاثه اسابيع وقتها يحلها الف حلال بس كيف تنحل الحل الوحيد ان كامل يرجع واموره تتعدل وياخذ قرض
لكن ان ما رجع كامل وش اسوي ولا شي يزيدون المبلغ خمسين الف ويعطوني مهله اخيره اسبوع زياده
الله يجيب العواقب سليمه
.............................................
بغيب
قرار نهائي
انا في الحالتين مو فاهمه والتلخيص هو اللي يحل الموضوع
وخاصه اليوم ابغى اغيب
امس .. وش صار بامس ما ابغى اذكر زين ان البواب هو اللي شالني للغرفه الخارجيه وفاطمه هي اللي ساعدتني
وسلطان وزيد وش صار لهم ما اعرف المهم اني قمت ولا لقيتهم
انا احس اني بديت ادخل مرحله خطيره لاني متاكده ان امس الهواشه كانت بسببي انا ... انا مو غبيه ولا هبله وعارفه ان زيد عصب على سلطان عشانه وصلني وسلطان عصب على زيد عشانه لقاه عند البنايه اذا انا مفروض ابعد هذا الحل مو ناقصني ناس يدورون في سجلي العائلي والحمدلله ان الله عطاني هبه ان قلبي ما رف ولا حن لهم ... انا ما حبيت
......................................................
تضرب خدودها بقوه _ يابو كامل سالم الحقني دانه دانه ما رجعت الساعه خمسه العصر ولا رجعت دقيت على ابو سلمى ولا رد ديمه ووعد ما جاهم اليوم
سالم _ ودانه دقيتي على جوالها
موزه تبكي هي وفي اللي قالت _ ايه دقيت ورد علي واحد يقول انه راح يدق علينا في الليل عشان يقول عشان يقول وينها
سالم زي المجنون طلع وراح لبيت ابو سلمى وقعد يدقه بقوه ما احد فتح سئل وعرف ان ابو سلمى اخذ هله وتركوا البيت اليوم وشكلهم سافروا
رجع وهو زي المجنون ابو كامل كان وجهه ورقه بيضاء شاحب اما ام كامل فكانت مغمى عليها في نص الصاله بين في وموزه اللي صوت بكاهم مرتفع
ما به امل ابو كامل وسالم عرفوا من اللي خذاها عرفوا اكيد عرفوا
............................................................ ...
\\\\\ حمد انا محتاج مساعدتك اخوك مو قادر يتصرف
حمد_ زيد تكلم وش صار من اللي تجرا عليك
زيد انتظر كثير
حمد_ زيد اخلص قول وش عندك تراني معصب حدي
زيد_ بسوي سواه عاصي
حمد سكت
وسكت
وسكت
وقال اخيرا _ وش تقصد
زيد_ انا راغب بوحده غير بنت عمي
حمد انفجر _ انت انجنيت وش قاعد تقول زيد انت تمزح رد
زيد _ هي بنت جديده التقيت بها بنت محشومه حمد ساعدني
حمد_ اساعدك في قله العقل زيد اسمعني انت عارف ان مشكله عاصي مؤثره في ابوي للحين وان ابوي انكسر بعدها بقوه بس ما بين عشان اخوانه لا يتامرون عليه وانت الحين بكل سهوله تجيب المصايب على صحن من شوك لابوي عشان يذوق العلقم ويغص بحسرته زيد فوق
زيد_ ابوي قوي بعدين جدي مات رحمه الله عليه يعني قانونه مفروض ينتهي
حمد_ يعني منت بمتراجع
زيد سكت وقال _ احبها يا حمد
حمد ضحك _ على الاقل عاصي احسن منك تزوج عشان الفلوس وانت عشان الحب زيد اسف مساعده ما راح اقدر اساعدك انت عارف موقفي من هذا كله يله انا عندي مشاغل
وقفل الخط
.........................................................
فاقت وهي تسمع صوت نحيب وشهقات
تعرف الصوت
ايه تعرفه
صوتها هي
معقوله اللي شافته مو حلم لا مو حلم وين انا وش هاذي الغرفه كبيره لا انا في كابوس انا في حلم اكيد الغرفه تشبه غرف الاحلام يعني لو صدق انا انا انا زي ما شفت ممممممخخطوفه ما كان حطوني في غرفه زي كذا
انفتح الباب ودخلت وحده حجمها كبير وكانها بودي قارد نسائي دانه
هزت راسها يمين شمال وكانها تخرج من راسها فكره لكنها عرفت انها مهما سوت هي خلاص ممكن بعد انها انتهت وش عرفها هم خدروها صح خدروها
بكت بقوه _ ضعتي يا دانه ضعتي ااااه يا ربي ساعدني يا الله
قربت منها كارلا وحطت قدامها صحن فيه اكل دانه بقوه رمته عليها وقعدت تصارخ _ ما ابغى ما ابغى ابغى اموت اموت اموت
كا رلا وجهها انجرح بس خبت تعصبيتها دانه وجعها قلبها عليها لانها رغم كل شي ملاك ملاك
قامت من على السرير _ اسفه
ما فهمتها كارلا عرفت انها اجنبيه دانه بهدوء رجعت لسريرها وقالت مره ثانيه _ اعذريني لم اقصد ذلك
\\\ تعتذرين في مثل هذا الموقف غريبه لهاذي الدرجه ربوك هلك ونسوا يربون اخوك
دانه ارتجفت لما سمعت صوته التفتت له _ من انت وش سويت لك مو حرام عليك انت ما عندك خوات
جاسر رفع نظراته للسقف بعدين رجع يناظر كارلا وامرها تخرج وقفل الباب وراها
جاسر وهو يقرب منها وهو يناظرها ارتبكت _ نعم وش تبغى ليه تناظرني
جاسر وجه نظراته لجهه ثانيه وطلع من جيبه جواله ودق
بصوت مسيطر _ الو ممكن ابو كامل
............................................................ .
الساعه التاسعه ليلا
الرياض
وقفت عند بابه راح ادخل وانهي الموضوع
او على الاقل راح احاول انهي الموضوع
دقت
\\\ ادخل
دخلت
ما التفت لها
\\\ انت ما تبغى احد يدخل غرفتك ليه سمحت لي ادخل الغرفه وانت مو عارف من انا
ما رد عليها
\\\ وش تبين
نزلت نظراتها _ اكتفي بللي سويته فينا اكتفي طارق ارجوك اعتقنا انا مو باقي لي الا ابوي
طارق التفت لها وابتسم _ اذا هاذي الطريقه اللي تستخدمينها مع علي عشان كذا انتي خليتيه زي اللعبه في يدك
استغربت وش جاب طاري علي _ طارق لا تغير الموضوع
قام وقرب منها وصار على بعد متر منها _ اذا انتي اللي مفروض تسمعيني الموضوع هو انا ما جبتك هنا عشان تدورين على نصيبك علي اتركيه امنعك تكلمينه او حتى تناظرينه فهمتي همايل فهمتي
همايل وهي معصبه يعني _ وش بتسوي يعني بتذبحني هذا انا سو اللي تبي
طارق بعد شوي _ همايل مفروض انك عرفتي ان اقدر اكرهك في نفسك
همايل _ لا تخاف كرهتها وكرهتك بعد
ومشت للباب
بس سمعته يقول _ عموما ما جبتك هنا عشان تحبيني
التفتت له مره ثانيه _ كنت احبك
طارق وهو يناظرها بثقه _ وما زلتي
............................................................ .........
\\\\ لا تحاولون حتى تكلمون الشرطه ما راح تنفعكم
سالم _ يالخسيس
جاسر _ اختك راح ترجع لكم سليمه وباسرع مده بشرط ان كامل يكون عندي قبل لا تكون هي عندكم
ابو كامل _ كامل كامل مختفي
جاسر _ سالم يكلمه انا مراقب خطوطكم لكن ولدك شاطر عرف يفلت من يدي
سالم بعصبيه _ ما راح نرضخ لتهديدك راح نكلم الشرطه
جاسر _ على كذا راح يكون لي اجراء ثاني
ابو كامل _ ما راح نكلم الشرطه بس اوعدنا البنت ما يصير لها شي
جاسر _ ولا حتى جرح ابغى كامل بس كامل ولما تلقونه قولوله يروح لبيتي اللي في الرياض عشان يعرف بعدين وين يلقاني
............................................................ ......
ناظرت سحر وقالت بصوت نافذ الصبر فيه _ نعم وش فيه
سحر _ انتي تظنين ان زيد عشانه ضرب ولد عمه وتهور انه ممكن انه يحبك
هيوف _ بس تريه في الحقيقه يحبني
سحر _ كذابه
هيوف _ لو تبين اكون كذابه فصدقي نفسك
سحر _ اطلعي من البيت ما عاد ابغى اشوفك هنا
هيوف _ ما راح اطلع الا لين البنات كلهم يقولون هذا الشي
دخلت مناير
وقالت _ البنات كلهم بيونك تطلعين يا هيوف انتي مسببه مشاكل
جنى وفاطمه دخلوا وشكلهم منجبرين يوافقون
هيوف ضحكت _ ما راح اطلع
مناير _ مو بكيفك احنا مو متقبلينك بينا بعد اليوم
هيوف _ مو لازم تتقبلوني لكن راح اجلس هنا الا اذا بغيتي اقول لهم عن موضوع خروجك كل يوم احد واقولهم وين تروحين
جنى +_ لا تهددين مناير بس انتي كيف عرفتي
مناير وهي خايفه _ ايه كيف عرفتي
هيوف _ بعدكم ما عرفتوني اعرف كل شي عارفه ان فاطمه تحب صديق خطيبها وهذا اللي مانعها من الزواج بدري وعارفه ان جنا تروح كل يوم لمكان ما احب اسميه ولا ليه ما اقوله كلكم عارفين تروح لمصحه ادمان كل اسبوعين صح ولا فيه شي نسيته
سحر _ شفتوا زي ما قلتلكم البنت هاذي ما كان مفروض ان احنا عيشناها بينا
هيوف _ صح ما كان مفروض وانا بعد ما كنت ابغى اعيش بينكم لاني للحظه بغيت ما اذي احد راح اجلس هنا وانتو اتمنى اني ما اسمع منكم كلمه تاذيني او تنرفزني لما ابغى اطلع بطلع
.........................................................
حمد_ يبه فيه مشكله يبغالها حل وبسرعه
الشيخ فهد العاصي _ الشركات صارلهم شي
حمد_ لا يبه زيد هو اللي صار لعقله شي
فهد_ نعم وش قلت وش فيه
حمد_ يبغى يكنسل خطوبته يقول انه يحب وحده ويبغاها وما يعيش دونها
فهد_ مو زيد اللي يقول ذا الكلام
حمد_ وش السواه يبه
فهد_ تسافر له وتشوف وش اللي صاير
حمد_ انا ما اعرف اقنع يبه وانت عارف
فهد_ يعني وش تقصد
حمد_ وص اخوي انا ما اقدر
فهد_ خلاص خلاص انا بشوفله حل
............................................................
ويني
ووش سوا به كامل ليه غاضب منه لذي الدرجه معقوله كامل سرق شي من فلوسه ممكن
كارلا كانت جالسه عند الباب تناظر دانه
طلع قبل ساعه من عندها بعد ما كلم اهلها قدامها وش الاجراء اللي بيتخذه لا علموا للشرطه بيذبحني يا ليت والله يا ليت
ما خلوا معي حتى العبايه الا ثوبي مو مقطع وما زال مثل ما لبسته بس فيه شويه تراب ان شاء الله انه ما صارلي شي
دخل مره ثانيه ومعه كوب شاهي
دانه التفتت لجهه ثانيه
وقف عند الكوميدو وحط الكوب _ اشربيه الجو هنا بارد لازم تدفين نفسك
دانه بتمرد _ لا تسوي نفسك طيب
حسته يناظرها _ انتي عارفه ليه انتي هنا يا دانه؟
دانه التفتت يوم نادا باسمها كيف قال اسمي رجعت تلتفت لجهه ثانيه وجعها قلبها وارتجفت
دانه _ عشان كامل
جاسر _ وش رايك بلي سواه
دانه تكلمت من مبدا ان السالفه سالفه فلوس وقالت بصوت عصبي مرتفع النبره _ له اسبابه بس مع ذلك هذا ما يعطيك الحق انك تسوي اللي سويته
جاسر ناظرها بصدمه _ انتي مثل اخوك يعني انتي تظنين ان كامل يحقله اللي سواه
دانه ناظرته حست انها غلطت للحظه شافته واحد ما يظلم الا اذا انظلم بقوه
جاسر نزل راسه بعدين خذا نفس وناظرها _ انتي اللي فتحتي لي الباب هذاك اليوم صح
دانه _ وليتني ما فتحت
جاسر ابتسم من طريقه كلامها _ ياما فيه اشياء لابد للانسان انه يندم عليها
طلع وتركها مع تفكيرها
؟........................................................
ناظرت الدريشه كانت تناظرها وهي صغيره لاسباب مختلفه كانت تناظرها عشان تشوف طارق وتراقبه لكن الحين تشوف الدريشه عشان تراقب العالم البعيد عنها
اندق بابها
من اللي بيدق الساعه وحده الليل .. لبست حجابها
فتحته شوي ولقته علي خافت وتذكرت تهديد طارق بس علي ما يسوي شي
علي _ همايل ممكن اتكلم معك
هو لاول مره يطلع عندها
همايل ورا الباب _ نعم
علي _ ما راح تفتحين الباب
خافت
علي _ همايل انا علي خايفه مني
فتحت الباب له ودخل وقفت عند الباب
علي _ انقالي انك انخطبتي وانك وافقتي بس طارق رفض
همايل _ ايوه يقول انه ما جابني هنا عشان اشوف نصيبي
علي _ همايل انتي تبغين هذا اللي جا يتقدم لك اذا كنتي تبينه انا بساعدك
ناظرته لا ما تبيه بس تبي الاشياء اللي يمثلها لها
علي _ شكلك ما تبينه
همايل _ مو هنا الموضوع الموضوع اني فكرت لما اتزوجه طارق بيتركني
علي _ سبب غير كافي للزواج
همايل _ علي انا في حالتي الاجتماعيه هاذي ما احد راح يبيني
علي _ صدقيني يا همايل الف واحد يتمناك
صوت من عند الباب _ ولايكون انت واحد منهم
التفتوا لطارق اللي كان يناظرهم وعيونه ترسل شرار وقنابل
علي _ طارق ايش فيك معصب
طارق بصوت مخيف _ معصب لانك نسيت نفسك ممكن افهم ليه انت هنا
علي وهو بعد بدا يعصب _ انت اللي ايش تظني قاعد اسوي هنا
طارق ناظر همايل بعدين ناظره _ اللي يظنه أي شخص لما يشوف واحد مثلك في غرفه بنت
همايل بغت تقوله وانت مو انت تدخل هنا ليه ما تقول عن نفسك نفس الكلام
علي _ طارق احترم نفسك
طارق _ انت عارف اني محترم نفسي ومحترمك علي اطلع من الغرفه الحين
علي ناظر همايل وطلع وهو يزفر بقوه
طارق ناظرها خافت
طارق _ انتي راجعلك بعد شوي
وطلع
..........................................................
قعدت تناظر كارلا
ذي ما تنام نهائيا ولا ايش
بعد ثواني
كارلا قامت وراحت للحمام
دانه بسرعه قامت
وراحت للنافذه وبدون تفكيرفتحتها وخرجت منها واستندت على الحافه الصغيره للحين ما خرجت كارلا مشت شوي بس توازنها ااختل
تحس انها تطفو وان السقوط بالحركه البطيئه لكن النهايه وحده سقطت بقوه
حست انها جلست مده طويله على وضعيتها هاذي والالم من قوته اختفى احساسها به
سمعت صوته وصوت ناس ثانين
شافت وجهه قريب بس كانه بعيد_ انتي مجنونه وش سويتي
سمعت ناس يتكلمون ما فهمت كل اللي فهمته ان دموعها بدت تتساقط
شالها بين يده شكله معصب اكيد رهينته بغت تموت وما عاد يستفيد منها بشي
سمعته يقول _ انتي مجنونه احنا مو في السعوديه يعني لو حتى هربتي وين راح تروحين
لكن في هذه اللحظه في شي ثاني اشغلها....... قربه
مو وقته
بس القلب ما كان له اصلا وقت
حست نفسها مختنقه
بطنها مخضوض
قلبها متوقف عن العمل
دخلها الغرفه وحطها على السرير وبعد شوي منها وقال بصوت عالي غضبان _ لا تخافين ما راح يصير لك شي هنا
دانه بصوت خارج من لا مكان _ كذاب انت قلت اذا ما جاء كامل لك اجراء ثاني يعني بتذبحني
جاسر انصدم كيف تفكر كذا
معقوله قال كذا ....
بعد عنها مع دخول دكتور
قال قبل ما يخرج_ مو كان احسن لي لو خذيت اختك الثانيه
........................................................
اندق الباب
وانفتح لانها ما قفلته
قامت وناظرته بتحدي _ وانت ليه ما تمنع نفسك من دخول الغرفه ما دامت غرفه فيها بنت
طارق ناظرها وهو وده يضربها _ انشبي ولا كلمه مو انا قلتلك ما تكلمينه ولا ظنيتي انك اذا كلمتيه هنا راح تنحل المشكله وما احد راح يعرف
همايل _ ممكن افهم انت منو عشان تشك فيني وباخلاقي
طارق بصوت عالي _ قلتلك ولا كلمه
همايل خافت مره
بس قالت بكبرياء _ طارق من انت عشان تمنعني اللي ابيه بسويه وعلي بكلمه واللي يصير يصير
طارق _ كنت عارف ان هذا بيكون كلامك وعشان كذا لقيت حل
همايل ناظرته وش بيسوي
طارق_ انا اللي بتاكد بنفسي انك بعيده عن علي وما تشكلين أي خطر على حياه امل
همايل _ وش بتسوي بتنفيني ابركها ساعه
طارق _ لما انفيك ببعدك مسافه بعيده ما اقدر اراقبك منها لكن راح اراقبك عن قرب .. بكره جهزي نفسي راح يكون يوم اللي تلتقين فيه بنصيبك
معقوله معقوله بيزوجها لذي الدرجه هي ولا شي بالنسبه له
همايل _ طارق
طارق _ راح توافقين اذا تبين ابوك واخوك يخرجون من السجن
همايل _ انت قلت بتخرجهم اذا جيت اشتغل هنا
طارق _ غيرت بنود العقد
همايل _ ليه وباي أي حق
طارق _ بدون ليه لكن اوعدك ما ان نعقد ابوك واخوك راح يخرجون وراح يعيشون في بيت بعيد عن هنا عشان لا احد يقول ان اهل زوجتي عايشين في بيوت الخدم
همايل بصدمه واضحه المعاالم _ انت من راح تزوجني به
طارق _ الزواج منك مهمه تكفلت بها
انا مهمه هذا كل شي انا بالنسبه لك
بس شوي وش هو قال انا راح اكون زوجته ذا انجن
همايل _ راح تتزوج بنت عبدالله الشهال راح تتزوجني انا ووضعك المادي والمعنوي وبسمه
ناظرها طارق كثير_ الزواج منك مو يعني اني راح اظل معك يحقلي اربع وانتي اكيد ما راح تكونين الوحيده بعدين زواجك يفيدني في السوق عشان تبعد عني الصوره الموضوعه لي اني عدو لكم وما الى ذلك رغم ان الكلام صح لكنه يؤثر على اعمالي عموما ما راح اطول بكره انقلي كل اغراضك لغرفتي
طلع وتركها تناظر زوله مو قادره تتحمل الصدمه ليه ما اغمى عليها ليه ما زالت صاحيه ليه
............................................................ ..........
إنتهى هذا اليوم الذي بدأ وكأنه لن ينتهي لكن القصه كانت لها فصول كثيره لم تنسج بعد
............................................................ ....
|
12-12-10, 11:02 PM
جديد مواضيع قسم القصص المكتمله من وحي قلم الاعضاء
العرض العادي
