كاتب الموضوع :
New Moon
المنتدى :
القصص المكتمله من وحي قلم الاعضاء
الفصل الثاني عشر
أنا الحقد ......أنا الألم
أنا الحقد وجايلك وانا عارف
انك انت مما راح اسوي خايف
وراح انفذ اللي ابيه ولا بتاخذني الحسايف
*******************
وأنا الألم وأنا ونات الحنين
أنا اللي صامت وداخلي احزان وانين
أنا اللي انظلمت طول العمر اللي ينعد بالسنين
********************************************
وقف قدام البيت الموصوف له
ما استغرب من هيئه البيت لانه عارف حالة كامل الماديه ما كانت بكويسه لكنها عاديه يعني متوسطه بيت عادي ممكن يكون من افضل المنازل في هاذي المنطقه على الاقل من المنازل اللي شافها
دق الباب
..............................................
دانه وفي وموزه جالسين برا عند الباب ينتظرون احد يرد لهم خبر ينتظرون سالم يجي عشان ياخذهم للمستشفى لانه مو موجوده طالع من الصباح مع اصدقائه كشته
في _ دانه وش صار لخالتي
دانه ناظرت موزه ما تبغى تقول السالفه قدامها
موزه ؟_ ايوه ابغى اعرف وش صار لامي
دانه _ ما اعرف كانت في المطبخ ما شفناها الا طايحه يا رب انك تشفيها
في _ امين
موزه _ امين ابغى امي يا في اخاف امي يصير لها شي
في _ لا انشاء الله
اندق الباب قامت في
دانه قامت واشرتلها يعني اجلسي جنب موزه
مشت للباب واطرافها بارده خايفه تشوف وجه ابوها ولا تشوف هيوف وهي تبكي وتعلن خبر وفاة خالتها
خافت من هذا كله لانها تعبت اليوم كان يحمل ماسي اكثر ما هي تتحمل
فتحت الباب
وتوقفت اللحظات عندها
لا ابوها ولا هيوف اللي كانوا عند الباب
كان فيه شاب لابس ثوب بدون غتره ولابس نظارات بوليسيه شمسيه
وعاقد يدينه على صدره شكله معصب
دانه تراجعت وجلست ورا الباب عشان لا يشوفها
صدمه جاسر ما كانت باخف هو بعد ما توقع ان بنت تفتح له بصراحه ما فكر بشان من اللي بيفتحله فكر بس بالحديث اللي بيدور بينه وبين ابو كامل
البنت اربكته شوي كانت رقيقه شفافه نظرته في الناس عمرها ما خابت او ممكن كان عنده غلطتين بهذا الشان اخته وكامل
جاسر بصوت حازم قوي _ وين ابو كامل
دانه بارتعاشه خوف لانه بكل سهوله قلب كيانها وكانها لعبه _ برا مو موجود
جاسر رفع راسه معصب هذا اللي ناقص واحد في الظهر مو موجود في بيته جاسر اختار هذا الوقت عشان كذا لانه ما يبغى هذا العذر (غير موجود في البيت )
جاسر – ابغاه ضروري
دانه ما فهمت وش فيه ذا ما يفهم _ قلتلك ابوي مو في البيت ارجع بعدين
جاسر انتظر شوي وقال بشك _ اخوك كامل في البيت
دانه _ لا كامل في دبي
جاسر ضحك بسخريه وتركها ورجع لسيارته
دانه حسته يضحك عليها ولما سمعت صوت سيارته تبعد قفلت الباب وهي مستغربه رجعت للبنات
موزه بخوف _ وش فيه من
دانه _ هدي بلا واحد يبغى ابوي وقلتله يرجع بعدين
............................................................ ......
دخلت مكتب ابوها ووقفت قدامه كان اخوها موجود بعد
ابوحاتم بابتسامه_ تعالي همايل حبيبتي
همايل ببراه _ يبه انت تبغى طارق يخطبني بدال سعد
ابو حاتم ضحك وحاتم معه _ والله يا ليت يا بنتي كان سوا فينا جماله
همايل _ يبه لا تمزح
ابو حاتم بجديه _ انا ما امزح ايوه ابغاه بس ما اظنه يسويها كان بعدنا من شره
همايل تحسها انطعنت _ يبه انت عارف من هو
ابو حاتم ناظرها _ ايش وش تقصدين بعدين صح كيف عرف انك تبغين طب امس
همايل كررت سؤالها _ يبه انت تعرف من هو طارق
ابو حاتم ناظر ولده اللي قال
حاتم _ من هو طارق
...........................................................
غمضت عينها من الي شافته كان وجه امها مزرق وفيه الالات كثير حولها
قربت منها
ام هيوف – ام كامل خلينا لحالنا
طلعت ام كامل وهيوف جلست مكانها
هيوف _ ما كان له داعي تدعيني وتبينين لي انك ما متي مثل ما كنت ابغى يله معليه تلقينك تبتي على اخر ايامك
ام هيوف بكت _ هيوف منين جاك ذا القلب اللي ما يرحم ارحميني
هيوف _ لا تطلبين الرحمه مني اطلبيها من ربي
ام هيوف _ هيوف وصاتك اختك انتبهي لها
هيوف وهي ترتعش لان قلبها منجرح بقوه _ انتي قومي من فراشك ذا وانتبهي لها بنفسك
ام هيوف _ بسلم الروح قريب يا هيوف ما عاد به عمر تكفين يا هيوف انتبهي لاختك ولا تظلمينها في يوم
هيوف "_ موزه اختي وانتي عارفه اني اهتم بها اكثر منك انتي
ام هيوف _ هيوف طلبتك استعملي الفلوس انا حطيتها في صندوقي لا تظلمين اختك
هيوف _ بظلمها لا صرفت عليها بفلوسك
ام هيوف بدت تشاهق
هيوف قعدت تناظرها كان ودها تبكي تصارخ لكن كل اللي سوته انها طلعت من الغرفه وخلتهم يدخلون على امها سمعت بعد شوي صراخ خالتها عرفت عرفت ان فيه انسان غالي راح وانمحى من حياتها
ثلاثه انتهت من حياتها
ابوها
وامها
وعفتها
............................................................ .............
كامل ماسك في يده ومن ورا ظهره ورده حمرا
جود تناظر بدلع – وش فيه ورا ظهرك
كامل _ شغلي مخك
جود_ بس مخي وعقلي معك هاته عشان افكر به
كامل _ امم على كذا راح اقولك لانه مستحيل اردلك شي عطيتيني ياه
جود ضحكت وشافت كامل يركع لها ويعطيها الورده خذتها وشمتها
جود_ احبك موت يا بعد قلبي
كامل _ وانت بعد روحي واحساسي وعيوني
جود قامت وجلست في حضنه
جود_ انا سعيده
كامل _ على بالي انك جود
جود_ هاهاهاها ما تضحك وانت سعيد ولا لا
كامل _ لا انا كامل بس خلاص اضحك ايوه اكيد سعيد انتي بس ما ان تناظريني احس اني ملكت الكون وما احتاج لشي ثاني
جود _ بظل احبك لاخر يوم في عمري
كامل _ الله يطول بعمرك يا عمري
........................................................
همايل تجاهلت اخوها وناظرت ابوها
همايل _ ليه سواقك اللي قبل العم حمزه طردته
ابو حاتم ناظر حاتم _ وليه تسئلين
همايل _ ابغى اعرف
ابو حاتم بهدوء _ باقني والشرطه مسكته متلبس انا ما قلتلك عشان كنت عارف انك صديقه ولده وما بغيت اخليك تحزنين وتجيك صدمه وانتي بعدك صغيره
همايل غمضت عيونها ونزلت دموعها _ هذا انت عارف ان ولده كان يعرفني بس ليه ما تعرف وش اسمه
حاتم ناظرها بخوف _ تكلمي قولي اللي عندك
ابو حاتم وجهه سود ومسك قلبه _ وش اسمه يا همايل
همايل _ طارق حمد الراسي
............................................................ ..............
موزه تناظر عمها وخالتها وهي تهز راسها باستنكار _ لا لا لا هيوف وش فيه تكفين هيوف ابغى امي ابغى امي
هيوف ناظرتها _ ماتت
وطلعت
سالم قعد يناظرها ويناظر موزه اللي انفجرت تبكي بقوه
سالم _ دانه اطلعي لهيوف
دانه على طول نفذت كلامه
موزه _ ابغى امي بعدني صغيره يمه وينك ليه تسوين فيني كذا ليه
......................
هيوف نايمه ومغطيه نفسها بالبطانيه كل جسمها مغطى مع راسها
دانه _ هيوف حبيبتي
هيوف _ دانه اطلعي اجلسي مع موزه هدوها انا بخير
دانه _ كيف تكونين بخير
هيوف _ قلتلك بخير روحي لموزه هدوها هي اللي كانت متعلقه في امي
دانه ما طلعت وجلست بدون صوت
هيوف ماسكه صدرها ما تبغى تبكي لانها ان بكت بكت بقوه وما عاد راح تتوقف راح تبكي كل الضيم اللي مر عليها وهي بعدها ما كملت العشرين
............................................................
مر يومان
ابو حاتم دخل المستشفى نتيجه ذبحه صدريه غير مستقره خطيره ادت الى احتشاء شرايين القلب
طارق كالعاده نادرا ما كان يقوم بالزياره الى الان لم يذهب لزياره ابو حاتم ولم يعلم انهم تعرفوا عليه
ما هي الخطوه القادمه
جود وكامل ما زالا يعيشان اياما جميله ملئيه بالحب ... ولكن لدى هذه الحياه قانون انا لا شي يدوم وغبي من يامن لها
جاسر ذهب مره اخرى الى بيت ابو كامل ولكنه علم ان هناك حالة وفاة في العائله ولهذا لم يعد الكره وقرر ان يؤجلها الى ما بعد انتهاء ايام العزاء سافر الى دبي وسيعود غدا
عمار وفارس علموا بالوفاة ايضا
عمار قلق جدا لانه لا يعلم ماذا تكون هذه المرأه بالنسبه لفي هل هي امها ام قريبه لها في كلتا الحالتين عمار يعلم ان في حزينه وللغرابه كان متضايق جدا من هذه الفكره
هل وقعت يا عمار في شباك الهوى مبكرا
ورغما عنك
رغما عنك
في وموزه
موزه كانت حالتها لا تحسد عليها منهاره ومنصدمه
في تحاول ان تهدي من روع موزه ولكن انها متيقنه و تعلم ان ما اصاب رفيقه عمرها امرا جلل لا يدوايه الا النسيان تلك النعمه التي تتمنى ان تحل باكرا على روح موزه
هيوف صاحبه الحاله الغريبه لم تخرج من غرفتها طيله تلك الايام لم تبكي لم تقم باي مجهود بدني ايضا كانت صلبه لكن هشه ايضا
دانه لازمت هيوف ولكنها احست انها تلازم جسد بلا روح
............................................................ ......
ديمه دخلت غرفه هيوف
ديمه انصدمت من شكل هيوف كانت هاديه لدرجه انك تظنها تمثال مصنوع من الشمع
بصوت واطي _ هيوف
هيوف التفتت لها وابتسمت _ تعالي
ديمه قربت منها
ديمه _ عظم الله اجرك
هيوف _ اجرنا واجرك
ديمه جلست قرب هيوف
هيوف قعدت تناظرها _ ديمه ابغى اسئلك وش سويتي في موضوع البعثه حقتي
ديمه بجديه _ خلصت كل شي القدرات طلعت امس وما شاء الله عليك جبتي 86 في القدرات و83 في التحصيلي احسن منا كلنا
هيوف _ ديمه عجلي لي بالسالفه عمي وافق وانا ما عاد ابغى اجلس هنا مختنقه (عيونها التمعت بدون ما تنزل الدموع )
ديمه _ ابشري لكن فيه ثلاث جامعات ارسلت اوراقك لها وحده اسمها يال والثانيه روكلاند والثالثه ردموند وفيه وحده اسمها جوروج تاون بصراحه جورج تاون ذي ما ارسلت اوراقك لها لانها في العاصمه وخفت عليك ما بغيتك تروحين لولايه كبيره مره وحده انا اشوف ردموند وروكلاند احسن اختيار يال بتلقين فيها سعودين كثير وانتي اظن تبين تبعدين عن ذي الامور
هيوف _ وردموند وروكلاند ليه كويسين
ديمه _ رد موند كويسه وفيها نشاطات كثيره ممتعه بس عيبها ان نظام السكن حقها مو مره صارم يعني البنات يلعبون على حل شعرهم انا ما اقصد ان باقي الجامعات ملتزمين بصراحه انتي عارفه الحريه هناك لكن في ردموند بزياده لكن فيها بروفيسور كويس مررره وهيئه التدريس هناك جيده جدا صدق كويسين يعني كويسه لاداره الاعمال وروكلاند لاباس فيها المنطقه هاديه مرره فكرت قلت لو تبين هدوء كثير روحي لذي المنطقه ها وش تبين
هيوف _ أي شي ما عندي مانع ديمه ابغى اسافار الاسبوع الجاي
ديمه _ عمي قلتله وقال ان هذا الموضوع سهل لكن اسبوع واحد اشوفها صعبه عطيني اسبوعين والتذكره بتكون معك على فكره الطلاب المبتعثين على الاغلب يروحون في رمضان في اوله لكن انتي اذا بغيتي تروحين قبل ما عندي مانع بس اووه نسيت لازم تختبرين التوفل عمي سجلك عمي واقف معك بقوه دفع الرسوم وبكره الاختبار اذا بغيتي نئجله اجلناه
هيوف _ لا خليه بكره احسن و ما فرقت بروح في اخر شعبان ديمه عجلي تكفين
ديمه حضنتها _ ابشري ابشري انا فرحانه عشانك ان عمك وافق
هيوف _ غصبا عنه يوافق
ديمه سكتت ما تفهم هيوف ولا تقدر تفهمها
............................................................ ....................
جلس في الصاله بهدوءه ووقاره الرائع
غدير بابتسامه قدمت له العصير
انتظرها تروح لكنها ما راحت
غدير _ حاتم بيجي بعد شوي
طارق هز راسه
غدير جلست تناظر بوقاحه _ تعجبني
طارق ناظرها من فوق لتحت بعدين رجع يناظر مكان ثاني بدون ما يرد
غدير _ يعني ما يهمك اني بينت لك افتتاني بشخصيتك وشكلك
طارق _ شكرا
غدير _ ما ابغاك تشكرني بذي الطريقه
طارق بتنرفز_ حاتم راح يطول
غدير _ وش تبي بحاتم مو كافيك وجودي
طارق (الله يطولك ياروح )
حاتم دخل الصاله
طارق عرف ان فيه شي حاتم كان متغير
ابتسم بسخريه ما همه
حاتم _ السلام عليكم
طارق _ وعليكم السلام
حاتم _ تفضل الوالد يستناك في مكتبه
مشى ورا حاتم بهدوء
دخل المكتب وتاكد من شكه
جلس في كرسي وهو مبتسم_ السلام عليكم
ابو حاتم _ وعليكم السلام
طارق _ سلامات ان شاء الله انك بخير
ابو حاتم _ يعني يهمك كوني بخير او لا
طارق ضحك ضحكه قصيره سكت وعرف ان حاتم وابوه يناظرونه
ناظر ابو حاتم في عيونه بجراء وكره _ لا ما يهمني اللي يهمني كونك منت ببخير
ابو حاتم وهو يحاول يدافع عن نفسه اكثر ما انه يتهم طارق _ انت تتدافع عن ابوك وانت عارف انه غلطان
طارق ببرود _ اسم ابوي حذاري تكرره بلسانك النجس يا ابو حاتم الشهال مو انا اللي تضحك علي وتفهمني خدعتك انا عارف كل شي وراح افهمك انا كل شي انا راح ادمرك او بالاحرى انا دمرتك لكن ما راح ارضى الا اشوفك مسجون بغير ذنب على الاقل تنسجن بذنب ما سويته
حاتم قام وقال بصوت عالي _ تخسى
طارق قام وقرب من حام _ الا انت اللي تخسى يا ولد ال الشهال لا ترفع صوتك مره ثانيه لا عاد ترفعه على اسيادك تفهم
حاتم _ ماني بخايف منك
طارق _ غبي وبتبقى غبي لكن لا تهتم الخوف موجود فيك وانا السبب
ابو حاتم _ اطلع من بيتي يا ولد حمد الراسي
طارق _ بيتك متى كان بيتك اقصد متى كان اخر مره بيتك قبل اسبوعين كان
بيتك لكن الحين هذا بيتي
ابو حاتم وحاتم ناظروا بعض بعدين ناظروا طارق _ وش تقصد
طارق بقوه تكلم بصوت جهوري _ انا اللي سددت القرض والقرض انت كنت راهن املاك شخصيه منها بيتك هذا تجملت اسبوعين وماني بناوي اتجمل اكثر من بكره الكل يخرج تطلعون بالثوب اللي لابسينه بس
طلع من المكتب ولقى بوجهه همايل اللي كانت تسمع كل شي
ناظرها بعدين بعد نظراته وطلع
دخلت لابوها
حاتم بصوت عالي خايف _ دقي على الاسعاف
............................................................ ......
جلست في صاله الشقه المستاجره وتحس بالم في راسها
كامل _ جود فيك شي
جود_ ايوه راسي مرره يعورني واحس بغثيان
كامل ابتسم _ قولي والله
جود ضحكت _ صدق مجنون اللي تفكر فيه مو صدق ما امدانا
كامل _ وش ما مدانا ذي عشره ايام ويبان الحمل ولا
جود_ لا والله منين لك ذي الخبره لا اللي فيني شي اعرفه تعبانه تصير لي وبتروح لا تكبر امالك بدري
كامل _ المهم لا تشربين أي دوا لين نتاكد وش فيك ممكن اكون انا الصح وانتي الغلطانه
جود_ واثق اشوف الاخ واثق
كامل _ أي شي يخصك انا واثق منه
............................................................ ...
طارق _ الو محمد اسمع دق على علي خله يجي هو ويا هلي اليوم او بكره بسرعه
محمد خاف _ ان شاء الله بس ليه
طارق _ محمد نفذ اللي قلته بسرعه واسمع بكره ارسل موظفين من فرع الشركه عشان يحصون ممتلكات بيت ال شهال ويتاكدون انهم خرجوا بدون أي شي غير ملابسهم
محمد_ ليه انت قلت لهم انك سددت القرض
طارق _ ايوه محمد روح مع الموظفين ما حد يخرج الا باللبس اللي عليه
محمد_ من حقك ان شاء الله
طارق _ اسمع الكل بدون استثناء لاا تسمع أي كلمه من أي احد
محمد _ تمام الكل بلا استثناء
ذكريات مسوقه 2(وصية الحقد)##
......................................................................
|
23-10-10, 12:11 PM
جديد مواضيع قسم القصص المكتمله من وحي قلم الاعضاء
العرض العادي
