يوم عرفه اغلب الوقت نايمه وماتحركت كانت العمليه مررره تألمني
المهم الشيخه الخدامه على صلاة المغرب
جتني تمسكن مدااام انا بابا في صوي هادس
وانا بصراحه تفاعلت معها لا سلامته
قالت انا يبغى يروح
قلت وين اندنوسيا
قالت لا انا في روووه عند جماأه هقي
انا ليش وش بيسون لس
قالت انا مايقدر يشتقل
قلت لها تروحين وتخليني انا ما اقدر الحين اسوي شي تعبانه
تركتني وطلعت وهي طالعه تقولي مأالسلامه يا مداام

بصراحه انبهت مدري وش اسوي ولا ادري وش اقول
وادق على ابو العيال قلت لها الشيخه راحت
قال طيب خليها تروح وانت لا تسوين شي خليس مرتاحه

بالله بالعقل ويني ووين الراحه بيت وفيه اربع اطفال
من يبي يساعد فيه يبون ملابس واكل ورعايه وانا ياله
اقوم بنفسي
جتني كآبه و تخيلو ليلة العيد المفروض
تكون ليلة فرح ووناسه

العييييييد انواااع الطفش صبح العيد لبست عيالي وراحو
مع ابوهم بيت جدهم وعيدو مع عمتهم وجدهم
على الظهر رجعو ا وهم دايخين من الشمس واقفين مع ابوهم وحظرو الذبح
حمودي الحبوب طن براسه الا يتروش

ماما ابي اتروووص
وانا منسدحه رنوو تكفين روحي روشيه
جا حامد يمه جوعاان طيب
باله رنا سويله سندويش
رنا يمه طفشانه
عاااد هنا وش اسويلها والله ماتنلام الضعيفه مكرووفه ومحبوسه


المهم عيالي حبو النوووم لانه كان الملاذ الوحييييد لهم
انا ما اقدر اروح اي مكاان وابوهم راااح عند جدهم اللي
اصلا رايح زوجي عنده عشان يونسه
فالنوووم رررحمه

على المغرب اسوى جتني اختي وعيدت علينا الحمد لله وتغير مزاج عيالي

بعدها الايام مرت وانا من دون شغاله والله تعبت وتعبت عيالي مساكين
وبدت رحلة البحث عن شغاله ثانيه لان اللي راحت ماتبي ترجع ياورطة الورطه
وكل ماتصل على وحده ترد مااافي مدااام كلللو يرروووه الهج
يامال الهجاج ان شا الله

الذين يشاهدون محتوى الموضوع الآن : 2 ( الأعضاء 2 والزوار 0)
‏ام رنا*, ‏ساااااره

نوررررتي بيتي سااارونه

الذين يشاهدون محتوى الموضوع الآن : 3 ( الأعضاء 3 والزوار 0)
‏ام رنا*, ‏شجن الروح, ‏ساااااره


ياسلام شجونه عندنا يامرحبا يامرحبا



اقلطن خلني اضيفكن عصير والا قهوة