شخصيات تركت علامه !!!!!!

عوضوووووووووووووووووه
وموضوعاتووووووووووووه
ههههههههه

فى ما وراء الطبيعة بما ان رفعت هو البطل الاوحد للسلسلة فاى شخص آخر يظهر الى جواره خاصة انه يظهر ببضعة اعداد ولا يلازمه طوال العدد فهو شخصية ثانوية كما يذكر موضوعك
لذا دعنى اتحدث عن :

- ماجى
شوف بقى .. المفروض ان فى السلسلة ماجى دى قمر وازاى اصلا تبص لرفعت بس بحسها سمجة ودمها تقيل وازاى اصلا رفعت يبصلها متستحقهوش يعنى
خايفة اكون شكلى كدة بغير على رفعت بس صدقونى لأ لو الكلام كان عن ادهم كنا قولنا ماشى

- عزت
بموت فيه بحسه خفيف الدم بطريقة غريبة وبيعجبنى استسلامه الدائم لدماغ رفعت لان مواقفه دى بتفطسنى من الضحك

فى سلسلة رجل المستحيل
" فريق المستحيل"
شريف وريهام وعلاء
بجد معلقين معايا اوى وبحب شخصياتهم وروح الفريق اللى عندهم

-موشى دزرائيلى
طبعا يتفق الجميع على انه يهودى بن ..........
بس كان بيعجبنى صراعه مع ادهم جدا ومن احسن الاعداد اللى كانوا فيها فى معركة ادام بعض

وطبعا محدش ينسى
حسام ن2
رجل المستحيل البديل لو فاكرين
انا كنت متعاطفة معاه بجد وبحبه جدا وفاكرة انه لما مات انا بكيت عليه
كان بيعجبنى طيشه وثقته بنفسه واصراره
يا سلام بقى ايام ما كان بيحاول يوقع منى فى هواه ولما ادهم اكتشفوا انه على قيد الحياة وغيرته على منى

الله ... الاعداد دى بجد من احلى الاعداد اللى فى السلسلة كلها
يعنى من ساعة اختفاء ادهم وفقده الذاكرة العدد 81 والسلسلة احلوت بطريقة رهيبة وافتكر ان آخر عدد عجبنى بجد فى السلسلة كان المواجهة الاخيرة 140
بعدها بصراحة السلسلة مبقتش جامدة زى الاول


تسلم ايدك يا عوض على افكارك النيرة
بس عايزين برضه نعرف ارائك انت كمان