الرواااااااااااااااايه رااااااااااااااااائعه بكل معاني الكلمة

الله يعطيك الف عافية يالغالية

استمتع وانا اقرأ البارت

اسلوب راااااااااااااائع ومشوق جدا جدا

والحمد لله ان جويبر انصلح حاله وان شاء الله يشوف السعادة مع ريتاج

عقبال حسنا كاسرة خاطري احس مالها ذنب باللي يسوي فيها مشاري

اتوقع ان مشعل يتزوج رسميه بعد عودته وينسى حسناوايامها

الله يرد لنا كل غايب وانا بعد اخوي في مصر الله يحرسه ويحرس الجميع وتنجلي هالغيمة عليهم

الله يحقظلتس ان شاءالله غاليتس يارب ويديم على مصر وبلاد المسلمين الامن ويكفين شر العملا والدخلا يارب فعلن الوضع في مصر مزري ولله صدق مستهمين عليهم وهذا وضع تونس ولله ماشفنا اصلاح الا نهب وسرق ومافيه احد يضبطه
الله يكافي الخليج شر الحاقدين ويديم علينا نعمة الامن ولامان ويخلي لنا ابو متعب واخوانه اللي ماقصر ويحفظه ويرده سالم وجميع حكام الخليج ويديم نعمة الامن على الدول العربيه آمين


بعد انا غرنوقه لي معارف بمصر الله يحفظهم ابو ناصر وام ناصر وناصر ومشعل الله يردهم
ولله لو تسمع بالاحداث ام ناصر تموت من الزيغه تهقين صوت التظاهر ماوصلهم الا المستشفى مهوب قبال ميدان التحرير ولا المتحف او مبنا التلفيزوين <<<<عايشه الاوضاع صح
تصدقين غرنوقه اليوم كله وانا اتنقل من بين العربيه ولجزيره والقنوات المصريه يالله بستر يارب وتعدي على خير

تكفين وشذا الانقلابات اللي بتسوينها من البارت الجاي ترانا غاصين انقلابات من اخوان العرب اله يهديهم
كافي ماصار في تونص ومصر بعد الروايه بتقلبين شيفتها غرنوقه اقول خلينا على حالنا لا يجينا كوارث وسرق ونهب




الحمدالله على السلامه يبو عايد جعلها اخر الطيحات بس تدري عاد انا ماحب اللي يدعي على عمره اوجعني قلبي من كلمة مشعل لامه يوم يقول جعلن الفنى ورد امه عليه ليش ذا الدعاوي
كثير نداولها في الخليج مثل جعل يومي قبل يومك او الفنى او الموت حتى في ناس يدعون بالمرض ويحددونه تقدرين تاكدين حبتس بدون دعوه
تدرين الفنى يام مشعل انتي ومشعل تخلى الدنيا منكم وشوله اجل الصياح والنياح على مشعل يوم الدعو بالفنى يمشعل
مشعل المرض والعمليه صحاه من شي واجد اولها اخطائه اللي رتكبها بس بعد شاف انه خسر واكب خساره هي حسنا واخطا واكبر خطا مرض ساره
غرنوقه مشعل هل فكر بوسميه او دلال قالتها له
وسميه تدري ان مشعل راح يخطبها يعني دلال وضحت لها ولا بس فرح بشفائه
ولا خطة تزوجيهم البعض مرسومه من دلال وتركي
ياترا وش راح تسوي الساره يمشعل هل تعالجها ولا بتزوجها <<<فيس يقول وش دخل العرس الحين
بس صدق مستهمه ابي اشوف من تاخذ



ياحلو خوات هادي وتعليقات خواته صدق علاقه جنان واحلا منها جرائة هادي وحياء غلا بس تصدقين شكل غلا تقول اصبرو علي بس لين اخذ على الوضع وتجيتس قنابلها
ماحبيت ابد لقافتس يمنيره هذا انتي الحبيبه حمامة الحرم شكلنا بنحرض مترك عشان يوريتس شغلتس شكل تدليله لتس طلع لتس عرف الا تعالي من زمان فاقدينتس وش صار عليتس انتي ومنى ومترك ترا سالفتكم جدا عاجبتني
اجل لو غيرتس من اللي السنتهم طوال وشخصياتهم قويه ماشرهن مثل هيفاء ومعالي ولا صغيره وطايشه مثل خلود
وخير اذا شرت لامها واختها وحتى لو ماجابت لكم شي تصدقين غرنوقه انتي اثرتي مشكله جد مهمه وهي اهداء زوجة الولد لاهل زوجها شوفي انا ماقول ياطيبها ويسناعتها اللي جابت لامها واختها وخلت امه وخواته لا انا اقول الرجال هو اللي يشتري ويهدي اهله اذا ماسواها هو بنت الناس ماعليها ملام ابد شي طبيعي ان اول مايخطر على بالها اختها وامها وصحيح انه من الذرابه تجيب لاهله بس صدقيني لو كثير عوائل خلو هذي النقطه بينهم وبين زوجة ولدهم بيتعبون وعذرهم ان الفلوس من اخونا وتضيق خطرهم ويغارون ويستهمون على اخوهم وافلوسه اللي تروح لاهلها
بسنا من ذا الافكار وخلونا ارقى من كذا مشاكل زي هذي ماتاثر حتى لو مزحه يامنيره ولله اشوفها عيب وانا متاكده ان اللي عينها على مرة اخوه اكثر خواتها خير بس وش نقول البعض مايملا عنيهم الا التراب
ونفس الكلام يقال على مرة الولد اذا كانت تغار من خوات زوجه وطالب بمثل افلانه وعلانه خواته



انا الى الان عند موقفي غرنوقه في سالفة نايف وعبير بصراحه اشوف الولد من حقه يتزوج صحيح انه غلط يوم خبى سالفة الانجاب بس هذي نعتبرها غلطه ويسامح عليها وياكثر الاغلاط والمشاكل واكبر من كذا بالحياة الزوجيه وتمشي حياتهم
تدرين نايف وش يغفرله انه عيش عبير اميره في بيتها حبها ودلعها وخلا حياتها حلوه
عبير اشوفها تسرعت شوي وهي اللي بدت في الاستفزاز في المسجات وهو اكيد بيصير حساس من ناحيتها خاصه انها عارفه باللي فيه ولا يدري هل بتستمر معه او لا
ياترا ياعبير لو نايف لقى علاج للانجاب بتوافقين ترجعين له بس اللي متاكده منه ان نايف بيرفضتس لانتس امتحنتي امتحان مدى تضحيتس وحبتس له ورسبتي وماضنيت بذا السرعه الطلاق اقل شي شفتي كم سنه وضعكم ثم طلبتي الطلاق
وحتى هو ماقصر يوم جاب ورقتها حط كل العيب منه
نايف اطلب من رب كريم انه يبدلك بزوجه احسن واخير من عبير يرزقك الذريه
بجد كسر قلبي ولله يعني اللي ماينجب ماله حق يعيش مع زوجته اللي يحبها ولله الاطفال مهوب نهاية الحياة الزوجيه ياكثر اللي ضحو بزواجهم عشان العيال من رجال وحريم



صدق عاد مسختها يامشار بعد انا عند موقفي منه غرنوقه مالت عليه البنت حااااااامل يدري وش معنا حامل النفسيه غير والجنين يتاثر انتي عارفه ان سبب اصابة الطفل بتوحد وضعف النطق من حالة امه النفسيه اثنا الحمل وذوليي اثنين الله المستعان سم بالرحمن وتعوذ من الشيطان وراضها ترا ولله مليت وياكثر ما هشت عليك في الرد اللي قبل وتدري عاد اتمنى انها يطفح كيلها منك وتزعل عليك وتقول لاعاد اشوف خشك وتروح لاهلها لين تولد عاد شف وشلون بتعيش انت الحين وهي في بيتك كل شوي متعذر بسالفه عشانها تبي تريح عمرك بشوفتها بس على مين تلعبها



تدري يارائد انت ينطبق عليك المثل اللي لين شفت امي جاني غمي مع غير عليا تفرفش وتضحك ومبسوط وتسولف بدون قيود لكن معها هي حاط حواجز مادري ابد ماتخيلتك بتصير كذا ارعبت البنت منك خليتها بودميعه على قوتها كل شوي هوشه عند شي ياخي من زينك ومن زين حياة عندكم مالت عليكم ومن يناسبكم لانت ولا اخوك
هذا اخوها من خذ اختكم وهو شايلها فوق الريح سفر وهدايا ودلع وانت الله وكيلك شهر عسل مافيه ويم طلعتها مره للمطعم صارت هوش طويلة عريضه عند البرتشن اقول صدق انكم اللي يقال عنه رفس النعمه برجله
بس تدري وش دواكم لو البنات ياخذون قشهم ويقولون ماتلزموناش



زين ماسويت ياجابر الهدنه بينكم احسن شي وانتو مالكم الحين الا بعض هي تعبت من جفاك وصدقني عندي احساس ان ربي بيفتح عليك وبتكسب اجر ذا الضعيفه اذا وجهتها واصلحت نفسك واصلحتها وان ربي بيرضى عليك واذا رضى عليك خالقك رضى عليك عبيده
وتصدق انا اشوف انك بتلقى في ريتاج مزايا كثيره وبتعجبك وانت بتحبها وهي بتتعلق فيك وراح نقول الطيبون للطيبات ان شاءالله


غرنوقه بارت جد قمه وبداية انفجار على قولتس وبصراحه ارغمني على تعبي ان ارد وانا ميته تعب وماقريته ثانيه لاني ماحب ارد الى اذا قريته مره ثانيه بس ولله ماقدرت اخليه لاني اول قلت بكتب كلمتين بخاطري لازم انزلهم فالاخير لقيت يدي تمشي لين خلصت الرد

هلا وغلا تسلمين يالغاليه والله يطمنك على كل غالى ويصلح الحال

مشعل اخيرا فكر بوسميه وعرف بحبها له واتمنى ياخذها اذا مافيه امل ترجع له حسناء

وسميه استغربت انه تركى عارف بحبها لمشعل وما اعترض او قال شى

نايف احسن شى سوواه انه طلق بدون مشاكل

غلا وهادى ملح الروايه ويعجبنى انه ما يثقل ويبين حبه لغلا قدام اهله ومافيه رسميات بينهم قدام خواته وامه

رائد وعليا التفاهم بينهم صعب رائد مزودها عليها المفروض يتفاهم معها باسلوب خاصه انهم توهم متزوجين ويبيلها صبر وهو انسان متدين يعنى المفروض يتفاهم معها بهدوء ويطول باله عليها


اتوقع خلود تاخذفهد


جابر احسن شى يسويه انه يتفاهم معها ويتحملون بعض يمكن يقربون لبعض اكثر ويصلحها وتصلحه

بنتظارك يالغاليه على خير

الله يعطيك الف عافيه يالغرنوق على البارت الجميل
ويطمن قلبك بلي في مصر وتستقر الوضع وننتظرك الثلاثاء على خير

من بديت اقراء الروايه ماتوقعة ان مشعل حاسه انه اهو سبب رجفة يد ساره مادري اخذت عنه انطباع الانسان الجاف الي يتصرف ولايقدر نتائج تصرفه بس في البارت هذا تغيرت نظرتي له حسنا ومشعل مادري انسان كان بقمة الرومنسيه واللطف ينقل لاسوء صوره معاه حق بس عورت قلبي عليها خصوصا بوضعها غريبه الي له هالشخصيه انه مالان ورحمها
سبحان الله لك ميزه بالكتابه تتحسس القارئ بقرب قلمك مااعرف اشلون اوصلك من اول بارت قريته لك وانا خابه اسلوبك وبساطته ودقته عيشتيني جو الاسره والترابط انا كنت متوقعه ان الاسلوب هذا خاص لكاتبه وحده بس غيرتي نظرتي