مشكوره الف مليون شكر على البارت الكشخه بصراحه مليان اكشنات خييييييييييييييال لبي قلب المفاجئه وراعية المفاجئه ولله انتس تستاهلين اكبر هديه بس قولي وشلون اوصلها وتاصلتس معها حبت الخشم ولا تدرين تعالي مع عليا ورائد للرياض وتشوفين وشبسوي ولله ماتعودين للكويت الا وترجعين ثانيه من عظم الوناسه ترنا نحشم الضيف وخاصه اذا له عمزه بالقلب


لبي قلب حسون ولله ان قلبي تفطر عليها وشهاقها انا ماقول ان مشاري المفروض مايزعل ويحمس اكيد هو رجال ودمه حار ولو انه ماغار ولا سوا شي فهو مهوب رجال لكن اللي ابي اقوله ليش ماتفاهم معها وسمع للبنت على طول بيت اهلتس لاتقول كلمتها وقلت
البنت بريئه واللي حصل من غير قصد وهي تحذر دايم ماتجرحك والحبيب يعرف قدره عند حبيبه يعني معقوله الذدرجه يلعبك الشيطان يامشاري ويعميك عن حب حسنا لك ولله ان حبك بينط من عيونها
وشلون طاوعك قلبك تسوي فيها كذا طلبها الفزعه من ريمه يشفعلها عندك هذا دليل حبها وخوفها انك تتركها لو مانت هامها قالت في بليس ومن باعنا بعناه مثل قولتك لكن هي باقيه عليك وتحبك وبغت تموت
يوم قلت بوديتس لاهلتس لالالالالالالالالا ماحبيتها منك بنوب ابو خالد باطل




وانتي ريوم جايه دربين ذا الكرشه ورازه خشتس في الموضوع قلت المره مهيب طالعه الا والاثنين سمن على عسل ولله من حرصتس وعجلتس تروحين البتكم كني اشوفتس تركضين في الشوارع ويدين عباتس تلوفح وراتس قلت حالتها حالتها الله لايعوق بنت خالد بشر
خيييييييير ولا قلتي ولاكلمه بصالح البنت ليش ماعلمتيه ان حسنا مادرت عن الكرت وانه كان بدفتر تحضير قديم لها وانها قطت كل اللي يخصه من هدايا
ماطلع معتس الا تفرقينهم كل واحد بغرفه ولا معطيته غرفتس ينعزل فيها اقول القرب بينهم يقرب قلوبهم ويذوب الجليد
لتس يومين لين يهدا مشاري واذا ارتاح وتعوذ من بليس وفكر وتذكر حسنا وبعدها عنه وهي جنبه قولي توكل على الله غرفتي تعذرك مالك مكان فيها غرفك تبزاك وهو عاد مايبي الا دقه ويركض الشوق اضناه وبيقول (ترا ماجيت عشان وجهتس لا ريمه طردتني) حلو الزعل يعني غصبوني وتغيصب




وانتي حسنوه يالوح ماتعرفين تكلمين وتمدين السانتس ليه انتي غلطانه لا منتيب غلطانه يعني تخطين بالرمل يومتتس تدرين بالكرت تدرين ودي انتس رحتي البيتكم وقفلتي جوالتس ولا خليتيه يسمع عنتس اي خبر حتى مواعيد المستشفى خليه ينقع عيي عنه يوديتس ترا حسون الرجال يموت على روحت زوجته المواعيد الحمل خاصه الطفل الاول
ومادامتس قعدتي في بيتهم لا تناظرينه ولا تعبرينه اعتبريه مسافر ولا مرابطة عمل مهوب تلبقين له ودورين رضاه وتبي فطور تبي غداء تجمعين ملابسه تغسلينها لا خليه لين يعرف قدرتس اصفطيه واهتمي بنفستس وقعدي انتي واختس مع بعض وسولفو واضحكو وحقرو عيال خالد ذاللي رازين خشومهم مدري وشو عليه
ماخذين زينت البنات بنات عبدالله وخوات هادي <<<يمديتس على التحريش <<<تراني حبابه مهوب تهونين تعطينا بنتس تراها في عيوني <<<فيس يرقص حواجبه



ولله انتس ذكيه غلاوي امتصيتي غضب هادي بكل سلاسه (تراتس عند كلمتس غرنوقه وتشبيهي بغلاوي كربون مني بكل شي )
قلبت مود هادي من معصب الى هادي ورايق وناقع من الضحك ولا هدوي على سيف ورمح يلعب
هادي هذي حياتك انت وغلا بروحكم ياترا بتكونون بذا الشفافيه وعلاقتكم بذا الشكل وانتم في بيت حموله ياترا بتراعي وجود امك وخواتك ولا غلا بتراعي خالتها وبناتها تصدقين غرنوقه لو صار وحط هادي وغلا على عمرهم كنترول صدقيني ماراح تطلع حياتهم حلوه الشفافيه والوضوح اجلا



هذي عليا العاقله وعيباه ابوخالد انا قلت لك تعال عندنا مطاعمنا كلها باركنق ولا فيه الا مطعم واحد ابشرك خليطي واذا بغيت طلعه رومنسيه بغدوه او عشاء كلها فركت كعب للرياض ولا الشرقيه ثم ارجع للكويت
ولله ماتهناني القمه والناس يشوفوني
على طاري المطعم بقولتس سالفه سمعتها غرنوقه عندنا مطعم بالرياض واغلب رواده بنات قليل العوائل فيه ولا فيه باركنق وهو تقريبن الوحيد اللي مافيه باركنق
قامت بنت من مجموعة بنات وباست شاب جالس مع زوجته وقالت ميده سوري اخوي بس صاحباتي تحدوني ابوسك وانا وحوده ماحب احد يتحداني
الشاب بعد ماخلص متعشي طلب عصير وراح عند البنت وكبه على راسها وقال سوري زوجتي تحدتني وانا ماحب احد يتحداني
وشرايتس فيه للى دره ولله انه اعجبني ورد اعتبار زوجته
تدرين غرنوقه انا سئلت زوجي وقلت له السالفه لو حصلت لنا طبعن من غير ماقول ردة فعل الرجال قلت اذا سوتها معك البنت وشلون بترد اعتباري شق الخشه صدق الرجال ان البنت باسته قال منيب مسوي شي انا اللي بستها ولا هي اللي باستني المفروض انتي اللي تسوين وتردين اعتبارتس هي باست زوجتس
قلت خير ان شاءالله تبيني احط راسي براس وحده صايعه عشان بوسه وافتضح عند الله وخلقه ترضاها لي قال اجل نخلي السالفه تمشي والموضوع كله بوسه
عاد انا علمته وش سوى الرجال ورد اعتبار زوجته تدرين عاد ان الرجال اخبث منهم مافيه رد السالفه علي بتنجلطين من رده قال هذا ماشاءالله عليه زوجته ذكيه هي اللي عطته الحل
لو انتي مكانها بتعطين حل مثل حلها عاد انا دورين ماتلقيني بغى يغمى علي من القهر <<<ترا ولدي مهوب مثل ابوه <<<فيس خاف ماتزوجينه

عليا شوفي وانا اختس اقري على نفستس وعلى رائد وتحصني ترا ماجاكم الا عينا من اول يوم وانتي وياه سمن على عسل يمكن صكيناتس بعين
وبعدين تعالي وين اللي بتغير ايم رائد ياخوفي هو اللي يغير اسمتس



تستاهل ثم تستاهل ثم تستاهل ياجويبر جعلك منذا وزود تبرتك منك الحيه تدري عاد بناقص
الله سبحانه وراك عقابه بدنيا ومثل مابليت بنات الناس بلاك ولا خذت الا اخيب البنات



خييييييييييييييير مافيه غرنوقه خطبه على خطبه مايجوز خوفو ربكم
غرنوقه لاتلعبتس اخر الشتاء وتغريتس بالبيت ثم ترفضين كحيلان ولدي طير حوران ثم بعد ماتتركين خطبتنا عشان البيت تكشتبتس وتقول ماعندنا ولد للزواج ولا طلتي بلح الشام ولا عنب اليمن
وكانتس تبين رجال كاسب النواميس والمرجله هذا ولدي وكانتس تبين دلع وخكاره ومعه بيت هذا ولد اخر الشتاء <<<<فيس يقول شفتي الولد يوم تقولين خكري
وكانتس معزمه على البيت ترا حنا بنعطيتس مجمع كامل وفوقه الالماس ونجهزتس بملابس وشنط وعطور وجزم من ارقا الماركات <<<<فيس خاف البنت تطير من يده
غرنوقه لاتخسرينا عسا بنتس تستاهل كل ذا الخساير ولا تدرين مير خذت الموضوع تحدي ولله لوها شيفه وشوشتها منكوشه بناخذها بناخذها عناد في اخر الشتاء و ولدها
لبي قلب ام كشه ولله ماتجي شينه وانتي امها <<<<فيس يتمصلح

السلام عليكم و رحمة الله و بركاته

صباح الخير و الرضا من الرحمن

أول شيء ألف شكر على المكرمة الغرنوقية ^___^

بارت رائع كالعادة ربي يعطيج ألف عافية يا قلبي

=========================
(( مشاري و حسنا ))

تدرين مره أول أقول حسنا تستاهل حقها وما جاها و مره اول حرام اللي قاعد يصير فيها و

تدهور علاقتها هي ومشاري يعني معقول يكون جزاها على شفافيتها و عفويتها أنه مشاري

يزعل عليها و يشك حتى بحبه لها و أنها كانت تخونه بمشاعرها و احاسيسها لما تكون معاه

و هي تفكر بمشعل.بس بنفس الوقت أقول مشاري معاه حق لان خلاص طفح الكيل فيه وكان

هالكرت هو الشرارة اللي فجرت القنبلة.و تصرف مشاري أصلا تصرف طبيعي حيل لانه

يحب هالانسانة بكل ما يملك و اعطاها قلبه و روحه فلما يشوف الرد على حبه أنها تفكر بشخص

غيره و تحاتيه و حتى محتفظة بشيء منه و كنها توصل له أن انت يا مشاري ما أثرت فيني

أنا قاعدة اتسلى فيك بس أكيد انه بيعصب و يزعل حيل وممكن حتى انه يغلط بس مشاري

تصرف صح أنه قالها اطلعي وروحي بيت أهلج مو كره أو انه مل منها و بيطلقها لانه هالفكرة

مثل ما بين بكلامه مع ريمه أنها فكرة غير واردة نهائيا بس مشاري خاف أنه يمد يده عليها أو

حتى يغلط عليها بشيء ممكن يجرحها و تنقلب الاية و تصير هي الزعلانة و هو اللي يطلب

السماح منها . اما دمعة مشاري و الله ما توقعتها منه معقول في إنسان يحب زوجته هالقد

و يبكي و هي اللي مزعلته و غلطانة بحقه و لا هذا من قوة الجرح و الصدمة بس .بس حلو

أنه سمع كلام ريمة و ما ودى حسنا لانه اتوقع أن طلعت بتكبر السالفة و خصوصا انه صار في

كذى طرف معني بحياتهم هاللحين و ممكن بس يهدى مشاري راح يكون فيه بينه وبين حسنا

حوار و مصارحة طويلة عريضة تحط النقاط على الحروف .هذه بس سحابة صيف و بتعدي

على خير لان الحب اللي بينهم كبير ومو من هالمشكلة بينهارو الضربة اللي ما تقتلك تقويك...

===========================
(( هادي و غلا ))

أنا أكثرما يقهرني بالرجال تفكيرهم اللي مدري شلون قايل يعني اللحين لان غلا متحفظة بتصرفاتها

معاه صارت تحب ولد عمها بس لانه صورته موجودة بتليفونها وين وداه تفكيره هادي ترى هذه زوجته

مو بنت من الشارع صح غلا غلطانة مليون بالمية انها محتفظة بالصورة بس أكيد لان تفكيرها عادي

ما فيه اي شيء اتجاه فارس بس غلا وحدة ذكية و تعرف تتصرف و عرفت شلون تنسي هادي موضوع

الصورة و لا هذا بس نسيان مؤقت و يرجع هادي للوسواس .و لا لا يكون قصدج غرنوقة أن اللي

يصير بين غلا و هادي صورة مختلفة عن اللي يصير بين مشاري و حسنا .لان كلهم فيه طرف ثالث

بس طبعا حضور مشعل بحياة مشاري و حسنا مو نفس قوة حضور فارس بحياة غلا و هادي .و الله

يستر عليهم و ينسى هادي هالسالفة و لا يكبرها عشان ما تكبر ...

===========================
(( رائد و عليا ))

شكلي والله أعلم اني عطيتهم عين قوية بالبارت اللي طاف<يالله غرنوقة هذا سوري وضيهم فيه^__^

بالله يا رائد هذا سالفة قاعد تنقل المرآة معاك من مكان لمكان و الله ما تنلام لما تزعل و تتضايق يعني

إذا حاب تأخذ راحتك إنت وياها كان ما طلعتوا من بيتكم أحسن و انت عارف أن أغلب مطاعم الكويت من

غير كباين و إذا فيها كباين نفس قلتها ما لها داعي .و بعدين كان لازم تتشاور معاها و تشوف شنو تحب

تأكل قبل ما تروح لاي مكان .وعليا بعد يعني الرجال فرحان أنه مطلعج ليش ما سكتي وطلعتي ضيقتج

بوقت ثاني وعديتي هالليلة على خير .طبعا أسلوب رائد كان شوي جلف و عليا حساسة حيل وخصوصا

أنه ما عطاها فرصة تراضيه و لا شيء .بس بنفس الوقت رائد شخصيته حنون ومعشره حلو ما اتوقع

ينام الليل وعليا زعلانة عليهبيراضيها بطريقته ...

============================
(( نايف و عبير ))

عاد هذيل حالتهم حالة الله يستر عليهم .طبعا بعد كلام عبدالعزيز لنايف أنه لازم يبلغ عبير وخصوصا

وانه طمنه أنه ممكن يلاقي له علاج برى هذا راح يشجع نايف انه يقول لعبير و عبير أتوقع راح تبقى

معاه لان نايف اكيد بيقول لها انه عبدالعزيز قاله أنه ممكن في علاج لحالته هذا راح يخليها تبقى معاه

بس أكيد أنها راح تأخذ بخاطرها أنه ما قالها من البداية أنه ما فيه عيال بس بعدين لما تفكر عدل و انه

الزعل ما راح يفيد بشيء راح تبقى معاه بس طبعا إذا محد تدخل و خصوصا أم تركي لانها مستحيل

تسكت على هالشيء بس عبير راح توفق بوجه الكل عشان تستمر حياتها مع نايف ...

=============================
الباقي الله يستر عليهم

تسلمين و تسلم الايادي يا رب

استمري بهذا الابداع و التألق دائما

ايش هذا الظاهر في جزء نزل ولا علمتوني زعلاااانه بروح اقراه
ولي رجعه