تسلم يمنك يالغرنوق على البارت الرائع
ولوسمحتي نبي بارت ثاني في الاسبوع اذا ماعليس كلفى
وشكال عامر ابيخطب ساره او ابيعرف وش اعلاج ساره
والله اعين حسناء معندك صبر يامشاري فكر ليش الاعجله
وننتظرك الاسبوع الجاي على نار مع اني اتمنى اتفجينا بارت في الاسبوع هذا

السلام عليكم
ياصباح الحماس والبارتات الحلوه صح اكشن وتغيير بس بعد عجبني

غرنوقه بجد ابدعتي بقلب الاحداث بهالبارت
ببداء من ورى
مشاري وحسنا
تبين الصدق حاولت اوقف مع حسون بس مشاري ماله الا الظاهر
حسنا شلون سمحت لنفسها تجيب هالكرت وتوديه بيت الرجال لو لقاه ببيت اهلها قلت معليه
غلطانه لاكن ببيته والله صدمه
بس بعد مشاري لزوم يتركد وكان من باب اولى انه يبين لها شكوكه من اول مو يسكت وبعد ها يالله على بيت اهلك الحقيني
المفروض حسنا بهالموقف تقعد ببيتها ولا تلحقه وتخليه لين يهداء وتبين وجهه نظرها وتعلمه غلاه وش لون
او تسمع له وتطلع معه ثم يرجع يلقاها بوجهه (فيس بووووووووووووووو
********
ساره اشوف نصيبها مع عامر اكثر
يمكن مرضه واصابته بالحادث بتخليه يرضى بها وما يقلل من قدرها ويشوف نفسه احسن منها
ويمكن يكون شفائها بيده
غرنوقه مدري اخاف اللي في ساره يتطور وتصير مثل اخوها مشعل
*******
منيره ومترك ومنى
اشوف لو مترك ينفصل عن منى افضل بكثير من عيشتها معه بهالشكل
اتوقع بعد تصريح منيره انفصالهم قريب
واحساسي يقول انه بطلب من منى شخصيا
*******
ريمه وبتال
صراحه خاااايفه من ركضته وراها والغضب معميه ليسوي شي ياذي ولده
وهو معصب يندم طول عمره عليه
وبعدين الله يلوم من لامها قهر لما المره تتكلم بشي مهم والاخ ينكت ولاهمه
والا يعصب وياخذه العزه بالاثم ولا يحاول يعرف التفاصيل ويهتم بالموضوع
وعصبيه ريمه اشوفها بمكانها
**********
الباقي الله يستر عليهم على قول عندوشه ام شوشه
غرنوق بانتظارك دائما حتى لو مارديت فانا من اول المتابعين

حابة اسال معليش من الى دخل على وسمية وعامر هذا الى كان فى الحادث الى مات فيه اخوه مع رائد وهم راجعين من زواج ودلحين حابة اعلق على البارت اول حاجة جابر تفكيروا يرفع ضغطى يعنى انت تغازل وتروح وتجى مع البنات ولمل تتزوج تبغى بنت ماعرفت غيركلكن بنت ابو غانم كفوك الصايع للصايعة والله انقهر حتى لما اشوف بنت صايعة وتكلم وبعدين تتزوج واحد ما عرف من البنات غيرها نجى لمشارى وحسنا احسن الى سار احس مشارى حرام اعطى حسنا كثير وبالمقابل ما اعطتة مثل ما اخذ ت واحسها كانت تحب مشعل اكثر من مشارى خليها احيانا ما نحس بقيمة الى معانا الى لما نفقدة وتسلم ايدك على البارت

السلام عليكم و رحمة الله و بركاته

مساء الخيرات و البرد اللي يدخل بالعظم و المطر اللي يفتح النفس

بارت الصدمات بارت متعب جدا بس الأكيد انه رائع بلا قياس

تسلم الايادي غرنوقة و ربي يعطيع ألف ألف عافية يارب

=============================
(( مشاري و حسنا ))

شيء متوقع و طبيعي أنه مشاري يفوع كل هالفوعه و يعصب ((اتق شر الحليم إذا غضب ))

و هاذي أول مره يعصب فيها مشاري..و يتصرف بنفس تصرفه لانه جدا طبيعي ولو واحد غيره

ممكن ما قالها بس اطلعي و روحي لأهلج و هو اللي يوصلها بنفسه بعد إلا سيده طلق من غير أي

تفكير..لانه المسكين وصل حده منها و كان هالكرت القشة اللي كسرت ظهر البعير مثل ما يقولون

لانه مشاري من أول شاف كذى تصرف من حسنا و حذرها أنه إنسان غيور لانه رجل يعشق هالانثى

اللي قاعدة تفكر و تحاتي غيره و حتى أنها توعى بالليل و هي تنطق باسمه ..بس حسنا لانها إنسانة

على سجيتها و شفافه ما كانت تحط اعتبارات كبيرة و تحمل هالتصرفات اللي غصب عنها اكبر من

حجمها بس بالعكس كانت تبين لمشاري انه مشعل أبد ما هو بحياتها إلا ولد عم و بس ..بس مشاري

أن صدق المره الأولى و الثانية و غيرها لانه تصرفات قد تكون خارج عن ارادتها..بس هالمره كانت

قوية حيل و مستحيل أي واحد يرضاها على نفسه لانه هالكرت دليل أنه للحين مشعل موجود و باقي بحياة

حسنا..بس عندي لوم صغير على مشاري يعني كل هالمده اللي عاشتها معك حسنا و عشتها معاها بعد

تشك فيها ومااستشفيت منها الصدق و لا الشيطان كان حاضر بقوة بينهم.ما اتوقع انه مشاري راح يطلق

حسنا بس هاذي قرصة أذن بس موجعه حيل لها عشان مره ثانية تنتبه على أي تصرف يخرج منها يعني

بس يروح الشيطان بطريقه و يترك مشاري راح يفكر عدل بهالمشكلة و انه بينهم طفل ..

الله يصلح حالهم <<< و الله قلبي أوجعني عليهم حيل ~ــــــــــ~

==============================
(( هادي و غلا ))

حياة الضدين و تبادل الأدوار حلوه بينهم لها لذة عجيبة يمكن بعده هادي ما اكتشفها للحين بس بيجي وقتها.

برافوووووووو على هادي أنه حاول يطلع غلا من حالة الأدب و الركود اللي اسكنتها من بعد الزواج و هذا

شيء حلو لانه منه غلا راح تتجرأ شوي معاه و تعيش بشخصيتها الحقيقة و هذا اللي صار لما حست أنه

هادي احتاج لها صحيح ترددت بس بالاخير تجرأت أنها تحسس هادي انها معه و تحس فيه و هذا بيزيد من

قوة علاقتهم مع بعض بعكس لما غلا تتمسك بشخصيتها الجديدة و هاذي بعد لانه هالشيء بيشكل حاجز بينهم

يصعب عليهم الحياة ..الله يديم عليهم ...

=============================
(( رائد و عليا ))

و غرق الغرقان أكثر <<<< فيس جدتي بوحه

الله يديم عليهم هالحب و التفاهم و الاحترام و لا يجد عليهم شيء ..لانه حياتهم توها بأولها و ما صارعت

اللمل و الروتين و المشاكل الصغيرة اللي ممكن تتطور إلى مشاكل يصعب حلها ...

=============================
(( مترك و منيرة ))

و أخيرا شفنا هالاثنين مرتاحين و انحلت مشكلتهم الصعبة و المتعبة ..بس معقولة منى تنازلت عن حقها

بمترك من غير أي مشاكل أو انها تطالب لو بشوي و خصوصا أنها حامل يعني الطلاق شوي صعب عليها

و لا الكرامة و كبرياء الاثنى حضر هني وبقوة ..الصراحة من شخصيتها قوية و ما تتنازل بسهولة وما

اتوقع أنها تسكت و الله يستر منها ...

=============================
(( جابر ))

تدرين غرنوقة أول شيء قلت الحمد الله أنه ما صارله شيء قوي من الحادث بس لما كملت غيرت رأيي

يعني و الله أهون على الرجال أنه يصير فيه أي شيء بالحياة إلا شيء يمس شرفه و كرامته هني نقطة

ضعف اي رجال بالكون ..وكلامج صح الضربات اللي بتصيرله قوية و ما بعد أنه يتزوج وحدة سيرتها

على اللسان القاصي و الداني و طلعت مع هذا و ذاك ..الله يعينه على هالحياة و خصوصا أنه الكل من

اهله و اخوانه اقرب الناس له يدرون و الله شيء صعب الله يعينه بس يستاهل من هالحال و أردى ...

=============================
(( ناصر و هدى ))

ياشين أحساس المرآة لكان زوجها مو عندها و هي محتاجه له و فوق هذا مشتاقة له ..بس شنو الشيء

اللي تعاني منه هدى (( مشكلة بعيالها و لا فيها و لا مرض لا سمح الله ))..

بس أنا اتوقع انه فيها هي لانه لو عيالها ما اتوقع انها تسكت لانه هدى كلش و لا شيء يصيب عيالها يعني

حتى لو ما بلغت ناصر كانت راح تقول حق أخوانها أو فهد ...

=============================

أمممممممممم سؤال غرنوقة ... اللحين منو من اخوان وسمية اللي دخل عليها ببيت أبو ناصر؟؟؟

مبارك و لا تركي ؟؟؟؟

=============================

تسلمين يا غلاتي

و استمري بهذا الإبداع و الـتألق دائما