الغرنوووووق مبروك ما سويتي
العرس اوووه وصفتيه وكأني معهم ابدعتي فيه
علوي ورائد يجننون ربي يتم عليهم

هادي وغلاوي روعه زفتهم وحلو المفاجأه وانتظر احداث ليلتهم مع بعض

فارس يا حبي له والله يهديه
مترك ومنيره الله يهنيكم ببعض
يازييين الجمعات اللي بعد العروووس والتعليقات اللي فيها
مشعل الله يشفيك ويشفي كل مريض وجعلك من حظ وسميه يااارب




وسميه معقوله اللي دخل عليها فهد ؟؟
غرنوووقه سامحيني من زمان ما رديت بس كنت متابعه لس
وبالتوفيق يارب

بارت روعه تسلمين يقلبي فعلن مفاجئه مهوب على البال ولا على الخاطر انا داخله بشوف تعليقتس على الرد الا والقى البارت بغى يغمى علي من الفرحه

عرس خيال ووصف جنان بس تعالي ليش ماذكرتيني ولا وصفتي فستاني اجل انتي ماشفتيني انا علي فستان اخضر عشبي بلون علم المملكه ومسكت القاعه العب من اولها الاخرها والكل نشد مني افااااا بس غرنوقه ماقلتي ولا كلمه تشيرين بحضوري

انتظري تعليقي غرنوقه بس الله يستر مايفصل سلك الشاحن والمره هذي بقطها براس ابو العيال

وبعدين تعالي مهوب خاطبه ولدي البنتس ليش تعرضينها على غيره بنتس محيره ونبيها لو عوبا وزهليها مهيب تامه السنه الا وتجيتس اادب منها مافيه ولدي يروض اللي ماينتروض

والله شكال فهد بيغير رايه من خلود بعد ماشاف وسميه
وتكبر القصه بين فهد وسميه ام بنسبه هادي وغلا الله ايعين هادي على غلا
شكله بطلع اعيون هادي بدلع عليه وماقصرتي البارت فوق الخيال ونستن يوم السبت على نار

السلام عليكم ورحمة الله وبركاته

مساء الخير و الافراح و الليالي الملاح

تسلم الايادي على هالبارت الرائع كالعادة

وثانيا ألف ألف مبروووووووك التميز تستاهلين كل خير و اثبتي انج

جديرة بهاللقب من أول حرف كتبتيه في ليلاس و إن شاء الله

قريب نشوف اللون الازرق

=========================
( مشاري و حسنا )

من البارت اللي طاف لما حسنا قالت لمشاري أنه مشعل ما في شيء

وبيرد قريب أنا توقعت توم القيامة بينهم و خصوصا انه مشاري شكله بينفذ

صبره من حسنا اللي ابد مو ماخذه بالها على الاشياء اللي تقولها و تسويها

لما تغلط قدامه باي شيء يخص مشعل..........................................

بس تردين لي حسنا صار الوضع عندها عادي و ما صارت تلاحظ هذا أكبر دليل

أنه مشعل أبد أبد ما له مكان بحياتها إلا انه ولد عم وبس بس مشاري رجال

و الغيرة طبع المحبين و غيره مشاري توها ما وصلت للمرض فالله يستر انه حسنا

ما تزودها بالايام الجاية .. وتريذ الطين بله ...

==========================
( مترك و منيرة )

بداية حلوه من منيرة لحياة جديدة برافووووو عليها انها حاولت تبدأ صح و الخطأ

اللي أول حاولت تتفاداه بس للأسف مترك ما عطاها فرصة يمكن أنه ابد اللحين

ما يفكر بهالشيء أهم شيء انه منيرة رجعت له و بين ايديه .....................

بس اتوقع حياتهم بتكون صعبة لان مستحيل مترك يقدر يعيش براحة وهو ظالم

منى و مو معطيها حقها و هم منيرة لانها هي السبب و الاكيد بتحس نفسها

انانية اللي شرطت هالشرط على مترك ولما تدخل الانانية وتانيب الضمير بحياتهم

اتوقع الحياة بتكون صعبة لانه كل واحد بيكون فكرة بصوب . اما منى سكوتها ياانه

الهدوء ما قبل العاصفة أو انها راح تتبع طريقة تمسكن حتى تتمكن ..............

===========================
( رائد و عليا )

حياة جديدة بدايتهاصح إن شاء الله اتوقع حياتهم بتكون عسل و متفاهمين

لان رائد إنسان شخصيته روعه و متفهم لكل شيء و عليا إنسانة هادية

وحساسة و أي كلمة حلوه تأثر فيها فإن شاء الله يستمرون على هالوضع

=======================
( هادي و غلا )

<<< فيسي الفضولي زعلان <<< ليش ما بينتي لو شوي من بداية حياتهم

بس حلو منج تخلينا نشتاق و ننطرهم على نار ....................................

من ما بينتي أنه حياتهم ما راح تكون عادية أبد لان هادي شخصية و غلا شخصية

ممكن يواجهون شوي صعوبات بس راح كل واحد منهم يحاول يداري الثاني و يمشي

هالحياة .. سؤال .. هادي من وين جاب فكرة انه يدخل مع غلا من خواته (حسنا ).؟؟

لان إذا مو من خواته إذا مو سمع أنه هاذي من احلام وامنيات غلا وحب يحققها لها

بيوم عرسها .. وانا اتوقع هو الصح ....

=======================
( مشعل )

الله يفرج همه و يشافيه الصراحة مرضه صعب جدا بس إن شاء الله

انه يشفى ويرد و يأخذ وسمية واتوقع الشخص اللي شاف وسمية

فهد و هو اللي راح يرشح وسمية لمشعل إذا رد بالسلامة إن شاء الله

=========================
تسلم الايادي غلاتي

استمري بهذا الابداع و الـتألق دايما