الغرنوقة تسلمين وبردتي قلبي على انه ما في موت بس ما ادري احس بيصير شي بين مشاري وحسنا وان شاء الله يعدي على خير ..
الله يعطيش العافية

يسعد مساءك غرنوقة
مبدعة بجد يابنت ماشاء الله لاقوة الابالله واسلوبك سلس وحلو
لكن عندي ثلاث استفسارات ياليت تجاوبين عليها وماعليك امر
اولا بالنسبة للهجة استغربتها مادري اذا فيه ناس بالكويت يتكلون كذا لاني اول مره اشوف هالشي حستيها لهجهة بعض اهل لسعودية وقطر ؟
ثانيا سؤال كأني فهمت من كلامك ان القصة حقيقية بس انتي عاملتلها سيناريو صح ولا؟
لا ن بجد قصة هادي واخواته وامه فيها كثير من قصتنا الام والاخ والاخوات والمسؤلية اللي على اكتاف هالاخو بجد حسيتك توصفين اشياء كثيره من حياتنا
ثالثا موعد البارتات متى؟
للأمام ياحلى غرنوقة
دمتي لاحبابك

السلام عليكم ورحمة الله وبركاته

صباح الخير والرضا من الرحمن

ربي يعطيج ألف ألف عافية بارت رائع كالعادة

=======================
(( مشاري -- حسنا ))

معقولة اللي عاقد يعيشه مشاري من شك او غيره أو مدري شسمه بس من مجرد حلم

وأصلا ليش هالشك والغيرة يعني حسنا أبد ما سوت شيء يستعدي هالشيء بالعكس قاعدة

تحاول قد ما تقدر أنها ترضيه وما تبين شيء من القلق اللي بداخل روحها على مشعل ..

أو أنه بس غاوي ينكد على روحه ويخلي حياتهم بحاله هيجان دايم . لان معروف من تدخل

ذرة شك وغيرة حياة أي زوجين أعرفي أن الراحة والسعادة طلعت منها .. وحدة مثل حسنا

حساسة وأي شيء يأثر فيها هي مجرد ما نام على السرير خز بخاطرها وما عرفت تنام يعني

ممكن بعدين يسوي شيء أكبر من جذي أتوقع حسنا أبد ما راح تتستحمل وتسكت عن حقها ولما

تعرف السبب أكيد ما راح ترضى بسهولة .. يعني يا مشاري حط الرحمن بصدرك و استهدي

بالله وابعد عن وساوس الشيطان لان مستحيل راح تحصل وحدة تحبك مثل حسنا ...

========================
(( مترك -- منيرة ))

والله برد قلبي هادي فيه عديم هالاحساس عندي عادي هانت عليك تتركها ببيب أهلها كل هالفترة ويعني

لو ما سالفة الخطبة كان للحين أنت نايم على روحك وتارك مرتك وعيالك .. بس والله منيرة مجدية

فيه بهالشروط بس شرط أنه كل يوم ينام عندهم وما يعدل هاذي فيها شوي أنانية لانها راح تركب زوجها

الحرام وهم منى لها حق مثل ما هي لها حق ولازم منيرة تخلي ببالها أنها هي اللي رضت أول وتالي

بهالزواج يعني عارفة توابعه .. بس الظاهر انه مترك ما صدق على الله منيرة ترجع أن شاء الله

تطلب يقط نفسه بالنار ممكن يسويها ورضى بكل الشروط ...

أتوقع حياتهم راح تتحسن وخصوصا بعد روحه منيرة ومترك مع بعض للدكتور اللي أكيد راح يحاول

يوصلهم لبر الامان بعلاقتهم .. أما السؤال اللي سأله الدكتور .. أتوقع أنه على سالفة المرقد

لانها هي السبب الرئيسي بالمشاكل بينهم ..يمكن والاكيد انه راح تتردد بالإجابة بس أكيد مترك و

الدكتور ما راح يتركونها إلا لما تجاوب ...

(( منى ))

أما منى أبد ما راح تسكت عن الشرط اللي حطته منيرة وراح تسوي المستحيل عشان مترك ما يرضى

بس مترك ما راح يرد عليها لانه شكله عايف ومل من حنتها يعني أهون عليه يطلقها ان وقفت بطريق

رجعة منيرة له ..بس منى ما هي من النوع اللي يسكت عن حقه أتوقع راح تدخل أبو مترك بالسالفة

من ما دخلته من أول بسالفة اتفه من هاذي ...

=======================
(( جابر ))

من البعض يشوفه إنسان قمة بالقذارة ولان هو إنسان مسكين ما عرف منو يصاحب ومسكين أكثر

لان ضيع الدرب اللي مفروض يمشي فيه ..بس كل شيء من الصحبة السيئة وقله الوازع الديني

والدلع الزايد اللي خربه وخلاه يتكبر على أخوانه وجماعته ويمشي مع ناس ما خافوا ربهم واتبع نفس

طريقهم ..أنا فرحت لما اتصل على أخوه مثل ما يقولون أول الغيث قطره وهذا أول شيء صح سواه

أنه أشرك اخوه اللي اكيد مستحيل يطلع عيبه لاحد وراح يأخذ بيد أخوه ويعلمه أنه اللي يسويه أكبر خطأ

بس أخوانه وعيال عمه لهم دور كبير لانهم ما احتوا جابر ولا انصحوا قبل ما يوصل هالدرب وهم عارفين

من يرافق و شنو يسوي .. بس إن شاء الله ينصلح حاله بما ان حس بالندم من اللي سواه ...

==========================

اسمحيلي على القصور بس والله العظيم عجزت أرد على هالبارت عدل

بس قلت خليني واوري زولي << عشان تعرفين أنه دايما معاج وحولج

استمري بهذا الابداع والتألق دائما

مساء الخير
حبايب قلبي
بغيت اتعذر هالسبت من تنزيل البارت لظروف نفسيه -->النفسيه صفر هالايام
مافيني انزل ناجلها على خير واكيد ببلغكم بموعدنا الجاي
بليز لحد يزعل او ياخذ بخاطره مني
وراجعه للردود بحيل الله

السلام عليكم ورحمة الله,,,,

غرنوقة يعلم الله من زمان أبي أعطي هالإبداع حقه لكن ماكتب ربي إلا اليوم

روايتس روعه وفوق الروعه والله أحداث وأسلوب يشد حيييييييل وكل شيء صراحة يعطيني المتعة
الله يبارك لس بهالحس الحلو بالكتابه ويحفظس بحفظه إن شاءالله

نروح لأبطالنا الغالين حسون ومشاري يهبلون الله لايغير عليهم

ومنور ومترك (سمي أخوي هههه )صراحه القفله للحين متعبتني هل راح يبطها الدكتور ويقولها أنتي ماكنتي بالجرأه المطلوبه فصارت ردته العكسية عليه وحب يثبت لها اللي ناقصه بالزواج الثاني !

مها ومحمد أعبط ماربي حط فاصخين وقاضيين ههههههه

مشعل الله يشفيه وسبحان الله لقمة حسنا عنده وقفت وخيره لها شخصية مشعل ماحبيتها !

رائد على حماشته ماتخيلته كذا عند أول مره يشوف علوي ذاااااب مره وحده ,,

مبارك وسواته مايبين إلا رداته صراحه يتسبب على البنت ويمحق عليها وآخرتها يخطب خلود ! أتمنى ترفضه !!

ساره واللي صار لها شكثر بنات بعمر المراهقه تمر بهالأمور وتنتهي عند حد معين وغالبا مايآخذون بعض
واللي يآخذون بعض عن حب تفشل حياتهم سبحان الله ياكثر اللي نعرفهم من عيال عم وخال وتزوجو عن حب تطلقو !

هادي يالبيه يالقلب الكبير الله يخليه لخواته ويهدي له غلا ويوفقهم مع بعض ,,,,

جابر هذا مثال ياكثره لشباب هالأيام الزنا صار بابه مشرع الله يحفظ عيالنا ويهديهم

أعجبني نموذج دلال وتركي فعلا عرض موفق بالروايه يطاوع أمه وبينه وبين مرته عايش حياته هو أفضل حل للأم العوباااا

اسمحيلي غرنوقه هذا اللي قدرت عليه هالليله والسموحه عالتأخير
وجعلس يالغلا ماتشوفين ضيقه وهم ووسعي الخاطر ترى الدنيا ماتسوى والله يحرم ايدياتس عن النار ومن يقرى إن شاءالله

وكلنا شوووووووق للبارت الجاااااي