السلام عليكم ورحمة الله وبركاته

مساء الخير والاحساس والطيبة مساء ما يليق الإ بغرنوقة *-^

بارت أكثر من روووووووووعة تسلمين يا قلبي وربي يعطيج ألف عافية

===============================
(( مشاري -- حسنا ))

دايما هالانثنين يبردون القلب ويفرحون الخاطر حتى عتبهم ولومهم لبعض حلو <<الله يديم عليهم

إحساس مشاري بالغيرة هل هو بداية حياة مليئة بالمشاكل ؟؟ قد لا يلام مشاري على إحساسه بالغيرة

لان حسنا هي اللي عطته المجال بالغيرة والشك بحبها له لان بمجرد ما تجي سيرة مشعل تتوتر ويتغير

حالها ومشاري ما هو بغبي أو قليل ملاحظة ويمر عليه هالشيء مرور الكرام لازم هالشيء يأثر بنفسه

لو شيء بسيط وبعد الحلم وردة فعلها عليه هذا كفييل أنه يولد الشك بنفسه ويقنعه أنا حسنا للحين تحب

مشعل -- ودليل أنه حسنا معترفة بقراقة نفسها أنها مازالت تحب مشعل قد لايكون نفس الحب

الاول بس تحبه لان حبها أيام زواجها منه أبدا ما كان حب بسيط وينمحي بسهولة لذلك أثاره للحين باقية

أتمنى ان هالشيء ما يأثر على حياتهم أكثر من اللازم وانه مشاري يقتنع أنه مافي بقلب حسنا غيره--

================================
(( تركي -- دلال ))

الله يعينها دلال على عمتها وهذي هي عمتها أخت أبوها وجذي تتصرف معها <<أتوقع هالكره أو

الحقد من تراكمات الماضي وله خص بأم ناصر وبس لان دلال بنتها --

ودلال أبد محد يلومها إذا طلبت بيت بروحها من حقها أنها تأخذ راحتها بحياتها مع زوجها وعيالها من

غير محد يتدخل فيها بالداخلة والطالعة بس دلال مره عاقلة وعارفة أنه هالشيء مستحيل ما دام تركي

الكبير -- والأهم ما تبي تزيد على تركي لانها لاقيه العوض فيه بعد الله سبحانه تدرين تركي من

الرجال اللي يستاهلون تحيه من القلب لان يأخذ بخاطر زوجته ويعوضها على عن الشيء اللي تشوفه

من غيره --أم تركي شنو السبب اللي خلاها تتهم أم ناصر ودلال أنهم سحرات الله يكفينه الشر؟؟

أكيد في سبب وقوي بعد لان مثل ما قلت هالكره والحقد سببه تراكمات الماضي أتوقع أم تركي بيصير

لها شيء منه تعرف معدن دلال وأمها الحقيقي --

=================================
(( مترك -- منيرة ))

الواضح أنه حياتهم متعاكسة على ماقد منيرة مرتاحة بحياتها بعيد عنه على قد ما هو حياته صعبة من

غيرها لان ما شاف الراحة والكمال اللي يبيه عند منى وإذا كانت منى ارضته بالشيء اللي منيرة ما

ارضته فيه منى ما ارضته بالشيء اللي منيرة ارضته فيه <<< واي دخت من هالعبارة *-^

صدقيني مترك مستحيل يعيش براحة واستقرار إذا هو ما استقر بداخله و عرف شنو يبي الواضح أنه

يبي منيرة بكل ما فيها حتى بعيوبها -- وحياته مع منى مستحيل تستمر بهالحال لان منى مو من

النوع اللي ترضى هالاهانة أو أحد ينقص من ذاتها وإذا هي رضت بالقليل فمستحيل ترضى بالباقي

وأبد ما راح تسكت على حقها مثل ما سكتت منيرة --

أما منيرة فهي مرتاحة راحة خلنا نقول فيها نقص واللي هو شريك حياتها حتى لو بينت العكس وأنها

مرتاحه من بعدة فهي بداخلها لا محتاجته بقربها وراح يجي وقت يبين لها هالشيء --أما بالنسبة

لشغلها فهي ممكن لقت ذاتها ومنيرة اللي قبل الزواج ولقت فيه بعد المهرب من التفكير بمترك وحياتها

لان الشغل يلهي عن أشياء واجد وخصوصا اللي يشتغلون نفسها أغلب الوقت جمعات و قعدات وقهاوي

<< تدرين غرنوقة حلو أنج طرحتي هالموضوع لان الواحد يروح عنده مراجعة بأي وزراة أو منطقة

تعليمية يا يلقى المكاتب فاضية وتصفر أو الوظفات قالبينها قهوة وسوق لترويج البضايع<إلا ما رحم ربي

أخر شيء فارس هل كلم منيرة أو بعد ؟؟ << فيس مستعجل على رزقه

=================================
(( ناصر -- هدى ))

زين أنه ناصر رجع هدى لان هدى نوعها من الحريم اللي ما تعدل إلا إذا انقرصت وهذا اللي حصل يعني

لما حست أنه ممكن ناصر يتزوج عليها تسنعت <<عاد إن شاء تستمر على هالشيء وما ترد حليمة لعادتها

القديمة -- بس تدرين كسرت خاطري لما قالت أنه شلون قضت الرمضان والعيد من غير بنياتها ياناس

المرآة مهما كانت قشرة عند عيالها تصير شيء ثاني --أتوقع ناصر الاولي اللي تارك الحلب على الغارب

راح يتغير وما راح يتهاون بزلات هدى مهما كانت صغيرة وهذا الشيء راح يعدل من حال هدى وتلتفت لزوجها

وعيالها أكثر وهالشيء أكيد راح يأثر على ناصر أنه يعطيهم من وقته أكثر من قبل --

=================================
(( طلال -- هيفا ))

الحياة صعبة حيل إذا كان الطرفين قوي ورأسه يابس وعنيد وهذا اللي حاصل مع طلال وهيفا انزين إذا طلال

استقال من وظيفته عادي من حقه بس لازم ما بقعد بالبيت ويدور شغل ثاني أو مشروع هو يديره لانه وراه بيت

وعيال يبون مصاريف تعيشهم السؤال هيفا ليش استقالت من وظيفيتها هل نكاية بطلال أو هو اللي أمرها بالشيء؟

بس هيفا تصرفها قمة الغلط لما تتكلم عن هالموضوع قدام عيالها وعيالها مو صغار والعيال بهالسن مافي أذكى

منهم ويلقطون كل شيء لو صغير وهذا طلال محظرها كذى مره لهالشيء بس شتسوين بالعنيد واللي رأسة يابس

بس حلو أنها طلبت أنها تروح عند أهلها عشان تفكر شلون تتصرف وتعيد حساباتها --

==================================
(( رائد -- عليا ))

عندي أحساس أنه حياتم بتكون حلوه حيل قد يواجهون بعض المشاكل بالاول وشيء طبيعي ببداية كل حياة زوجيه

قد يكون تعلق عليا بجابر للحين سبب رئيسي للمشاكل اللي تصير بس رائد راح يعرف شلون يقتحم عليا وينزع

جابر منها لان رائد شخصية مستحيل ما تنحب وخصوصا اللحين بعد ما تتدين << كلي شوق ليحاتهم مع بعض

==================================
(( مشعل ))

عرفنا انه مريض والكل عرف بس ما عرفنا شنو هالمرض هذا << الله يشفيه يارب

==================================

روحة المزرعة أكيد بتصير فيها أشياء كثيرة كلنا بالانتظار

==================================
(( خارج التعليق ))

غرنوقة أنتي من طالبات التربية الاساسية وشنو تخصصج ؟؟ لانج عارفة الوضع عدل وعارفة السوالف اللي

تصير *-^ << تدرين أنج ذكرتيني بأحلى أيام أتمنى أني ارجع اعيدها بس من غير دراسه >-<

إذا ما تبين تجاوبين عادي <<< بس فيسي الفضولي بيزعل :(

ومشكوووووووووووووووووووورة على البارت الرائع

ربي يحرم هالايدين من النار

استمري بهذا الابداع والتألق << راح اغيرها إذا لقيت عبارة ثانية تليق فيج وبابداعج

مبارك عليكم العشر ولله يبلغنا عرفه ويتمم على المسلمين الحج يارب

البارت طبعن مرحله ثانيه انتقاليه للابطال اللي تزوج واللي ولد واللي قرب زواجه


لاتقولين غرنوقه ان خلود تحب فهد وبتزوجه تكفين الا ذا الفهد مدري ليش ماحبيته حاسته اناني وغيرك كذا كان يحب اختها خلود مايصلح لها الا فارس
الا بسئلتس وشلون خلود تسئل عن البدال اللي جابتها اخته وتقول ان شاءالله مالبسوها الا لبسه وتكون نظيفه يعني شلون بتلبس شي مستعمل ليش الحاله الماديه الهادي ماتسمح يشتري لاخته شي جديد ولا شلون



احسن ماراح ارحمتس يامنى واقول مسكينه وهي مالها ذنب ومدري ايش تستاهلين انتي واي وحده تاخذ واحد متزوج ياختي انتي خذيتيه من زوجته وعياله حتى لو قلتي برضاها ماعليه موتي غيره وذوقي اللي تذوقينها ايها تحسبين منيره مرتاحه وماتفكر فيتس انتي ومترك وشلون يعاملتس وشلون تقضون يومكم مسكينه تلقين الغيره ماكلتها اكل
ابوسالم تبي منيره ترد لك دز لها مسجات حبه صباح وحبه ظهر وحبه مساء لين يلين القلب مهوب ساكت وجالس تنتظر لك شهرين سو شي تحرك كلمها يومي خذ عيالك وحن عليهم يحنون على امهم ترجع لك ترا الام نقطة ضعفها عيالها حنن قلوبهم عليك توكل على ربك وسو اللي قلته وبتقول نوفي قالت سبوعين بس وتردلك بعد زواج اختها وبنفسيه احلا بس اها عاد انت مهوب تعود على حركاتك قبل غير من نفسك وطبايعك خل منيره تشوف مترك جديد


لبي قلب رومنسية المطاوعه مدري غرنقوه حابه شخصية رائد من اول الروايه مع ان كبدي حايمه من اسمه ماحب ذا الاسماء على الرجاجيل
متشوقه الحياته مع عليا احس بيكون تعامله معها راقي جدا وهي بتعامله بكل احترام والحب احس حبهم بيجي بعدين مع العشره بينهم لان كل واحد منهم بيحبب الثاني فيه وفي طبايعه وبيكونون احسن ثنائي بالروايه <<<مدري وجهة نظر
انتي علوي يالعوبا الى الان بقلبتس للخايس جابر بعد ماعرفتي شين فعوله ولله انتس اسمحيلي بقره



حسون حاولي بقد ماتقدرين ماتبينين لمشاري اي شي عن مشعل ابو خالد مايستاهل حبه لتس معمر عيني شافته الرجال يحب مواطي رجولتس فعلن غرنوقه اذا قالو الرجال هذا يموت في تراب رجولها ادري انهم يقصدون مشاري وحبه الحسنا الرجال يعشق البنت الله لايغير عليهم آمين
ياخوفي من موقف المزرعه تقابل فيه حسنا مشعل او مشعل يحاول يكلمها وياصل الخبر لمشاري يمكن مشعل يسلم على حسنا اذا شافه كابنت عم وتسئله هي من الذوق عن احواله ويمكن حسنا بحسن نيه تقول لمشاري عن لقائها بمشعل وتكون بداية الشراره اللي بيولعها مشاري وتكون سبب في المشاكل اللي بتصير بينهم


مبروك معالي على البيبي صبرتي ونلتي تراتس غليتي عندي زود يوم سميتي ولدتس هادي انتي وعزوز على شيخ الرجال هادي بن عبدالله عرفان بجميله لبي قلبه وفرحتي قلب امتس ترا الام تموت في بناتها اذا حبو خوانهم واحترموهم
وبعدين انتي ياخلود وش بيضرتس اذا مسكتي هدوي وخليتي ممعالي توسع صدر ابو الشباب وش فايدت الخوات اذا ماوقفو مع خواتهم بمثل الموقف هذا



ياشيب عيني من الحرم الحين عرفتي هدى قيمة ناصر يوم قالولتس انه بيجيب على راستس وحد ثانيه جيتي ركض
ها هدى معاد فيه بياعه ولا سفر بترابطين عند ناصر وانت بعد لاعاد تتركها على كيفها ربها وخلها تشوف بيتها وعيالها وتترك عنها البياعه الدلاله


بللى وشذا النايف يقط خيط وخيط ولله اني مت عليه ضحك اول وهو يهاد عبير عند العب وانه بيفوز ثم نط للعدسات وعيونها وفي الوقت اللي تسئله عن ضرر العدسات مثل ماقال نط الخطبت اخوها
تكفين لايكون دوره ثانوي بالروايه مدري احسه فله الولد


لبي قلبتس دلول وشذا العمه هذي حيه رقطا ليت الحيه ام راسين تسمتس انتي وجويبر
تدرين غرنوقه انا اسمع اغنيه مع الطقاقات كلماتها توقفت عندها (يحيه يام راسين طبي بقدرهم وسمي اهل البيت الا ولدهم )ولله ودتس تطب بقدر ام تركي وتسمها هي وجويبر
حبيت حنية تركي على دلال تدرين مهما كانت ام الزوج قشرا على زوجة ولدها وكان الولد مع زوجته ويخفف عنها صدقيني ماراح تحس باي شي من ذا العذاب وماكان فيه شي صار الموت لو كان بصف امه ويصدقها بكلامها



ام السان العوبا هيفوه تراتس تتهورين وفي النهايه بتندمين لاتعاندين الرجال وتقهريبنه ترا قهر الرجال شين وماراح يندم الا انتي وماراح يضيع الا عيالتس خير السالفه عناد وبس ترك شغله تركتيه طيب عرفتي اسبابه قعدتي معه خففتي عنه انتي تدري وش سبب تركه الوظيفه ولا بس مناكد وبس يمكن الرجال عنده ضغوط بشغله ولا اعداء متربصين له
الا اذا الرجال مايبيتس تدخلين بشغله ولا يعطيتس علومه ومايحبتس تدخلين بشئونه عند هذا معتس حق اعذرتس اذا عاندتيه وقططتي عليه كلام



ايه غرنوقه خلود وشدخلت الكليه اللي تبيها هي او اللي يبيها هادي

تدرين غرنوقه مدري احس بتزوجين خلود فهد وهادي ساره وغلا فارس مع اني اتمنى غلا الهادي وساره لمبارك وخلود الفارس


ليش غرنوقه قولين انتظروني السبت ليش طمرتي بارت الثلاثاء تراني بنبطح الفجر انتظر نزوله مالي دخل ارحميني بسهر انا وولدي مثل ماعودتينا ننتظر البارت
مشكوره غرنوقه على البارت وعلى الالتزام العير شكل ربي يمتعتس بالصحه والعافيه يارب ويخليلتس كل غالي