مساء الخير والرضا من الرحمن

بارت رائع جدا ربي يعطيج ألف عافية

===========================
(( مشاري -- حسنا ))

يا حلو جلستهم ويا حلو سوالفهم <<< شهوني أروح البحر <<< تخاويني غرنوقة

حلو مرور الذكريات السعيدة والممتعة من وقت لآخر تخلق جو ولا أروع وهذا اللي حلا جلستهم بزيادة

بتذكرهم لمواقف صارت لهم وهم صغار --ماشاء الله مشاري ما عندك وقت سيدة تغافلت هيفا وأخذت

الصورة --تدرين غرنوقة من وجهة نظري قد يكون مشاري حب حسنا الطفلة وبسبب هالصورة هذي

استمرحبه لحسنا الصبية وما زال --هل معقول محد من أهلهم أو حسنا نفسها لاحظت أن بعد طلاقها

على طول طلق زوجته الاولى --عندي أحساس ان حياتهم راح يصير لها شيء مش ولا بد <<<بس بليز خيبي توقعاتي

===========================
(( رائد ))

الله يثبتك على دينه وطاعته ومثل ما قال إمام المسجد قد تكون هداية رائد شافعة لعبدالمحسن على بعض

معاصيه ويغفر الله له لانه سبب رئيسي في هداية رائد --وأنت يا رائد استمر في الدعاء له والتصدق

لعل الله يغفر له --هل هداية رائد ممكن تأثر على زواجه سواء ايجابا أو سلبا ؟؟؟؟؟؟؟؟؟؟؟؟

=========================
(( مترك -- منيرة ))

ليش الكل من وجهة نظره أن منيرة قد يكون لها سبب بأن مترك يأخذ حبوب ؟؟هل السبب بس أن ما

صار يأخذ الحبوب إلا بعد زواجه منها ؟؟ أبدا مو سبب موقنع بالنسبة لي --شنوي يبي مترك من

منيرة وليش لحقها للمستوصف ؟؟هل تحسف أنه طلاقها أو توه يحس بالحب والشوق الكبير لها ولعياله

أو أنه لاحظ الفرق بين منيرة وبين منى وشاف أن المرآة الحياوية أحسن من غيرها ؟؟ وليش بهالوقت

بس حب يرجعها بعد ما حملت منى ؟؟ أضن مترك له هدف وتخطيط من التوقيت <<< احساسي

بس أتوقع منيرة حتى لو تحبه حيل بس مستحيل ترضى ترجع بسهولة وخصوصا بعد ما توظفت وإذا

ممكن تفكر ترجع بس عشان عيالها

========================
(( مشعل ))

وهذا سبب طلاقه من حسنا انكشف بس شنو المرض اللي يخليه يطلق زوجته اللي يحبها حيل هل هو

مرض ماله علاج أو مرض معدي ممكن يضر حسنا ؟؟ اتوقع يعني الطب تطور وما في مرض ماله

علاج بإذن الله -- وليش مشعل مو قاعد يتعالج أو بعد هالشيء ما عرفناه -- وهل ممكن يسوي

مثل زوج بنت عمته ويقول هذا ابتلاء ويقعد يضرب كف بكف من غير علاج

========================
(( هادي وخواته ))

اللحين يا هادي أنت شايف أختك طالعة من البيت بهالشكل ولا ما استوعبت إلا بعد ما شفت نظرات الناس

لها بالمجمع --الصراحة معاه حق يعصب لان عندي البنت سفور من غير مكياج طبعا ولا تحط هالنقاب

اللي تكفى لا تطيح نص الوجه طالع والعيون مرسومة ولا خطه حنان دشتي -- عنجد منظر مقرف بمعنى

الكلمة الله يستر على بناتنا وبنات المسلمين أجمعين --أما العمارة اللي فوق رأسها عاد هذي سالفة ثانية

اللحين اسمالله عليج ناطحات سحاب مو عماير تطوروا الناس ^_*

تدرين ذكرتيني بموقف صار بالكلية مرة بنتين تهاوشوا مع بعض ولما فكت بينهم الدكتورة لقت بساحة المعركة

ثلاث كماشات طلعت وحدة من البنات لابسة ثنتين << شفتي مو أقولج ناطحات سحاب

وأبد ما يتعضون أو يسمعون النصيحة ولا قول الرسول عليه الصلاة والسلام ((روؤسهن كأسنمة البخت المائلة))

=========================

ربي يعطيج العافية يا قلبي

استمري بهذا الابداع والتألق دايما

مشكوره غرنوقه على الاطراء ولله انتس اخجلتيني لبي قليبي اللي يستحي
بس تدرين غرنوقه احس اكثر روايه ادقق فيها وانا اقراء وبلا مبالغه روايتس
بقولتس ليش بما اني احب القصص الواقعيه واحب اعيشها بصراحه عشان كذا مافيه شي يمر الا اسئل واستفسر واحلل انتي ترسلين افكارس وانا افصفصها لتس
وبقولتس سر بعد بس اها عاد لا تنعتيني بخبيله انا بعد ماقراء البارت اقعد اسولف على نفسي وحط نفسي منيره مره وهوش على مترك ومره حسنا وتعذر من مشاري ومره هيفاء واتناقش مع طلال يعني بالعربي اعيش الدور


شوفي مثل العاده ببداء ببوعيون خضر ونور العين مناير
بصراحه احس اني اعيش متناقضات بقولتس وشلون
-حبوب نفسيه وعلاج نفسي واتهام منور انها هي السبب ويكاد يجزم الجميع انها هي السبه
ابي اعرف ليش الكلا ومنهم اخوها هادي يشوفون منيره سبب مرض الرجال النفسي البنت وشسوت يعني عشانها صبرت وتحملت ومافضحته صارت هي السبب عجيب ولله الناس اذا المره عوبا وملسونه وفضحت رجالها صارت مظلومه واذا هي ستيره ومحافضه عليه وساكته صارت هي سبب مرضه

_معامله سيئه وبرود عاطفي من مترك مع ان منور بادرت وضغطت على نفسها وتطبعت شي مهوب طبعها
النقطه هذي قريناها وشفنا منيره ضغطت على نفسها وسوت ليالي رومنسيه ومالقت الا السخريه منه والسفه وشتسوي يعني تجره غصب عشان تصير مره سنعه ومعطيه زوجها حقوقه

_اعتراف من صاحب الشائن مترك انه هو السبب في الفراق وهو السبب في طعن قلبه ومع ذلك يقول لاتجين انتي والزمن
اسمع ياهادي وانت يامشاري وبتال وفلان وعلان مترك بنفسه اعترف انه سبب الفراق والطعون وشتبون اكثر من البنت وبقول لها لاتجين انتي والزمن علي خوش ولله انا باذلتس وبحقرتس وماعطيتس حقوقوتس غيرتس عيشتها اميره وبادلتها العشق والحب وفنهايه اقول احبتس ومقدر على فراقتس انتي والعيال ياشيخ من تخف به لو هي تعنيلك شي مارميت عليها يمين الطلاق بكل برود في التلفون وعلى اتفه سبب وشو عشانه عشانها تاخرت في الرده البيتها

_ثقة مترك في منيره لابعد حد الدرجه ان اهم اسراره عندها وهو علاجه النفسي
لا يشيخ يقالك الحين عازها ومقدرها انك معطيها خبر جنونك عشان تحط في بالها ان اي تصرف سيىء يطلع منك سبته مرضك االنفسي مهوب مشكله ماعليه بنقول هذا السبب بس ليش منى بعد ماطلع عليها جنانك ولا على ناس وناس لا


_جعل منيره حالته النفسيه شماعه تعلق عليها اخطاء مترك
منيره انتي مقتنعه وانتي تبررين المترك فعله معتس ان سببه حالته النفسيه وانتس راحمه حاله زين بنسلم بالامر ونقول انتس خليتي شين فعوله معتس سببها حالته النفسيه انتي كانثى ماقد سئلتي عمرتس حالته هذي عليتس انتي بس ولا منى مثلتس ماقد خط في بالتس تستدرجينه بسئله عن حياته هو وياها ولا مترك عمره ماقد ذكر لتس علاقته الخاصه مع منى عشان يغيضتس او يحركتس اشوي اذا كان السبب على قولته هو حياتس وبرودتس معه صدقني مترك اللي يحب مايجرح حبيبه وبيفكر الف مره المتعه والحياه الحلوه اللي عاشه مع منى وهي مهيب بغلا منيره وشلون بتكون مع منيره وهي روح قلبه

_التناقض اللي فيه منيره تحبه وتفداه بنفسها وتبي الطلاق والفراق وبكل اصرار
ياترا يامنيره تحبينه كل ذا الحب الدرجه تمنين الموت بداله زين قلنا تحبينه طيب يهون عليتس تفارقينه انا بصراحه اذا تحبين مترك حاربي عشان بيتس وابو عيالتس خاصه انتس شفتي وشلون هو يبيتس ويبي يرجعتس ولا تجين سلبيه قولي اللي بخاطرتس له واذا مترك له مطالب يبيتس تسوينها بعد انتي لتس حقوق ولازم هو بعد يسويها

_كلمه قالتها منيره وقفت عندها فتره ياترا وش الممقصد منها (ومتى سيتحسن حاله خصوصا" مع بداية ظهور هذا الخبر’)ياترا وشهو الخبر يامنيره اللي تكلمين عنه هل الخبر اللي ظهر هو خبر طلاقتس ولا خبر علاجه النفسي
هل بديتي يامنيره تفكرين في ان مترك بتتحسن حالته معتس بعد مايعرف غيرتس خبر علاجه وان فيه من بيشيل الحمل معتس

هذي غرنوقه التناقضات اللي اشوفها في موضوع مترك ومنيره ودايم احدث نفسي واحاول القى لها مبرر



ممتاز هادي خل تدخلك بموضوع منيره ومترك بعقلانيه لا تظلم منيره لان بطلاقها من مترك فيه ظلم لها وخاصه انك انت استشفيت الشي هذا من منيره يوم قالت (لوأقدر أجي بينه وبين الموت جيت)
تاكد هادي انها تحبه ومن الخطاء انه يفرق بينهم ويذبح اخته ويذبح مترك


اعجبتيني يامنيره يوم رفضتي تقولين الهادي عن حالة مترك حتى بعد اللي صار محافظه على سره مترك معه حق يوم امنتس سره


لبي قلب الرومنسيه يامشاري توثمتي فيني غرنوقه معاد ابي الا مثل رومنسية مشاري بقعد احن على ابو الشباب يصير مثل مشاري وشزود حسون ترا بصكها بعين


تدري عاد تحسب نفسك احسنت بحسنا يوم طلقتها يامشعل ياخي الاعمار بيد الله والطب تقدم ومابه شي مستحيل تحرم البنت منك وتحرم نفسك منها عشان يمكن انك تموت وترملها هي وعيالك ياخي مومشكله عطها خبر شاورها مهيب شريكة حياتك وبعدها عاد شف وشهو جوابها يمكن ماتبي يفرقك عنها الا الموت وبعدين حتى لو منتب مريض مت في حادث او سكته قلبيه يعني ضامن عمرك ماتموت قبلها الا بمرض
لكن ام مشاري داعيتله بليلة قدر وخذ اللي يتمناها قلبه ولا ماكان متوقع انك بطلقها وانت تحبها كل ذا الحب وحسنا نيتها زينه اللي خذت مشاري يعشقها حد الجنون وشافت منه اللي ماشافته عندك حتى لو انت حبها الاول مشاري حببها فيه
كمل جميلك يامشعل ولا تقول الحسنا عن سبب الطلاق عشان ماتخرب حياتها مع مشاري


وعععععععع ياملغ ذا النقاب ياخلود ولله انه يشينتس اكثر مايزينتس ماغطا الا الثم والدقن الخدود طالعه والعيون والجبه هذا ستر ولا اللي زاد وغطا البرنيطه اللي فوق الراس باللى عليتس ابي اعرف والش الزين فيها خلفه من سوتها تحوم كبدي
عليك فيها ياهادي الله يخلي للحريم رجالها ولا لو الراي بيدينتس كان علوم اولها تبين تدرسين اختلاط ولحين بذا اللثمه والبرنيطه


يعمر عيني ياوسميه لبي قلب اليتاما سو خير ياناصر وخذ امهم واكفل اليتاما وخل هدى على عيالها ورها العين الحمراء زين مدري احس ناصر بيتزوجها الطيبون للطيبات
عندي احساس ان وسميها بيكون لها دور في بيت امها وهي اللي بتعين دلال على امها وبتوفق بين مبارك وساره بالزواج بعد ماتاخذ ناصر طبعن <<<فيس يقول وشعندها الخطابه


اللي يخاف الله يخاف الله بخلقه رائد منتظره حياتك مع عليا مدري ليش احسها بتكون في قمة الروعه والمثاليه خاصه انكم الاثنين لاقين على بعض في السنع والاحترام

غرنوقه بعد ردي هذا مابي بس الاوسكار ابي جائزة نوبل وجائوة الملك فيصل على تحليلي تراه متعوب عليه <<<وحده صدقت عمره انها فلته
الله يجزاتس الجنه غرنوقه ممتعه وربي في بارتاتس لاتحرمينا منها ترا صارت مثل المويه بنسبه لي وصرت انا سمك اذا قطعتيني منها اموت مارضا تقطعينها الاي سبب كان يرضيتس غرنوقتي اموت <<<فيس يقول خلاص ارحمتس غرنوقه وماراح تقطع او تاجل
الله يوفقتس يارب ويسعد ايامتس ياغاليه



ايه غرنوقه تمعني في ردي على مترك ومنيره وعطيني الاجابه اللي تريحني موضوعهم بجد شاغلني وكثير افكر فيه
اي خطاء املائي لاتحاسبيني عليه اكتب وانا حرارتيي 40درجه والبندول شغال من الصخونه وماراجعت كتابه <<<فيس يقول حتى لو ماصخنتي ماعمرتس راجعتي ولاخطاء كوم