غرنوقه تسلمين فديتج عالبارت<< الفيس راعي الورود

حسنا ومشاري

مع انها قاهرتنيه.. بس احسن شي انكم اتفاهمتو.. وهي عرفت غلطتها<< فيس طيب وحنون.. حليلك والله.. انته الزعلان وانته اللي تراضيها.. صدق اللي قال.. يضرب الحب شز بيذل<< فيس يهز راسه باسى

رائد

متروع<< فيس مستغرب.. هزرك لان عرسك جرب.. وما تبي تظلم البنت وياك<< فيس يفكر وياه.. ولا بيستوي لكم شي وما بترومون تردون البلاد<< فيس شيطان

معالي وهادي

اممممم.. انا وياج وضدج.. المفروض تنبهينه.. وتقولين له انه لازم يعطيكن خبر.. بس في نفس الوقت.. قسيتي عليه وايد<< فيسي الحنووون.. اروحه حليله مغتث.. ويظهر من مشكله يدش في الثانيه<< فيس متعاطف وياه

نترياج حبيبتي<< الفيس راعي الورود

حي ذا الطاري ايوللى قلبي تولع بالرياض ياحبي للرياض واللي يحب الرياض غرنوقه اول شي اشكرتس بنيابه عني وعن اختي و حبيبتي وسميتي نوفاني على البارت اللي لعيونا
ثاني شيء انا شرهه عليتس اضيوفتس يجون عندنا ومايلفون عليان وشوله الهلتون وبيوتنا ومجالسنا مفتوحه امنتس الله تسيرين بشباب الكويت علينا
ثالث شي مشكوره الف شكر على الاوسمه والنجوم والحسيه والمعنويه <<<<<فيس طماع يبغى المزيد


اول ببداء بسالفة منيره ومترك تدرين غرنوقتي احس منيره ماحبت مترك ولا لو حبته كان قدرت تتغلب على حياها وتحاول بقد الامكان تسعده صدقيني المره منا تحاول توفر الزوجاه الراحه اذا حبته لان راحته من راحتها منيره رزقها الله من مترك عيال وشافت ان المره تضغط على نفسها وتعيش مع رجالها حتى لو ماحبته وعيب انها تصرح لامها وخواتها عن اللي تحسه مع مترك يمكن تكون من النوع اللي ينقرف من قربه ومن شدة حياها ماتقدر تقول اسبابها وشافت انه من الاحسن تصبر وتربي عيالها
غير كذا الزواج رضت له يتزوج عليها واصعب ماعلى المره ان زوجها يبادل غيرها مشاعر الحب اللي كان يغرقها فيه يعني بالعربي لو منيره يهمها الامر كان غيرت عمرها عشان حبيبها مايكون الغيرها واسعد ماعندها فراقه واول ماسوت هو الغاء صورها معه اللي تحس انها اخر شي بيربطها بمترك تخلصت منها كلها
ولا طلبها التعجيزي منه اذا بغى يردها يعطيها بيته ويكتبه بسمها
احس ان مترك ماراح يرخص بمنيره ومع الوقت بيحس بفقدها وبيحاول بقدر الامكان يردها وراح يكتب البيت بسمها
بس تبي الراي غرنوقه احس الخطا راكب مترك لانه ماحاول انه يكسر الخجل اللي فمنيره ولا حاول يتقرب منها هي بزر وعارف انه تزوج منيره صغيره يعني على قولتهم عجينه يكيفه بيده ولا يبيها من تزوج على طول تنط بحضنه البنت يبيلها تعليم وتدريب يام وياما الرجاجيل اصبرو على حريمهم سنوات وهو من اول اسبوعين يبيها تفلها معه حتى ماحاول يحببها فيه شكل الرجال دفش وعملها بدفاشه ومنيره ابد ماشافت معامله زينه وحنيه تحسسه انه يحبها ويبي قربها بالحسنا مترك حسس منيره ان غرضه منها هو نوم الليل وبس ولا غيره لا الله يلوم من لامتس يبنت عبدالله
مترك تبي شوري رجع ام عيالك وخل عنك منى اللي مهيب لك ولا انت لها وغير معاملتها وتقرب منها لين تصيد نفسها بعدها بتعيش وبتعيشها بهنا<<<<<شفتي وشلون موضوع الزوجه الثانيه ينرفزني لو بتكلم منذا لين بكره ماراح اسكت الله يكفينا شرها ويخليلي ابوعيالي ولا يشاركني فيه احد قولي آمين



الله عليك يامشار ولله انك امير بصراحه اعجبتني بلمك الموضوع ولله لو انك منتب عاشق ومعلن جنونك بحسنا كان ماعديت الموضوع ياخي علم شين الحلايا مترك اللي ماصبر على الضعيفه منيره ويقول بعد يحبها هو ووجه رح ياشيخ لو تحبها ماحريتها وحرقت قلبها<<<<فيس يقول تروحين وتردين على سالفة مترك ومنيره



الله يستر من اللي بيصير للعيال تدرين وشاللي احسه احس الموضوع بيطول رائد
ماراح اقول حادث او غيره لا اتوقع ان احد الشيبان في الرياض بيعطي بنته الرائد عادت بعض الشيبان الله يهديهم كاعجاب فيه قدام الرجال وهو ماراح يرفض الموضوع حتى لو متملك بس تكفين لا تسوينها انا حبيت عليا احس فيها بريئه وكافي اللي جاها من جابر وبعد مرضاها على بنت الرياض وراح اقف بصفها لاتحطيني بين خيارين خلي رائد يحولها على الشباب العزابيه اللي معه حتى لو مغزلجيه ماعليه بنت الرياض بتربيهم <<<<فيس واثق من توقعه


غرنوقه ابداعتس يزيد بارت عن بارت تخلينا نتريا البارت على نار وشرايتس تحطين ثلاث بارتات في الاسبوع <<<<فيس صدق بغلاه عندتس وقام يتدلع عليتس

مساء الخير والرضا من الرحمن

الله يعطيج العافية يا رب بارت رائع كالعادة
==========================
(( رائد ))

ليش كل هالعصبية والقلق اللي عايش فيها ؟؟ ومنو هالشخص اللي رايح يعينه هل هو صديق أو بينهم معرفة ؟؟

أما بالنسبة للاحساس اللي يحس فيه وأن أحساسه دايما يصيب <<ممكن يصير عليهم حادث بطريقهم وهم راجعين <<< فال الله ولا فالي

أو ممكن احساسه يصيب بشيء متصل بسارة وأنها ممكن تتزوج شخص غيره (جابر مثلا )اللي ممكن يستقل غياب

رائد ويكمل اللي اتفق عليه هو وفهد --- وإذا كان رائد حبه لسارة ماهو من سنه أو سنتين ليش تتزوج غيرها أو ليش

تضحي بحبك لها على عشان الحميه اتجاه عليا <<<أنا ما زلت أتوقع أن الشخص اللي يدق على بين أبو ناصر هو رائد بس

عشان يسمع صوت سارة >>>

أما بالنسبة لربع رائد وخصوصا فارس وعبدالمحسن وسالفتهم على البلاك بيري <<< الله يجيرنا منه ومن بلاويه

الصراحة هالجهاز بلوه الله يكفينا شرها <<< حلو ثقة عبدالمحسن بخواته وأن مو إذا هو يسوي هالشيء ممكن خواته

يسونه << وبعد مستحيل أعطي البنت بلاك بيري وأقول أنا واثق فيها وأخليها من غير رقابة لان البنت مو عايشة بروحها بالحياة

أكيد عندها رفيقات بيأثرون عليها لو شوي بس

=========================
(( مشاري --- حسنا ))

حلو احساهم ببعض وأن كل واحد يفهم الثاني وعارف احساسه والاخلى حاجتهم لبعض << وهذا شيء يمكن قليل نشوفه

بين أزواج هالوقت اللي كل واحد همه نفسه بس وما يراعي احساس شريكه <<وهذا بسبب كثير من المشاكل بين أزواج هالوقت

ياربي اللي كنت خايفة منا قاعد يصير هو تدخل أم مشاري بحياتهم على سالفة الاعيال <<< ممكن يكون من حقها أنها تشوف

عيال ولدها بس مو لدرجة أنها تدخل بحياتهم يمكن تدخلها موبشكل سلبي بس بالاخير أكيد راح يأثر على حياتهم مهما أنكر مشاري

<<<حلو أنها تتمنى العيال لحسنا بعد وأنها عارفة انها شفقانة للعيال << أما سالفة المرة هل قصدج دجالة بالمعنى اللي وضحه

مشاري ؟؟؟؟ أو أنها طب حريم وعرب << إذا هذا انا ما شوف فيه شيء بالعكس يا كثر الحريم اللي أعرفهم ما فادهم الطب بشيء

بس بعد رحمة الله ومشيئته فادهم طب الحريم

=========================
(( مترك --- منيرة ))

الكل كان انتقاده على مترك ليش طلق منيرة هالبارت بينتي السبب اللي ليش منيرة ما جت على هواة <<< يمكن كان مترك متصور

أي وحدة تتزوج أكيد أنها تعرف كل شيء عن الزواج وأن الحيا لازم ينشال منها طبعا هذا فكرة أغلب الرجال ولو حصل هالشيء والمرأة

تجرأت معاهم شوي قالوا أنتي شعرفج بهالسوالف من قبل <<< طبعا اللوم كذلك لمنيرة يعني أنتي اللحين مرأة متزوجة لبس اللي ببيت

أهلج ما ينفع تلبسنه عن زوجج يمكن هي مو جهل منها بس الحيا لعب دوره هني بشكل كبير ----

يعني مترك كان مستحمل كل هالسنوات واللحين بس حس على روحه أن منيرة ما جت على هواه <<أتوقع فيه سبب غير ان منيرة كانت

جاهلة بأمور الحياة الزوجية <<<< نشوف بالبارت الجاي
===========================
(( معالي ))

حلوه علاقتها مع زوجها الله يديم عليهم المحبة يارب عبدالعزيز شخصيته حلوه ومرحة

معالي حيل قست على هادي بلومها كان لازم عليها بالاول تسالة شنو سويت بعدين تلومه على تقصيرة إذا كان مقصر

الصراحة أنا حيل تعجبني شخصية هادي وحبه وخوفه على خواته والحلو اللي فيه انه ما يطلع أسرار أي وحدة عن الثانية

حتى لو هي أختها

===========================

مشكورة على البارت الله يعطيج ألف عافية يارب

استمري دائما بهذا الابداع

الغرنوق جزء رائع

الجزء كشف سبب تجافي بين متروك ومنيره
هو جهل منيره وصغر سنها ومتروك هو ارادها كامله
وهو لم يعلمها او يصبر عليها
حتى يوم اشتكت لمعالي عاتبها ووشده عليها لم تفهم صغر سنها او جلها وهي غلطتهم من البدايه


احساس رائد انه سيحدث لهم مصيبه اعتقد صحيح
وذكرياته بمعشوقته وكيفيه تعلقه بها وكيف انه خسرها

معاتبه معالي لهادي
بانه يفعل كل اموره بدون وضع لهم خبر او اعلمهم بمايفعل
هذا يعطيهم احساس انهم لا يعنون لهم شي

نقاش عبدالمحسن وفارس حول البلاك بيري ومساوه
لكن نسي كما تدين تدان

تصرف حسنا وانها تغاضت عن حوار مشاري وامه وجعل لهما خصوصيه تصرف جيد



دمت بخير