كاتب الموضوع :
الغرنوق
المنتدى :
القصص المكتمله من وحي قلم الاعضاء
اقتباس :-
المشاركة الأصلية كتبت بواسطة NoOoFy  |
افااااااااا بس سويتيها غرنوقه مع اني مقرره ان الروايه هذي لها خصوصيه عندي و اولويات بتعرفينها انتي وبس والوعد راس تنوره
وبعدين تعالي وين اللي وعدتيني فيه تراني الى الحين مانسيت
بما ان بارت اليبت مارديت تحملي هذرتي وتصديع راستس
ههههههههه لاتقولين افاا كلش ولا زعلج انتي
وانتي لج خصوصيه عندي بعد فديتج
هههههاااايييييي اي صح الوعد راس تنوره --ياحلوج نوفي
لبيج اهذري مني لين بكره
لاتتعجبين مني ام المزيونه اليوم ماراح ابدا الا بام تركي ولله ان الاسم منتس بريء صدق قهرتيني ماكفاتس اللي سويتيه بدلال ومشعل قلت اكيد بتختزي وتستحي على دمها وتترك خلق الله
الا واشوفتس متبليه ذا الضعيفه
زين ان قلبها مازاغ وعقلها ماطار ماتخافين ربتس في ذا البزر
كبيره يالعجوز سواتس
زين هي وش ذنبها ولدتس يسوي عملته وتبلين البنت هي اللي متضرره مهوب هو
الولد ناقل عيبه لكن البنت هي اللي انهانت وطردوها اهلها عاشت مثل الشغاله لولدتس جلس فتره مايشوفها شي لين عرف معدنها وانه هو سبب ضياع البنت ونواياه الخبيثه لو هو ماطلع بطريقها كان البنت
الحين فبيت اهلها وبين امها وابوها واخوانها
ويومتس تبين ظناتس وتحاتينه ليش ماعويتي البنت واكرمتيها
خافي ربي انتي ارعبتيها واذا شافتس لو ضميتيها بتزيغ عيونها منتس اللي سويتيه فيها مهوب شوي
خلي ساره ومبارك عنتس وشوفي ذا الضعيفه اللي معاد هيب راقده الليل والسبب انتي يقلبي عليها مثل البزر كل ماسكتت بحضن زوجها وسلت تذكرت شكلتس ورجعت تصيح بعبع انتي مهوب مره
ام تركي مثل اللي حطت حرتها باول شي قدامها
يعني هي محتره من تركي ومن كل عيالها اللي ابتعدوا عنها فقالت مالي الا ذا الضعيفه اجني عليها
شوفي لو عودنا للحق كل ام تشوف ولدها اخطى وتزوج وحده يعرف من اول صدقيني بتاخذ موقف كبير من هالمره وهي ماشافت خير هالريتاج من شرها وللحين ببالها ان ولدها الضحيه وهي اللي لعبت عليه
فاخذيها من هالجانب وبالنسبه لجابر لايغرج تعلقه بامه بس هو اقوى شخصيه من تركي
تصدق كل مالي وازيد اعجاب فيك يولد شكلك بديت تمحي صورك السيئه يجابر
اللي سويته وتسويه الريتاج مايجحده مخلوق
واحلا حركه يوم عبرت ريتاج وثقت زواجك منها وزفوك انت وياها بصراحه روعه الحركه
الا قلي منهي فكرته انت ولا وسميه ولا هدية مشعل لك
تصدق بسواتك هذي تعزز الثقه بقلب ريتاج وتمسك فيها وانك نسيت اللي صار بينكم وسبب زواجكم
مع اني اعرف بحبك لامك بس انت عشت اللي سوته امك بدلال وعارف وش كثر عانت من امك حتى تركي نفسه عانا منها وماكان مرتاح معها والنهايه تركها وفر بمرته لا تسبب لها عاه جسديه ونفسيه
يعني حتى انت يجابر اذا قربت ريتاج منها وهي بذا العمر راح تتعذب وبيصيبها المرض دلال بنت اخوها وشالتها بالاسعاف اجل ريتاج اللي كارهتها قبل شوفتها ميته ميته لامحاله ولا مصيرها مستشفى الطب النفسي
ام المزيونه انا وسبق وسئلت هل الناس يعرفون باللي صار بين ريتاج وجابر ولا معروف عندهم ان زواجهم طبيعي مثل اي ثنين
الحركه فكرة وسميه حتى هو مايدري عنها وصدقيني جابر لو مافيه بذرة خير ماتغير للافضل
بالنسبه لموضوعه هو ريتاج الظاهر للناس انه خذاها من غير رضا اهلها واهله بس مايدرون انهم مسوين حادث وهي معه الا اهله الخاصيين واهلها ابوها وامها واخوها بس
مبروك الف مبروك ماجاك يبتال ولله اني كنت متاكده انه ولد ليتني قلته عشان اخذ رتبه بس تعالي وشنستفيد من الرتب مثلاً بتجمعين رتبتين ثلاث والهديه بارت
اعجبني خوف بتال على ريمه ايه كذا الرجال ولا فلا
خفت من حالت ريمه وشذا اللي يجيها البنت سوت العمليه وشوله كل ذا الالم لايكون نسو فيها شي من ادوات العمليه
تصدقين ام المزيونه ان وحده اعرفها بعد ماسوو لها العمليه وجابت بنتها وهي بكريه كله تصيح من الالم في بطنها بس يعطونها مهدئات طلعت من المستشفى وتمت سبوع في بيت اهلها وهي بتموت من الالم ماخلت امها دو ولا طب ماعطتها حتى ان الحريم اللي يزورونها كل وحده تعطي طب اللي تقول براد واللي تقول جزء من المشيمه وهلما جر
تدرين بعد ماماتت البنت وجاتها حالات اغماء راحت للمستشفى ومجرد ماكشفو عليها صار الدكتور ناسي احد المقصات بطنها
هل يعقل ان ريمه ناسين بطنها اله من الات العمليه ولا وش هذا الالم اللي تحس فيه
لازم بتال تطلب فحص كامل الريمه وبلاه المهدي اللي كل شوي يعطونها
حبيبتي ماتنحط النجوم الا عشان تترقون وتاخذون رتب اعلى يعني انا من غير نجوم ارقيكم شفتي احد بالداخليه والا الحرس سواها قبلي؟؟^-^
بتال سوا اللي المفروض اي رجال يحب يسويه واللي مرت فيه ريمه موب شوي الله يعينها
احححححححح الله يرحمها يارب ويغفر لها والله ان المصايب واجد الله يجيرنا منها ولانشوفها بغالي
الم ريمه طبيعي لانها والده طبيعي بعدين سوت عمليه يعني عادي
حركه حلوه يهادي اللي سويته مع خلود فعلن تهادو وتحابو اكيد ان هديتك الخلود وكلامك معها له مفعول كبير عليها خاصه ان البنت تحس انها فقدت ابوها ويمكن عقلها الباطن يقول ان دخول غلا بحياته هو اللي خلاه يتغير عليها لو ماكان للبنت يد باللي صار ولو هي متاكده من هذا
بعدين خلود داخله على حياة جديده مع شخص كارهته وظانه فيه الشينه يعني البنت مضطربه نفسيين الواجب ان هادي مازاد توترها ويعرفون ان التعامل معها يكون بطريقه خاصه يمكن ردها على هادي من التوتر اللي هي عايشته يوم قالت ماراح اتزوج وبقعد عند امي
وانت يهادي هل سؤلك الحسنا عن خواتك ناتج عن كلامهم عنك يوم سالفة البيت
يمكن حسيت انك ابعدت عنها بعد زواجك ومثل ماانك شفت ان حالت امك زادت سوء يمكن بعد تشوف خواتك ان فيهم بلا وانت ماتدري عنهم
حلو انك تسئل عن حالتهم بس بعد مهوب حلو انك تتعب نفيك وتحس بذنب وتفكيرك يروح انك مقصر وبعدت عنهم
وبعدين تعال الا لازم فحوصات برا يعني لو يجيكم وخز ابره على طول برا زين ارسلو عندنا هنا مستشفيات كفو ولله ان السعوديه ابرك من ديرة الكفر حللو وشوفو اذا مافيه علاج بعدها سفرها بس صدقني ام هادي مايبيلها الا راحة البال والزعل وشيلة الهم هي اللي يزيد الضيقه بقلبها
هادي انوجع منها واوجعها بقد وجعه منها يعني فعل وردة فعل
وبالنسبه لهادي وخواته ماسال لانه يشوف تقصير منه لا بالعكس هو علاقته بخواته مثل الاول واقوى بس سال لانه يشوف امه تتعب ولايدري وين السبب والقلب ارتباطه مع التوتر والتعب النفسي
والفحوصات ياالنوفي ماعاد عندنا مستشفيات سنعه اكيد بيطلب يسافر براا افضل من اللي عندنا
افاااا يمشعل ائوام كدا نسيت حسنا وين الحب وين الهيام وين عشقك الحسنا
تصدقين غرنوقه دار برواية بعض العيون حقدها في نظرها نقاش جد روعه عن حب الرجل الزوجته وعند زواجه بثانيه او تركه الزوجته وحبيبته وزواجه من وحده ثانيه
كل وحده قالت وجهت نظرها بس من خلال الحيات اللي حوالي ومن خلال ابطال القصص اكتشفت ان كل رجال يختلف عن الثاني فيه منهم اللي اذا حب مانسى حبيبته لو تزوج غيرها وهذا على سبيل المثال مترك وحب منيره مابدله بغيره ونى مانسته منيره مشاري وحبه الحسنا زوجته مانسته حب حسنا بقلبه
هذا بتال يوم حب فلك
في حين اختلف عنهم مشعل على جنونه بحسنا حب عبير وعنده استعداد ينسى حسنا وبعد عبير
ومثله وسميه ورائد ومبارك وهادي وحسنا
وفيه منهم اللي يحب الثانيه بس مايقدر ينسى الاولى ومنهم اللي يحب الثانيه ومايجيب خبر الاولى
مشعل انت من اي نوع اتوقع انت من اللي بيحب الثانيه من غير ماينسى الاولى حتى لو حاول يتناساها
تعجبتني محاولتك بنسيان حسنا حتى يوم عبير ذكرتك حسنا بالميك آب طلبت تمسحه من غير ماتجرحها مبادراتك جد رائعه وبصالحك حياتك
واعجبتني نقطه ماشاءالله عليتس غرنوقه اثرتيه وخليتي مشعل ينتبه لها وهي صراحت عبير المشعل في اول حياتهم
شوفي الرجال عاطفته موب زي المره لاحب بقوه ومن قلبه لايمكن ينسى حبه مثل مشاري اعرس وباقي يحب حسنا وخذاها وهي قلبها مع طليقها ومازال يموت فيها
بس مشعل يحب حسنا صحيح بس موب زي ما مشاري يحب حسنا وصدقيني الانسان لو حط بباله سوا مره او رجال ان الزوج او الزوجه هم الحاظر موب الماضي بيكملون صح لكن ان يبرمج قلبه ومخه وعاطفته مع شريكه السابق اكيد مابيتعدى هالحب
والرجال عموما" عاطفتهم بالحب اقوى وبرضو العكس صحيح لو كرهوا الكره يصير مضاعف
ولو حبوا يقوون هالقلب بيقدرون يتعدون مرحلة هالماضي ويعيشون الحاظر
بالنسبه للثنائيات صدقيني الماضي باقي بذاكرتهم لكن فيه اللي قدر يتعايش مع الحاظر بسهوله وفيه اللي خذا وقت مثل حسنا
وهذا مقصدي من عتبات الماضي بين كل ثنائي والثاني شلون بيكون مرحله وانتهت وحاظره بيصير مرحلته اللي بيكملها00؟؟
والنقاش روعه يانوفي وبخاطري نتناقش اكثر بعد لان احس انا وانتي وكم اسم بس اللي ناخذ ونعطي مرات احتاج آراءكم بالشخصيات وبالمواقف موب رايي بس اللي احطه بالروايه
تصدقين ام المزيونه انا من وجهت نظري اشوف افضل شي بين الزوجين المصارحه تقول اللي بخاطرها له كله بلاش من المكابره او قولت كرامه لا اذا بخاطرتس شي عنه او عن احد حاستس ومئثر على حياتكم قولي بغض النظر عن مدى التقبل منه للموضوع بتقولين الرجال مهوب واحد فيه منهم اللي بيتقبل الموضوع وبيناقش وفيه اللي مايرض ولا يتقبل صدقيني اذا ماتقبله المره هذي راح يتقبله اللي بعدها ولو ماكان له مشاركه او ردت فعل اللي بعدها بيكون غير لاتخلين بخاطرتس عشان ماتتعبين ولاتتعبين غيرتس
فيه حريم تقول هو ماصارحن ولا قالي ولا فعلي ليش انا اصير كذا كتاب مفتوح اخباري عنده وعلومي بصير غامضه مثله وشلون تمشي الحياة بينكم
صح صح صح المصارحه وانا لولا المصارحه مااتخذت قراري اللي اعيشه عليه
وياشين الكبت والمجامله بهالموضوع
مسكينه منيره الخوف ذبحها وحالت مترك الاوله ارعبتها
صحيح انتي غلطتي يوم قلتي له عن منى لان الفتنه مهيب زينه وانتي جربتي الظلم وهي ابد ماغلطت مجرد انها بسياره وسلمت امها على عيال عمه هي وشلها من الدخل بس يمكن تكون هذي هي اللي حركته الطلاقها
مترك ياترا وش اللي خليت منى توقع عليه
تدري ظني فيك مايخيب يمكن انك شريت لها بيت وان عزت نفس منى وكبريائه رافضه البيت
لان مترك قبل قال انه حاس بظلمه المنى ولازم يكفر عنه بما انه ماقدر يحبها او يعاملها كزوجه
ماقالت يالنوفي الا من حرتها منه
يعني تخيلي اخوج مرته رايحه من غير شوره عشان تعانده لمكان مختلط بالله عليج موب الواجب يدري
موب الرجاجيل يسولفون بحركة مرته من قفاه وانتي تتفرجين00؟؟
لاغلطت ياالنوفي لان المسره مختلطه ورجلها مايرضى فليش تعاند00!!
مهيب فتنه قد ماالموضوع تنبيه انتبه ياللي مسكنها تحت ظلك الحركه بايخه يالنوفي تربينا على حدود وهذا احنا البدو ياابيض يااسود واي شي يمس سمعة المره لو شافها احد من اخويا مترك وش بيقول00؟؟
سيارتها وتسوق يعني معروفه للكل
لو علاقتها حلوه فيها بتقولها وتعاتبها لكن بما ان الموضوع يمس زوجها شخصيا وهالانسانه تبي الانفصال فدور منيره هو المواجهه اما طيبة القلب فتخش شوي بالثلاجه الين تخلص سالفتها^-^
غرنوقه مثل العاده بارتات كل واحد يزايد على الثاني مثل ماعهدناتس
وعسا الظروف دايم تصير مثل اليوم وتنزلين ذا الوقت لان تنزيل الصباح يغث حتى اذا قرينا مانقدر نرد بسبب التعب لان الرد اقلها ياخذ وقت اكثر من ساعه تسلمين يقلبي
|
لبيج والله هههههههه ابشري بحاول انزل كل سبت وثلاثاء بهالوقت لانه انسب لي وانسب لكم انام وانا مرتاحه ان الكل قرى واستمتع
الله يسلمج ياروحي
|
12-04-11, 09:38 AM
جديد مواضيع قسم القصص المكتمله من وحي قلم الاعضاء
العرض العادي
