كاتب الموضوع :
الغرنوق
المنتدى :
القصص المكتمله من وحي قلم الاعضاء
غرنوقه لاتشكيلي وبكيلتس يانا عانيت من بنات المدرسات تقولين مافي المدرسه الا هم ولا زود ماهي تهدد بامها المدرسات الثانيات يراعونها علشان امها بس تطمني ماكنت اسكت عنهم
انا شخصيتي غير انا كنت اللي ازعل عليهم وهم اللي يراضوني لاني اول شي شاطره وشطارتي بيدي مهوب بامي ثاني شي شخصيتي قويه ولي نشاطاتي في المدرسه من الاذاعه الصباحيه الى الحفلات مجالس الامهات وكنت لي قبول عند المعلمات ويطلبوني عشان نشاطات المدرسه وامي طبعن كانت بستمرار تسئل عني وانا اقول لها كل شي عشان كذا بنات المعلمات هم اللي يدوروني ومع ذالك اعاني منهم ومن امهاتهم ورتس قلتي البنتي وراتس مامشيتي مع بنتي وياللى من ذا الموال واللي يقهرني اذا لقيتيها متربعه مع المعلمات بغرفتهم وانتي من تطلين براستس من الغرفه صرخو عليتس ذيك الحزه تموتين قهر
............................................................ ..............................
:حيا الله ام رشود:حياك ربي يافهد
:تسمحين لي بنص ساعه من وقتج00؟؟
:لك وقتي كله امر 00؟؟
:الله يريحج يابنت الحلال كنت احاتي تضيقين علي او تفهميني غلط
:لاتحاتي ولاشي امرني00؟؟
:ريحتيني ياوسميه كنت احاتي انج موافقه عشان خاطر ابوي
:وتبين الصدق ياوسوم
ابيج تعرفين شي واحد وبس
اني مااقدمت على العرس الا عشاني ابيج انتي
ان شالله اقدر اسعدج ولااخيب امالج
[COLOR="Blue"]حوار مريح جدا للطرفين مش فهد وبس حتى وسميه ياتر وسميه مافكرت مره ليش فهد اختارها هي بذات مع انه شاب وصغير وسمعته زينه واي عائله يخطب منها بنت بنوت بتقبل فيه بدون تردد وش اللي حده يخطب وسميه حب رشودي ورغبته يكون ابو له ولا فعلن فهد يحب وسميه وكان الحب هذا يقمع بقلبه لاسباب عده اولها يمكن هو معرفته بحب وسميه المشعل ثم بعدها زواجها من سعود على العموم فهد الى الان غامض لنا ومابان منه لازين ولا شين ولانعرف باللي حده على الاختيار هذا اكيد مهوب معقوله انه اختارها عشانه يرتاح لها ومتعود عليها وهي جريئه معه لصغر سنه وتشوفه اخو صغير
الاهم اللي ريح فهد للزواج هو موافقة وسميه عليه وبقتناع وسمعها بذونه [/COLOR]:تقضي من اليوم وتبيني اوديج حاظرين للحلوين بس تاجيل اسمحيلي
حركات يشيخ ورمونسيه بعد ولله منتب سهل تستاهل ام رشود اللي شافته بحياتها مهوب شوي حبت ولا نالت وتزوجت يوم رضت بواقعها وزوجها خذه الموت الله يحنن قلب فهد ويشوفها نور عينه ومايفكر ياخذ عليها شريكه موهب يطلع لنا بقولت انا خذت وحده متزوجه وبجرب اخذ البنت وهي تحمد الله انها خذتني ومنذ الكلام اللي يغث دايم المره المسكينه
............................................................ .....
منى بتعب,,
:مو عاجبني ولاعاجبتني قعدتك اربع وعشرين ساعه مجابلها
خير ان شاءاللله الحين طالبين بحقوقتس اقول انثبري بس هذا رجالها قبل مايشوف خشتس ياكرهي لدخيله اذا طالبت بحقوق مهيب لها وتغار من الاوله وهي الاحق صدق اللي اختشو ماتو انت بوسي يدتس وجه وقفا اذا نام عندتس ليله الرجال له بيت واطفال بحاجه له وبعدين تعالي انتي عارفه انه يموت على تراب رجلين منور وماحده على الزواج الا ضروف قاهرته يعني مهما صار منيره المبداه عليتس وما الحب الا للحبيب الاول
منى بغيره,,
:شلووون يعني عشاني مايبت لك العيال 00؟؟
مترك بتهدئه,,
:هدي يابنت الحلال العمر قدامنا وبتجيبين لي العيال وطيب الفال
وشلون غرنوقه مهيب منى كانت حامل بشريني تكفين طاح البيبي ولا مات خلي مترك اذا ناوي يطلق مايكون الولد هو العقبه بطريقه يمكن صار وانا ناسيه
تكفى مترك اذا منى مهيب حامل طلق يرجال مالك بالغثا وجمع الحريم ولله مامن جمعهم الا غثا وشر تكفيك منور ام عيالك وبيت واحد ترتاح فيه وتنصاه بدون غيره ولا وجع راس لو كان المنى شي بقلبك قلنا ماعليه لكن ماتحبها وشتبي فيها خل تسهل وتشوف نصيبها مع شخص ثاني وانت وجهه اهتمامك البيتك وزوجتك وعلى فكره نبي بنوته على امها خل منيره تحمل بنوته حلوه تفرح فيها وتغير حياتكم ترا وجود البنت مهوب مثل العيال
وبعدين تعالي منى الرجال بيروح مع مرته وعياله ثلاث شهور انتي وين مكانتس من الاعراب لو كان لتس ذرة حب بقلبه كان خذتس انتي احسن للسفره مامعتس عيال وماراح تثقلين عليه لكن مترك مايبي الا منيره وقرب منيره منى خوذيها من اخت تحبتس <<<<<فيس يرقص حواجبه من عظم الكذب اسمعيني ضفي وجهتس وخلي الرجال لمرته وعويله وانتي خليتس عند امتس هي بحاجتس فايامها الاخيره واذا الله خذ امانته دوري غير مترك زوج ارمل مطلق اللي تبين بس مترك لالالالالالالالالالالا
............................................................ ..
:والله مافيه شي شفيكم انتم الا تحطون العقده بالمنشار00؟؟
:بتموتين يعني لو طلبتي هالطلب بينج وبينه00؟؟
:شنوو اطلب 00؟؟
اخوي مافيه شي ماتبيه الله يستر علينا وعليها بعد هو مايبي اللي مايبيه
اما انها تحط شروط صعبه لاا
:الحين هذا شروط صعبه00؟اصلا" فيه فحوصات قبل الزواج انا ابيه يسوي فحوص شاامله لموضوع الانجاب
ابيها تدخل على بينه
دلال اللي اوله شرط اخره نور هذا حق من حقوق عبير ماله داعي انتس ترفضين وحتى مشعل اذا فاهم وعاقل بيعرف ان هذا حق والبنت ماتبي تطيح بنفس طيحتها الاوله هي ليش عافت نايف الرجال مافيه شي وتحبه بس موضوع العيال هو اللي خلاها تطلب الطلاق ترجع ثانيه تعيش بالمجهول مع مشعل افضل شي ان مشعل يحلل وتعرف هل بتعيش معه ام لعياله ولا مثل الشجر الواقف هي بعد لها حق
سبحان الله ذا الرجال يشوفون الشي هذا اهانه للكرامه ليش طيب انتو لو تاخرت الحرمه عندكم ماحملت على طول طرتو فيها تحلل عشان تعرفون هي تجيب عيال او لا ولو العيب منكم مارضيتوها على انفسكم ورفضتو الفحص والعلاج دكتاتوريه ولله
انا متاكده ابو عايد ماراح يرفض وبيسوي التحاليل ومافيه زعل من الحق ............................................................ .......
وقال بصوت مسالم,,
:بسم الله عليج من ضيقة الصدر
ليتها فيني ولا فيج
:بترجعين لي مثل اول واكثر بترجعين لحظني
والله لااعوضج عن كل الايام اللي ابعدتج فيها عني
امري بعيوني وانا اقول لبيه
وش اللي يرضيج00؟؟
احسن جعلك منذ الحال وارد والله ان حسون وخوها مابردو حرتي فيك وبعدين تعال الحين انت يادلخ يوم هي عندك وبين عيونك وانت تذوقها الذل والقهر اشكال والوان والحين مثل الحرايمي دورها دواره سبحان الله صدق انكم عجب ياذا الرجال الحرمه اذا حشمتكم وقدرتكم وحبتكم واحترمتكم شفتو نفسكم عليها واذا دقكم ركبه ولا عطتم وجهه راكضتو وراها دورونها
وبعدين انتي يم دميعه ماصدقتي جاتس مشاري قمتي تدمعين وبعدين يوم دخلتي وخليتيه وراتس تحسين هذي طرده لا يعين هذي مهيب طرده الطرده لو انتس ماخليتيه يدخل الحوش كله وصمختي بوجه الباب وقرطتي بعد اصبعه بالباب لين يطشر الدم عشان يكون ذكرى بينكم بعدين كل ماشاف اصبعه المنقطع يذكرتس <<<<شفتي احلا من هيك ذكرى يازين رومنسيتي اعطي دروس
............................................................ ...............
جابر انت ماغلطت ياخوي البنت زوجتك وانت ودك تفتح صفحه جديده معها بس عزة النفس ماخلتك
فكر زين في وضعها وحالتها لاتضيمها لاتكون انت والزمن عليها وبعدين واضح عليها انها تحاول بقد ماتقد انها تخليك راضي عنها وتسوي كل اللي تطلب
مثل ريتاج تقدر تعجنها ونربيها على كيفك ريتاج بنتك اكثر منهي زوجه كل اللي بتزرعه فيها راح تحصده وصدقني اذا صلحت صلحت هي وعيالك واذا طلحت طلحت هي وعيالك عشان كذا جابر اعرف ربك اول وعط المسكينه حقوقها وصدقني ماراح تلقى الا اللي يرضيك وراح ترجع الجماعك وربعك وبيحبونك وبيحبون البنت اذا شافو منها الخلق الطيب حبوها ووجهوها خاصه ان اللي حولها كلهم طيبين بغض النظر عن امك وسميه وعبير ودلال كلهم ماراح يقصرون في توجيها وضمها لهم
............................................................ ....................
مهاوي المره السنعه ماتخلي رجالها يروح الا مكان الا وهي معه ترا تندمين عقب اذا خليتيه يروح الحاله وبعدين تعالي وشفيها جنوب افريقيا ولله ان اللي راح ولها منهبلين عليها طبيعه وجو وبعدين كوني لتس علاقه مع الدبلوماسيين العرب صدقيني تنسين الغرب ومثلتس اجتماعي يمها يقدر يكون علاقات وبعدين لو ماجاتس الا حمودي جنبتس احمد الله هذي نعمه حبوب ومرح
............................................................ .....................
الف الف مليون شكر على البارت الرايق هدو ماقبل العاصفه اتوقع البارت الجاي مفرقعات طلاق منى
ردة فعل مشعل من طلب عبير زواج وسميه وفهد ولادة حسنا منتظرينتس غرنوقه نار
على فكره وشولن مرتنا عساها بخير وماذيتوها ترانا على الوعد اتفقانا مهوب حكي جرايد ولدي خلاص حط البنت في راسه ومايبي غيرها
|
28-02-11, 06:43 PM
جديد مواضيع قسم القصص المكتمله من وحي قلم الاعضاء
العرض العادي
