السلام عليكم ورحمة الله وبركاته
انا من المتابعات بصمت ولكن بشغف اقرا السطور ولا اود ان تنتهي لكي مني كل التحيه بس حبيت اشجعج واقولج انتي مبدعه بكل المقاييس وعسى ربي يحفظج لاهلج يالغاليه:)

الرواية خطيرة جدا وممتعة تسلم ايدينتس وتكفين تكفين ترفقي بوسمية كسرت خاطري وزوجيها مشعل

اه اه اه ياغرنوق قلبي يووقف ووووووانا اقرا البارت
يجنننننننننن تسلم ام جابتك على هيك افكار
نبد بالتعليق
هادي
ايش المخاطره هذي كلو من النسيب الجديد وامي خضرا
وانتي ياغلا خايقه من صرصور وع وع والسلحفاه عادي يامامي سلحفاء عاد قووولي قطوووه عصافير اما سلحفاه ناقص تجيبين ضب عشان تكمل حفلة الزواحف ايش رايك

طلال
الله يعينك على الاحساس بالذنب وان شاء الله تنجح خطتكم وتمسكونه
هيفاء
مادري ليه عندي احساس انك بتساعدين حسنا وتحلين مشكلتها بما انك ذكيه ووووووتلقطينها على الطاير اكيد بتعرفين
انو حسناء فيها شي حتى لو خبت
جابر ريتاج
بما انك قلتي مافي طلاق هل هذا يشملهم ووولا هم حاله استثنائيه فتوقع انوووووووووو يكملون مع بعض بس الماضي بيبقالو اثر بحياتهم اكيد
بداية تفاهم وتاقلم مع الواقع حلوه ووتوقع مشعل له الفضل فها الشيء
عبير وسميه
بما انووو وسميه زي ماوصفت قلبها كبير فراح تتخطى هالشي وبتتمنى السعاده لاختها وهي الي بتقنعها بمشعل ويمكن امها تجبر عبير على الموافقه
نجي لحسناء وومشاري
قطعت قلبي حسنااء فاض به الكتمان وووحان ووووقت الانفجار
اتاسف جدا على تاخير الرد
مقدره لضرووفك الله يفرجها انت دوما رمزا للالتزام و تاكدي دوما اني معك في الرخا والشده
والله يعينا على الانتضار من السبت لسبت
تحياتي
دمت دوما بحب اخيتي

ولله ان جاني قهر مابعده قهر <<<فيس غرنوقه يقول سلامة قلبتس من القهر
تصدقين غرنوقه كتبت رد وش طوله عاد انا الله وكيلتس يقعد الجهاز مفتوح طول اليوم وقعد شوي واقوم اسوي شغله شوي وبعد جهد خلصت الرد قمت اتعشاء اجيب عشنا واعشي ولدي على اساس برجع عاد انسق والون وارسل الا وينطلي النظام هذا اللي مدري وش يبي ومجرد ماضطت عليه سجل خروج شفتي اللي تنحت في الجهاز ساعه من الزعل معاد فتحته طول اليوم اللي انمسح فيه الرد
عاد اليوم عادة النفسيه وقريت البالات للمره الثالثه ياللى بسدح الرد
وبصراحه بارت اليوم اثنين لازم اتكلم عنهم واحد يبيه حبة خشم واحد يبيه كسر خشم


تصدق انك ماتستاهل من يتعذر منك ولاتستاهل بنت عبدالله انت وجه حب انت ياخي كم تبيني اقولها لك من مره البنت حامل وانت تسوي هذا كلها انتو ماتحسون ماتدرون وشلون نفسية الحامل نهاد ذبان خشومنا وشلون اا احد تبلا علينا ولا مهوب اي احد

لذا قالت بهمس,,
:انا تعبت من الكبت والضغط على روحي عشان كذا بروح لبيت اهلي
روحي يقلبي وحقريه ولاتتعبين عمرتس وانسيه مثل مانسيتي غيره بتنسينه ياللى ياحسنا انتي مكتوب لتس الشقا الاول طلقتس من غير وجه حق والثاني رافع خشمه ويتهمتس اتهام باطل اشري احتس يقلبي وبيعه

ليقول بغضب,,
:انا اللي اقرر متى تطلعين مهوب انتي
لاتكفى خوفتها اقول تلايط بس اذا بتروح راحت بدون شورك ورجلك فوق رقبك من زين العيشه عندك تقعدها البنت كل طريقه وسوتها تبيها تبوس رجولك لاولله اللي ماسوتها بنت عبدالله


حسنا ببكاء قوي,,
:معليش هي خاربه خاربه وانت شكلك بايع فليش اعذب روحي وافضح عمري وافضحك
بتوديني والا بروح ولك مني يامشاري ماعاد تسمع لي طاري ابد
اذا باع بيعي انتي بعد وبرخيص ولا يوديتس منة الله ولا منة خلقه هادي ماراح يخليتس وبيجي برسم الخدمه

ابتعدت قليلا لترتب اغراضها,,
راى عزمها على الذهاب’’’
واستسلامها وخنوعها للواقع المر,,
فامسك يدها ولفها اليه’’’
لتباغته بضمها خاصرته وهي تقول,,
:امووووت فيك حرااااام عليك كل ذا وماحسيت
ليه حسون تخمينه يوم بدا الرجال يضعف وينخ ضميتيه عشان يعود يشوف نفسه عليتس تراتس انتي اللي خربتيه وخليتي خشمه يرفعه عليتس بتلزقتس خلاص يشيخه الرجال ماينعط وجه اذا لحقتيه عطاتس قفاه واذا رديتي فيه لحقتس


يقف وهو يراقبها بصمت,,
وهي تحظر القرآن الكريم’’’
حلها الوحيد اليوم ولاحل غيره,,
لتمسكه بين يديها’’’
وتقول بصدق وحلفان,,
:قسم بالله ولابه غيره يحلف به ان مشعل ماعاد يعنيلي شي الا انه ولد عم
واني قاطه كل كل اغراضي منه ولاادري وشلون جا ذاالكرت
هذا انا بريت ذمتي قدامك وقدام ربي
يهمني يامشاري انك ماتظن الظنون المحقه بمرته وام عويلك
ولاتهقى اني بحب احد عقبك او اسمي اللي كان قبلك حب
خلاص عداتس العيب انتي حتى لحلفان على المصحف سويتيه بيصدق يصدق وهو الرابح بيتنعفق ويرفع خشمه هو الخسران ومعاد فيه شي تحسفين عليه ,,


وخرجت وهو مازال على نفس السرير الذي جمعهما بيوم من الايام معا"’’’
بحلوها ومرها,,
رحلت ليطردها سرابي خلفها,,
وانا مازلت اجلس على نفس سريرنا’’’
مرت ايامهما الماضيه كشريط عرض امام ناظريه,,
مرت لحظات كانت ماضي لكنها اعمق واعذب لحظات’’’
تمناها حاظر ومستقبل,,
تمناها تعود ليعود اليه الحنين لها’’’خلك على سريرك لعاد تقوم البنت وراحت وانت اللي طفشتها اهانه واهنت احتقار احتقرت سخريه وسخرت قهر وقهرت طرد وطرت معاد عقوب دزك لها من الغرفه ولله لو زوجي مسويها معاد يشوف وجهي نعنبوك هذي سوات تسويها ولا مع ذلك جلست عنك وماقالت شي لكن معاد عقب الفضيحه فضيحه انت فضحتها قدام اهلك واخوانك ترا كلامك الرائد موجع كنها مسويه اكبر جريمه
وتمر ايامك شريط مسجل تلفزيون حسنا راحت مجروحه وانت اللي جرحت
وبعدين تعالي غرنوقه مهوب من اول مايجيها تخلينها تراكض وراه لا خليه يحفى لين ترضى عنه ويعرف انها مهيب لعب ينلعب فيها هي بني ادم من الحم ودم



اما اللي يبيله حبة خشم هو ابوعبدالله لبي قلبه بس قسم انك جنتل
تدرين ليش اعجبني غرنوقه في البارت هذا بصراحه لامرين الامر الاول الشفافيه اللي فيه اعجبني يومه اشرك غلا معه في كل اللي يخصه يوم كان الموضوع يخصه هو قال لها عن اللي صارله بالمخفر وسالفة فارس مع انه بستطاعته يخفي الموضوع وماراح تدري غلا عنه مثل ماسوى طلال مع هيفا لاكن ابوعبدالله كحيلان غير يبي علاقته بزوجته تكون اقوى بشففيته معها
ويوم الموضوع مختص باخته وسئلت عنها زوجته ماحب يعطيها خبر لانه مو من حقها تعرف عن خلاف هيفا وطلال وهي حتى هيفا نفسها ماقالت لاحد وحتى لو هيفا بلغت اخوها وخواتها ابد غلا مايحق لها تعرف الا اذا هيفا نفسها قالت وقسم بالله انك رجل والرجال قليل



ابوعايد ماشاءالله عليك كل مالك وتكبر بعيني زود ووقفك مع ريتاج ومشعل عين العقل لو انتو تركتوه وماوقفتو معه راح يغلط ويقول مدامهم ضدي ويظنون الشينه فيني حتى لو الله اصلحني بيرجع للخرب ثانيه بس انت يبوعايد رجال وتعرف تحلها عدل
بس لو الله يفكك من خطبة عبير وتاخذ وسميه وتدري عاد بما انك جابر العثرات وتاقف مع الناس
خذ عبير وبعد ماتزوجه طلقها عشان تحللها النايف وبيكون ان شاءالله نايف طشف برا وصارفيه علاج الحالته
وانت عاد تزوج وسميه اول لان الضعيف تحبك وثاني شي جبر الخاطر ذا اليتيم
بس مدري ليش غرنوقه كل ماجيت اكتب عن وسميه تروح افكاري الفهد احس وسميه الفهد مدري ليش مع ان عبير انسب الفهد ووسميه المشعل بس انتي تحبين تقلبين الامور


غرنوقه مشكوره ومن قلب على البارت وعلى فكره نبي اخبار منيره ومترك ولا تحريني بمنى خليها تحتر من حب مترك لمنيره اللي بتشوفه وماتقدر تحمل وتطلب الطلاق ولاتقعدين تبررين غرنوقه عن الضره وتحمله وتضربين امثله الضره ضره لاتحرين مناير وفرحي قلبها بطلاق منى