كاتب الموضوع :
بوح قلم
المنتدى :
مدونتي
حبيبي امسح دموعك ترى دمـــعك علــي غالي
احبــك يالـغضي تضـحك وتــسعد كل مافينــي
احبــك يالغضـي تــمزح واحـب تــزيد غــربالي
واحــب اني عليك ازعل واحـب انك تراضيــني
واحـب بنـظرتك حــزن يــزيـد القــلب ولـوالي
ابيــك بــنظرتك تــذبح خـفــوق لك يــسـريني
واحب بـصوتك الــخاثــر الـى جـريـت مــوالي
يلاحيني صـدى صوتك على الطاروق حاديني
واحب بــسمتك يانــور عــيني يابــعد حــالي
تنســيني هــموم الـوقــت بســماتك تنسـيني
الاحــي الــذيب في ليــلة وادوركـم من خبالي
ادور جــرتـك واثـرك مـربع فـي نــظر عــيني
اهوجس فيك واسرح بك نسيتك وانت في بالي
اعيشـك ليل واحـلم بك وشمس الليل تشقـيـني
سموم القيض في جوفي حرقني وانت مقيالي
ابــي مـــنك هـــدب عـــينك يظــللني ويرويني
بــروق الــوسـم في عـيني تلوح ودوم تبرالي
وتــباريح الـوله فــيني بوقــت الضيم تطويني
رعـــود هــزت الخـافق وبــرق سـاقه الــوالي
علــى روض الـحشا جـعله يهل وتزهر سنيني
مرابيــع الهــوى تــرجي غيــوم فــوق مــنزالي
تــجود بــغيثها واللــي قــسم لي الرب كافيني
الى جــيت اوصــفك هاضت تعابيري مع امثالي
على شيــل الــقلم لاجــلك شقار فيك يغريني
اببدع فــي طروق الــقاف ابــكتب كــل ماجالي
واذا خــان الــقلم وصــفك حــبيبي كسر يديني
اذا مـاهــزك الــطاروق وكــاد قــلــوب عـذالي
ابذبح قــلبــي العــاشق بطــاروقي وســكينـي
|
06-10-10, 10:23 AM
جديد مواضيع قسم مدونتي
العرض العادي
