بخاطري شي ي مدونتي
يقرقع في صديري من زمان ممكن يكون نقد وازدراء ومليون استفهام فوق راسي او مثل ما تقول جارتنا البدويه << زريه يعني ناقدتن عليهم // على فكره هالكلمه عاجبتن من جارتناولا هو ضحكن على هرجه

وسبق تناقشت فيه مع ناسن كثيرين
ومنهم غسوقه الله يحفظه وين ما كانت
ألا وهو // ابوك يالفصحى
الموهم حديثي ي مدونتي عن النك نيم
المعرفات المستعاره وما ادراك ماهي
مرات تكون سنعه وعلى سنع وله معنى سامي مثل اسمي
احم احم يا مادح نفسه
واحيان تكون على غير سنع عبط مثلاً
وكثير ما يلفتن النك حق الشخص
واحيان اعلق عليه واحيان تجين حاله ضحك مع ازدراء على اصحاب
هالنكات
وكله كوم ونكات الاطفال والمراهقين كوم ثاني
وراح اجيكم بالسالفه بهالخصوص
عندكم مثلا نك يقال له كشتي سر سعادتي// بالله ضاقت الاسامي وفرحانه بهالكشه
ولا هنا ب ليلاس لن احلب الناقه يا ابي/ يا اخي ما احد قال احلبه
وش ذالاسم يا دافع البلا
ولا هالثاني اسمه مهستره بالمجانين/ وش معناه هالاسم ابي افهم
وغيره اسبقني واسبقك / وهذا وش قصته على باله النت مضمار لسباق
وعيره واسخف نك شفته بحياتي اللي هو رضى حبيبي ولا رضى أمي
وغيره وغيره وغير من هالنكات السخيفه اللي لا له معنى ولا قبله ولاحلى
وهالحين نتطرق لنكات الاطفال في منتديات الاطفال
وشوفوا المهازل وين موصله ب هالجيل
اذكر مر علي نك بمنتدى اطفال اسمه يا مدلعني / وهذا هالحين وش قصده من يحاكي طفل عمره 11 او 12 وباز بهالاسم
وغيره شخبط شخابيط والثاني مصرقع التماسيح,مسطول,وغيره حياتي كلها فش فاش, بدوي يحب اليسا,عاشقة البايسن وغيره وغيره
وغيره دموعك يا حبيبي / بنت عمره مايتجاوز 11 سنه معرفه بهالشكل وين الاهل وين الرقيب
ويا كثر معرفات تحاشيت وستحيت ذكره لانه حقيقه تجرح وسخيفه وبذيئه

أمر محزن والله وإنا نشوف هالمعرفات اللي تدل على سخف عقول مبتدعينها
والآمر المحزن والاكيد معرفات الاطفال والمراهقين وما ألت اليه من انحطاط ب عالم النت

الحل ..الحل لابد من رقيب وتدقيق ومراقبه على هالمعرفات السخيفه والبذيئه احيان

غسوووووقه لـ هالرجعه هديه
لفلفت النت كله ومريت على كل منتديات الشعر
والادب كلهم حتى ادور لتس بيتن يليق ب طلتك على يومياتي
ومالقيت إلا هالبيت يا رب انه يجوز لتس وعسى يوصل وعسى يوصل


>>من بشتكي له
لا غدى وصلك فرااااااااق
ومن بالتجي له


لا خنق قلبي الشــــــوق

<<
لاتعجبين يامدونتي على حبي ل هالانسانه تراه أختي واعز والله اعز
تراه ريحة أهلي له دمن يمشي بالقصيم لبى الهلاليه واهله
غسق هي الوحيده ب ليلاس قلبي ينشرح له
ولا يهنون كل خواتي هنا وربي لكل وحده معزه غير