اكثر ما افرحن واسعدن وابكان وحززن ب ليلاس

غسوووووقه و تآتآته يا ويل وجدي على هالبنيه

ياناس تكتب من قلب تحسه صادقه وهي تكتب لو حرف وحيد ماله خوي

غسوقه تعبه ذبحن ياعسى يروح هالتعب ويولي بغير رجعه

ولانشوف غير السعاده والفرح يعشعش بحياته بس تصدقون حتى التعب

في حروف غسوقه له قبله وحلى له طعم ثاني ما احد يملكه غيره

كثير نحتاجه مدري ليه

لبى حرفتس يا غسق نحتاجتس غردي لاتغيبين نحتاج ونحتاج حزنتس وحتى تعبتس

يمكن لنا فيه حياه

السسسسسسسلام على شعب ليلاس الكرآم

كيفكم عساكم بخير و الله ياني ولهانه عليكم بالحيل

عطلنا وقضى آخر يوم ب الدوام وبدت الآجازه

وجت هالايام المباركه عشر أيام ذا الحجه
صوم وعباده وذكر وحج لمن ربي يكتب ويسر له الحج
وقرب العيد وكلها ايام ويقبل علينا عيد الاضحى
الله يجعل ايامنا كلها اعياد وافراح

جيتكم ياحبايب مودعه
مره مظغوطه هاليومين مابين تشري ملابس للعيد
وبين صوم وما بين تجهيز لسفر وشناط السفر

حضرتي بعد كم يوم مسافره خارج المملكه أبي اعيد بره
من يخاويني منكم
عيدنا هالمره غير ودنا نغير شوي ونكسر حاجز الروتين
ونجرب السفر بالعيد وبعيد عن الاهل والاحباب
ونشوف عيد مخاليق ربي هو مثل عيدنا ولا بوه اختلاف

عيدنا هالمره في ربوع سريلانكا والفلبين
لاتقولون وش موديتس هناك
اولا ابي اقول لكم هذي هدية ابو سنقور لي بعد النفاس ما حصلت الا هالوقت
الظروف وقفت لنا بالبلعوم بغيناه تكون بالاجازه
وراحت الاجازه بحمال ونفاس
كعكعكعكعكعككعككعكععكعككع
قلنا معوضين بإجازه العيد بس ربي ما كتب مالقينا فرصه وغير ظروف عمل ابو الشباب
وقضينا إجازة عيد رمضان بطمره لرياض الحبيبه و ةالفرفره بربوع القصيم بين الاهل والاحباب
قلنا مافيه الا هالوقت زين ورتبنا امورنا لو حصلت حصلت ولو ما حصلت عز الله ماربي كاتب لنا سفره
بس الحمد لله ربي كتب لنا وتيسرت الامور
وسفرتنا بأذن الكريم يوم الاحد
عاد جيت اتحلل واستسمح منكم وسامحون يا شعب ليلاس
والله يستر علينا وعليكم
وكل عام وانتم بخير
وهالله الله باللحم وعييييييييييييييدكم لحم في لحم

قاعده اكتب لكم هالتقرير على عجل وانا والله مشغوله حيل وبراسي كم شغله ما انجزته
قبل يوم الاحد والوقت يسرقنا

نستودعكم الله يا كل شعب ليلاس

سلام الله ممتد لكم يا شعب ليلاس
فردا فردا
كلكم كلكم من كبيركم لصغيركم

مشتاقتن لكم واجد كثر ماب سيريلانكا توك توك

بشروني عن اخباركم وخبار حي الغزلان وكلكم
وشسمه والجارات اخبارهم علومهم اشوف الحي
صاخ على قولت بوحه
يا حوبي لتس يا بوحه ولكل البنااات

بنات تعالو اقول لكم عندي لكم سوالفن زينه وعلومن تهبل

يا ربي كثر ماشتقت لمملكه ولتراب ارضي وداري وبعد داري
القصيم كل القصيم
اشتقت ليلاس والبنات والسوالف وبيتي هنا

طرنا على هام السحاب قالو لنا سافرو مثل خلق ربي وجدد الحياة والنشاط
وارجعو عرسان جداد بس عاد مع بزارين ترجعون شيبان
كعكعككعكععككعكععكع
بس السفر مع البزارين متعب شوي وخاصه اذا كان بوه تنقل وترحال كل يوم بمنطقه وكل يوم بجبل ولا وادادي ولا نهر

وسافرنا بعد ما تمينا وشلنا كل عزبتنا ودعنا معوذ والعيون تمطر هماله على مفارقته
حيث انه صغير ولا يدري وين الله حاطه
واستودعناه عند امه الحنون اللي هي امي
وتركناه والقلب والله حزينن على مفارقته وعلى ترك الديره والمربى
وشلنا عفشنا وقشنا أنا وابو الشباب والتوأم المرح سكروبه ومنشاره
وتوجهنا لمطار الملك خالد بالرياض على طول حيث خطتنا من الرياض إلى كولومبو على طول
وحاولنا كثر مانقدر يكون العفش شوي علشان سهولة التنقل من مكان لمكان
وحتى نقدر نحمل عفش وهدايا ومشتريات من هناك من بلاد السيلان بلاد الطبيعه البكر مثل ما يقولون
والله انهم عاد صادقين ياسبحان الله
ودتس ماتفارقين سريلانكا من طبيعته والخضره اللي فيه والناس البسيطه اللي فيه
وغير كذا سياراتهم ال توك توك
كعكعكعكعكععكععككع
كان خاطري اقش لي وحده من سياراتهم اللي تهبل
الوهم بعد ما اقلاعنا من الوطن ودار نجد دار المجد متجهين حيث كولومبو
اكبر مدينه ب السيلان مع الاتفاق المسبق مع الشركه السياحيه المتفقينه معه
الموهم من وصلنا بلاد السيلان الا العرب ما صدقو بزيارتنا شالونا شيل من خدمه وطيب وحسن تعامل
مدري هم من اشكالنا وضحت إنا خليجين واهل نعمه وعلى قولتهم مربيل بترول متنقل
كعكعككعكعكعك
ترا فكره بلاد العالم سوا اسويه ولا عربيه عنا إنا يالخليجين
الموهم اول ما وصلنا هناك إلا يجيبون لنا ذيك السياره توك توك
تخبرون سيارة الهنود ذيك الصغيره اللي كنه لعبه


فاصل ونرجع لكم
الرد طار من الفرحه للمدونه وسبقن اكمل لكم بعد شويات

كتبت لكم التكمله كله وكل سوالفنا هناك بس طارت بعد تعب ساعه
لاحول ولا قوة الله بالله
بس ابشرو راح اكمل لكم الرحله كله قريب تعبت من الكتابه من اليوم ولا تصفحت المنتدى
والعشاء جا وقته
اذا الله كتب لي عمر راح اكمل لكم كل سفرتي كله ل بلاد الطبيعه البكر
بحول الله ومدعمه بالصور بس عطزنن وقت