كاتب الموضوع :
حكآية غيمه
المنتدى :
مدونتي
تعالوا اقربوا حبايبي ابي اسولف أنا وياكم عن الفطوور
امممم اكيد تسالونن وش مناسبة السالفه
والاكيد راح اجاوبكم واقول هذرتي ما جت من عبث حيث أني ما انزل سالفه ولا موضوع إلا الاكيد له سالفه
وحدث حصل /// طيب وين حصل بتقولون
واكيد ابي اقولكم الاكيد والاكيدين انه ب عالمي مدرستي وهل عندي مكان اجيب منه سوالفي
//حشى مة مدرسه صارت وكالة أخبار
كع كع كع كع كع كعكع كع كع / مابوه الا المدرسه اهذر فيه سوالفي فيه
تبوووووووووووووووووووون ولا ماتبووون حيث ان ما عندي غير هالمكانين احش واراتاح في الحش فيه
مدرستي وبيتي وخصووووص ابو سنقووور لبى لبابيب قلبه
الموهم مالكم بالطويله يا طويلين الاعمار
هذي هي سالفتي عن الفطور الصباحي وما ادراكم ما هو الفطور
على طاري الفطور اليوم سوينا فطور يهبل وش زينه كلنا شمرنا عن يديننا وسوت لنا ذاك الفطور اللي ياخذ العقل
مدينا سفره ياحبيباتي شي من هنا لراس تنوره / وش جابها هنا؟؟
وصورته ومن اليوم احاول انزله لكم بس هالماخوذ البلا توث اقصد البلتوث ماش عليه قل صحه
مارضى يشتغل ولا يستقبل والوصله اللي عندي مدري وين غدت
ان شاء الله قريب انزل لكم الصوره وتشوفون سنعنا وفشخرتنا إنا الموظفات معلمات وإداريات
وقبلنا عين السيح ام محمد ومديرتنا ام الخير ابو الخير كله ذهبه صافيه هالانسانه ام يوسف لا خليت من وجوده
حتى ام عيسى يا بعد قليبي تعنت وسوت لنا (عريكه بالعسل) الموهم افطرنا وعينا من الله خير خلال
15 دقيقه محافظ وصواني وسلال من لذ وطاب وماتشتهي العين / حشى قلبناه مطعم فايف ستار
الموهييييييييييييييييييييييييييييم بالعاده فطور
الموظفات يا طويلات الاعمار أصناف مختلفة ووكل وحده له طريقه في فطوره
منهم ماتفطر لأنها عاملة ريجيم والمشكلة أنها تزيد لأنها نسيت أن الكاكاو والمكسرات يبي من يتركها بعد
منهن من تحضر معها السندويتشات من البيت على بالها أنظف وأصح /ايه هين
اصلا اللي مصلحتها الشغاله وهي مابعد غسلت من النوم .
مجموعة(عجازين مره)ومريحين أنفسهم وأزواجهم متعاقدين مع أيتها مطعم يجيب لهم كل اللي يبون المهم الفلوس عند أبو الشباب والمهم عندهم أن الفسحة تبدأ والأكل توه جاي الفول والفطاير بأنواعها كلها حارة // ترا مانيب من هالصنف يعني لا تعلمون
اخخخخخخخخخخخخخخخخخخخخ
مجموعة متفقين أن كل وحدة تدبر فطورهم
يعني كل يوم على وحدة لاتستغربون
أن بوه رجل محترم لابس ومشخص قبل لايروح الدوام وينزل عند باب المدرسة معه خبز تمييس وفول وفلافل والخ . ترا اليوم الفطور على حرمته وياويله ويا سواد ليلة لو أن فول فلانه أزين من فوله .
ومجموعه ثانيه يتقاطون ومسوين ادراج المكاتب مستودع مونه
كراتين قشطه جبن زيتون فول سوداني ولا تلحلحو جابو طعميه وابو عيسى متكلف في الخبز كل صبح
والشاهي وما ادراكم الشاهي أموره ميسرة غلاية وكاسات وليبتون وكل يخدم نفسه و المسكينه الخالة أم عيسى ياويلها لوماغسلت كاسات بعض الناس اللي يفرّغون غضبهم عليها المسكينة
يعني انواع الاكل وكل يمد رجله على قدر لحافه وكلن يفطر على قدر فلوسه وتبتدي السوالف الوديه طبعا مجلس فيه حريم لزوم يحلون وينوب من الحب جانب من الحش في الجيران ولا هالمسيكين هالمغربل بالفطور الزوج
ولا بد يمرون على الخدم والشغالات و وحمولة فلان وعايلة علان وزواج منيره وزوارة الجوهره وسواق فاطمه
وحمل هنادي ونفاس بسومه وعفش حصه ورجل لطيفه وشغالة نوير وفان سوير
والسحر والعين والنحت والبخت والحظ والنصيب والبيت والتقسيط والعيال والهدوم والجمعيات والسوق والماركات والبورصه والاسهم حتى سوق الغنم جابو طاريه وكل كل كل سوالف الارض
ب جلسة الفطووووووووووووووووووور الصباحي
تخيلووووو بس تخيلو
يقال لكم جالسين ب مجلس الامم نبت ونحل قضايا العالم وثقب الامازون
على فكره ترانا حرييييم يجي منا// لاتستهونون في جمعاتنا
كع كع كع
عاد هاليوم ما راح اسدح لكم الزبده والخلاصه من هالسالوفه
اعتقد كلن بنا له بييييت هعههععهعههعععع اقصد كلن حط في باله تصور بناء عليه جلستنا وفطورنا
وحطو ثمن طعش الف خط على فطور الموظفااات معلمات وإداريات
اه يا الثمن طعش ماذابح قليبي الا أنتِ كم باقي على نهايه الشهر بس وجيت الراتب
وطلة العيد واجيب ام ذيك الشنطه اللي أخذت لب عقلي
ي يلاه تمسون على خير ابي اروح انظف بيتي
وجهز دلالي وصواني الحلا ووصي ابو معوذ يطمر لسوق الخرفان والبعارين يشتري لنا حاشي صغير لوزم نوجب أهل غسوووق
قبل ما تطب علينا هما هم بيزوووووووووووووووورن القصيم
ف الاكيد بيزرونا ؟؟؟ تهقون نتشاوف بعد هالعمر
ياربي كيف شكله وهي كيف تخيلن ي الله خل ابي اروح انوم واحلم بهالزياره الميمونه
هع هع هع هع هع هع هع
حفظكم ربي ورعاكم وين ما حط ركابكم
|
25-10-10, 04:53 PM
جديد مواضيع قسم مدونتي
العرض العادي
