ياهني أم أنت ولده يا شيخ عصام العويد
الله يثيبك حسنات ويرزقك بر اولادك ويعظم درجاتك ويجعلك من رفقة الحبيب المصطفى
عليه افضل الصلاة والسلام

بكيتنا يا شيخ الله ب دررك ودموعك الله يجزاك الجنه

يا رب يحفظ لي الغاليه ويجعلن خادمه تحت رجلينه والزم رضاه وبره
ويارب يرزقن بر ابنائي وصلاحهم

مساءكم بنفسج وبمبي فاتح
ب إرادة القادر الرحمن

سالفتي ل هاليووووووووووووووم عن شي حدث بشغلي
وارقني
الراتب يا طويلين الاعمار صار غم ومغثه بعد ماكان هنا ومسره

ايه الراتب //وشفيكم بققتوا عيونكم علي

الراتب...الاجر للي استحق وتعب وكدح مو اللي كل نهاية شهر
فمه مفتووووووووووووووووووووح ويقول هاتي

اكيد الكل سمع عن هموم الموظفات مع هالراتب
والكثير شاف حالات وقصص لموظفات صاروا عوانس من ورا هالراتب ويمكن يكون هالراتب فطسه
هذي مقدمه ولا عرفت اصيغه صح لان الموضوع اكبر من كذا الموضوع تعدا وجاوز الحدود
أنا اتعب واشقى وغيري يا خذه بارده مبرده
موقف وحدث لاحد زميلاتنا




هو اتصال من إحدى الزميلات القديمات .. ولا أخفيكم مدى فرحتنا بتصالها حيث انها انقطعت من مده عن العمل
وكانت من الصديقات المقربات لي شخصيا بالعمل اجتمعنا بمكتب واحد وسوالف وحده وقهوه وحده على مدى ثلاث سنين كانت نعم الاخت والصديقه
اتصلت هالحبيبه على الاداره وعلى مكتبنا خصوص كأن بصوته تودعنا وفيه نبرة حزن ونكسار


تبادلنا اطراف الحديث معه وكلن يكلمه دقيقه كانت فرحتنا بسماع صوته ما تنوصف
وبعد السلام واخذ سوالفنا إنا ي الخمسه اللي بالمكتب

قالت لنا أنها استقالت من العمل مع العلم أنه ما اوفت خدمته الوظيفيه كامله وباقي له بالسلم الوظيف كثير
بس هي قالت خلاص أنا اللي ابي كذا تعبنا من الشغل والمسؤوليات زادت علينا والحمل ثقل

لاأخفيكم مدى استنكارنا للحديث
فلانه وش السبب ؟؟؟؟ ليييييييييييييييش
معقوله معقولة
قولي غيرها
والله ياخواتي زهقت شغل بالبيت وشغل بالمدرسة وبالأخير أفواه وجيوب مفتوحة

ولا شكر
وانتظار لأخر الشهر
تعبت ولا طلعت بشي!

إنسان ما همه إلا راتبي وكأني الكنز ( البقرة الحلوب)

طايح ياخذ هالراتب وأنا اللي قايمه به وبالبيت كله على راسي ولا سلمت من لسانه ولا من طولة يده

خلااااااااااااص
ماقدرت تكمل زميلاتنا حسينا بقهر الدنيا من صوته

ومو ب اليد حيله لا نقدر نقول له تتركه تخليه يولي
وتطلق منه لانه مو كفو اللي ياخذ تعب مرته وغير كذا حرام نهدم بيت وآسره وخمسة اطفال ولا نقدر نقول
اسكتي وخليه يستنزف من تعبك
اكيد صديقتي ما قررت ترك الوظيفه اللي هي آمان له إلا من شديد قوي
اكيد شافت ان هذا هو الطريق الاسلم حتى تمشي سفينته لبر الآمان بدل لا ذل ولا منة راتب ولا مناشبه فيه ولا يصير عليه نقمه

أنهيت المكالمة صديقتنا بس وبخاطرنا آلاف التساؤلات

إلى متى هذا الراتب هو العائق؟

وهو حق لمن؟

الزبده من هالسالفه

كلنا مو ضد المشاركه بالحياة الزوجيه سوا مادي ولا معنوي
وكلنا مو ضد ما نشارك شريك الحياة أعباءه
ايه اشاركه النص أنا معه بس مو يحملني الجمل بما حمل
ويستنزف راتبي على واجبات هو الاحق في فعلها هو مو المسؤول
ورب البيت المنفق مو هذي الوظيفه اللي ربي خلقه له وعطاه حق القوامه على اساسه..
ولا ننكر ان وقت عمل وظيفتنا من حق الزوج والبيت ولهم على ذالك جزء من راتب وبطيب نفس وليس من حقه الراتب
واخذه بطرق ملتويه

هذا والله اعلم
وحفظكم ربي وين ماكنتم
ووقاني ووقاكم ضعف النقوس وطمع الدنيا

ويييييييه على بنات ليلاس
كل ما اطرق باب وحده
الا القي حزنه متعبئ
والله ضاق صدري

غسق مبتلشه وحايسه مع همومه كل ماقامت طاحت
اليأس والعياذ بالله اكل وشرب منه ومن دحديره ل جرف مثل ماتقول
وحتى حروفه غابت جو هالحزن اللي غلقته على نفسه


وشبيهه ومرساه ماش حاشه اليوم غيم
وعجت بحزن يوجع وشاركته بالهم خويته فيدو


وطيف مبتلشه ب حياة بزرانه وهم النقل والعفش خايفه
من الاختيار والخوف الكبير من عذربة هالناس منقوده

ولمو ضاع خبره وب سقطاته شين يحزن
همه ككله انكتب بمكنونات ابجدياته لغة الحزناللي تكتب فيه


وهيونه بنت الخال حزنه كبير حلمه بالظنى متعبه
عبرته ماتوقف وهي بس تشوف صورة طفل
ي الله انك تفرج عليه وترزقه بولد يملئ قلبه


صديقاتي ما نكر حزنكم والدنيا بوه هموم ما انكره ابد
بس ي صديقاتي وسعوا الخاطر
وخلو صدوركم شماليه بس يوم
والله انكم تشوفون الدنيا تبتسم لكم غصب

الله يفرجه على كل مهموم وتنقشع غيومكم ب سعاده
وبفرحه يسمع الكون صداه

صديقاتي حست بالنت كله بس القى لكم ابيات تعبر عن حزنكم وتعبكم
أسال ربي لكم كشف الضر والحزن والغم ويبدله بمسره وفرح ما يبلى ابد





كلنـا نتعـب مـن الدنيـا ، ولا
فيه واحد من مصايبهـا خلـي !
همّها واضح على وجيـه المـلا
لين اصبح في تعاملهم .. جلي !
حتى من يخفي همومه ، لا اختلى
من دموع الحزن عينه تمتلـي !
لو ذكرنا : كـل مؤمـن مبتلـى
طابـت انفسنـا ولاذت بالولـي




ونتركم بخير يملأ قلوبكم مثل السيل
وتصبحون على بنفسج مثل ما مسيناكم بوه نختم عليه

اصلح الله نياتكم وقلوبكم وحفظكم ربي أين ماكنتم

شبيهة القمر
صاحبة أجمل مرسى
لبى قلبتس وفاح عطرتس
ايه خلي صباحتس وعصرتس وليلتس كله فرح
والله ان سر قلبي واسعدن يوم شفتك بالاطلاله وهالمسره
اللي نقطت بوه حروفتس
ويييه يا قموره ياليتن املك فصاحه ولا بنت عمه البلاغه
كان سدحت لتس كلامن حليو مثل كلامتس ويعبر عن سعادتي
بس خبرتس خويتس ماش يالله تطق طق فصحى والفصحي هي بعد مناك عني

ويا جعل مرساك عامر ومردوده وافر بالخير والفرح والضحكه تكسي اركانه


فيدو لبى لبابيب قلبن تعلق فيتس
هذا اللي يسعدن ويسّرن أني اشوفكم بخير ودرب الحزن جادعينه