سلام كثر ما طار اليووووم من حمام
كيفكم يا زواري عساكم بخير وصحه وعافيه وقلوبن دافيه

اليوم جايبه لكم سوالفن ((تهول))كنايه عن تهبل
هالفظ توني حفظته وسمعته من خزيتي وزميلتي البدويه يا حبي لطاريه
كل ما اسولف معه لزوم تحلي سمعي بكلامه اللي والله يهبل من حلاوته وعفويته عاد هي تعلمن من كلامه والفاظه وأنا بعد اعلمه وكلن يفيد
من خبرات الثاني اللغويه/// ويالفصحى بعدي عن القصيمي والبدوي

الموهم مالكم بالطويله
سالفتي هاليوم هي عن شغلنا والاخص إنا الاداريات

لاتروحون بعيد هذا بس ترحيب وتمهييييد

شويات وراجعه لكم

أخواتي الكادحات في الأرض سلام الله عليكم من القلب

مدارستنا أدامها الله عاااااااالم من كل شيء مترادف لحظة و متضاد لحظاااااات

هذا اليوم عندي رغبه أني اسولف عن شغلنا وكرفنا و بالأخص إنا الاداريااات


بالاول يقول الشاعر
وعين الرضا عن كل عيب كليلة وإن تك عين السخط تبدي المساويا

/// مدري وش جابه هالبيت بس يقولون حتى يكون الموضوع كووووشخه نرزه فيذا ي صاحبتي الحزماويه


يبدا بكرف من أول الصبح من احضار دفتر الحضور والانصراف اللي نرزه عند
مدخل الباب
وغير حوستنا وحركتنا اذا بوه وفد اقصد ضيف توجيهي عالي المستوى
يعني ترحيب والقهوه المبهره من يدين ام عيسى والترزز عند الموجهه والتميلح والاهم التغطيه عن
زميلتنا سوا مدرسات ولا اداريات
واليوم عاد صار بوه كبسه من أدارة التعليم بمنطقتنا مدري وش قصتهم كابسين علينا هالايام وكثرانه زياراتهم
يا ترا لييييييييييييييييه ((وش مسويه ومهبهبه ي ام يوسف كل يوم ناطين بحلقتس من تعينتي والانظار عليتس
كعكعكعكعككعععكععكعكعك

وهذااااااا اول مشهد من صباحات مدرستنا

وبدينا الصبح عادي بدا بالطابور والسلام الملكي وكلن راح لشغله
ومادرينا إلا بغمضت عين إلا عين السيح الوكيله تطب علينا وإنا على قهوتنا وجلستنا


وبوسط هذه الجلسة والمتعة جتنا الوكيله) تزبد وترعد
هي يالله يالله يالله بسررررعة ترى الموجهة الإدارية تفتش
وترها تبي تدخل عليكم ظفوا القهوة
بسم الله الرحمن الرحمن الرحيم وبغمضة عين اختفى كل شيء كل واحدة أخذت الذي قدامها توزيه من فناجيل لزمزميه لصينية حلا وقدوع التمر
وماتسمع إلا طقطقت الفناجيل توازي طقطقت ركبنا وعظيماتنا
وكلن شال قشه
أنا مكان قدامي إلا فنجالي و إعبسي ( نوى التمر) بحركة سريعة جمعت النوى بيدي ومن الطفاقه حطيته بفمي بسرعه حاكيت نفسي الزباله بعيدتن عني ومابوه اقرب من اثمي احطوه وكلن طمر على مكتبه
المهم وقفنا نضرب تحية سلاام دقي يا مزيكه
كعكعكعكعككععكعككعكعكع
مر الموقف بسلاأأأأأأأأأأأأأأأأأأأم وراحت الموجهه بعد ما طلت في وجيهنا شوي وشافت شغلنا على اجهزت الحاسوب///
الموهم كلن راح لشغله بعد ما شفنا في عين ام يوسف وهي تبوسم لنا
برضى
وكلن انخرط في شغله بعد ماخربت قعدت القهوه وكلن اكتفى بفنجاله على مكتبه وبدا بشغله
عاد شوي ما تسمعوووووووووون غير الضحك وشوي واناظر بخوياتي فاطسات ضحك
قلت خير قالو غيووومه طالعي شكلتس وانتي تعرفين
قلت وش فيه مسكت وجهي وش زيني مملوحه واهبل وبشرتي مربربه وتاخذ لب القلب
طالعي خديداتس تقولين وحده تخززززززززززززززززززززززززن
وششششششششششششششششششششششششششششششششششششششششششششششششششش
تخزن تخزن وش تخزن ((عسسسسسسسسسسسسسسسسسسسسسب ((نوى تمر
كعكعكعكعكعكعكعكعكعكععككعكعكككعكعكعكععكعكعككعكعكعكععكع

واطالع بشكلي لحظته وافطس ضحك بعد ما طلعت العسب من فمي
بس كان منظري لا يعلى عليه اللي يشوفن يقول الاخت تخزن وتخزن عسب وبالمدرسه بعد
الغريبه الموجهه مالاحظت بس اذكر ارمقتني//تعبت اكتب هالكلمه
كملي بس كملي الموجهه طالعت في وجهي وعطتن ذيك الابتسامه اللي مدري وش مغزاه !!!! تدرون وش توقعت بوقته قلت شكل البلاشر حقي معجبه
وراح تجي تسألن
اخخخخخخخخخخخخخخخخخخخخخخخخخخخخخ


وهذا مشهد مر وغيره مشهد ثاني وثالث وعاشر في مدرستنا وشغلنا
اللي مهما اقول عنه متعب بس بصراحه لذييييذ وممتع لابعد حد



وا قلبي عليتس يا ام يوسف والله ان كرفتس وتعبتس يعادل تعبنا اضعاف اضعاف
ام يوسف الله يعز مقداركم ومقداره مديرتنا الفاضله اللي من استلمت الاداره وأنا بخير والاهم من كذا إنا نتصبح بوججه الصبوووح
كل يوم وهي فارده الوجه وتبوسم لكبير وصغير


اليوم بعد الحصه الثالثه تحديد كنت بحضرت مكتب سعادتها عندي شغل
معه
الموهم راح اسرد لكم شغل ام يوسف بالسنتي والمتر واللي شفت بس قليل منه بغضون ((ويه يالفصحى بدينا نتحسن ونطلع مفردات حليوه
الموهييييم شوفو تعب وعمل وكرف هالمديرات الله يعينه ولا يضيع تعبهم
ويحتسبه آجر عنه
المشهد الأول
صباحا تدخل المعلمة فلانه...
هي :مازالت ترتدي عباءتها ( اليوم ابي أستأذن عندي موعد
المديرة - متى؟
هي : الحين
المديرة - ليش ما قلتي من أمس حتى نقدر نسوي شي
هي :عندي موعد
المديرة حصصك ؟؟؟؟؟؟؟؟؟؟؟؟؟؟؟

هي :دبرتها بمعرفتي(( يعني وزعتها والبركه في خوياتي ما قصروا معي
( الله لا يوريكم على هالصبح كلااااااام ) وش طوله تقول تقدم معروض على وزارة الخارجيه تبي فيزه 10 شغالات
هعهعهعهععهعععهعع

المشهد الثاني

اتصال هاتفي ( والد واحدة من الطالبات

وطعا أنا مدري وش يتحدث عنه ولكن فهمت من رد المديرة

المديرة: يا أبو.... ما المانع لو طلب من الطالبة تنظيف فصلها ...
الأب: .............................
المديرة: أنا ما قلت شغالة وما قلت تنظف الإدارة يا أخي فصلها مع زميلاتها ولازم تتعلم النظ
الأب:
المديرة : بدون مقاطعة إذا أنت تبغى مناقشة و ,,,,,,,,,,,,,,,,,

(( بعض الكلام كان من الاب ما ادري وش يقول


المشهد ثالث وبأقل من دقايق
المعلمة ..... ومعها مجموعة من الطالبات
المعلمة : هذولي البنات مشاغبات جننوني لازم تأدبيهن

المديرة ليش ( وشوي يغطووون في كلام كثييير بدأ يجمع المديره مع المعلمه والطالبات وهااات يا للخوض فياعماق المشكله اللي أزمت خويتنا المعلمه وأم يوسف عليه الحل وكيف لا ماهي مديره وهي المسؤوله عن كل كبيره وصغيره بمدرستنا الموقره أعلاه بالتبجيل ...
وبس أنتهت المعمعه ب تحويل القضيه لطرف رابع هي (المرشده الطلابيه

وبها الاثنا اخلص شغلي عند مديرتي وهات يا هرب خارج اسوار مكتب المديره ولسان حالي يقول يا عزتي عليك يا مديرتنا والحمد لله الذي
عافنا من شغل مثل كذا
الزبده من هالمشاهد
((( لو يعطون وزني ذهب ما رضيت أكون مديره حتى لو القيمه الذانيه والمعنويه والماديه اضعاف مضاعفه
ب الله عليكم أحدن يبييييييييييييييع الراحه
ويشتري العنا والغثى {{عاد هذي وجهه نظري أنا


وحفظكم ربي وين ماكنتم
هذا أنا غيمة المزن والدييييم
تحدثكم وهي تعبانه من كتابة الحدث والسالفه

عليكم من ربي سلام
ي زواري و ي مدونتي ي كوشخه
ياحبي لتس والله أني ارتاح فيتس واجدن واجد

كيف أصبحتي كيف امسيتي

يلاه تزهبي وتكشخي
عازمتن ناسن واجد يبمرونتس الحين
ويقلطون في ظيافتس
واستعدي لسالفة اليووووم

استغفر الله العظيم
الله ياخذك يبليس
ي ربيييييييييييييييه بغى يرووووح وليدي بغمضة عين
كانت براسي سالفه ودي اسدحه لكم هنا
بس ضاعت مني وهربت لان حضرتي
يوم جيت ابنزله وابي اكتبه
الا اسمع صيااااااح جاي من صوب سنقور
واطمر من مكاني كني مقروصه ذيك الطمره
وش صار وبصدري ادعي
ياربي سترك
وبشوي الا وأنا داخله غرفتي ألا و اشوف الا كنه اعصار مر من جنبي
تلفت يمين تلفت يسار الا
هالمقرد سكروبه ومنشاره ماسكات الطبلون وهات يا فركه وتنحيش من قدامي يتوزون عن عيني
ولا وانا اصرخ عليهم وش مهبهبات بالبزر
حسبي الله على ابليسكن ألا وهم يتراكضون وشكلهم عاملين بهالمسكين
خزقه
وقاعدات يتطاقون على شيله وهو المسكين ضايع بينهم اخرته مره يسكت ومره يصيح
و كلن تسحبه من جهه وبالاخير طاح من ايدينهم يالمال الصلاح
بس الحمد لله جت سليمه وماطاح على الارض كان تصير علوم ربي ستر
وطاح على سريري
والحمدلله ماصار بوه غير خرعه وتخويف يا بعد أمه
وعويناته تطاير وصياحه واصل بغداد
من الخوف يا قلبي واشيله واضمه واسمي عليه
وطير ادور هالمقرد ما يفكن عنهم غير العصا
حسبي الله على ابليسهن ولا بزر ابو 4 اشهور يتجادلونه بينهم
كنه كرتون كلنكس
الموهم بعد عقابي لهم سالفتي طارت مدري وش كنت ابي احتسي
وهذر عليكم
قلبي لين هالحين يتنافظ ويشكر ربي ويحمده اللي سلم لي وليدي
من بين يدين هالمتو حشات غير كذا ربي ستر علي
ابو الشباب ما كان فيه لو فيه عز الله صارت علوم
وحرب داحس والغبرا آخرته عقاله يسوي فيني شوارع وخرايط
بس ربي ستر ماهوب موجود
تدرون الخطا علي وراكبن من راسي لين رجولي
ولا فيه حرمه صاحيه تخلي بزر بغرفه وفوق عند
بزارين مثله مايدرون وين الله حاطهم
بسسسسسسسسسسسسس خلاص تبت من اليوم وطالع
اي هذره وسوالف معوذ يكون بحضني قبل جهازي وقبل الدنيا بكبره
والله من حرة الظنى وغلاه
اقول هالحكي
الله لا يذوق ام فقد ظناه ولا تشوف حرة فقده

والله يستر علينا وعليكم وعلى المسلمين جميع

سالفة اليوم ماكو بح طااارت بعد هالخرعه
باستر اقوله لكم
وتصبحون على سلام وامآن دايم بالعيال والانفس والمال

اسعد الله ايامك
زوار المدونه
كيفكم عساكم بخير
أنا بخير والتوأم ومعوووووووووذ وليد امه بعد بخير
وجيرانا بعد بخير والديره بعد بخير
وكلنااااااااااااااااا بخير لو بس الله يفكنا
من من هوس الكوووووووووووووووووره والتعصب

وهذي هي سالفتي ي زاواري ويا حبايبي


امس كان يوم مميز لحتفاليه كان راح يكون مميزه لعشاق الكوره ومحبين الهلال ومن يمتر من مدينه لمدينه على شانه
بس لو الهلال جابه بس خابت والكوره دوااااره

الساعه الواحده ظهرا وتحديد بعد خروجي من الدوام
اذا ابو الشباب يمرن بالعمل اي بشغلي على غير العاده
ولا هو يقول ي لله يامره عجلي علي روحي لبيتس وظفي عيالتس
وعلى طول لبيت اهلتس بسرررررررعه
أنا بلحظته انصدمت ودميعاتي اربع اربع واشاهق
هذي اخرته يا ابو معاذ تطردن من بيتك بعد ما خذيتني لحم تقطني عظم( مسكنة حرمه
وش جايك مني وش مسويه يا قليل الخاتمه هذي اخرت صبري عليك وصبري على ايام الغربه معك والكرف من ده لديره (المسكينه اللي هي أنا قطت الخريطه كله
وانا ابكي واتحسب على عمري اللي فات واللي مضى
واشهق بأنه واهأت
هههههههههههههههههههههههه
الرجال بقبقت عيونه وش فيتس يا مره اخذتين بمجداف ومشراع وعلى طول تحسبين علي من اللي يقول ابي اطردك
اتهبلتي أنتِ وش قاعده تهبهبين
قلت و بلحظة ياس وه يا بن عمي مسرع ماتبي تنكر ! هماك قبل شوي تقول ظفي عفشتس وبزرانتس وروحي لبيت اهلتس
قال لي وهو فاقع ضحك والله انتس منتيب صوحيه
أنا قصدي روحي لبيت اهلتس هالليله لاني مسافر هالحين الشباب ينتظرون نبي نطمر لرياض بعد ساعه
اليوم مبارات الهلال نبي نحضره !!! فاهمه ولا لا
أنا قلت إبشششششششششششششششششششش مباراه وش دخلن بالهلال حتى تطمر لرياض عشان مباراه والله لونه أنا ماطمرت على شاني<< بدا جحد الحريم يا كافي
لا راحت ولا جت وبتنعرض بالتلفزيون أنت فيك شي احد يروح ويسافر على شان كوره
قال يا مره هذي مبارات قمه واليوم يوم اثبات الحب للهلال
قلت له يعني ما يبين غلاك الا تطمر وتسافر وتعنى له
قال ايه هذا يوم الانتماء
فلت والله امحق انتماء هذا هو الهبال بعينه
كل ذا حبن بالكوره والهلال يا دافع البلا وتجدعن عند اهلي وتهمل بيتك وتدق مسافه 350كيلو عشان مباراه

ويطمر ابو معاذ لرياااااض ولعيون الهلال يمشى حارق طبلون السياره والسرعه يعلم به الله
كل ذا عشان كوره وتشجيع وهلال مدري وش
وعلى طول يوصل ابو الشباب للاستاد الملك فهد دايركت ويحضر المباراه ويشجع ويهتف وينبح ويوقف قلبه على كل هجمه تضيع على الهلال
الموهييييم خسر الهلال وضيع البطوله وتعب من تعب و انقهر من انقهر وفرح من فرح
وضاع مشوار ابو الشباب على الفاضي
تهقون هذي دعواتي
كخكككخكخكخخكخكخخككخخخخخخخخخخخخخخخخككخكخكخخك

ورجع ابو الشباب كسير حزين يدعي و ويسب ويلعن اعوذ بالله لا سلم من السانه لا
حكم ولا ادارة الهلال ولا لاعبين لا الهلال ولا الايرانيين ولا حتى الكوره يقول اكيد انها مسحوره
كعكعكككععككعكععكعكعكعكعككعككعكعك
وكل هذا من معشوقة المجانيييييييييييييييييييييين هالكوره وهالهوس فيه

الزززززززززززززززززززززززززززززززززبده من هوس الكروي لا يبلانا

اولا هالهوس وهالتعصب والحماس الزايد
حيث أثبتت الدراسات الطبية أن الجو المشحون بالحماس
والاهتمام والانفعال والتوتر اللي يصاحب المباريات يزيد إفرازات هرمونات التوتر

من الغدد الصماء إلي الدورة الدموية و يزداد إفراز هرمون الأدرينالين اللي يسبب جلطات القلب يا كافي والسكتات القلبيه
وياكثر ما سمعنا عنه بمدرجات الملاعب
وغيره وهو الاهم هالهوس وهالحماس يسب الفوضى في المجتمع كما أن بعض المتعصبين لفرقهم
يقضون أوقاتا طويلة في متابعة مباريات كرة القدم حتى علي حساب أعمالهم وكسب عيشهم مثل ابو الشباب طاق مشوااار وش طوله عشان هالخبال وتارك اشغاله وعياله
علشان هالمجنونه ,

وسلامه تسلم قلوبكم وعقولكم
من مغشوقة الملايين
وكفاكم ربي شر نفوسكم وحفظكم وين ما كنتم

ياترى يجي يوم معوووووووووووووذ يطمر لسبانيا يتابع مباريات ريال مدريد ولا برشلونه
ممكن يجي ليه لا ما صرنا نستبعد مو يقولون ولد الوز عوآم

شخطه ( على فكره ترا ابو الشباب شاري لمعاذ فانيله تيشيرت هلالي وينتظر متى يحبي حتى يلبسه
كككككككككككككككككككككككككككككككككككككككككككككككككك
ب الله اسالكم شفتو خبال وهبال مثل هيك
اخخخخخخخخخخخخخخخخخخخخخخخخخخخ