وييييييييييييييييه يا زين الراحه بس والقلوب مرتاحه
مع تكبير المخده’’’’’ واخيرا مرت ايام التعب والكرف يا شين بداية العام الدراسي قطيعه كله تعب وكرف مو صاحي
ما اقول الله يعين اهل الابتدائي بس مدري كيف يتحملون لا من زود غثاهم بوه اسبوع تمهيدي مدري ترحيبي مدري وشهو احسهم يكرفون كرف الحمير
إنا اهل المتوسط نايلنا من الحب جانب من هالتعب والكرف الدوؤب/ اقول يالفصحى مناك الموهم اليوم الاربعاء ومانيب مصدقه عمري قضى اسبوع وييييه من فرحتي وناستي ودي احد يقبصن حتى اصدق
عاد من فرحتنا بهاليوم كل وحده قبصت الثانيه حتى تصدق ان اليوم الاربعاء يعني نهاية دوام يعني إجازه بوكره وبعد بوكره ونكبر المخده ونااااام ولا علي من الناس ولا على الناس مني
الموهم صويحباتي بهاليوم الكريم عملو زيطه وزنبليطه رقص وهز وسط في غفله من القياده العليا
وكلن شال قشه ولا احد ينشه وكلن اشتغل بعمره اللي قاعده تشيل صواني الحلى وفناجيل القهوه تبي تبز عند حمولته الليله واللي تهيجن وترقص
ب السيل ياسدرة الغرمول يسقيك من مزنة ٍ هلت الماعقربيّه)))
واللي تخطط وتشخبط بجدول الزيارات واللي تتفق مه صديقته بهجوم على السوق بما ان الرواتب نزلت واللي قاعده تغزل ب سعيد الحظ عيني عينك
وتعدالليالي والايام بشوفته...واللي تنظف مكتبه واوراقه بزعم انه تحلل الراتب واللي بتمسك خط البكيريه و الرس ولا سدير والمجمعه
واللي تلف ورق عنب تجهزه للمحروس ابو الشباب يزطه بالعافيه مثل المسلسلات السوريه
كع كع
أما أنا حضرتنا شلت قشي من بدري وحطيته بشنطتي ذيك الماركه اللي بــ ثمان طعش اخخخخخخخخخخ //اقول ياحلم اهجد بس
واشيل جوالي وادق على المحروسه وايتي بنت دينا اخخخخخخخخخخ لا يروح تفكيركم بعيد مو وايتي عنزة هايدي اقصد شغالتي المصون اللي تقول لسنع طير يا عمي أنا وايتي والباقي يفتح الله
واقعد اتميلح وتغزل فيه شوي لرفع المعنويات ورفع الهمه بوه بس
واقول له يلاا يالحبيبه جهزي لي سنقر ولبسيه وكشخيه على السريع
واساله عن سكروبه ومنشاره اذا وصلن جهزيهن بسرعه
ولا ثم والله اذا مريتكم ولا لقيتكم جاهزين راح اخليكم تنقعون بالبيت ثلاثه ايام بلياليه <قاعده اهدد وتشيطر على هالضعوف
هععععععععععععهع ميمتي عازمتن على كبيسة لحم يحبه قلبي لحالي
وجهزوا عمركم على القعده اليوم باستر وعقبه ونبي نطلق ابو الشباب من خششنا شوي وخل يدبر عميره وهرفي والصيني مو بعيدين عن نظر عينه
كلن يقوله تعال لا تخلين احلف عليك والغدا والعشاء مدفوعن حسابه
هع هع هع هع
الموهم مريتهم ولقيتهم ياخنت حيلي متنقعين بالشموس بعز القايله وعلى الباب ينتظرونن ومعوذ صايرن وجهه طماطه ياحبيله ودي احلي فيه بعد كبسة أمي ونمسك خط الرس ولاهو بعيدن بيت الغاليه
ونلقاه مستقبلتن على الباب بالعرضه والدفوف و بثوبه اللي يهبل عليه (المقطع) *ثوبن قديمن بالقصيم واهل نجد يلبسونه هالحريم هاك الزمان *
وتشيل ميمتي معوذ وحلت بوه قبل الغدا ما ينزل
الموهم بعد القهوه والشاهي والكليجاوالجح* الحبحب* البطيخ لغير الناطقين بالقصيميه)
وتسدح ميمتي ذاك الغدا اللي ان دل عليه يدل على سنع حريم القصيم
ونتغدا مع كاسة لبينه طازه من مزرعنا اقصد حليبه من بقرة ولد عم أمي يتنقصه لميمتي كل يوم مرسلن له سطل ياحبيله ومدري وش قصده من هالحركه
اخخخخخخخخخخخخخخخخخخخخخخ شكله حاط عينه على الوالده)وكل ما قلنا للغاليه من اين لك هذا ي ام عزيز
كع كع كع ((من ورانا يام عزيز تبوسمين وتقولين والله ولد الحلال ما يقصر وتدعين له))
الموهم بعد الغدا من ست الكل ما شفت الا فراشي والمخده وينك يا سبات الليل وينك
وماصحيت ألا المغرب يا دافع البلا تقول ناقصن جرعة حنان اقصد نوم
ولا وشوي يتجمعون الخوات اللي ساكنين حول أمي والمناطق المجاوره
وقهوه وحلى وسوالف وشاهي وحلا وسوالف ((وهذا هو دربنا يا السعوديين)
اخخخخخخخخخخخ
الموهم اتفقنا أنا والستات الهوانم نبي نريح الوالده من العشاء والطبخ والنفخ
وبما ان الرواتب نازله تقاطينا نجيب عشاء من برا<زكلن يمد بوكه
الموهم هذا هو يومي بالسنتي والمتر ...ذكرته
ولي اهدافي ((تعالي يالفصحى يافرحتي فيتس
ألا وهي
1_الاربعاء كيوم لسعوديين فرحه وناسه لا توصف
2_ وغير كذا لمة العايله واجتماعنا وبرنا لاهلنا بالزياره وفرحوا الاهل بشوفكم أنتم وبزارينكم (صحيح بتغثونهم بس جيتكم تسوى الدنيا وما فيه عندهم
3_ التواصل بين بعضنا البعض
4_ التنفس تعريفه وتطبيقه (لاتحسبونه درس علوم اخخخخخخ
اقصد ايام إلاجازه متنفس لطالب وللموظف اللي زي حالاتي وحتى لربة البيت حتى لشغاله اللي مثل وايتي ترتاح من خشش اهل البيت بوجيه جديده
من ضغوظ ايام العمل لكل الناس كلبوهم
يعني المقصد يا حريم ((بس الحريم موظفات ولا راعيات بيوت طلقوا رجاجيلكم يا هووه
بس ثلاثه ايام من خششكم شوي ومتعوا اعماركم
ما بين الزيارات وبر الأهل وتصفح النت و المطامر بالاسواق
والتسكع بالحواري والتبطح بـ النفود والبراري
وبس
حفظكم المولى اينما كنتم

الماركااااااااااااااات(( ياهالهم اللي اشغلن



عندي لكم سالفه حصلت قبل شوي مع وحده من خواتي
ذيك المملوحه عرفتوه""" ايه عليكم نورالمربربه ام العرق الشامي
اخخخخخخخخخخخخخخ لا يروح تفكيركم بعيد وتخططون على وخيتي البنت متزوجه
كع كع
الموهم ياطويلين الاعمار وخيتي يده تاكله طالعتن علي الزبده الراتب نازل والجيب مليان يعني السوق قريب وفاتحن بابه
ويبي الهجوووووم
الموهم اوخيتي هذي مغرمه بشي اسمه ميك اب وعالم التجميل عالم من اختياري
وب لحظه الناس منهمكين بالسوالف وش نطلب من عشاء وش ما نبي
الموهم اوخيتي فزت وقالت خواتي حبيباتي من اللي وده تاخوين لمشيور بسيط الكل طالع فيه ووتفتحت الحلوق على وسع تقول
والكل ويييييييييييييييييييييييييييييييييييييين
قالت وبتغنج لسوق ابي حاجتن بسيطه وارد بما ان محي الدين سواق الوالده فيه ويافرصه ماتعوض
أختي الكبيره قالت والله مالي بالسوق عازه والثانيه ما ردت والثالثه اقول اهجدي العشاء قريب
وأنا قلت والله راسي مفتر من السوق امس ورويتبي ثلثه طار أمس
واختي اللي بعدي قامت تمطط وتمغط اقول عشاكم بيتأخر رجلي على جيه وكلن ماعطاه وجه وكسرت خواطرنا وبدت الدمعه قريبه والصيحه ماهيب بعيده وقلنا له يا بنت الحلال احفظي قرشتس الابيض ليومك الاسود ولاتضيعين دريهماتك على شين ماله عازه((( يزعم انا ننصح ولا ندري عن نفوسنا وتبذيرنا يا دافع البلا
الموهم البنت عزمت الا تروح ماحبكت هالروحه ألا هاليوم وتنط له وحده من بنات أختي الكبيره وتدق الصدر افا يا خويله أنا خويتس ويمناتس وأنا بنت ابوي الموهم ويصير وجه أختي الكبيره الوان وخرايط
من فزعت بنته ((( يعني يا ميمتي افهمي ومدي بطاقة الصرافه توتس اخذنت الراتب)ويا قلبي على وخيتي انحرجت وخضعت لبنته راعية الفزعات على حساب امه

الموهم السالفه هي يوم أن أختي راحت لسوق ودخلت هاك المحل محل مشهور حق ميك اب وتتفأجى بالحقائق التاليه اللي قال له صاحب المحل بلسانه ياجعله للجنه راعي ذمه ومبادي<وش جاب هالكلمه

يقول له يا بنتي عالم الميك اب عالم من الخدع... والترويج...عالم من ذكاء التسويق أول حقيقة قالها

عن خبير تجميل عالمي كان يحكي عن ماركات الميك أب العالمية...
وش قال

كان يحكي انو كل ماركة ميك أب عالمية ولها شهرتها...عندها خطين انتاج واحد عالي التكلفة وواحد منخفض..
زي مثلا ماركة أرماني...لها خطين خط عالي وغاااالي وخط انتاجية لعامة الناس وسعرو بمتناول أيديهم...

وقال منهم...بورجوا وايف سان لوران
انو بورجوا هي نفسها باالضبط ايف سان لوران وكلهم يتم انتاجهم بنفس المصنع وبنفس الخبراء وبنفس التركيبة...

وكان يحكي ان ذي خطة ترويجية وتسويقية لشركات التجميل...لأنو مو كل الناس يقدرون يشتروون بنفس المبالغ طيب لازم يربحون ولازم يغطو أكبر شريحة من الكستمر فعلى هالاساس كذا كانت فكرة الخط الانتاجي الثاني

ثاني ماركة قال عنهها هي ريميل وماكس فاكتور
واتكلم انهم اثنينهم طبق الأصل لنفس الشركة ونفس المصنع لماركة كبيرة
نسيت اسمه اللي قالته أختي اممممممم اتذكر اتذكر مدري وش اسمه والحرمه
طلعت لبيت رجله
الموهم قالت لنا انه قال له اسما ء ماركات كثيره نسيت بعضه من عجلتي على تدوين هالموضوع
يعني الزبده يا هوووه ياناس إنا حريم ي مغفل بس نمشي ورا الاسماء الامعه والمشهوره بس ندفع ع المنتج مقابل الاسم فقط لاغير
وأوقات يكون زين واوقات يكون خايس والزباله الله يكرم السامعين طريقه

أكبر دليل على هالكلام اللي من خلال تجربه لي ولغيري من خواتي وصديقاتي بينيفت... التنت أو باودر الحواجب
أكيدة انو أغلبيتنا انغر باسم الماركة وشهرتهاودعايتها القوية
والنتيجة كانت ايه لون فاشل تشقق الشفايف وحالتنا حاله وأنا اكبر هالمعانين من بعده الله ياخذه قطع شفايفي الورديه

وغيره باودر الحواجب من بودي شوب ومكياجي أفضل منه والكل يشهد
في المقابل في شي مغمورأحلى وأحلى وأحلى بس للأسف مانال نفس الاعلان والدعاية
بس العيب فينا بس نطامر وراء الاسم وتفضيت هالجيوب
ويادراهم ضيعي

وهذي سالفتي عن أختي برواية صاحب المحل الاجودي ماقالت لي من اي جنسيه هو ولا كان اطمر وحب خشمه (وشهوووووووووووووووووووووووووو (العقال وينه
يويلي لو ابو معاذ اسمعتس يا غيمه لو سمع هالهرجه
اخخخخخخخخخخخخخخخخخخ قال العقال وينه ((هما قلت لكم صايرن حمش ماينتفاهم ابو الشباب بعد ماكبر راسه ب سنقر اقصد معوذ
لا لا تففهمون غلط مو احب خشمه يعني خشمه قصدي اشكره وثني
على // رقعي السالفه بس
نصيحته الطيبه ومعلومته المفيده اللي نبهتن لشين كنا غافلين عنه وبس


وبس حفظكم ربي وين ما وليتم قبلتكم// هي تنقال ستذا

مع السلامات
نشوفكم في ثرثره جديده

سلام من ربا رحيم
يامدونتي وياللي تمرون
عساكم بخير كيف اصبحتو وكيف امسيتو
ان شاء الله ان صباحكم ومساكم خيرن بخير
وعلى خير

صباحك صبح.. نوره مايهدّد وصلنا بفراق
يجي لا جا يبي يرحل يغمّض عين محبوبه
/
\
نعيش الصبح ..من مثل الضيا يستاهل الأحداق؟
سكن باعمق تجاويفي.. بياضه بس عذروبه