مساكم خير وشعر
شعب ليلاس ومن مر من صوب مدونتي

يا رب
أن لم أكن اخلصت في طاعتك
فأني أطمع في رحمتك

فيني ضيقه وقلبي على أحبابي متكدر
تدرون وش اسباب ضيقي,تخبرون السالفه اللي كنت راح اسولف عليكم
بخصوصه قصة خويتي صديقتي اللي معي بالدوام
وحاله الكسيف ذاك اليوم اللي يقطع القلب وتعبه وحزنه بحياته
اللي لا سر عدو ولا صاحب..تذكرون ذاك اليوم اللي كنت ابي اقول حكايته وحكاية هالرجاجيل وظلمهم لنا معشر الحريم ذاك اليوم ماقدرت ادخل كنت بمهمة عمل وغير كذا متطلبات أسره كامله تبي مني تفرغ
البنات نقول لاهيتهم هالروضه والدراسه والروحه والجيه
بس ما كسر بخاطري غير سنقر هالمسكين معوذ احسه فاقدن حناني يالبى قلبه احسه يفرح بجيتي آخر هالنهار يقعد يناظرن
كل ماتحركت يادلبي عليه
الموهم كنت راح انزل سالفة صديقتي بس ظرفي ما سمح
الموهم سبحان الله قبل يوم افجع بنفس السالفه من صديقه غاليه علي بالحيل من خارج عملي حزنن همه احسه مقهوره مخنوقه كلمتن والغصه بحلقه
متحشرج صوته وخانقته العبره واحسه تعبانه تعبانه حيل
وكله بسبت هالرجاجيل لا بارك الله فيهم وف سواياهم
صديقاتي هالثنتين يعانون ونفس الحكايه
بس اختلفت احداث حياتهم
صديقتي الاولى رجله ضامه وتزوج عليه بالسر ولمده 8 شهور
وهو يخونه مو يخونه بدقيق العباره بس يخونه لانه ما خبره ولا علمه
كان يلعب عليه وهي اللي شالته ورفعت قدره عند الناس
رحمته وحبته وفضلته على القريب وهي العزيزه اللي ما ينقصه شي لا جمال ولا سنع ولا ذرابه ولا حتى تعليم وبينهم اطفال آخرته يجازيه ياخذ عليه
أنا مو ضد التعدد بس هالتعدد احسه جائر ’استغفر الله
مو عادل ابد منو اللي بعدل بين قلبين صعبه ياعالم
وغير كذا ربي يوم جاز التعدد اساسه كان العدل ثم العدل ثم العدل
وهذا للاسف ما يطبقه رجاجيلنا لابد انهم يميلون
وربي قال وحده تكفي اذا هالشرط مو محقق...ليه طيب تعب هالقلب والغثى ب حرمتين ليه
ظنتي ما ياخذ الرجال على حرمته إلاى اذا به ينقصه شي مثل حرمته ما تجيب ولا تضنى واذا كانت تعبانه وما يرجى شفاه واكيد هالرجال بهالحاله يحتاج ويبي من تسد جوعه العاطفي والجسدي
وغير كذا لا لا لا يا ادم
حدك وحده تكفي
اما صديقتي الثانيه والغاليه الغاليه بالحيل قصة محزنه هالبنت تحس فيه تعب الدنيا بصوته وبحروفه
هالغاليه وتسمح لي اقول قصته مطلقه من فتره تطلقت من رجال معقد كل عقد الدنيا فيه رغم تعليمه ورقي مستواه
وفكه ربي منه بعد تمطيل بورقة طلاقه متدت سبع اشهر اواكثر كان جادعه عند اهله وتاركه لا يسال عنه ولا شي ومهمله بعد ما ذاقت الويل على يده كم سنه من عذاب نفسي وجسدي مرت فيه المصيبه حملت منه ثلاثه وفقدت واحد من هالثلاثه بليله ظلما ومحزنه حيل وتعقدت حياته معه وهذا اللي آجل ورقة الطلاق وعقد مشكلته
وهالاطفال متعلقين ببوهم حيل رغم حياة المد والجزر والتذبذب بين بيت اهل أمهم واهل ابوهم مساكين خنت حيلي مره هناك ومره هناك
الموهم جت ورقة الطلاق ب وقت ما كانت تحسب له صديقتي وبالوقت اللي يبيه هالمتعجرف وبعده كلن راح لحال سبيله
تعتقدون كذا اللي صار لا وربي ما جت على ماتمنى صديقتي
مرت بظروف قاسيه حيل انه يتحمله بشر فقد واغتراب وتعب وتعثر بمسيرته وتكميل الحلم الماجستير والدكتوراه اللي طال حلمه فيه بسبب هالظروف ومشاكل ماتنتهي من هالزوج المطلق مره يهدد باخذ هالعيال ومره يتوعد ويسب وينعت صاحبتي بابشع الالفاظ ويا قلب وش هالدنيا..الموهم ولا مره سلمت صديقتي من شره رغم انه مطلقه وما شي يجمعهم سوى هالاطفال
ولا مره ارتاحت وهي بعيده عنه يراقبه يسبه يهدد حرمه من عياله ثلاث اسابيع وتركه بهم وضيق ما يعلم به غير الله بزعم انه يبي يرجعه لعصمته ويحبه بعد ما شم خبر بس خبر ان احد يطرق باب هالغاليه
وصار هم المتحكم به وهو البعيد عنه رد بزرانه له وبالوقت اللي يبي
وماهتم لا ترجيه ودموعه ولا نحيبه وهي تطلبه كان قاسي قاسي حيل حيل

وبعد كم يوم يجي خبر زواجه من وحده غير صديقتي وعلى مسمع من كل هالناس اللي تربطهم علاقه بصديقتي
ويحر ويقهره ولا ويقول يتبجح بكلامه( خل اكسر واذل خشم بعض ناس ) كان يقصد صديقتي وآه يا ظلم هالرجاجيل
صديقتي مو تبكي عليه ولا دمعه نزل علشانه لا والله وقف بطريقه ويتحكم فيه على كيف و ويذل واخرته يحره ويقهره

هذي سالفتي كله بصديقتي لاولى والثانيه وكله من تعب هالرجاجيل
لا بارك الله فيهم إلا من رحم ربي {صدق تخوف الحياه معاهم وكنه على كف عفريت[/.. يارب حفظ لي ابو معاذ ولا تجعله يمشي طريقهم وحل ايامنا وجعله سكينه ورحمه وهدوء
الله يقينا ويبعد عنا الظلم ويصلح حالنا وحال كل من يعز علينا

يسعد مسى من مر