اكيد تعرفون هالقصه
<<المسماه ب قصة شوجي
ثلاثة ارباع طالبات مدرستنا ب هالشكل
يا دافع البلا شي يحز بالخاطر والمصيبه انا بديرة ابن عثيمن رحمه الله
ولا حول ولا قوة الا بالله
وييييين الاهل بالله اذا بناتنا المرهقات مثل هالشكل
وش فييدتنا بالحياه
وين امهات قبل يليتهم يشوفون اللي قاعد يصير
لا والمصيبه يقولون موضه/// وش موضته هذاخراب
هذا تشبه بالغرب والله ان الغرب افضل منا
وربي ضيع هالجيل المذهب وربي انهم جيل هبهب

يلا نستودعكم الله
ولنا لقاء جديد
اذا كتب الله

سلام الله على اللي مر من حبايبنا
تدرون يا حبابي يسعدن كثير اشوف ارقام المشاهده لمدونتي بتزايد
وهذا ان دل يدل على كرم أخلاقكم وغير كذا اني قدمت شي ولو بسيط
حسسن أني اكتب شي نافع ويفيد ولو بمعلومه من بين السطور
ولو هي عابره ولو كانت ما وصلت حدى البلاغه والتعبير
المطلوب اللي ماشاء الله كثير يجيده هنا إجاده تامه
بس سواليفي في مدونتي كانت عفويه وعلى السليقه لا تنميق بالعبارات
وعلى البساط الاحمدي وطالعه من القلب ويا زين اللي طالع من القلب
على طول يخش القلب

ورغم إني داريه أن فضفضتي كله حياتيه وسوالف طالعه نازله
بس اللي أرجاه ان بين السوالف والفضفضه معلومه حبيت اوضح له
ب قالب سوالف ووطق حكي ومنه ارضيت الضمير اولى وآخر وتالي
وان سواليفي ما كانت عبث اللي يفهم بين السطور
فهمتونن <<فهمتون يا غوالي عسى يا رب عسى يارب
ويا ربي اكون صادقه وان اي حرف يكون شاهد لي لا علي

وهذا هو المرجى ب عالم التدوين

ما كل من ركب الفرس صار خيال
ولا كل من شد السرج صار راعيها



ودي اتطرق لشي امس حكيت فيه
ألا وهو كلامن عن تغير طاقم الاداري بمدرستي
وحبيت واوضح نقطه انه ما كان القصد من طرح ذيك السالفه
هو ذم بالاداره القديمه وعسف في جهوده لا والله ما كان هذا القصد
لكل اداره وباي وظيفه وعمل سلبيات ايجابيات
وفرحنا ما كاااان من عبث يا ناس
إدارتنا السابقه كانت زينه وله جهود واضحه
بس العيب كان
1_ التذبذب بالقرارات
2_ الحزافز معدومه
3 _ وهو الاهم من وجهة نظري عدم التقدير من قبل الاداره باي جهد
منتج من قبلنا
يعني بالاخير وش توقعون تكون نفسياتنا بتغير الطاقم القديم
مثلا نحزن عليه ولا نفرح
وحنا نشوف كل جهودنا المبذوله في رقي المسيره التعليمه في مدرستنا خاصه ما تقدر سوى طاقم إداري ولا كادر تعليمي
يعني بالاخير
نجاح اي اداره هو
تقدير وثتمين جهود اي فرد اي فرد كان ( مدير ,أداري, معلم, مستخدم, طالب = اداره منتجه ناجحه
وهذا اللي حبيت اوصله من خلال فضفضتي امس
مو فرح ل فراق ام عبد الملك والله المقصد كان
نبي اداره تقدرنا بس تقدر تعبنا يا ناااااس
فهمتووون

راجعه لكم( لان
عندي سالفه مره تهم ((المره)) اي المرأه ,,حيل
حدثت اليووووم وامام عيونا (وآه منكم يا الرجاجيل)

بس خل اخلص من أشغالي ومشاويري
ثم اجي اسدحه لكم ب اذن الله ب آخر الليل يعني مو ليل ليل
لا بوسطة الليل ورانا دوامات واكل عيش
فيكم اذن تسمع ترا السالفه تهمكم معشر الحرييييم
بالذات
عاد لين ذاك الوقت
تمسون على خير
ولنا لقاء



مدونتي
لتس هالبيييت
مقصر بحقك وأنا اغليك واداريكـ
وابيك تعذرني وتسعد فوادي