كاتب الموضوع :
حكآية غيمه
المنتدى :
مدونتي
عندي سويلفه// لتبسيط يعني سالفه
قربوا يا جاراتي وياللي تمرون من خط الاستواء اقصد مدونتي
بس قبله جاء على خاطري هالبيت
كانــ الخطا فيــ عالمكــ
شيــ عاديـــ
مانيــ من الليــ
لاجرحتهــ ضحكــ لكـ..
السالفه هي وحده من صديقاتي الصدوقات القريبات القريبات
اللي لامن حتجته لقيته على يميني
زعلتن البارح تقول لي غديتي قاطعه يام معاذ وتكبرتي علينا
واتعذر منه واتسامح واقول له والله ياحبيبه ما ردن عنكم الا فتنة الدنيا ومشاغله بزران وبيت ورجلن حار
قالت :لي مهوب عذر نقبله كل الخلق عندهم بزارين ومشاغل ورجاجيل
موب بس أنتي
قلت: له أنتِ تخبرين الوضع ولانتب جاهلتن عليه
توني طالعتن من حمل وغثى ونفاس
وهالايام ياغاليه فاتحتن لي بيت بالشبكه
وتسلى فيه ويسجى خاطري فيه
وقالت :وين هالبيت قلت صفحتن فاتحته بمنتدى تخبرين عشقي
وتولعي بالقرايه
قالت :يعني مدونه ..! قلت وصلتي خير زوريني ياغاليه خل نتبارك ونتشرف بزيارتك
قالت الله لا يقوله
قلت له : ليه عسى ماشر
فالت: يعني تالي عمرك رديتي مراهقه وتكتبين مدونه
عاد أنا تفاحئت بالحيل من رده
يعني اللي يكتب مدونه مراهق
قالت :ايه كل هاللي يكتبون مدونات مراهقين
وكله كلامن بالفاضي ونقصان بالعقل وانتي يا بسومه عمتي مثل عومتهم هالمراهقين
عقبه شلت بنفسي وزعلت من كلامه اللي اجرحن بالحيل
هذي وهي القريبه تقول كذا
معقوله كذا تفكير الناس
وش هالخرابيط // لاتصدقين يا غيومه
باب التدوين عالم كبير ورحب واسع وقايم سوقه
ولاهو مقصور على مراهقين ولا بالغين
فيه كتاب معروفين لهم مدونات
ايه مدوناتنا على قدنا ناقصه فكر وادب وطرح ل قضايا فكريه
وسياسيه وعلميه واقتصاديه
بس مدوناتنا فيه الخير ربما تكون به فايده ومعلومه ولو صغيره يستفيد غيرنا منه ولو كانت صغيره
مدوناتنا فضفضه وسوالف وسعة صدر وفلة حجاج
مدونتنا صدق وخير وكلام طيب
وش بعد ما قلته ////والله من الحره اللي بكبدي تحر من كلام صديقتي
هالحين كلامنا فاضي ونقصان
ما اقول إلا الله يهداتس يا غاليه ضيقتي صدري
بهالكلام
|
20-09-10, 07:17 AM
جديد مواضيع قسم مدونتي
العرض العادي
