السلام عليكم ورحمة الله وبركاتهـ
.
.
صباحكم/مساكم..سكر وعسل
شخباركم حبايب قلبي؟؟
.
.
اليوم جبت لكم فكره
وان شاء الله تعجبكم
.
.
عضو في ضيآفة آلخيمه آلرمضآنيه
.
أحبتي في الله فكرة اعجبتني مستوحاه وهي خاصة بشهر رمضان المبارك
ألا وهي
*
الخيمة الرمضانية
*
ضيف كل يوم من أيام رمضان المبارك
نستضيف عضواً من الأعضاء أو مشرفاً من المشرفين أو آدآري من ـآلآدآريين
فـي الخيمة الرمضانية
نسعد بكم ايها الاخوة الاحباب ضيوفا تسعدونا باجوبتكم وذكرياتكم
وقبل كل شئ
شاهى
ولا قهوة
---لا قهوه عشان تسنع الرأس ---
وبسم الله نبدأ
-( رمضـــــــــــــانيات )_
-أول رمضان قمت بصيامه كم كان عمرك ؟
--- كنت أصوم في الابتدائي يوم وعشرة لا ---بس أول رمضان كامل بصف أولى متوسط(( خامس ابتدائي))---
- موقف طريف لا يغيب عن بالك حدث لك في رمضان ؟
--- هو مو برمضان بالعيد اللي قبل سنتين مستحيل انساه --كنا مجمعين ببيت خوالي -- دانتني وحدة من قرايب امي عاد أنا شفت بيدها فلوس قلت الله راح تعطيني عيدية --- وسويت نفسي سنعة وأنا أحب رأسها -- ولا تقولي هاج هذي الفلوس عطيها جدتج --- أمممممممممممماااااااااااا فشلة <<<فيس طاح وجهه---
---ما تشوفون إلا صبوحة تتلفت تشوف في أحد انتبه أو لا---
- برنامجك في رمضان كيف هو ؟
--أصلي الفجر أقرأ قرأن بعيد إماأقرأقصة لين أنام أو أدخل نت شوي --بعدين أنام وأقعد العصر ((طبعا أقعد أصلي الظهر وارد أنام ))وبعد العصر أقرأ قرأن وقبل الأذان بشوي أروح أنجب معاهم الفطور ---ثم صلاة تراويح وبعدها أخل نت ---بس ---
- ماهي الأكله او الطبق الذي يجب ان يتواجد أمامك في رمضان ؟
-- مافي شيء معين ---جود من الموجود--
- هل تحرص على السحور ؟
--- أكيييييييييييييييد---
- شخص تفتقده في رمضان ؟
--- صديقتي (( شمشم ))--- وأي شخص له أحبه ويحبني أكيد راح أفقده ---
- بمن تفكر اول ما تسمع بحلول الشهر الكريم بعد الوالدين الله يحفظ الموجودين ويرحم من انتقل الى جوار ربه ؟
--- أفكر بجداتي وخوالي وعمامي و صديقاتي ---
_ مالذي تتمنى أن تراة في المنتدى خلال هذا الشهر الكريم؟؟
--- ما دري لان أنا ما اشترك بالمنتدى إلا ثاني يوم الرمضان ---
_ مشهد يسعدك أن تراة في رمضان ؟؟
--- صلاة القيام بالعشر الأواخر بالمسجد الكبير خلف الشيخ مشاري العفاسي ---مشهد عجيب---
_ بنشارككـ فطوركـ ونبي طبق واحد
تنزله لنا هنا..
*
--- سووووووووووووووري ما دريت عن الدعوة إلا تو --- خيرها في غيرها---
( اختر واحد من اثنين )
1- تحب رمضان . الماضي ام الحاضر؟
--- الماضي بحلو بأيامه وذكرياته --- والحاضر حلو بأيامه ---
2- رمضان في الصيف أو رمضان في الشتاء؟
--- الشتاء طبعا---
3- في رمضان تحب النوم المبكر أم السهر ؟
--- السهر ---
4- في رمضان تحب الإجتماع مع الأهل والأصحاب أم الجلوس لوحدك ؟
--- أكيد الجمعة واللمه --- خصوصا ببيت خوالي ---
5- وجه دعوه لــ خمسه من أعضاء المنتدى على الإفطار ؟ من ستختار ؟
*
--- كل الحلوات اللي بالمنتدى مستحيل أختار أحد معين --- حياكم الله ---
في الختام ::
اترك هدية منك هنـــــــــــــــــــــا بمناسبة هذا الشهر الكريم
ولك الحرية في الهدية
.
.
--- يالله كل وحدة تأخذ هديتها ---
--- سامحوني على القصور ----
--- وهذي بمناسبة العيد ---
--- عاد هذي هدية خاصة حق نودي ---
وسوف اختار عضو او مشرف أو اداري يكون اول ضيف للخيمه الرمضانيه
*
انتظـــــرو ضيوفنا
*
بالتوفيق الدائم
08-09-10, 04:52 AM
جديد مواضيع قسم الارشيف
العرض العادي
