ليتـك خـذيت بـ / ليلـة [ فـراقـك ] الـروح .. !!
عشـان :: قلـبي :: بعـد فـرقـاك يـرتـاح ..
مـابـي احـس الـويـل و اعيـش مجـروح ..
و يصـير صـدري | .. عـالـم .. | كلـه جـراح ..
يـبي يجـي بـاكـر و بعـده × يـبي يـروح × ..
بس ’ البـلا ، ... جـرحـك اليـا جـا .. مـا راح .. !!












كآنت وآقفة عند الكبت و هي تسحب هدومهآ بدون ترتيب ، ترميهم بـ كل برود في الشنطه الي على السرير ،، ما تبي تخلي شي ،
خلآص .. هذي اخر دقآيق لها فـ هالشقه .. جت من الله ،
كآنت مخططة انها تتركه بعد ما تولد بس رب العآلمين سهل المهمه عليها ،،

سمعت صُوت الباب يفتح بعدها ، توقعتهآ رحيق ، بس شوي و حست بـ قلبها يخفق بعد ما بدت تستنشق عطره ،،
دمعت عيونها و هي تكمل شغلها من غير لا تخليه ينتبه لـ رجفة يدها ،وهي تسحب أخر قطعة لها ،

لكنها وقبل لا ترميها في الشنطه حست بيده الي لفتها من ذراعها بقوة شوي ،
شهقـت من الارتيآع و نآظرته بـ صدمة ،
كآن وآقف قريـب حيييل منها ، و بطنها كل شوي تلآمسه ،
بدت تقلص نفسها برعب من الاحسآس الكرييييه الي حسته ،، ما تبي كذا .. ما تبــي ،
خـلآآص هي رااايحة و ما عاد لها مكآن بهالبيت المقرف ، هو و راعييه ،،

هُو كآن ينقل نظرآته بين عيونها التآيهة و الي مآ تنآظره اصلا ،
في النهآية مسك وجههآ و ثبت نظرآتها عليه و هو يقُول ببحة وآضحة .. و مجروحة : قلتي لي لا تخليني .. و الحين انتي بتروحين ؟!


تركت التنورة الي فـ يدها تطيح و هي تحآول تبعد يدينه عن وجههآ : وخـر عني ،، انت عاارف اني ما ابييييك .. عارف اني بس ابي الفـكـ....!



سكتها لمآ ضمهآ بقووة عنيييفة لدرجة حست بألم بكل جسمها ،، خصوصآ ببطنها ،،
التنفس صار عليها صعـب ، و كآنت رح تصرخ فيه لكنه هُو ابتعـد فجأة وللحين مآسكها و هو ينقل عيونه بـ صدمة سريعه لـ بطنها ،،

هي خآفت يكون حس بحركة الطفل ، حآولت تدفه الا انه صرخ فيها بهمس حآر : اوووووص .. انثبري ..!!


نزل وحده من يدينه لـ بطنها و لمسها ببآطن كفه و هو يقُول بـضحكة استغرآب نورت وجهه الـحزين : ههههه .. هذا يرااافس ؟!


هي كآنت رح تبكي من الي تحسه ، و فعلآ ،، ما تحملت ونزلت دمعة من عينها و هي تحآول تبعد يده : خلاااص وخر عني .. وخـ...!


سكتها من جديد لمآ قرب لها اكثر ، و بعدهآ بعد وجهه شوي وثبت جبينه على جبينها وهو يقُول بـ تعب : لا تروحين .. تكفين !



اهتز كل ما فيها من الي سوآه و من الي قاله ،، أخر شي ممكن تتخيله بحياتها انه يقول لها تكفيين ،، وش فيييه ؟
حست انها رح تفقد الوعي .. يكفففي .. ليييش ما يحس فيهااا ، لييييش ؟!


حركت راسها بأعترآض و هو اضطر انه يبعد عنها شوي ، بس للحين حآضنها : أنا بكون عندك طول الوقت .. بحآول اشوف لو تحتآجين شي .. بس .... لآ تخليني .. تكفين !


نـآظرته هالمره و بعيونها الف كلمة و كلمة ، بس هو ما فهم منها ولآ شي ،
من زمآن مآ كلمها و لآ عرف وش فيها ولآ وش الي تبيه ،،
الشي ذا صعب عليه فهم مشآعرها هاللحظة ،
همس و هو يحآول يركز بنظرآتها : انتي ... بعد ما تبين تروحين ؟!




شهقـت وهي تدفه من صدره بقوة ،
بعنف مسحت على وجهها وهي تقُول بنبرة قرف قديييمة و كأنها تو تصحى من سكرتها معاه : لا ابــي .. ابي اروووح ،، ابي اخلص من هالعيشة الي تقصر العمر .. ابي اخلص منك .. ابي اكررررهك .. فاااااااهم انا ما ابييييييك !!


جملة " ابي اكرهك " .. كآن لها معنى وآحد بس ،
لكنه جملة " ما ابيك " .. ما خلت لـ عقله اي مجآل انه يفكر بـ إيجآبية ،،
بلع ريقه و هو يشُوف حركآتها و صوتها المنقرف ،،
حـآول يتمآسك .. ما يبي يعصب عليها الحين ،،
هي عااارفه انه فجأة رح يفقد كل ذرة هدوء متمسك فيها .. و رح يهد الصورة الاخيره له فـ عيونها ،
عشاان كذا كـآنت تبي تستفزه ،،
هي الي تبيه يعصب .. عشااان تنسحــب وهي كآرهته ، ما تبي يعاملها بالطريقة هذي الي ممكن تخليها تشفـع له .. و تعور قلبها ،


دنقت على الارض بـ أرهآق بسبب بطنها و هي تشيل التنوره الا انه مره ثـآنية مسكها من ذرآعها و قومها بطريقة شرسه ،
نآظر بعيونها وهو يهددهآ بـ صريح العبآره : لو رحتي .. مالك رده ...!


ضحكت بسـخرية و عآندته اكثر ، احسسسن .. هذا الي تبيه ، هي تبيه يكرهها فيه : ابركهآ من سااااعه .. في السنة عيدين و هذا الثالـ...!!


هزها قبل لآ تكمل و ما اهتم لـ وضعها : كلي تبببببن .. فاااهمه .. كلي تبببن ،، انتي كذاااابه ،، انتي ما تبين تروحين .. لأنك عارفه .... اني اقرب لك من كل انسـآن في الدنيآ كلها ،، عاااااارفه انه محــد يخآف عليييك كثري ، حتى رحيييييق الي انتي ما تشوفين غيرها ،، شكت فيييك . . و ساامحتيهااا ،، طيييب ليييه مو راااضية تسامحيييني انـآ ؟ لييييييييش ؟!


ضربته بقووة تبي تبعـده وهي تقول بـصوت مصرور .. و الاثنين مو مهتمين لـ وجود رحيق برآ : لأنك سلبتني كل معنـــى للفرح بحيآآآآتي .. سلبتني عمممممري ،، انت خذيييت مني كل شي حلووو .. ابســط احلآمي خليتها تنهآر قدآمي .. خليتني اشووف ايام سودآ من الرعب ،، عااارف احسسسساااسي لمآ عرفت اني حآمل ،، عااارف اني كنت اتمنـى الموووت ولآ انفضح ؟؟.. و الحين تبيني من جدييييد ؟ ليييش ؟ لهالدرجة تحبني ؟!




صـرخ بدون شعُور و هو يتألم من كلآمها .. هو عارف والله عارف . و نآدم : اييييييه . أحبببببك .. أحبببك اكثر من كل شي بحياااتي ،، انتي اغلـى من روووحي ،، والله اغلى منننني .. و لوبغيتيني امووت .. بس تتمين عندي يوم وآحد .. بموت .. تكفييين لآ تحرقين قلبي .. انا مقدر بدووونك .. مقــدر !!


و لمآ شافها بآهتة فيه و مو مصدقة الي يقُوله ، مسك كتوفها و ثبت عيونه بعيونها و كمل : عارف اني كنت اناني .. بس انتي السبب .. و الله انتي السبب ،، كنت اشووف بعيونك الكره .. و احتقر نفسي .. كنت اهاوشك على اقل شي عشان اثبت لـ نفسي انك مو احسن من غيرك .. مو عزوووز الي انتي تجيبين راسه .. بس مآ قدرت .. بعـد ما قلتي هذاك الكلآم عن هديل بغيت اذبببحك .. و بعـد 23 سنة من المصاايب الي كل يوم شكل .. يطردني ابوي بسببك انتي وبس ،، وش تبيني اسوووي ؟؟ عزمت اني احرق قلبك .. مثل منتي قآعده تحرقين قلبي




ابتسـمت بسخرية و هي تهمس وعيونها مليآنة دموع من اثر كلمة " أحبك " : و دخلت عليّ رجآل غريب ؟!


هز راسه بسـرعه و قآل بـ رجفة وآضحة : ما كااان غريب .. كآن ..... أخوك !!


فتحـت فمها مصعوووقة ،
كمل بسرعه و هو يشُوف وجههآ يصير اصفر : أخوووك الكلب هو السبب .. ادري اني انا بعـد كلب و نذل .. بس هو اكثر ، بعـد ما ظن اني .. آكرهك وابي اخلص منك .. اتصل فيني يبشرني انه لآقى لك عريس بس .... يبي مني فلوس .. سـآعتها بغيت انجننن ،، ما عرفت وش اسووووي .. كيييف اخليك تروحين من يدي .. انا ابي اكرهك بعيشتك .. بس ما ابي اخسرك .. مقدر اخسرك .. !!


بذهول من كل هالـحكي الكبييييير على مخهآ المتعب قآلت : هه .. و رحت انت ...... و ملكت ... عليّ ؟؟؟!!



ثبت جبينه على جبينها من جديد و همس بـ كل تعب : بس .. مآ كنت افكر بعقل ، كنت ابي انتقم منك بالاول



سحبت نفسها منه بهدوء و هي تقول بأبتسـآمة شآرده وهي تحط التنوره في الشنطة و تسكر السحاب : انتقمت .. و كرهتني فيك .. و فـ نفسي و بعيشتي كلها ، .. و الحين .. خلني بحآلي .. تكفى ،، لو تبي جرحي يبرى شوي .. خلني اروح .. لأني ما رح اسـآمحك .. ولآ اسآمح أخـ... .. فهد ، لو وش ما صار .. ما رح اسامحكم على الي سويتوه فيني !!


مآ تدري لو كآنت قاصده هالحكي او لأ ،
بس الي تعرفه .. انها ما تبي تتم هنآ اكثر ،
بعــد الي سمعته .. كرهته ، اييييه كرهتتته .. اصلااا هي تكرررهه ،
ولآ رح تشيل بقلبها له شي ثاني غير الكره ،


: بس انـآ .. أحبك !!


رجفت اوصآلها كلها ورفعت راسها له مصعوقه .. كأنها توها تذكرت صدى الكلمة الي قالها من شُوي ،،
بلعت ريقها و قـآلت بوجه بآهت وملآمح هـآديه : وانا اكرهك !


حآولت تسحب الشنطه .. بس هو سحبها منها و قآل بجمود : خليها ،




طلعت هي بسرعه و بيدها عبايتها و شنطة يدها ،، رحيق الي كانت جالسة مكانها وقفت بسرعة وعيونها تنتقل لـ وراها : شصار ؟



لبست عبايتها بيدين ترتجف من غير لا ترد ،، بعدها بدت تسكر الازرار وهي تقول بجمود وكأنها الحين تذكرت هذيييك الايام الي عانت فيها من عيونهم المتهمة ،، و خصوصا عيون هذي الي قدامها : عارفة من الي كان في الغرفة ؟!



رحيق ما فهمت القصد وعيونها على طول صارت على الغرفة ،، بينما هي كملت بنفس الجمود وهي تلبس طرحتها : أخوك ،، النذل فهد باااع اخته .. و سمعة اخته للـ......!!



رجفت يدها اكثر وهي تهمس بوجع بعد ما رفعت راسها وهي تتنهد : لـ عزيز ... ههه ،، باااااع اخته .. ولو هي مو غريبة عليه ، باعك قبلي ،، ههههه و عشان تحلى السالفة اكثر ،، انتي صدقتي اني مدخله رجال لـ غرفتي ،، و بعدها بفترة يجي الشيطان بصورة بشر و يعتدي علي ،، يحطممممني و يكرهني بعمري و فجأة اصير حامل منه ،،،،


تركت الطرحة وهي تناظر ذهول ملامح رحيق : إيييييه و قبل لا انسى ،، كل هذا بسبب اختي الي ما رضت تاخذني بيت خالي



رحيق فتحت فمها و بصوت مصدوم همست من قلبها : كنت خايفة عليييك ، من يضمن لك انه عيالهم ما يسوون الي سواه عزيـ...!!



رفعت يدها بوجهها تسكتها و بكل برود قالت : لو هو عارف انك واثقه فيني ما سوى كذا ، أنا ما رح الومك اكثر ، بس انتم كلكم ،، السبب بالي انا فيه الحين



كملت وهي تحس بوجوده خلفها : ذنبي برقبتكم كلكـــم



غطت وجهها بدون اهتمام و استغلت الشي ذا بنقل عيونها بين زوايا الشقة المشؤومة
و ما كانت تشوف غير صورة وحدة .
هي تبكي ،، وهو حاضنها ،،

كم و كم تكرر هالموقف ، كم و كم ما حست بالامان الا معاه هو ،،
كم ذاقت من نكهات الالم و بعدها ارتاحت على صدره !!

ما يهم ،، كل هالحكي ما يهم ،، ما رح تتغابى اكثر ، بتروح الحين !

توجهت لـ باب الشقة و رحيق بسرعة راحت وراها الا انها وقفت لما سمعت صوته يقول : ام فيصل !




تقدم لها و عطاها الشنطه بعد ما خلاها على وضع السحب : هذي اغراضها ،، و لو بغت شي او صار لها شي كلميني ،، تكفين



عزوووز يقول تكفين ؟!
هزت راسها بهدوء و سحبت الشنطة منه بخفة ،، طلعت ورا اختها و سكرت الباب و قبل لا يتحركون خطوة سمعوا صوت طيحة قوية لـ شي بعدها صوت زجاج يتكسر


عيونها بسرعه صارت على اختها الي فز قلبها بإرتياع و تقدمت بلا وعي خطوة للباب ،، لكنها تماسكت بأخر لحظة و عطت الشقة ظهرها وهي تتوجه ناحية اللفت !
















إيـه ترِگتكْ !
شَبعِ قلبْيٍ مّن ---[ أذاك
وِنفذ صبَرِرٍي , ولْا تظن بشتآقِ سسِكينِك
ولّا " ببگي ورِاك..
لاآ !
ؤؤ . . . تأگدْ مـآت فيِ قلبي آلحْنينِ‘


و مآبقى لگ فينّي ، مآ يشْفع خطاگ"
گلي تعوِوِد على بعدك
و ممتَنـه لجٍفآك
و لاتْظن بتضييق الوسسٍيعَه بَلآك
. .................................. . .تطمْن ،
گلٍ طيوٍرِي هآإجرِّت أرِضك


و

.................................[مَلت مّن فِضَااكْ] ~









.♪
.♪
.♪


















بعـــد يومين ..~!













جالسة تبتسم بمجاااملة واضحة وهي تتكلم بتعالي غريب على شخصيتها الودودة و المؤدبة ،، الا انها اكتشفت انه بعض الناس ما ينفع معهم الا العين الحمره ،، و ام روان وحده منهم


صحيح بنتها حبوبة و طيبه ،، بس تبقى امها شريرة .. وهي قاعدة تقرا بعيونها شي مزعج حييييل ،،
ابتسمت بفكاهة لما توجه لها سؤال من خالتها : نغم متى يرد احمد ؟!

و قبل لا تقول نغم شي ، كملت وهي تدور جوالها بعيونها و بطريقة متعاليه : اكيد ما قالك شي عن روحة المزرعة ، بتصل فيه انا و بشوفه!



نغم حاولت تنعم صوتها اكثر من المعتاد وهي تبتسم بسخرية خفيفه : والله يا ماما قبل لا يطلع قال ان شاء الله باجر ،، بس ما اعرف هسة شنو صار !



لوت بوزها و هي تناظر صديقتها ، بعدها نغم ابتسمت اكثر وهي ترمش بغنج : هسه انننني اتصل بيه واعرف شنو اخر الاخبار



دقت عليه وهي تناظر الشاشة بابتسامة حلووة ،، و قبل ما يرفع الخط حطت السماعة بسرعة على اذونها و بكل عفوية مصطنعة قالت : هلاا حبيبي شلوونك ؟!



لما رد ما سمع غير " شلونك " أستغرب لـ اجزاء من الثانية بعدها ابتسم بخفة وهو يرد بجمود : هلاا



تنهدت بدون وعي من نبرته الكسوله ،، وش قاااعده تسوي بعمرها هي ؟!
ما تدري ولا تبي تدري .. كل الي تبيه انها تستمتع ولو بثواني معاه و بنفس التمثيل كملت : همممم .. اني بخيييير الحمدلله ،،بـ ـ ـس احمـ ـ ـدي امي تسأل عن روحة المزرعة ،، باجر صح ؟!



هو كان فـي الشركة و مشغول حييل بالاوراق الي قدامه.. لكن اكييد ما رح ينشغل عنها و عن اسلوب التملك الجديد الي صايرة تستخدمه معااه .. بصوت باين عليه الشرود رد و كل باله مع " احمدي " الي نطقتها بهمس خجول : إيه ،، إن شاء الله



ابتسمت بإصطناع وهي تنقل نظراتها لـ عيون ام روان بشكل مباشر : أوكي .. إن شاء الله ،، بس لا تنسى تجيب الاغراض الي وصتك عليهم فدووو ،،



امه من جد وصلت معها من هالحييية مرة ولدها ، يعني هي بس تبي تليين قلب ام روان تجي بنت العنود و تخرب عليها فرحتها الي تنتظرها



هي عارفة انه البنت ماعليها قاصر ، و قايمة فيها و فـ ولدها و فـ بنتها بعـــد ،، بس هي ما تواااطنها .. كذااا بس لأنها بنت العنود ،، العنود المغرورة الي ما كانت تتمنى شي الا و صااار لها


حتى لما بغت تتزوج من شخص غير سعودي محد وقف بوجهها و قال لها لأ ،، هه و كأنها اميرتهم الي يخافون يعصون لها شي او يكسرون بخاطرها ،،

بينما هي و غيرها من بنات عوائل الطبقات المتوسطة فـ ما كان لأهلهم هدف غير الستر ...!!



هي بدت تحس بوجع بقلبها من طريقته الجافة بالكلام ،، ومن محاولاتها الفاشلة في انها تبين طبيعية ،، همست بخفوت وهي تنزل راسها شوي : لا تجي ع الغدا اليوم



استغرب اكثر ،، لكن هالاستغراب ما دام غير لـ ثواني بعدها ابتسم بأستمتآع : ام روان عندكم ؟!



تنرفزت شوي و بدون شعور وقفت وهي تقول بضيق وبصوت طبيعي وصل اسماعهم : انت معليييك زييين ؟!



مال فمه بشبه ابتسامه و هو يرتاح بجلسته اكثر ،، همس بكسل وهو متتلذ بكل نفس يوصله منها : و شفيك الحين ؟!



كحت شوي وحست موقفها بدا يصير بااايخ حيل : و لا شي .. ياللا نشوفك



ابتسم بصدق و هو يتخيل شكلها المعصب قدام عيونه ،، تنهــد تنهيدة طويلة و بعدها سكر من غير ان يقول شي



وهي من الاحراج قالت بسرعه : ان شاااء الله حبيبي بس لا تتأخر



اوهمتهم انها سكرت الخط الحين و قالت بخجل حلوو : ايه ماما يقول باجر ان شاء الله نروح



على طول هي رفعت حاجب و بنظرة خبيثة قالت لأم روان : اييييه الحمد لله اجل يا الغاليية ،، الحين ما لك حجة ،، بتجين تزورينا هناك و نوسع صدورنا



نغم رفعت حاجب هي الثانية وهي تنقل نظراتها بينهم ،، وفي النهاية ناظرت روان و ابتسمت بتمثيل : بس يمكن روان ما تتحمل الحر ،، مو قلتي هيج شي ؟!



غمضت عيونها و لفت راسها على جنب وهي تتنهد بضيق .. امها بتجنننهاااا

ماسحة بشخصيتها في الارض ، و نغـم ذكية و فاااهمه الي يبوونه ، و مثلها مثل اي مرأه .. بدت تدآفع عن حقها ،،
و هي مآلها اي عين عشان تطلب العكس .. أو تطلب من نغم تكون طبيعية معها !!

كحت و كآنت رح تقول شي لكن امها سكتتها بـ صوت قوي و هي تنآظر نغـم بنص عين : ليييش بتجلسون ضيوفكم بالشمس ؟ هقيت مزرعتكم كبيـره ما شاء الله ، و بتدخلونآ دآخل .. ورآك ما تبينا نجي ؟!


كآآآن المووووقف سخيـــف لأبعـد حد ، زمت على فمها بضيق و نزلت جوآلها على الطآولة الي قدآمها و هي تقُول بـعد تنهيده : لآ خالتي .. انتو الدآخلين و احنا الطآلعين .. هلا بيكم .. بس .... قلت يمكن روآن ما تحب تجي لأن اشوفها بس سآكته !


أم أحمــد ابتسـمت لمآ شآفت نبرتها تتحول للـتوتر .. و كأنها بدت تصحى على نفسها ،، و على ثوب الاخلاق الجديده الي لآبسته ، و الي ما يلووق لها ..!


تركتهـم و صعـدت الدرج بعد مآ استأذنت بحجة فدك ، بس في الحقيقة كآنت رح تتصل بـ أفنآن و تشوف نفسيتها ،،
و لمآ وصلت قريب جنآحها تذكرت جوآلها الي نسته ،،
كشرت بضيق و هي تلف بـ قهر : شقد ثووولة اني !


اول ما قربت من الدرج حست اصوآتهم مختفيه ، ما اهتمت و بدت تنزل ، لكن بنص الطريق وصل اسمآعها ذبذبآت وآطيه حييل ،
مو طبعهآ ابــد الفضول ولآ التنصت ،،
هي مالها شغل ،
بس ما تدري وش هالي دفعها انها تنزل اكثر من غير لا تخلي حد يحس عليها ،
ما تدري وش الي قال لها انهم يتكلمون عنها !!


صآرت تنزل على اطرآف اصآبعها ، و اول كلمة وصلتها كآنت من أمه الي قالت : صـدقيني ما يبيها !


لمعت عينها بـسرعه وهي تحس بـ انقبآض قوي بعضلة قلبها ،، وصلها صُوت روآن المتنرفز شوي و هي تقول : خاالتي .. كيف ما يبيها ، شوفيهم حياتهم احلى من العسل .. انتي ليش مو مرتآحة لها و الله هي بنت طيبـ...!!


قـآطعتهآ امها بعصبية و هي تلطمها على يدها بقوة : وجــع ياخذ العدوو يالبوومة ،، امه تبيك لـ ولدهآ و انتي قاعده تدآفعين عن مرته ،، متى بتعقلين انتي ؟؟ بتم اراكض ورآك و ادور مصلحتك ؟؟


شهقـت شهقة عنيفة نغـم و هي تحط يدها على صدرهآ ،،
ريقها جف و لسـآنها جمد ،، ما عرفت وش تسووووي ،،
من الـمقصوووود ؟؟ اي ولـــد ؟؟ تركي ؟؟؟ ولآآ ........؟!

استنـدت على الدرآبزين و هي تحس طآقتها انتهت ،، سمعت ام احمد تكمل بـ ضيق : يااا ام روآن لا تكلمينها كذا .. هي لو مو بنت اصول ما قالت كذا ولآ دافعت عن الحيية الي فووق ،، معـهآ حق ،، موب عارفتها ،، محـد عااارفها كثري ،، بس قدآم ولـدي بعد عمري تمثل انها تحبه و تموت فيه و فينآ .. و لمآ تستفرد فينا تلآقين لسـآنها يصير اطول منها ،، حتى فدك بعد قلبي ما سلمت منها .. حتى اني بديت اخاف على بنتي .. ساعات اقول يمكن تضربها !!



ابتســمت بـصدمة و هي تحس دمعة نزلت من طرف عينها اليسـآر ، غمضت عيونها و ببآلها فكرة وحده ،
ما تبي تسمـع اكثر ، الي سمـعته يكفـي ،
مآ تبي تنــذبح أكثر ،، بتوقفهم عنـد حدهم ،
مآ رح تســكت عن حقها .. ولآ رح تكون المظلومة المغلوب عن أمرها ،
أتفـآقها مع احمـد من البدآيه كآن وآضح .. ما يفكر يتزوج عليها ابـد .. و لو بغـى فـ يطلقها بالاول ،
و هذا الي بيصييير ..!!


لكنها ما نزلت غير درجة وحده و جمــدت رجوآلها مكآنها من جديد .. حست بـ صدمة اعنف من الي قبلها لمآ سمعت روآن تجزم : بس هو يحبهاااا .. !

نآظرت امها و كملت بـ قوة : يممممة قوولي شي .. تذكرين لمآ شفناهم هذاك اليوم ،، هو يبيهاااا .. و حتى لما وصلونا البيت .. كل شي يقول انه حياتهم طبيعيه و انه راضي عليها



أمه على طول قـآلت بصوت عنيف رجف اوصآل روآن .. و آوصآل هذيك الي مآسكه قلبها : بس انآ مو رااااضية عليها ،، وانا ام .. و الي اقوله يمشي على ولــدي ،


و كملت بعـد صمت قصير : تبون الحقيقة .. هو ما يبيها ، جده غصبه انه يآخذها ،، هي كآنت مخطوبة اصلا بس خطيبها يمكن خذا منها الي يبيه و تركها ،، استغفر الله استغفر الله انا مو متأكدة.. وبعدين خذآها ولدي يستر عليها .. و هو بعد عمري قال لي انه موافق انه يتزوج عليها البنت الي انا اختارها .. وانا ما شفت احسن منك له .. !!




حطت يدينها على فمها و هي تضغـط بقووووة لـدرجة حست بالالم بفكهآ ،،

لفت و بسـرعة صعدت الدرجآت تركض ،، مو مهتمه لو عرفوآ بوجودهآ ولآ لأ،، و نست كل فكرة عن ايقآفهم عند حدهم ،
هي مووو قد هالنآس الي مآ يخآفون ربهم ،
مووو قدهم !



دخلت جنآحها بسـرعه و سكرت الباب بعـدها بصوت عنيف و هي للحين مخبية صوتها ،،
دخلت غرفتها الطفوليه و هي تضرب على فمها و على صدرها من الارتيآع ،،
معقووووله هذاااا الكلآم طآلع من أحمـــد ؟؟
مستحيييييـ....ــ!

ضـآق نفسها حييل ، صارت تهز راسها بـقوة تبي تتنفس ،
عرفت انها جتها الازمة ، و ما فكرت حتى بمكآن البخآخ ،
روووحها بتطــلع ، بتمــُوت ،

طلعت من الغرفة بسـرعه و لمحت فدك فـي الغرفة الكبيره تنآظرها بتوجس من مكآنها ،
بلعت ريقها و هي تبكـي اكثر و تدور بين اغراض التسريحة ،
لمـآ لقته .. حست كأنها لـقت إكسير الحياة ،،
بسـرعه شـآهقت و هي تحطه بفمها و تغمض عيونها ،،

خذت لها اكثر من نفس و لمآ ارتاحت نزلته و حطته بـ دون اهتمآم بنفس مكآنه ، بعدها لفت راسها تنـآظر حولها بـ ضيآع ،
سمعت صوت خشن شوي ينتشلها من الي فيها : نآنة .. انتي مريضـة ؟


ثبتت عيونها عليها و بـكت أكثر ،
بعـدها ضمت جسمها بيدينها وهي تقُول بـضعف و تشاهق بين الكلمة والثانية : اييييه .. مريييضه .. كووولش مريييضة ، آآآآآه ياارب


فـدك بأحسآس طفولي قربت منها و كل الي تبيه انها تمسح دموع هالأنسآنة الي تمووت فيها !








قلتْ لي .. : مَ عآشْ منهوو يبكيييكْ ،،
عَـآشُوووووآآآآ ،،
و شِفتهُمْ ... بالحكٍيٍ ..
يجرحُوووووووووووووووونيٍ .......!!
يجرَحُوووووووووووونيٍ ....!!
يِجرحُوووونيٍ ..!!

.♪
.♪
.♪











الريموت بيدها وهي تنتقل بين القنوآت بكل مَلل ،،
كل شُوي عيونها تروح عنـد الجوآل ،،
ولآ ارآديـآ تلاقي نفسها تبتسـم بـهدوء ،،
الحيـن صارت متقاسمه معااه بـ كل شي ،، الشقـة .. الاغراض ، الجوآل
و حتى وقتــه !!

كل شي عنده .. صار لها الحق فيه .. وهو الي اعطآها ذا الحق ،،
تنهـدت بسخرية من نفسها و هي تستنـد اكثر على الكنبة و أنآملها تلعب بطرف سلسآلها ،،

كم مره سألها لو تدري شي عن اهلها ،
و الجوآب كآن وآحد .. هي ما تذكر اي شي .. كآنت صغيييره حييل ،
حتى فترة بقآءها مع العصآبة ما تذكرها ،
بس الي تعرفه من الي كآنوآ معها انه العصآبة خذتهم كلهم لمكـه ،
و بقوآ سنتين هنآك قبل لآ تمسكهم الشرطة ، و يـآخذونهم هم للـدآر ،،

و بعــد الدآر ،، بان كرههآ للحيآة المنغلقة .. بغـت تموت من الـحدود الي راسميها لهم ،
و من عديمين الضمير الي موجودين ،،
بعد ما تقدمت عائلة بطلبها للتبني ، هي رفضت بعناد ملآزم لـ شخصيتها من البدآية
و لمآ حآولوآ يغصبونها هربت .. بكل قلة عقل .. أختآرت تطلع الشآرع ، و تدور عن اهلها الحقيقين بنفسها !
بتفكييير طفولي غبي !

بعـدها .. لمـآ صار لها ذاك الموقف ،
بــذيك الليلة ،


قبل لآ تدخل بتفاصيل ذكريآتها اكثر سرت رجفة على طول عمودهآ الفقري ،،
ضمت جسمها لها و هي تتخيل الدم الي كآن مغطي السكرآن القذر الي حآول يتحرش فيها ،
قدرت له .. قتلت .. اييييه .. هي قتلت وهي عمرها ما تجآوز الـ 13 سنة !!
اصلا ما تدري كم كآن عمرها ، ولآ كم هو الحين ،
كل شي ما تــدري عنه !!
حتـى اسمها ما تعرفه ،
بس بالدآر كآنوآ يسمونها نوف . . وهي لمآ طلعت و اختآرت تكون رجآل ،،
استخـدمت اسم نآيف ،
تعرفت على ناس وآجد بهالسنين ، ، و محد منهم قدر يعرف انها بنت ،
يمكن لأنها ما قد قربت لأي جنس بشر ،
محـد قدر يقرب لها اقل من المتر ،
مطوتها موجوده .. و تعلم فيها على وجه اي حد يتجرأ ..!!

بس .. هو ،
قـــدر و عرف .. و سـآعدها ،
سآعات تخآف يكون مثله مثل غيره ،
رجآل نذل يبي منها شي وآحد ،، حتى الشقة ،
لمآ تقفلها .. تــدفع ورآ بابها كم كنبة عشـآن محد يقدر يدخل عليها ،
أو بالاحرى عشان هو لآ يجي ..!!
رغـم انه قلبها وآآثق فيييه ،
هووو غييير !!


واكبر دليل انه يبيها تخبره عن كل شي .. عسى يلاقي اهلها ،
هه .. وين بيلاقيهم ؟!
هي اصلا ما تدري من اي مكآن من السعودية هي بالضبط .. ما تـــدري ،
وش الصدفة الي تخليه يقدر يلاقيهم لها ؟!
اصلا هي ما تبي حد .. هي مرتآحة الحين ،
مرتآحة بحيآتها معاه و تحت حمآيته بعد الله !!

حتى موضوع السلسله ،، هو مو عارف عنه ،
ولو درى . . أكيييد بيفتح لها تحقيق ، وهي ما تبي !


مالت بجسمها نآحية الجوآل الي على الكنبة الثآنية ،
رفعته وهي تنآظره بـ أبتسآمة ، أنثوية ، خآصة !



على طول راحت على قآئمة الاسمآء .. و بعد بحث قصير وقفت على الاسم الي يسبب لها اشتعال " البيت "

ضحكت ضحكة خبيثة و هي تتخيل شكل زوجته لآ درت عنها ،
هي متأكده انه مو قايل لها ، ولا كآن جابها عشان تشوفها


و لأنها تحس انه هالـ " بيت " ،و الي فيه .. مآخذين تركي منها ، قررت و بدون اي تردد نفذت .. و لأنها متهوره و عنييييده ، مثل ما كآنت دآيمآ
ما تأخرت وهي تضغط على الزر الأخضر









.♪









.. ~


عنِّي ياما في مشاويرك لهيت
وكِنت أتضايق وما فِيه إهتمام
مِنِّك إنتَ حَق ولا باطِل خذيت
أصحَى مِن جَرحٍ على جَرحٍ أنام .. !












كآنت في المطبخ تسوي سلطة وهي تدندن بـ صوت عذب نآعم ،
عيونها كل شوي تنتقل للطبآخ و هي منغمسة بشكل تآم بعملها ،،
ما تخيييلت بيوم انها تدخل المطبخ .. لا و تستـمتع بشغله ، كيييف ما تستمتـع .. و الي تسويه يذوقه اغلى البشر ؟

تنهـدت وهي تبتسـم بشروود ،،
" آآآه .. يا توووركي "

ما تدري وش كثر تحب هالانسـآن .. الانسآن الي طلع عيوووونها ،
بس برضووو تحبه ،
ولو وش ما سوى فيها ما رح تزعل عليه ،
هُو .. اصلا الروح .. و ما في حد يقدر يجآفي روووحه ...!!
خله يسوووي الي يبيه فيها ،
هي بتسـآمحه .. و بتتنآزل قدآم جبروت حُبه ،
و اكيييد بيجي اليوم الي يفرح قلبها بالكلمة الي تشُوفها بعيونه ،،


وسط اجوآء الرومآنسية الي هي راسمتهآ بخيالها سمعت صوت جوآلها يرن ،
وقفت من مكآنها بـسرعه وهي تتكلم بصوت عآلي و كأنه المتصل بيسمعها : ايييييه لحــظة بس


رآحت للمغسله و غسلت يدينها كيف ما يكون ، و بنفس الاستعجآل مسحت يدينها بالمريلة الي لابستها ،،

طلعت للصـآلة الدآخليه وين ما الجوآل موجود وهي متوقعه انه المتصل هو ، تركي ،
لكنها تفآجأت لما شافته رقم غريب ،،

بحكم عملها .. كآنت كثير ما تستقبل مكآلمآت من أرقآم مو معروفه ،
عشان كذا الموضوع بالنسبة لها كآن عآدي ،،

لكن قبل ان تلحق ترد .. تسكر الخط ،،
هي برطمت بضيق شوي .. بعدهآ تحركت بالجوآل رآدة للمطبخ ،،

و قبل ان تدخله رد رن ،
ردت بـسرعه هالمره ، و هي تقول : هلا ؟!


ما وصلها صُوت لـ ثوآني بعدها سمعت صوت انثوي خشن شوي : هلا فيك .. تآج ؟؟


عقدت حوآجبها لأنهآ معتآدة على كلمة " مدآم تآج " من قبل الزبآئن ، من هذي ؟ يمكن وحده من اهل تركي : يا هلاا ايه معك تآج .. من معي ؟


لوت لسـآنها بفمها وهي تنسـدح على الكنبة اكثر و عيونها تلمع بغيره حقيقية : زوجة تركي ؟!


كآنت رح تتحرك و تكمل طريقها للمطبخ الا انه النبرة اللعوب .. و اسم زوجها خلوها توقف وهي تشدد من حدة صوتها : قلت من معااااي ؟؟



بدت تلعب بخصلآت شعرها الي طآلت عن آيآم زمآن : همممم .. مدري وش اقولك صرآحة ، بـ..ـس .. ما هنتي عليّ اشوف كل شي حولي و اسكت أكثر ..!!



عقـدت حوآجبها اكثر و همست بـ قوة : بتتكلمين ولآ كيف ؟ و بعدين من وين تعرفين زوجي انتي ؟!



ضحكت ضحكة " حقيرة " .. و مدتها بتنهيــدة طويلة خلت قلب تآج يخفق برعب ،،
بسرعه قالت من جديد وهي تحس انها بتنهار من حرقة الاعصاااب : انــتي هييي .. لا عااااد تدقيييين عليّ فااااهمه ،، و هذي طرقكم الفااشلة بطلوآ منها لأنها صارت قدييييمة .. قدييييمة حيييل



رفعت حآجب و بنفس النبرة الاستفزآزية قالت : قديمة .. بس موجوده ، دآم الرجآل موجودين .. يعني الخيآنة فـ كل مكآن !



شهقت من العبارة الصريحة هذي ،
حطت يدها على بطنها و حست انها رح ترجع ،،
بعدها رفعت كفها تغطي فمها وهي تسمـعها تكمل : والله شكلك موب هينه .. بس مدري وراه تركي يسوي فيك كذا ؟!


عصبــت من قلب ،، صارت تلف حولها بجنون وهي تصرخ بدون وعي : أنطممممي زيييين ... لا تجيبيييين طاااري زوجي على لسااانك الـ....!!


سكتت ما عرفت وش تقول ، هي عمرها ما تعودت ترفع صوتها على اي حد ،،
طول عمرها مؤدبه و محترمة حالها ،، حتى ايام الدرآسه .. و لا قد مره دخلت بهوشة ولآ بخنآقة ،
يعني اكيييد هي خسرآنة بهالنقآش !


و عشـآن ما يبآن ضعفها اكثر .. سكرت الجوآل بـسرعه و هي تتنفس بـعصبية و تحس الدم يغلي بجسمها غليّ ،،
توجعـت من بطنها و هي تهمس : يبـــــه... اهئ ،


تقدمت نآحية طآولة الطعآم و جلست عليها بـ أعيآء وهي اوصآلها كلها ترتعش ،،
حطت يدها على فمها من جديد لمآ حست بلووعة ،

و فزت بأرتيآع لمآ دق الجوآل من جديد ،،
تكهربت من الخوف و هي تشوف يدها ترتعش بجنون ،،
مسكته بيدينها الثنتين و ضغطت على رفض بكل رعب ،

مااا تبييييي .. تبــي تررركي ، تبي هو يجي ويشوف هالسآلفة ،
من هـــذي .. من هــذي ياااربي و .. الاهم وش تبي فيهم ؟؟!
لييه تقول عن تركي كذآ ؟!
من وييين تعرفه هي ؟!

بس خلهااا تقول الي تقوله ، هي ما رح تصدقها ،
مآ رح تصدقها لأنها عاارفه تركي .. و عارفه شخصيته و متأكده مليون بالمية انه اخر شي ممكن يفكر فيه زوجها هو حرمة ثآنية !!


هالمره دق الجوآل يعلن عن وصول مسج جديد .. و محتوآه كآآن " ما رح اطلب منك تصدقيني .. بس اظنك رح تصدقين عيونك ، اناا حرمته .. و جالسه بشقته الي بالـ.... لو تعرفينها ، تعالي و بتشوفينآ .. و ساعتها بس بتصدقين ! "


انهـآرت ،، بغـى عقلها يطير من الكلآم هذا ،،
صآرت تهز راسها بـرفض مجنون و هي تتنفـس بسرعه ،،
رمت الجوال بعيد عنها بـقوة و هي توقف من مكآنها بـتوتر ،،

بدون شعور صآرخت : يبببببببه .. أهئ .. من هاااااااااااااااااااذي !!!!!


ركضت بـسرعه للطبآخ لمآ وصل انفها ريحة حريق الطبخة ،،
طفته بدون تركيز و هي تلف بالمطبخ بجنون ،،
مو مصدقة ... ولآ مستووعبة و لآ اي شي ،

تفرك على جبينها بـ أصابع مرتعشه ،، و ترد تضرب على صدرها ،

كآنت .. في حآلة انهيآر تـــآم !!


رفعـت الجوآل من على الارض و شافته على حاله .. ما صار فيه شي ،،
بدون تردد .. دقت على تركي و هي ترتعش بـ رعب اكبر ،، و كأنها خآيفة يقُول حرف يخليها تشك فيه ،
لأ .. هي ما رح تشـــك .. مو تركي الي يعطيها سبب عشان تشك فيه
اصلا مو هو الي يخون ،،
هي عاارفته عـدل .. والله عااارفته !!

غمضــت عيُونها و كأنها حست بـ طعنه بصدرها لمآ طلع لها انتظآر ،
بعدت الجوآل عن اذونها ببطئ و صآرت تنآظر الشآشة بعيون دآمعة ،
بدت الصورة تتغوش عندهآ ،،
بلعت ريقها و هي تهمس : لأ .. حبيبي .. تكفى ... لآ تخليني احس بهالشعور !


تمـت على حآلها لـ ثوآني ، وآقفة مكآنها و عيونها على الارض ،
و اخترعت من جديد لمـآ حست بأهتزآز الجوآل بيدها و صوته المزعج الي خرب لها السكون ،،
لمآ شافت اسمه بالشـآشة ترددت ترد ،
بعدهآ همست بـ ضعف و هي تضغط الزر الاخضر : تركي ؟!


كآن طآلع من مكتبه توه .. لانه " نوآآآف " .. أتصلت فيه و هي تقله انهآ مريضة حييل ولآزم يآخذها المستشفـى ،
و لمآ الحين سمـع صوت تآج بهالـشكل وقف لـ ثوآني وهو يستفسر : وش فيك ؟؟


بلعت ريقها و هي تحآول تعدل صوتها : ولآ شي حبيبي .. بـ..ـس .. متى بتجي ؟!


رفع معصمه الايمن و قال برفعة حآجب خفيفة وهو يكمل طريقه : يمكن بتأخر . عندي شغل الحين ، انتي تغدي !!


شهقـت بأرتيآع ،، و هو وقف من جديد وهو يستجوبها بـصوت اقوى : تاااج ... فيك شي ؟؟ تعباانه ؟


هزت راسها بـ لأ .. من غير ان تتكلم .. بعدها استوعبت و همست بصوت خآفت : لأ .. روح لـ شغلك !


عقد حوآجبه من نبرتها الغريبة : شالسالفه ؟!


بللت شفآيفها و هي ترد : ما في سالفه .. بنتظرك ع العشا اجل ، ياللا مع السلامة !



سكـرت بسرعه من غير لا تنتظر رده ، و ركضت بخطوآت سريعه لـ فوق مو مهتمه لحملها بتآتآ ،،









.♪
.♪
.♪






إمتزج حلمي !
مع لذّة غبائي ،
............ يوم شفت الليل
فيني ينتحي
وإبتسمت : ) وقمت
أجمّع كبريائي
.............. بعد ماطاحت
ستارة مسرحي








بعـد سآعة ْ من التفكير ، قدرت توصل لـ قرار بأمكآنه انه يحآفظ على كرآمتها المهدورة ولو شوي ،
هي مووو غبية .. و عارفه البكي ما رح يوصلهآ لأي مكآن ، بالعكس ،
بيخليها بمحل ضعف اكثر ،، و بيكسرهآ بشكل اكبر ،، حمدت الله انه الي كآنوآ كآتمين على انفاسها انقلعوآ ،، لأنها تبي تخلص من هالموضوع بأسرع وقت !


دقت باب الجنآح بـ خفوت وهي مو طآيقة نفسها ،،
سمـعت صوتها تقول " تفضل " .. وبسرعه تفضلت وهي بس تبي تنهي الموضوع ،،


آم أحمد رفعت حآجب لمآ شافتها وآقفة قدآمها و باين على ملآمحهآ الفجيعة ،، بالاضافه للون الاحمر الي حول مصآدر حوآسها كلهم ، عيونها و فمها و خشمها ،، حتى اذونها مقلوب لونهم للوردي !!

كآنت جآلسه على سريرها ترتب ملآبسها و تركتهم شوي وهي تنآظرها بأستفهام : خير ؟!


حركت اناملها على ترقوتها بتوتر ، شوي و همست بصوت مبحوح : احمم .. بس اكو موضوع ، اريد اقوله الج !


ام آحمد تركت الي بيدها بشكل تآم و وقفت : شصاير ؟ احمد فيه شي ؟؟!



هزت راسها بـ سرعه وهي تقول بـ قوة : لأ .. بس .. اني ... أحــم ،

نزلت راسها شوي بعدها رفعته و كملت : اني سويت فحص ، لأني .... تأخرت بالحمل ،، ووو .. هسه خابرت الممرضة لأن جنت متفقة وياهه


ابتسـمت بسخرية وهي ترفع عيونها لها من جديد : نتيجتي سلبيه .. اني .. ما يصير عندي اطفااال !!


شكلها المبهذل .. و وجههآ المنتفخ ،، حركآت يدها المتوتره ،
كلها تدل على انها صــآدقة ،
حتى نبرة صُوتها المنهآره !!

تكذب .. لو تقول ما كسرت قلبها ، ولو شوي ،،
بس بعـدها بـ ثوآني حست كأنه " طآقة القدر " انفتحت بوجهها ،،
هي هذا الي كآنت تبيييه .. تبي تطلع منها العيبة عشان لمآ تبي تزوج ولدها محد يوقف ويقول لها وش فيها نغـــم
هذي نغـــمهم طلعت عاااااااااااقر !!

لمحت نغـم ابتسآمة خفيفة بعيون الي قدآمها ،
ابتسـآمة شبيهة حييل بأبتسآمة هذاك .. الي سبب لها كل هالوجـع لمآ اخذها !!

هزت راسها بـ شكل خفيف وهي تقول : اني ما اعرف شأسوي هسه .. وما اعرف احمد شنو رح يسوي لما يجي ..!!


مآ ردت عليها لأنها واثقة انه صوتها رح يفضح سعآدتهآ و شمآتتها ببنت العنود ،
و نغـم حست الوضع صار اسخف من اللآزم ،
تحـركت طآلعة من الغرفه من غير ان تضيف كلمة ثآنية ،
وأول ما تنفست هوآ نظيف ، ابتســمت وهي تقول بهمس : طلعت ممثلة هه .. آه ياربِي









.♪
.♪
.♪

كنت أنت ...!!
أوَّل .. و.. آخر.. [ الـجرح ] كـِلــَّـه ..
كـَـفــّـيتـْـني .. عن جرح ’ غيــــرك , ووفــّــيت ..

ذليـتـني ...!!

والحـِـب ما [ فيــــــه ] ذِلـــَّــه ..
ياليـتـــني قبـْـل ’ انفجـــــع , بـــك توفــّـيت ..










لف لها وهو يقول بهدوء : و ادينا وصلنا ، هيه في اي دور ؟؟



رفعت راسها تنآظر العمـآره و لفت لأخوها ،
بعدها تحركت من غير ان تقول شي .. هو تحرك ورآها مسرع و مسك يدها : استني بس .. تآج مين ئال انه بيكون موجود ؟؟ و بعدين انتي متأكدة من العنوآن ده ؟!


هزت راسها وهي تقول بصوت مبحوح : ايه .. قد جيت مع ابوي قبل كم سنة !

و نـآظرت البواب الي يغسل المدخل و ردت ناظرت اخوهآ : أسـأله وين شقة تركي .. !


بعـد ما عرفوآ بأي دور هي صعـدوآ هم الاثنين و هي تحس رجولها تخدر كل شوي و لآهي قادره تشيلها ،،
بلعت ريقها لمآ وصلت باب الشقة الي دلهم عليها الرجآل ،
نآظرت مصطفـى و ردت تنآظر الباب ،،
مصــطفى كآن فعلآ مو فاهم ولآ حرف ،،
هي ما قالت له غير " تعااال بسرعه ابيك .. و لا تقول لحد انه هذي انا "


و اول ما وصل بيتها طلعت له بعبايتها و قالت له يجي معها لـ هنآ ،، و للحين هو مو فاااهم شسآلفتها !


دقت على جرس الباب بـهدوء و شوي و سمعت صوت انثوي من ورآه ،
غمضت عيونهآ و كآنت رح تفقد توآزنها الا انه مصطـفى بسرعه مسكها وهو مخترع : تاااااااااااج ...!!


نآظر بسرعه للباب الي فتح و للحرمة الي ورآه ، و نقل نظره لأخته و هو مو مصدق انه هذي شقة تركي : خلينا نمشي .. العنوآن غلط


ابتســمت بـأنوثة غريبة عليها وهي تنآظر تآج .. و بس تبيها تفسخ النقآب عشان تشوف من هالي قدرت تستحق تركي : لا مو غلطآنين .. هذي شقة تركي .. هممم انتي تآج ؟!


مصـطفى نآظرها بعصبية وما اهتم لشكلها من غير عبايه .. المهم يـفهم وش قاعده تخربط : ايييه الي انتي بتهببيه ده ؟؟ انتتتتي ميين يَ ست انتي ؟!


فتحت لهم الباب على شراعه وهي تقول بعـد ما رمشت : هممم .. تفضلوآ بالاول ، ما يصير تتمون وآقفين هنا !!


تآج الي اخيرآ بدت تستوعب المصيبة سحبت عمرها من مصطفـى و رفعت سبآبتها بوجه هذي : قسم بالي رفع سبع سمـآوآت .. لآ اوريـك نجوم الظهر لو كنتي تتبلين على زوجي


رفعت حآجب و قآلت وهي تتكتف : كل ذااا و للحين مو مصدقة ؟ معااااه حق تركي بصرآحة ،، طلعتي مغفلة لأبـعد حــد !!


فــقدت اعصآبها و تحركت بسرعه نآحيتها الا انه مصطفـى مد يده قدامها و مسكها بقوة و هو ينآظر حوله : اووووش اهدي .. اهدي شوية .. دي كدااابه .. انتي عارفه تركي ايه !


حست بـكهربآء بظهرهآ ،، رعشآت مجنونة صآبت كل خلآياها خلتها تتأكد من شي وآحد بس ، هُو .. شرفْ


بالـوقت هذا بالذآت ،
قرر يوصل .. و يشوف الموقف ، بحذآفيره !!

نآظر مصطفـى بسرعه ، و عيونه انتقلت لـ هذي الي اووول مره يشوفها بالشكل هذا ، و باللبس هذا ،

لكـن قلبه مـآ اهتز الا لمآ حس بظهر الثالثه يرتعش ،
نقل عيونه لـ مصطفى من جديد وهو يقُول بـصدمة وآضحة : وش تسوون هنآ ؟؟!!


لفـــت تآج له لمآ سمعت صُوته الي ذبحها ،
فسخت نقآبها ببطئ و هي تنـآظر ملآمح وجهه المتشنجة ،
بلع ريقه على خفيف و تقـدم لهم اكثر و بدون وعي سحبها من مصطفـى و هو ينزل راسه لها و بصوت حآد قال : وش تسوووين هنااا ؟!


رجـف فمها وحست قلبها يعورها حيييل ،
ليه هالانسان مو راضي يخليها مرتآحة بحيآتها ؟!
عذبها 16 سنة من الجفآ .. و بعد ما خذآها ما قصر ،، تتوسل على كلمة حنونة ولآ على نظرة اهتمآم ،
و الحيـــن ... يـحرقها بمثل هالمصيبة .. لا و جاي يحقق معها هو ؟!

حست بالقرف من نفسها ، و منه و من كل الي حُولهم ،،
حآولت تبعده بيدهآ اليمين و يدها اليسـآر مغطية فمها ،،

حآولت تقول : وخـ...!


الا انها فقدت السيطره على نفسها و استفرغت عليه بـدون أحسآس ،،
جسمها ارتخى كله ،
وهو مسكها بسيطره اكبر وهو يصـرخ بـ " نوف " : وخررري !


دخلت هي و هو بسرعه حمل تآج وبحركآت متوتره توجـه فيها للحمآم ، وكل عرق بجسمه ينبض من الـخوف عليها ،
وووووش مفكره الحين هي ؟!

هالــحقيييرة وش قاايله لها ؟!
معقوول هذآ كله سينآريو منها عشان تخرب بينه و بين زوجته ؟
اتصلت فيه و خبرته يجي لأنها مريضه ،،
و الحين هي قدآمه بأبهى حُلة !

تـآجْ كرهت نفسها و كرهت الموقف الي هي فيه ،
كـآنت تبي تدفه عنها بس ما قدرت .. مالها حيييل او طاقه ،
ما تقدر .. للحين تحس بالقرف ، مو مصدقة تركي .. له .. غيرها !!


وقفها هو بسرعه عند المغسلة و بدآ يغسل لها وجهها و يدها بدون اي احسآس بالاشمئزآز ،
هالشي ذكرها بـيوم أختطآفها لمآ صار يمسح لها وجهها ،،
كأنه الصورة تكررت ..
بس زمآن .. كـآن بعينها كبييير ، و الحين خلآص .. طآح من برجه العآجي !!

كـآنت خلقة مو طآيقة نفسها ، تبيييه يتركها بوسخها بقرفها ،،
تبيييه يبعـــد ،،
بس هو كمل شغله بأصرار و هو يبعد يدها الي تحآول تمنعه ،،
مسح لها عبايتها شُوي و عيونه تنتقل لـ وجههآ الي امتلآ بالدموع فجأة : تآج .. اهدي .. ترا ما في شي .. صدقيني !


بس هذا الي قاله ، بعدهآ تركها شوي عشان يمسح الاثار على ثوبه ،،
هي ابتعــدت عنه و بخطوآت سريعه طلعت من الحمآم ، و صارت بوجههآ هذييك الي جت لهم و معاها ثُوب له !!


المنظر كله كآن غلــط ،،
هزت راسها بـ لأ .. و صرخت من قلبها : ليييييييييييييييش ؟؟ انا وش سوووووووووووويت لك لييييييييييش ؟؟!!!!!!








كيف يسمح لك ضميرك
تنحر القلب الكسير .. ..!


.......، كيف تطغى فوق قلبٍ ..
في الهوى ماحب غيرك ؟!.


كيف تهدم حلم عاشق ،....
في طرف رمشك ... أسير ..!

...... ، فوق عمق الجرح فيني !!....
..{ كيف يسمح لك ضميرك ..؟ !














.♪
.♪
.♪







وشلون جآرح .. و أنـت لـكـ قلـب حسـآس ؟!
وشلـون سَهْـل .. و كــل معـآنـيـكـ صعـبـه..؟!
وشـلـون متعــآلـي .. و يغـلـونـكـ الـنــــآس ..؟
وشلـوووون جِــد .. و مـآخـذ الـكـــّل لعـبـه!
بكـ ضعْف (طيّب) .. طيبته ( خد ) منـدآس !!
و سطوة (مَلِكـ).. كــآسـر بهـآ خَشـم شعبـه..!!










مو مستوعب للحين الي سمعه من امه " ليه ما قلت لي عن الي فـ زوجتك ؟ ! "


آول فكرة جت فـ باله ، هي موضوع الاختطآف .. كآن رح يختنق من الصدمة .. الا انها لمآ كملت ريحت قلبه ولو شوي " تظن اني بتشمت فيها عشان العيال ؟؟ ! "


صحيح ما فهم وش القصد الحقيقي .. بس الاهم انه السالفة مو نفسها القديمة الي تحرق الجوف ،

دخل جنـآحهم و هو باله كله عندها ،،
شـآف باب الغرفة الرئيسية مفتوح ،، وقف عنده شوي و عيونه عليها وهي نآيمة ... على سريره ،
و بحضن اخته !!

حس قلبه طآح من الرعب ، شفيها ؟!

تقــدم بخطوآته الوآثقة و هو يقول بصـوت ثقيل : شـ صآير ؟!


فدك بسرعه رفعت راسها له و هي تقول بـخوف : أهممممد .. نااانة مريييضه .. كله تصييييح .. تعااال شووفها !


قرب اكثر لين وصل السرير و عيونه تنتقل على وجههآ المنتفخ ،
عرف انها صاحية من صوت تنفسها الوآضح و من ترميشها المستمر ،
عيونه دآرت بالغرفه و مثل ما توقع .. شآف البخآخ مرمي على التسريحة .. يعني جآتها الأزمة ،
طيييب لييه وش صااير ؟!

جلس على طرف السرير وهو يقول بصوته الكسول : نغم .. وش فيه ؟!


مآ توقـع .. ولآ بأسوأ افكآره انه ردة فعلها بتكون كذا ،،
فجأة قـآمت من حضن اخته و ثآرت عليه و هي تدفه من على السرير بقوووة : وخــــر .. بععععد عننني ياللا رووووح ..وخــر .. انت بعــد لا تحجي وياااااايه .. وهسسسسه .. تعرررف شنووو هسسسسه .. هســة تطلقننننني .. تره قلت لأمك اني ما يصييير عندي جهاااال .. وياللا طلقننننني !!


بالويل تمـآسك عشان لآ يفقد توآزنه و يطيح ، تعدل بجلسته و مسكها بقوه من ذرآعآتها و هو يصرخ بصوت مكبووت : شفيييييك ؟؟ وش صااااااير معك ؟؟



بدت تضربه بقبضتها وهي تبـكي بجنوون : وخـر عني .. اقلك وخر .. ماااكووو داعي هالتمثييل اكثر ،، مااااكووو داااعي .. خـلآآص .. عرفت كل شي .. بس اسمعننننني زييين .. رح تطلــقني .. تفهــم شنووو يعني تطلقنـــي ؟! واليووووم .. وهسسسسة هسسسسة .. معليييه هسسسسسة !!


كـآنت ثآيرة بشكل مجنون .. مو حآسه على نفسها و لآ على اي حرف تقوله ،،
و هو كـآن مصدوم من فقدآنها السيطره على اعصآبها مثل دآيم .. بدون شعور ضربها كف عشان تصـحى من الي فيها ،


بعدها نقل نظره لأخته الي باين عليها الخوف و تكلم بصوت هـآدي ولآ كأنه فيه نآر تصلي بدآخله : فدك حبيبتي روحي غرفتك !!


بخوف نزلت من السرير بحركآت متوترة و لبست شبشبها بالمقلوب وهي مو مصدقة المنظر الي قدآمها ،،

آول ما طلعت من باب الجنآح شـآفت امها وآقفة قريب ،، أول ما شافتها استغربت وجودهآ عندهم و قآلت بسرعه : وش تسووين دآخل ؟


الخوف الي بدآخلهآ ازدآد ... هزت راسها وهي تقول بصوت مخنوق : اهـمد .. يضرب نغــم !!


انفردت ملآمحها و هي تبتسـم بـرفعة حآجب ،
عضت على شفتها السُفلى وهي تقول بـهمس : والله .. هه ، تسلم يمينه .. بتصل بأم روآن و ابرد قلبها !!


بينمـآ دآخل ،
فـ بعد الكف حست على نفسها شُوي و هي تشآهق كل شوي ،
عمره ما شااافها تبكي كذا ، غير يوم الي ضربته بالسكينة !!

تم مآسك ذراعها و قـآل بـصوته الخافت : وش صاير معك ؟ عمتي ولآ سيف فيهم شي ؟!



رفعت كفوفها لـ وجهها و صارت تبكي اكثر لـدرجة هو حس بـ ألم صدره ،
بلع ريقه و سحبها لـ حضنه : خلاص .. اهدي شوي و قولي لي .. وش صار ؟



وخرت يدينها لأنها حست بآلخنقة و بدون شعور صـآرت تمسح وجهها بـثوبه ،
هو ابتسـم على هالحركة العفوية وصار يمسح على شعرها بهدوء ،

بعدها رفعت راسها له و قآلت بـ رجفة : ليش تسووي هيج ؟ لييش فهمني الله يخليك .. . . عوفني .. انت ما تريدني !


مسح على راسها من ورآ ، و بدآ يلعب بتلذذ بجذور شعرها : متى بس تنسين الموضوع هذا ؟!


غمضت عيونها و نزلت الدموع من عيونها اكثر : انت ليش قلت لأمك ؟ ليييييييش ؟!


عقد حوآجبه وهو يميل راسه بتسآؤل : وش قلت لها ؟!


نزلت عيونها بس هو ضغط على جذور شعرها من جديد عشآن ترفع راسها ، لمآ نآظرته قـآل من جديد : وش صاير معك اليوم ؟؟ قولي لي كل شي !


ابتســمت و همست وحلقها يعورها : امك قالت لـ ام زففففت انه جدي غصبك تتزوجني .. و انه .. آآآه .. أهئ


غمض عينه و لف راسه على جنب وهو يتنهـد بعصبية ،، أمه .. ليش مو ناوية تتركه بحآله ؟!


كملت بنفس البكي وهي تمسح دموعها بظهر كفها بـ طريقة اقرب للطفوليه : وانه .. آني جنت مخطووبة .. و وو و انت اخذتني .. حتى تستر على غلطتي ويه خطيبي الي عااافني !!


فتــح عيونه بـ إتسآع و هو يحس اعصآبه على وشك الانفجآر : انتي وش تخربطييين فيه ؟!


دفته من كتفه تبيه يبعد و هي تقُول بـصوت مخنوق : هذاا الي سمعتــه .. لا و بعـد ترييييد تزوجك روآآآن .. يالللا رووووح اخذهااا .. روووووح .. شتسوووي بوحده ما بيهااا اي فااائده ، عوووووفني !


مسك وجههآ بيده وبدا يمسح دموعها بـ شوية عصبية : أنطمي .. انطمي يالغبيه .. انتي صدقتي هالكلآم ؟؟


دفته من جديد و هي تصـآرخ : ايييييه صدقـــته و ليييش ما اصدقه .. انت من البدآآآية ما تريييدني .. بس ما قدرت تقول لأمك الصدق .. سووويت لك هااي القصـ....!!


سكتت لمآ دفها هو بقوه على السرير و وقف من مكآنه ،،
صدره كآن يرتفع و يهبـط بسرعه و انفآآسه حاااره حيييل ،،

هي تكورت على نفسها وهي تشووفه ينآظرها بغضب اول مره تشوف اشتعاله بعيونه : هذي هقووتك فيني ؟؟؟؟ أفـــآ بس !!


صـرخت من جديد وهي تشوفه يعيطها ظهره و يطلع من الغرفه : إييييييه هذاااا انت .. ما ترد على اي شي اقوووله .. اي شي ما يعجبـــك تطننننشه . . رووووح ياللا رووح و قوول لأمك تخطبهااا الك .. رووووووح افرررح بعروووستك .. روووووووح !














.♪
.♪
.♪






{.. نِهَآيةْ النَكهَةْ الوآحِدَة و الثًلآثُونْ..}







فـ نكهةَ لَذيذةْ


دّمعّةْ يتيِمةْ


بحفظْ آلرحمَنْ

هــــــــــــلآآ حبااايبي

مشكووورين على وقفتكم معاااي بـــكل خطوووة ،،

الله يسعـــدكم ولآ يخليييني منكم ياااربْ

أن شااااء الله الااااااقي ردووود تهبببببل فيني و تطييير عقلي مثل ما انا تعببببببت و تكسسسسرت بسبب النكهة الطويييييلة


بس بغيت اخبركم خبر موو حلو ابــد ،،
صاار عندي انزلآق بفقرااات ظهري ،، أهئ .. يعني صرت معااقه هههههه

لآ جد حبااايب ادعووولي ربي يشااافيني لأني جد متأأألمة ،،
حتى جلستي الطويله على اللاب معووورتني بس وش اسووي ،،

أدعووولي حبااايب ..
و مثل ما قلت لكم ،،

ابييييكم تفرحوووون قلبي بـ ردوووود تنسيييني الدووونيآآآ


الله يتقبل صيآمنا و قيااامنـآ اجمعيييييييين ياااربْ

السلام علييكم

حبيبتي ماتشوفي شر ياااارب والله يشافيك وكل مسلم

هونيها ياقمر قدامك العافية ان شالله

وبالنسبه لبارت

يجننننن ويهببل وكل شي بسسس يوووجع

تاج وتركي

حصصصل اللي كنا متوقعيننه
ولا هقيتها من ذا البنت المطيوورة
لكن ان شالله ابو تاج يتدخل ويحل المشكله
وكله كووووم ومسكتها لثوبه كوووم ثاني اشفقت ع رتوجه والله
الله يصبرها


احمد ونانه
ليييه يانانا ماكنا كويسين من الاول
لو بس تفتحي عيونك شوي على احمط وتشوفي تصرفاته معاك
صحيح بخيل بالكلام بس غيري طبعه انتي
بس جد تعور القلب لما سمعت كلام امه الغثيثه

عزيز وغصووون
غبيه غصووووون ليش تسوين كذا
ساعديه تبنين حياتكم من جديد
فكري ان مو باقي لك الا اهو
اذا الله يغفر ويسامح سامحي انتي ويكفي قساة قلب
رأفة باللي ببطنك ع الاقل
عزيز حالة الرجال اللي كذا ماتسررر
يعور القلب ضعفه
حني عليه غصوووووووون


نووووف ماتوقعنا هالحركات منك
شتبين بالمره
الرجال امن لك الحياة كذا تجازينه !
الله يعينك ياتريك وتستاهل كان فاتحت رتوجه بالموضوع من الاول
لكن هذا انت علطووول غاااامضضض


ميار وعبدالله
مالهم طاري فقدناهم ولو ان حالتهم
تعور القلب
بس نظل نشتاق حق اخبارهم



ووووووبس بارررررت يجنن وطووووويل ويروي عطشنا
تسلمي لنا دمووووعه
ماتتخيلي شقد فرحتنا فيه
الله يخليك ويشافيك يارب